أحس عمري 40 سنة :(

[سعوديه]

بسم الله الرحمن الرحيم

السلام عليكم ورحمة الله وبركاته

مرحبا بنات وسيدات بلقيس
كيفكم جميعا؟
ان شاء الله مبسوطين

بصراحة بنات انا جايتكم بعد ما تعبت نفسيا من شعوري
اول شي انا عمري تقريبا راح يصير 25 سنة بعد كم شهر
ولكن دايما احس ان عمري مو اقل من 40 ...لما اجلس مع بنات في سني احس تفكيرهم ما يعجبني..او احس انهم سطحيات :sadwalk: ودايما احس اني اكبر منهم بعقود وانه في فجوة بين تفكيري وتفكيرهم

ما ادري ايش سبب هذا كله؟
حاولت اعصر مخي واحلل نفسيتي وكيف عشت
وصرت اتسائل هل لأني اكبر اخوتي وتحملت مسؤوليتهم كبرت قبل اواني
او
لأني مريت في حياتي بظروف ومشاكل كثيره هي اللي كبرتني
او
لأني تزوجت شخص اكبر مني ب15
او
لأني انجبت وانا في سن 19 سنه وصرت ام ومسؤولة
او
لأني شايلة هموم الدنيا والاخره فوق راسي...وكل شوي قلقانه على اشياء لها طعم واشياء مالها اي طعم

والله مو عارفة كيف وليش جالسة احس كذا:dunno:
او كيف اتغير واصير في سني.
من جد تعبت
عندكم حلول؟؟ او تفسيرات؟ او اقتراحات؟؟​

 

[ميوسه]

احس وضعك جدا طبيعي يمكن هالعوامل اللي ذكرتيها تكون البعض منها صحيحه

بس بيدك تكونين اصغر من عمرك خليك مرحه مطلعه على احداث الموضه الفن الازياء


اقري كثير كتب منوعه عن التربيه عن الاسره عن الجمال عن الاتكيت

او اشتركي بدورات


وسوي نيولوك يغير من نفسيتك ويخليك في مصاف البنات اللي بعمرك

لانك بعدك صغيره جدا جدا


ووضعك حلو متزوجه وعندك اطفال لاتخلين هالشي سبب في احساسك بالعكس

اللبنات بعمرك ومو متزوجات يتمنون حياتك بس مايصرحون


موفقه يارب

 

[salma_ahmed]

فرفشي نفسك .. وخفي عليها ..

واحمدي رب العباد على نعمه

 

[aldana]

عزيزتي سعــودية ... استفيدي من نضجك لصالحك ...

مو غلط أنك تحملتي المسؤولية من بدري ..ولا هو شي غلط أنك صرتي أم من عمر 19 سنة ..

بالعكس ..تعيشين عمر 25 وتفكرين بعقل 40 ... كثير أفضل من أنه يكون العكس ..

ولا وش رايك ؟ :sly:

نضجك ووعيك لا تعتبريه عيب ...بل اعتبريه صفة من صفاتك المميزة الي حصلتي عليها كمكافئة

لكل الظروف الي مريتي فيها ...

الحياة لا تقاس بعدد السنوات ...بقدر ما تقاس بتحقيقنا للانجازات ...

ولا تسمي تحملك للمسؤولية هموم ...بل اعتبريها واجبات خاصة لإنسانة بعقلية وقدرات خاصة ...

وسعي صدرك يا قلبي ...لأن الحياة مليانه سعادة ... كثر ماهي مليانه مسؤوليات ...

حاولي توازني ما بين الاثنين .. :msn-wink:​

 

[سعوديه]

احس وضعك جدا طبيعي يمكن هالعوامل اللي ذكرتيها تكون البعض منها صحيحه

بس بيدك تكونين اصغر من عمرك خليك مرحه مطلعه على احداث الموضه الفن الازياء


اقري كثير كتب منوعه عن التربيه عن الاسره عن الجمال عن الاتكيت

او اشتركي بدورات


وسوي نيولوك يغير من نفسيتك ويخليك في مصاف البنات اللي بعمرك

لانك بعدك صغيره جدا جدا


ووضعك حلو متزوجه وعندك اطفال لاتخلين هالشي سبب في احساسك بالعكس

اللبنات بعمرك ومو متزوجات يتمنون حياتك بس مايصرحون


موفقه يارب

حبيبتي ميوسه مشكوره على نصايحك
لكن يا قلبي انا مو قاصرني شي باللوك و الاتيكيت...انا الحمد لله وبلا فخر استاذه في هذا المجال
لكن اللي فيني احساس داخلي
مو عارفة كيف اتعامل معاه:icon1366:

ومشكوره حبيبتي على رفع المعنويات

 

[سعوديه]

فرفشي نفسك .. وخفي عليها ..

