أخوي غير كل الاولاد ..

[الروح المسالمة]

السلام عليكم ورحمه الله وبركاته

أنا وأمي وأخواتي حاولنا كثيرا ان نساعد أخي لؤي بكل الطرق
ولكن اخي لم يتغير ..وعدم خبرتنا أكيد السبب... أتمني من كل قلبي أن أجد الحل عندكم

أمي كانت تحلم انه ربي يرزقها بولد ..و لؤي جاء بعد 6 بنات ..وأمي لما جاء فرحت ودلعته دلع محد يتخليه ..

طبعا الاخوان أحيانا يسير بينهم مشاكل ويتخاصموا ..أتذكر كان لؤي لما يتخاصم معانا أمي كانت تدافع عنه ((بدل ماهو يدافع عن نفسه )) حتى لو انه غلطان ؟؟

ومن كثر محبه امي لاخوي لؤي ..ماجابت بعده ... خافت انه يزعل ..لكن لما أمي لاحظت ان أخوي لؤي من كثر ما يجلس معانا((البنات)) سار متأثر فينا ..خصوصا اننا ما نختلط مع جيراننا وساكنين بعيد عن اولاد أعمامي ولا أولاد أخوالي.. وابوي عصبي وماكان يجلس مع لؤي كثير ....فجابت أمي أخوي سامر ( لما كان عمر لؤي 6 سنوات ) وبطلت تدلع لؤي ..

رغم ان لؤي ماشاء الله متفوق جدا بدراسته وكل الاساتذه يشهدون بأدبه في المدرسه.... لكن المشكله أن لؤي خجووول لدرجه مو معقوله.. .. عمره اليوم 18 سنه .. ماعنده صداقات خارج حدود الدراسه((عكس سامر الي مكون عصابه في المدرسه وعصابه في الحاره )) ..مايخرج ابدا من البيت ..((عكس سامر الي نقفل الباب عشان ما يخرج)) ومايقدر يعتمد على نفسه ابدا ... في أشياء الانسان يتعلمها بفطرته أخوي لؤي يحتاج اننا نعلمه اياها ...

مثلا الانسان بنفسه يحدد هواياته ..لؤي احنا لاحظنا انه ماعنده اهتمام بأي شيء وأن كل الاولاد الي بسنه عندهم هوايه .. قلنا له لازم تحب شيء عشان تتسلى فيه ..واشترينا له ألعاب بلاي ستيشن وأشرطه مصارعه وتابعنا الكره ومجلات السيارات ..وفي الاخير عجبته كره القدم وسار يتابعها بشكل مو طبيعي يعني ينفع يشتغل محلل رياضي ماشاء الله عليه ..

ومثال ثاني..رغم ان الانترنت شيء يشد كل الناس .... لؤي ما إهتم ابدا بهذي التكنولوجيا ولا ايش هي ولا ايش تسوي وايش فيها وايش مافيها ..ولا حتى حاول انه يتعلمها .. لما أنا جلست معاه وقلت له انه لازم تتعلمها .. طلب مني أعلمه كيف يستخدمه ..

((على عكس أخوي سامر 11 سنه ماشاء الله عليه عنده صداقات و شخصيته قويه ويفرض نفسه في البيت ويحب يعرف ويتعلم كل شيء ..))


أنا أخاف بكره على أخوي كيف بيتأقلم مع المجتمع ..كيف بيشتغل ويتحمل مسؤوليه في شغله ..كيف لما يتزوج ..معقوله طول عمره بيحتاج أحد يعلمه ؟ والين متى ما يفرض نفسه في البيت والمجتمع ويفرض آراءه ويدافع عن وجهه نظره ؟؟ خصوصا انه رجال يعني لو سارت له مشكله لا قدر الله ..وراح الشرطه ..كيف يدافع عن نفسه ؟؟
​

 

[الروح المسالمة]

معقوله (( 67 )) مشاهده ...ولا رد واحد !!

الله يسعدكم و يجزاكم خير .. أحد يريح لي بالي

يعني في أحد اخوه او احد من معارفه كان مثل اخوي وتغير

وكيف أقدر أساعد اخوي وأخليه يعتمد على نفسه ؟؟؟