سفيرة سلام
New member
- إنضم
- 8 مايو 2008
- المشاركات
- 6
السلام عليكم
مو عارفة كيف ابدأ لكن قلبي واجعني على أختي حكاياتها بدأت من قبل 3سنوات اتخطبت من عيلة سمعتها واخلاقها طيبة وملكت وفي فترة الملكة مدتها تقريبا 8 شهور ما كانت تلاحظ أي شي غريب على زوجها كل اللي كانت تعرفه -واكتشفنا اسبابه لاحقا بعد زواجها- انه ابو زوجها كان يمنعه من طلعات مع اصدقاء فما كان عنده اصدقاء الا قليل وكنا نفكر شي عادي مجرد شدة وانه بعد الزواج انت حر في حياتك ....وما كان يحصل بينهم اي شي ايام الملكة ولا حتى لمس كان حده البوس وكل شي يقول بعدين بعد الزواج رغم مرة حكتلي اختي تعب وراح الدكتور وقله الدكتور ابعد عن خطيبتك شوية عشان هذه اعراض انه بشوفها وما بينهم جنس.... وطبيعي بحكم مافي تجربة ماكانت تفهم اذا هذا برود معاها ولا فقط زي ما يقول خليه بعد الزواج ....المهم ماكان يخطر في بالها الانسان دا اللي هو زوجها الان يميل للرجال زيه و وانه هو المفعول بيه .....و شكت فيه بعد الزواج من صور ومسجات غريبة على جواله وبعدين حصل موقف اكد لها ممارساته ولدرجة مرة جاها التهاب غريب في فخوذها بعد الجماع معاه يمكن كان عدوة ....وتركت بيتها وجلست عندنا فترة وتدخلو اهله واهلي لكن للاسف الاهل بس يبغو يداروا واصبري يا بنتي هذا كلام امي زوجك طيب واهله ناس طيبين وان شاء الله بتغير ,كله بس عشان ما يصير طلاق وبينهم طفل..... هذا اللي صار بعد طفلها الاول ورجعها ووعدها بتغيير و المصيبة انه يحبها ويقلها انا ما اقدر اعيش من دونك كيف تفكري تتركيني انسي طلاق انا ما اطلق ويبكي خلاص انا اتغيرت (وباين عليه صادق في مشاعره لكن للاسف ضعيف امام ده الرغبة الشاذة).... و صارحها بعد فترة انه مو قادر لما يشوف شباب حلوين بتعب وانه البنات ما يغروه الا هي (هو طبعا يمكن يقلها بس كده عشان ما يبغى يجرح مشاعرها) والان عندها طفل ثاني لكن ما مسكت عليه شي بعد ما وعدها لكن صارت تشكيلي الجنس بينهم شبه معدوم وحاسة بحرمان شديد يمكن مره كل شهر ومرات كل شهرين مرة, تقلي احساس مؤلم انك تجربي الجنس وبعدين تتحرمي منه (اتصدمت مرة لما قالت لي الواحد ممكن يفكر في الغلط من كثر العذاب اللي عايشته وانا خايفة عليها ونصحتها وقلت لها اتقربي من الله واستغفري كثير وادعيله ربي يصلحه وربي يثبتك)
بالاضافة شخصيته نتيجة هذا الشي مافيها رجولة ولا تحمل مسوؤلية كل اعتماده على اهله .....سبحان الله الناس تشوفها تحسدها على اهل زوجها غنى ومبسوطين ومايدروا حتى اكل لاولادها ما تلقى بالايام غير تروح تاكل عند اهل زوجها لانه ابوه بعطيه راتب وبالقطارة وحتى لما تجي الفلوس في يده ما بحسن في الصرف تضيع على كماليات
لكن كلمة الحق الميزة اللي فيه كشخصية انسان راقي وحساس وحنون في تعامله وطيب جدا وحتى ولده اللي عمره سنتين بحسن تربيته وبعطيه من وقته واهتمامه حتى الناس لما تشوف ولده يقولو ماشاء الله تبارك الله طفل مؤدب ما تعطيه حق سنتين... ايش الحل فرأيكم؟ هي تفكر في الانفصال؟ وتقلي مرات خلاص ما ابغى حتى جنس بس خليه يعطيني فلوس واصرف على نفسي واولادي ويفكني خليه يروح يعمل اللي يبغاه
وأنا كمان الصراحة صرت متعقدة من وضع أختي صرت اخاف يجيني زوج حتى لو ما كان شاذ كيف راح اعرف اذا هو انسان طبيعي ولأ عنده ضعف جنسي ولا مشكلة صحية وهذا الشيء ممكن يدمر الحياة الزوجية