واحمدي رب العباد على نعمه

الحمد لله على نعمه التي لا تحصى

طيب كيف افرفش عن نفسي خبريني

ومشكوره حبيبتي سلمى على مرورك

 

[سعوديه]

عزيزتي سعــودية ... استفيدي من نضجك لصالحك ... ​

مو غلط أنك تحملتي المسؤولية من بدري ..ولا هو شي غلط أنك صرتي أم من عمر 19 سنة ..
بالعكس ..تعيشين عمر 25 وتفكرين بعقل 40 ... كثير أفضل من أنه يكون العكس ..
ولا وش رايك ؟ :sly:​

نضجك ووعيك لا تعتبريه عيب ...بل اعتبريه صفة من صفاتك المميزة الي حصلتي عليها كمكافئة
لكل الظروف الي مريتي فيها ...
الحياة لا تقاس بعدد السنوات ...بقدر ما تقاس بتحقيقنا للانجازات ...
ولا تسمي تحملك للمسؤولية هموم ...بل اعتبريها واجبات خاصة لإنسانة بعقلية وقدرات خاصة ...​

وسعي صدرك يا قلبي ...لأن الحياة مليانه سعادة ... كثر ماهي مليانه مسؤوليات ... ​

حاولي توازني ما بين الاثنين .. :msn-wink:​

مشكوره الدانة على دررك
والله ان ردك اثلج صدري وخفف عني
الله يحفظك يا قلبي من كل شر ويوفقك وين ما رحتي

 

[salma_ahmed]

أولا يا عزيزتي .. لازم داما تحسى إنك شباب من داخل.. وإنك الصغيرة والحلا كله .. حتى لو كنتي 60 سنه .. بس مش مثل الشحروره ..

ثانيا: إسمعي من الكل .. ولا تقولي سطحي أو لا .. لازم تحسبيها خبرات حياه و أسلوب جديد في العصر الحالي.. أنا كل مره أرد للإمارات .. أقعد ويا خواتي وأسمع .. أكتشف إن في عالم ثاني وجيل غير جيلي .. مع إني بعدني في العشرين بس تربيتي وتحملي للمسؤوليه خلاني شيبت قبل أواني.

بس أنا أحب الطبيعه والبطات على البحيرات هنا والطحالب والخنافس .. وخلاص بلاش قرف .. جد .. تسحرني الطبيعه وتخليني دايم أسبح وأنسى كل الدنيا ..

أحب أرقص .. أحب أقرا .. كل شي .. أحب أتعلم وأرسم .. مع إني مهندسه كهربا .. ولا يخصه بالرسم والحنيه .. كله دفاشه ..

دوم كنت أشل هموم الكل حواليني .. بس كان لازم أفهم إنهم فيهم الكبير اللي ما يحبني أتدخل .. وفيهم اللي يبا يكون خبرته بتجربته الخاصه وبحكمه عقله الخاص .. وفيهم الصغير اللي أنا أحرمه من متعه التجربه والفشل والنجاح والكفاح ..

لا تقللي من شأن حد وتقولي سطحي .. كل واحد وخلقه رب العباد وليه دور .. وإن كان صغير أو فاشل .. بس كلهم أمثله الواحد يتعلم منهم ..

إلبسي ودللي عمرك .. ولوني حياتك .. ولبسك .. لو كنتي تشوفي دولابي .. دوم خريف ..

لا تتدخلي في مشاكل اللي حواليكي دوم .. خليهم يعيشوا التجربه وإنتي ريلاكس و ريحي بالك وقلبك .. وكل عقده ولها حلال ..

هذا شي بسيط .. وإنتي ما شاء الله ذكيه وإبدعي .. وعلميني

 

[عضو سابق]

السلام عليكم ورحمة الله وبركاته



عزيزتي / سعوديه


جميل جدا.. ان يكون عقلك بعمر الاربعين وانتي فالــ25

وهذا دليل على نضج تفكيرك ..

ولما انتي متضايقه..؟!

هل هناك أحد يتضايق لان عقله ناضج؟!!

ربما جميع ما ذكرتيه من أسباب هو حقا ما جعل تفكيرك يعلو للأعلى وهذا ممتاز..

حبيبتي / سعوديه

وهل كنت ترغبين بالعكس.. ان يكون عقلك اقل عن صديقاتك..؟!

استغلي هذا النضوج كما ذكرت اختي الغاليه / الدانه

ولا تقللي من شأنك أبدا.. فهي تستحق الافضل..

حفظك الرحمن

 

[ورد الخال]

سعودية حبيبتي ..

أنا كل يوم أحس هذا الإحساس ..

المشكلة مو فيك

المشكلة في الناس و سخافتهم ... آسفة .. بس هذا أحسن وصف ...

السخافة اللي في جيل الشباب من الجنسين صارت لا تحتمل هذه الأيام ...

