السلام عليكم
أنا متزوجة من
1- شمالي شرقي
2- أكبر مني بتقريباً 20 سنة .. أنا بالعشرينات وهو بالأربعينات
3- متقاعد
4- بيتوتي يكره طاري الشارع قاعد 24 ساعة بالبيت لا هو يطلع ويريحني ولا يطلعني عشان أرتاح وطبعاً هواش وصراخ وزعل متواصل
صارلنا سنتين ونص متزوجين وعندي بنوتين صغار الله يحفظهم حملت فيهم ورا بعض متعمدة من بعد مشيئة ربي سبحانه وتعالى .. فكرت في بنتي محتاجة أخ أو أخت لأن حالي وحال أبوهم مادري وين بيوصل
--
بداية المشكلة كانت في يوم الملجة تخيلوا ! العادة عندنا بعد الملجة نسوي حفلة صغيرة وياخذ الزوج زوجته ويتعشون برة ويسهرون ويرجعها عند أهلها ويظلون طلعات ووناسة وزيارات لأهل الطرفين لحد ما يصير موعد الزواج
أنا طلعت من أهلي بليلة ملجتي وبعدها ما شفت أهلي إلا بعدها بأسبوع ! كنت منتظرة يرجعني آخر الليل لكن قالي إنتي زوجتي ليش تردين عند أهلج ؟ خلاص نروح بيتنا ونسكن
وقتها ما كنت أدري أفرح ولا أزعل .. كنت فرحانة إن زوجي يحبني وما يقدر على فراقي بس كنت أبجي أبي أمي وأهلي لأنه مازال إنسان غريب ماعرفه شلون بعيش معاه فجأة من غير مقدمات !!!!!
بعدها كنت أقوله بطلع مع خواتي ما كان يرضى على أساس إني عروس شلون أطلع وأخليه
وطلع عذر ثاني أقوى .. إنتي حامل مو زين تطلعين
وعذر أبيخ من الأثنين : خواتج متزوجات وعندهم عيال شلون يطلعون ويتركون بيوتهم ؟!!
خواتي كانوا يقولون يا حظج زوجج متمسك فيج وما يهون عليه يفارقج جم ساعه .. وأنا كنت محتارة صحيح هالكلام ؟ أحس إني رهينه مالي حق أشوف الشارع لدرجة إني ما أروح أعراس ولا مواجيب ولا أي مكان غير بيت أهلي ودوامي .. وكل كلامه : أي شي تبينه يوصل لعندج وإنتي مرتاحة
ولدت ولا استقبلت أحد لأنه ماكان راضي أحد يزورني بالمستشفى غير أهلي ..
أحتاج اغراض وملابس للبيبي صار يقولي كتبيهم وأنا أجيبهم .. حتى زوجة اخوي شافته بالمحل تقولي يا بختج على زوجج أخوج مستحيل يروح يقول ماعرف .. يحسبوني فرحانة ما يدرون إني محبوسة بالبيت مايرضى أطلع منه وكل هذا باسم الدلااااااال وأنا أترجاه أطلع لو السوبرماركت يقولي روحي بس البيبي منو يمسكه ؟ يعني تعجيز
أو نزلي وأنتظرج بالسيارة بس حدج كذا دقيقة
برمضان الماضي كنت رايحة مع أهلي نبارك بالشهر في بيت خوالي .. اتصل علي قالي ترجعين الحين ! قلتله تونا داخلين وأبوي هو اللي موصلنا شلون أقوله رجعني ؟ بدون فايدة
قالي اتصرفي بس ترجعين الحين يعني الحين .. خليت أخوي الكبير يرجعني مع زوجته وعياله وأنا بقمة الإحراج كنت توني قايله السلام عليكم وما يشوفوني إلا أنا عند الباب طالعة
ومع هذا ما همه أبوي ولا أخوي .. إذا قال ترجعين الحين يعني ترجعين
ومواقف كثييييييييرة ماراح أخلص
آخرها أمس : أنا حالياً بالنفاس قلتله حبيبي طلعتي قربت وبروح الصالون جان يعصب قالي خرابيط الصالونات مالها داعي .. البنات وين تخلينهم ؟ قلتله عند أمي .. ما رضى حرام أمج تعبانة
قالي أوديج وأنطرج برة .. قلتله بطول داخل أكثر من ساعه ؟ قالي خلاص ماااافي روحة
تخيلوا بطلع من النفاس محتاجة صالون محتاجة سوق محتاجة أغراض صار كل شغلي خدمة منازل أو أطلب من النت أضعاف السعر ومرة اتصلت بتكسي جابلي فستان بنتي من السوق !!
حتى أمي وأبوي يقولون عني وعن عيالي مبهذلين لأن ملابسنا ما تتغير مع إني كنت أكشخ وحدة بالبيت وما تطوفني عزيمة إلا وأنا مرتزة أول وحدة ..
