أخاف زوجي يتزوج علي - هالكابوس مدمر حياتي

[blqees2009]

انا متزوجة صار لي سنتين وشوي

ما عندنا اطفال - زوجي حاليا مأجل الموضوع وما يفكر بالأطفال

المهم .. أنا عندي خوف وعقدة ماتتخيلون كيف

كل الوقت خايفة ان زوجي يتزوج علي

احساس والله معذبني

المشكلة اني من أخذته وانا خايفة من هالشي

علما اني صغيرة وتونا نعتبر معاريس

بس مدري ليه

يمكن لأن ابوي الله يهديه كان دايم يهدد امي انه بيتزوج عليها فتولد عندي عقدة من هالموضوع

الطامة اني رحت اليوم وخربتها

وقلت له احلف لي انك ما راح تتزوج علي

اذا عندك نية زواج قل لي من الحين , مو بكرى اذا تورطت بعيال منك سويتها

قال لي , ترى انتي بكلامك هذا تحطين الفكرة ببالي

وسبق اننا يمكن قبل شهرين وتكلمنا عن نفس الموضوع وتهاوشنا

والله قلبي يوجعني من هالموضوع

خصوصا اني سبقت واكتشفت خيانة زوجي لي وحنا ما صار لنا شهرين متزوجين

كان له علاقة ببنت

ومن يومها وانا اشك فيه وعايشة بضيقة صدر وقلق

ساعدوني .. والله حياتي موب حياة كلها قلق وخوف

خصوصا ان فيه اسباب ثانية تخلي خوفي يكبر

منها ( وسامة زوجي الشدييييدة - ووظيفته المختلطة )

آآآآآآآآآآآه والله تعبت :39:

 

[أم الحلوين@]

حبيبتي الله يعننا وياك حتى أنا إذا جيت أنام اتخيله تزوج علي و ..و... وأفكار مرة مرعبة لدرجة أني أقوم أصيح بشدة
بس لا تخلين الأفكار تلعب بك سوي مثلي تعوذي من الشيطان لأن النجوى من الشيطان ليحزن الذين أمنوا

 

[الجواااان]

ياااقلبي اتركي الوساوس عنك وانتي بسؤالك له تفتحين عيونه على هالشئ ...كل ماتذكرتي مووضوع انه بيتزوج عليك تعوذي من بليس واكثري من الاستغفار

 

[دموعي شي معتاده]

تعوذي من الشيطان هذا الشيطان يزرع في فكرك كيذا

 

[*..الحلوة..*]

هلا وغلا اختي الغالييييية
طبعا عدت بعد انقطااااع طويل اتمنى اعطيكي من خبرتي المتواضعة كانت عندي نفس المشكلة بس الحمدالله بدون خيانة بس كنت اوسوس بهالموضوع خاصة انه كان دايما يجيب طارية قدامي شوفي يالغلا اهم شي الثقة بالنفس في هالموضووووع لا تفتحين الموضوع امامة ابدا واذا فتحة هو قويلية بكل ثقة والله يا حبيبي انته بتشوف حياتك وانا بعد بشوف حياتي وعيالك خل العروس تربيهم لا تبلشني فيهم وضحكي غيري طريقة تعاملك معاه كوني اتكيت في كل شي لبسك اكلك ومشيتك عاملية دايما كانه صديقك اذا طلع لا تسالينه وين وليش وكيف ومتى لا بالعكس انسييييية وانشغلي بنفسك دلعي نفسك ولا تنتظرين منه انه يدللك احبي نفسك ودلليها بالاشياء اللي تحبها ولا تبخلي على نفسك اكتشفي الاشياء الجميلة في جسمك وتميزي باظهارها وابرازها وكذلك شخصيتك تخلصي من اي شي سلبي بالتفكير بالاشياء الايجابية مثلا تذكري دوم كم انتي جميلة كم انتي حلوة لا تقولين انا ما اعرف لا اتعلمي وانشا الله بتكوني ملكة في احلامه وفي اليقظة باذن الله

 

[ro0o7eleek]