بالعكس اشعري بالفخر ناضجة و عقلك كبير

وفقك الله

 

[سعوديه]

أولا يا عزيزتي .. لازم داما تحسى إنك شباب من داخل.. وإنك الصغيرة والحلا كله .. حتى لو كنتي 60 سنه .. بس مش مثل الشحروره ..

ثانيا: إسمعي من الكل .. ولا تقولي سطحي أو لا .. لازم تحسبيها خبرات حياه و أسلوب جديد في العصر الحالي.. أنا كل مره أرد للإمارات .. أقعد ويا خواتي وأسمع .. أكتشف إن في عالم ثاني وجيل غير جيلي .. مع إني بعدني في العشرين بس تربيتي وتحملي للمسؤوليه خلاني شيبت قبل أواني.

بس أنا أحب الطبيعه والبطات على البحيرات هنا والطحالب والخنافس .. وخلاص بلاش قرف .. جد .. تسحرني الطبيعه وتخليني دايم أسبح وأنسى كل الدنيا ..

أحب أرقص .. أحب أقرا .. كل شي .. أحب أتعلم وأرسم .. مع إني مهندسه كهربا .. ولا يخصه بالرسم والحنيه .. كله دفاشه ..

دوم كنت أشل هموم الكل حواليني .. بس كان لازم أفهم إنهم فيهم الكبير اللي ما يحبني أتدخل .. وفيهم اللي يبا يكون خبرته بتجربته الخاصه وبحكمه عقله الخاص .. وفيهم الصغير اللي أنا أحرمه من متعه التجربه والفشل والنجاح والكفاح ..

لا تقللي من شأن حد وتقولي سطحي .. كل واحد وخلقه رب العباد وليه دور .. وإن كان صغير أو فاشل .. بس كلهم أمثله الواحد يتعلم منهم ..

إلبسي ودللي عمرك .. ولوني حياتك .. ولبسك .. لو كنتي تشوفي دولابي .. دوم خريف ..

لا تتدخلي في مشاكل اللي حواليكي دوم .. خليهم يعيشوا التجربه وإنتي ريلاكس و ريحي بالك وقلبك .. وكل عقده ولها حلال ..

هذا شي بسيط .. وإنتي ما شاء الله ذكيه وإبدعي .. وعلميني

يا قلبي عليك يا سلمى
والله يكملك بعقلك ويحفظك
ومشكوره حبيبتي ما قصرتي
والله يردك للامارات سالمة غانمة​

 

[سعوديه]

السلام عليكم ورحمة الله وبركاته



عزيزتي / سعوديه


جميل جدا.. ان يكون عقلك بعمر الاربعين وانتي فالــ25

وهذا دليل على نضج تفكيرك ..

ولما انتي متضايقه..؟!

هل هناك أحد يتضايق لان عقله ناضج؟!!

ربما جميع ما ذكرتيه من أسباب هو حقا ما جعل تفكيرك يعلو للأعلى وهذا ممتاز..

حبيبتي / سعوديه

وهل كنت ترغبين بالعكس.. ان يكون عقلك اقل عن صديقاتك..؟!

استغلي هذا النضوج كما ذكرت اختي الغاليه / الدانه

ولا تقللي من شأنك أبدا.. فهي تستحق الافضل..

حفظك الرحمن

مرورك اسعدني اختي امرأة لا تنسى
وان شاء الله سأحاول تحوير نضجي لصالحي
وحفظك الرحمن واسعدك رب العالمين

 

[سعوديه]

سعودية حبيبتي ..

أنا كل يوم أحس هذا الإحساس ..

المشكلة مو فيك

المشكلة في الناس و سخافتهم ... آسفة .. بس هذا أحسن وصف ...

السخافة اللي في جيل الشباب من الجنسين صارت لا تحتمل هذه الأيام ...

بالعكس اشعري بالفخر ناضجة و عقلك كبير

وفقك الله

مشكوره اختي حبك وجع على مرورك
والله يوفقك دنيا واخره​

 

[salma_ahmed]

الله يكرمك ويريح بالك يا سعوديه وجميع المسلمين .. آمين

العزيزه حبك وجع .. رأيي إن ما نسخف تفكير حد ولا نحقر من تفكيره الغاليه .. حتى بعض الكفار والمشركين يساهلوا الإحترام .. وبعضهم يستحق التحقير لغباؤه في عدم وصوله لغايه خلقه ومنو خالقه ..

ما تعرفي والله مرات هالتافه يطلع منه إبداع ما تقدري تتجاهليه من كثر جلاؤه وبريقه ..

ومرات يا عزيزتي تقدري إنك تعدلي من مسار تفكير الشخص اللي قدامك .. وتكسبي الأجر والثواب ..

ما حد كامل ولا إحنا .. سبحانه من له الكمال و الملك والملكوت ..

 

[سعوديه]

صحيح كلامك اختي سلمى
كاملة مكملة بعقلك وحكمتك الله يحفظك