طعته كثير وثرت بوجهه كثير لكن النهاية وحده .. مادري شسوي ؟ أستمر وأتحمل وأكسب رضاه مع إن رضاه غاية لا تدرك دايماً مو عاجبته .. ولا أثور بوجهه وسويتها وايد بس بعدها ما أجني إلا النكد أضعاف
أنا متزوجة من
1- شمالي شرقي
2- أكبر مني بتقريباً 20 سنة .. أنا بالعشرينات وهو بالأربعينات
3- متقاعد
4- بيتوتي يكره طاري الشارع قاعد 24 ساعة بالبيت لا هو يطلع ويريحني ولا يطلعني عشان أرتاح وطبعاً هواش وصراخ وزعل متواصل
صارلنا سنتين ونص متزوجين وعندي بنوتين صغار الله يحفظهم حملت فيهم ورا بعض متعمدة من بعد مشيئة ربي سبحانه وتعالى .. فكرت في بنتي محتاجة أخ أو أخت لأن حالي وحال أبوهم مادري وين بيوصل
--
بداية المشكلة كانت في يوم الملجة تخيلوا ! العادة عندنا بعد الملجة نسوي حفلة صغيرة وياخذ الزوج زوجته ويتعشون برة ويسهرون ويرجعها عند أهلها ويظلون طلعات ووناسة وزيارات لأهل الطرفين لحد ما يصير موعد الزواج
أنا طلعت من أهلي بليلة ملجتي وبعدها ما شفت أهلي إلا بعدها بأسبوع ! كنت منتظرة يرجعني آخر الليل لكن قالي إنتي زوجتي ليش تردين عند أهلج ؟ خلاص نروح بيتنا ونسكن
وقتها ما كنت أدري أفرح ولا أزعل .. كنت فرحانة إن زوجي يحبني وما يقدر على فراقي بس كنت أبجي أبي أمي وأهلي لأنه مازال إنسان غريب ماعرفه شلون بعيش معاه فجأة من غير مقدمات !!!!!
بعدها كنت أقوله بطلع مع خواتي ما كان يرضى على أساس إني عروس شلون أطلع وأخليه
وطلع عذر ثاني أقوى .. إنتي حامل مو زين تطلعين
وعذر أبيخ من الأثنين : خواتج متزوجات وعندهم عيال شلون يطلعون ويتركون بيوتهم ؟!!
خواتي كانوا يقولون يا حظج زوجج متمسك فيج وما يهون عليه يفارقج جم ساعه .. وأنا كنت محتارة صحيح هالكلام ؟ أحس إني رهينه مالي حق أشوف الشارع لدرجة إني ما أروح أعراس ولا مواجيب ولا أي مكان غير بيت أهلي ودوامي .. وكل كلامه : أي شي تبينه يوصل لعندج وإنتي مرتاحة
ولدت ولا استقبلت أحد لأنه ماكان راضي أحد يزورني بالمستشفى غير أهلي ..
أحتاج اغراض وملابس للبيبي صار يقولي كتبيهم وأنا أجيبهم .. حتى زوجة اخوي شافته بالمحل تقولي يا بختج على زوجج أخوج مستحيل يروح يقول ماعرف .. يحسبوني فرحانة ما يدرون إني محبوسة بالبيت مايرضى أطلع منه وكل هذا باسم الدلااااااال وأنا أترجاه أطلع لو السوبرماركت يقولي روحي بس البيبي منو يمسكه ؟ يعني تعجيز
أو نزلي وأنتظرج بالسيارة بس حدج كذا دقيقة
برمضان الماضي كنت رايحة مع أهلي نبارك بالشهر في بيت خوالي .. اتصل علي قالي ترجعين الحين ! قلتله تونا داخلين وأبوي هو اللي موصلنا شلون أقوله رجعني ؟ بدون فايدة
قالي اتصرفي بس ترجعين الحين يعني الحين .. خليت أخوي الكبير يرجعني مع زوجته وعياله وأنا بقمة الإحراج كنت توني قايله السلام عليكم وما يشوفوني إلا أنا عند الباب طالعة
ومع هذا ما همه أبوي ولا أخوي .. إذا قال ترجعين الحين يعني ترجعين
ومواقف كثييييييييرة ماراح أخلص
آخرها أمس : أنا حالياً بالنفاس قلتله حبيبي طلعتي قربت وبروح الصالون جان يعصب قالي خرابيط الصالونات مالها داعي .. البنات وين تخلينهم ؟ قلتله عند أمي .. ما رضى حرام أمج تعبانة
قالي أوديج وأنطرج برة .. قلتله بطول داخل أكثر من ساعه ؟ قالي خلاص ماااافي روحة
تخيلوا بطلع من النفاس محتاجة صالون محتاجة سوق محتاجة أغراض صار كل شغلي خدمة منازل أو أطلب من النت أضعاف السعر ومرة اتصلت بتكسي جابلي فستان بنتي من السوق !!
حتى أمي وأبوي يقولون عني وعن عيالي مبهذلين لأن ملابسنا ما تتغير مع إني كنت أكشخ وحدة بالبيت وما تطوفني عزيمة إلا وأنا مرتزة أول وحدة ..
طعته كثير وثرت بوجهه كثير لكن النهاية وحده .. مادري شسوي ؟ أستمر وأتحمل وأكسب رضاه مع إن رضاه غاية لا تدرك دايماً مو عاجبته .. ولا أثور بوجهه وسويتها وايد بس بعدها ما أجني إلا النكد أضعاف