انتي عديمة الثقة بالذات ,,, ثقة


يعني خايفة من زواج زوجك عليك وتقولي له وتوكم عرسان اجل لو جبتي له عيال اظنه بيهج منك من كثر منتي موسوسة وفاقدة الثقة بنفسك
والله من كثر ماتتهاوشون وتسالينه راح يحط الفكرة براسه ...انتبـــــــــــهي
تعلمي الثقة بالنفس وهي علاجك...باذن الله

 

[مستشاره2010]

وكلي الله
​

1. اكثري من التعوذمن الشيطان فهوالسبب في احزانك​
2. اشغلي نفسك بالطاعة وتدبري القرآن ففيه الشفااااااااااااء للهم والحزن والوساوس والافكار المدمرة للنفوس والقلق..ووووو..الخ​
3. عيشي يومك وخلي بكرة لبكرة​
4. حذااااااااااري من فتح الموضوع هذا مع زوجك ​
5. اعطية ايحاء انك واثقةمنة من هذي الناحية ​
6. اهم شئ الدعاااااااااااااااااااااااااااااء لان ماامر الاامر اللــــــــــــه ولاقضاء الاقضاؤه​
7. شيلي زوجك من اولويات تفكيرك ترتاحيــــــــــــــــــــــــــن​
8. موفقة​

 

[ماني من ناس]

والله

بتخربوون بيووتكم بنفسكم ناس تفكر بمستقبلها وانتووو بزواجه ناس قادره علي بيت واحد
الله يهديكم​

 

[blqees2009]

شكرا على ردودكم
الله يصلح بين كل متزوجين
ويطفي نار هالخوف والغيرة من قلبي يارب

 

[&شوكليت&]

ولا تخافين ولا شي
عيشي حياتك اليوم اللي يروح ما يرجع
وانسي يمكن انت سمحتلي للفكرة هذي انها تدور براسك فترة طويلة
بس الحياة تبيلها وحدة قوية سيطري على نفسك وابعدي هالوساوس عنك ...بس قولي اعوذ بالله من الشيطان الرجيم لانه مو منك الشيطان يدور لك شخص مدخل يشغله وياثر فيه وانت الزوجه الثانيه نقطة ضعفك يستعملها بليس تعوذي منه واشغلي نفسك
ولو براسه زواج ما تهمه الوسامه او الاختلاط ولو مو وسيم وحب يتزوج رح يتزوج لا تخلين الوسامه عذر لك انك تفكرين بهالطريقة
واذا تحبينه حولي طاقة حبك له الى شي ثاني غير الغيرة
والله يساعدك​

 

[ناصرة المظلوم]

أقووووول أنتي لازمك تآخذين دروس بالثقة ولآزم تجددين ثقتك بنفسك

 

[مجنونة هواك]

حبيبتي انا بقولك شغله وانتي فكري فيهاااا زين انتي اشبعي زوجك من كل النواحي حب ورومنسيه وكلام عاطفي وحتى بعلاقتك الحميمه هنااااااا اشبعيه بقوووه ههههه من كل النوااحي شبعيييه لاتخليينه يجووع صدقيني مااراح يشووف غيرك انا بضرب لك مثال ... مثلا لو جاء يوم وكنتي جوعااانه وطول اليوم تاكلين خبز صامولي وجن اكلتي اكلتي اكلتي من الخبز والجبن لحد ماقلتي بس وجابولك اكله تمووتين فيهاا بالحاله راح تااكلينهااا ؟؟؟؟؟ طبعااا لا لانك متشبعه الرجل كذا مراح يشوف غير اذا كان شبعان ..

موفقه ​

 

[شَــــاإأآدنْ]

شوفي يا حبيبتي أنا جدا مقدره شعورك وحاسه فيك
بس كذا راح تتعبك الوساوس وراح يتعبك التفكير
طريقتك ذي تخلي زوجك يحس ان زوجته ما عندها ثقه بنفسها ولا ثقه فيه هو
والرجال يحب المره اللي واثقه في نفسها وفيه
قومي بحقوقه كامله ودلعيه وحوفيه حوف
وطالبيه بحقوقك بأسلوب راقي وهادي

أتمنالكـ التوفيق والسعاده بالدارين​