أختكم محتاجه مشورتكم تكفون ساعدوني

[أبتسم بس أكآبر]

السلام حبوبات

ياريت تفيدوني وتنصحوني وش اسوي

بخش بالموضوع بدون مقدمات

خيطيبي يدرس بره
ودقيت عليه وكان صوته نايم قلته يؤ شكلك نايم أسفه اني أزعجتك
قالي لا مونايم صاحي
الموهم جلست اسولف معه أقوله جذي يقول ها اقوله جذي يقول ها
قلت له شفت انك نايم جان قلتي دقي بعدين جالس تفط خيط وخيط وجلس مدري وش يقول وقلت له يلا مع السلامه وسكرتها
وبعدين رسلت اعتذر له

وأدق عليه 3أيام ولا رد لي خبر وربي قهرني المفروض أنا الي أزعل

وبعد 6أيام كنت بالدوام الصباح دق علي وجوالي بالبيت مارديت
وشفت 3مسجات
الاولى أعتذار
والثانيه لشفتي المسج دقي
والثالثه دقي علي

ها بنات ادق له ولا أنتظر هو يدق لي
نصحوني وش اسوي انا أختكم ومحتاجه مشورتكم
<وعذرآ ع الأسلوب مو مرتب

 

[i can do]

دقي عليه ..ولاتخلين العناد يدخل بينكم .. ترى اكرره شي على الرجال تعاندينه ,, او تسفهينه

 

[ساعه زمن]

كرار المحاولات معه حتى يرد عليك وشكرا لك

 

[حنانوو]

دقي عليه خلاص وش غير اتصالاته ومسجاته
وبعدين ماله داعي العناد يكون بينك وبينه وبعدين مفروض ماعصبتي عليه
والتمسي له العذر

 

[وهم79]

اختي دق عليه ولا كن عندك شي ولا كنه له ايام ما كلمك عادي كلميه واظحكي وامزحي ولا كن في شي

 

[محرومه حنان]

انا مع وهم دقي واضحكي بما انه اعتذر

 

[رينا***]

الله اكبر على الرواقه .

 

[أبتسم بس أكآبر]

مشكورين حبايبي ع النصيحه
ربي يفرجها عليكم ويبعد عنكم المشاكل

 

[أبتسم بس أكآبر]

الله اكبر على الرواقه .

؟؟؟؟....

 

[شذا الوجدان]

دقي حبيبتي لان الزوج نفسه مو كبير وهو بيراضي المرة
الله يصلح ما بينكم

 

[أنثى لاتتكرر]

وبعدين رسلت اعتذر له

مافي داعي تعتذرين

كان قلتي خلاص اذا صحيت دق علي وبس

لما اعتذرتي حطيتي براسه انه هو زعلان

موب زين لك تعتذرين وتتاسفين على كل شي