أخواتي أفيدوني بحل قبل ماأموت

[طيف أمل]

السلام عليكم ورحمة الله وبركاته
حبيباتي ساعدوني أنا متزوجه من خمس سنوات وهذا أول حمل لي بعد هذي الفترة
طبعا أنا سليمة والمشكلة عند زوجي.
المهم قبل فترة تقريبا شهرين سمعت أنه خطب بنت خالته أنا مصدقت وسألته ضحك وقال مين قاله قلت خالي قال من مين قلت ماأدري ...المهم قال ماهو صحيح أنا دايما أمزح وأقول أبتزوج يمكن صدقوا.......<الزبدة أنا حاطه أعصابي بثلاجة لأني عارفة أولا أنه يحبني ولايمكن يستغني عني وهو دايما يقول الاطفال مو أكبر همي أهم شي إنك فاهمتني ويحلف حلف أنه ماياخذ علي ثانياالعيب فيه....
أمس رحت لأمه وهي طيبه مرة وقالتلي أنه خطب ومو أول مرة يخطب قبل سنتين قالي ورفضت ويقول عنك طفشتني كل يوم ودني أهلي وهو والله يكذب مااروح ألا مرة في الاسبوع ولا يمكن أنام عندهم ألا أربع مرات في السنة.........
والمرة الثانية السنة هذي وقالت زوجتك مافبها شي ولاراح تلقى مثلها قال أنا عارف لاكن أبغى أجرب يمكن يجيني أطفال طبعا خالتي رفضت وراح من وراها وكلم خالته ماعندها مانع لكن البنت رفضت
تقولي خالتي أني دايما أسبه عند خواتي ولاراح يزوجوه لأنه عصبي بخيل ألفاظه شينة يضرب أخواته فقير مديون حتى شقته ماكملها
سؤالي
كيف أواجهه لي يومين أحس أني مخنوقه إذا شفت وجهه خلاص أحس الدموع بتنزل لاأكل ولانوم وخايفه على البيبي ماأدري كيف أبدا واللي يزيد الطين بلة اليوم بعد ماصحى من النوم قال تحلمت أني قاعد أسولف مع وحده من خالاتي أنا خلاص أحس بيغمى علي من القهر ومرة ثانية قبل شهر بعد يقول تحلمت أني نايم مع بنوته وقاعد أمص شفايفها...... بالله وش تسوون لو كنتم مكاني

ابقولكم عن تعاملي معه....مثل مايقول مافيه مثلك كل شي تمام ولاقصرت معه بشي أبد لكن ليش يكذب ويحلف أنه يحبني ولاراح يتزوج علي حتى أهلي مايدرون أن العيب منه
تكفون أخواتي ساعدوني وش أقوله وكيف أبدا والله حتى أهلي مايدرون أن السالفة صحيحه على بالهم أنها إشاعة مثل ماقلتلهم
اعذروني حبيباتي على طريقة الكتابة والاسلوب الغير مفهوم لكن من القهر والنار اللي في صدري والله أكتب واللاب توب كله دموع:icon1366: ردوا علي في اسرع وقت
وجزاكن الله ألف خير

 

[ام سلملم]

اولا اسم الله عليك من الموووووت


ثانيا بصراحه يا اختي خربطتيني الحين اشلون تقولين العيب منه وهو مايفكر في عياال وانت الحمد لله حامل

يعني هو مو مسالت عياال هو حاط في باله حاجه ويبي يسويها

حاولي حتى وانت حامل تسدين فراغ هالتفكيربشئ ينشغل فيه

فيك انت وانج محتاجته والبيبي محتاجه

واهم شئ نفسك يعني اهتمي بصحتك وبالبيبي

ومو لازم تواجهينه

 

[احلى من العسل]

قعدي معاه وكلميه وقوليله صارحني بكل شي
وبعدين ليش يعرس عليج وانتي الحين حامل منه

 

[جورية الخبر]

غاليتي ..
اذا ما راح ترتاحين الا لما تكلميه .. كلميه وحطي النقط على الحروف ؟؟ وخليكي حازمة معاه .. وقولي له انا لما عرفت حبيت احذرك ..لانه لو عرف انك عارفة وساكته راح يستسهل الموضوع ..
وانتبهي لنفسك .. الزم ما عليك صحتك ..
تقبلي مروري
وقلبي معك​

 

[واثقة]

طيب انتي حامل ..


ليش يفكر بالزواج؟؟

 

[طيف أمل]

شكرا على ردودكم بالنسبة للخطبة أتوقع إنها من زمان يعني قبل ماأحمل لأن أمه تقول أني لاحظت أن له حوالي 3شهور ماجاب سيرة الزواج ولا الحريم.
أنا اللي قاهرني أنه متناقض عندي كلام وعند أمه كلام علشان يقنعها أنها توافق وتصير بصفه.

 

[حور الكويت]

نفس سالفتي بالضبط بس اللي غير فيها . حنا عندنا عيال. وذابحني كل يوم يروح يخطب اخرتها يوم عطوها الناس فركشها ربي من عنده . وهذا بسبب تحاليله اللي سواها طلعت البلاوي اللي كنت انا ساترتها. اخرتها تزوج مغربيه عرفي.ويقول انه طلقها. وانا اشوف انه تتصل فيه وتدز له مسجات. مع العلم اني اجمل منها وااصل منها وجامعيه وكشخة بس مشكلتي الحظ منسدح.

 

[رامااا2009]

عسى احد يفيدك
انا مني الدعاء ( الله يعينك

 

[حنونه وايد]

مرحبا حبيبتي انا من رايي اتصارحينه وتفهمينه انك متضايقة من مجرد تفكيره بالزواج حتى لو كانت فكرة قبل الحمل لأنه أكيد هو عارف انه الخلل فيه مش فيك وانك صبرتي لأنك اتحبينه وانه لو أستمر يفكر بالطريقه هذي راح يخسر حبك واحترامك له.وان انتوا مقبلين على شي كنتوا تنتظرونه من زمان يعني لازم هو ايكون عند حسن ظنك ويحاول يستمتع معاك بفترة الحمل والأستعداد للبيبي.والله ايوفقج ويسعدج يارب.

 

[محرومه من زوجي]

حبيبتي الصراحه راحه

 

[ايامي كانت حلوه]

الله يفرج همك ياحي ياقيوم
طيب هو مايدري انك حامل..؟