أدعو لها ربي يفرج همها
مو عارفة كيف ابدأ لكن قلبي واجعني على أختي حكاياتها بدأت من قبل 3سنوات اتخطبت من عيلة سمعتها واخلاقها طيبة وملكت وفي فترة الملكة مدتها تقريبا 8 شهور ما كانت تلاحظ أي شي غريب على زوجها كل اللي كانت تعرفه -واكتشفنا اسبابه لاحقا بعد زواجها- انه ابو زوجها كان يمنعه من طلعات مع اصدقاء فما كان عنده اصدقاء الا قليل وكنا نفكر شي عادي مجرد شدة وانه بعد الزواج انت حر في حياتك ....وما كان يحصل بينهم اي شي ايام الملكة ولا حتى لمس كان حده البوس وكل شي يقول بعدين بعد الزواج رغم مرة حكتلي اختي تعب وراح الدكتور وقله الدكتور ابعد عن خطيبتك شوية عشان هذه اعراض انه بشوفها وما بينهم جنس.... وطبيعي بحكم مافي تجربة ماكانت تفهم اذا هذا برود معاها ولا فقط زي ما يقول خليه بعد الزواج ....المهم ماكان يخطر في بالها الانسان دا اللي هو زوجها الان يميل للرجال زيه و وانه هو المفعول بيه .....و شكت فيه بعد الزواج من صور ومسجات غريبة على جواله وبعدين حصل موقف اكد لها ممارساته ولدرجة مرة جاها التهاب غريب في فخوذها بعد الجماع معاه يمكن كان عدوة ....وتركت بيتها وجلست عندنا فترة وتدخلو اهله واهلي لكن للاسف الاهل بس يبغو يداروا واصبري يا بنتي هذا كلام امي زوجك طيب واهله ناس طيبين وان شاء الله بتغير ,كله بس عشان ما يصير طلاق وبينهم طفل..... هذا اللي صار بعد طفلها الاول ورجعها ووعدها بتغيير و المصيبة انه يحبها ويقلها انا ما اقدر اعيش من دونك كيف تفكري تتركيني انسي طلاق انا ما اطلق ويبكي خلاص انا اتغيرت (وباين عليه صادق في مشاعره لكن للاسف ضعيف امام ده الرغبة الشاذة).... و صارحها بعد فترة انه مو قادر لما يشوف شباب حلوين بتعب وانه البنات ما يغروه الا هي (هو طبعا يمكن يقلها بس كده عشان ما يبغى يجرح مشاعرها) والان عندها طفل ثاني لكن ما مسكت عليه شي بعد ما وعدها لكن صارت تشكيلي الجنس بينهم شبه معدوم وحاسة بحرمان شديد يمكن مره كل شهر ومرات كل شهرين مرة, تقلي احساس مؤلم انك تجربي الجنس وبعدين تتحرمي منه (اتصدمت مرة لما قالت لي الواحد ممكن يفكر في الغلط من كثر العذاب اللي عايشته وانا خايفة عليها ونصحتها وقلت لها اتقربي من الله واستغفري كثير وادعيله ربي يصلحه وربي يثبتك)
بالاضافة شخصيته نتيجة هذا الشي مافيها رجولة ولا تحمل مسوؤلية كل اعتماده على اهله .....سبحان الله الناس تشوفها تحسدها على اهل زوجها غنى ومبسوطين ومايدروا حتى اكل لاولادها ما تلقى بالايام غير تروح تاكل عند اهل زوجها لانه ابوه بعطيه راتب وبالقطارة وحتى لما تجي الفلوس في يده ما بحسن في الصرف تضيع على كماليات
لكن كلمة الحق الميزة اللي فيه كشخصية انسان راقي وحساس وحنون في تعامله وطيب جدا وحتى ولده اللي عمره سنتين بحسن تربيته وبعطيه من وقته واهتمامه حتى الناس لما تشوف ولده يقولو ماشاء الله تبارك الله طفل مؤدب ما تعطيه حق سنتين... ايش الحل فرأيكم؟ هي تفكر في الانفصال؟ وتقلي مرات خلاص ما ابغى حتى جنس بس خليه يعطيني فلوس واصرف على نفسي واولادي ويفكني خليه يروح يعمل اللي يبغاه
وأنا كمان الصراحة صرت متعقدة من وضع أختي صرت اخاف يجيني زوج حتى لو ما كان شاذ كيف راح اعرف اذا هو انسان طبيعي ولأ عنده ضعف جنسي ولا مشكلة صحية وهذا الشيء ممكن يدمر الحياة الزوجية
أدعو لها ربي يفرج همها