أحد يقدر يخدمني في اسئلتي عن عملية تكبير الصدر

[أم الريحانة]

السلام عليكم

وصباح الخير يا ملكات ..
أنا تعبت من حجم صدري الصغير .. حمل رضاعة حمل رضاعه ..:dunno: تأزمت نفسيتي ..
ما صار عندي ثقة قدام زوجي حتى في اللبس ..
صرت استحي اخليه يشوف صدري ..
فكرت اني اسوي عملية تكبير للصدر .. هو صراحة ما شتكى لي او حتى بين لي انه متضايق من حجمه .. بس الاحساس
ولما قلت له عن عملية التكبير وبينت له اني متضايقه من حجم صدري واني لما البس شي ما يطلع حلو .. تضايق مني وقال انا مابغاك تضري نفسك
بس انا متضايقه وابغى اسويها وقال لي انتي فكري عدل عشان لاتكوني استعجلتي في قرارك ..
يا جماعة انا احس نفسي بنت لسه جالسه تبلغ ...والله صدري لما بلغت كان احلى من كذا على الاقل كان مشدود مو الحين ...مترهل ..
ابغاكم تساعدوني
هل في وحده منكم سوت عملية التكبير ؟ أو تعرف أحد سواها ؟
كم تكاليف العملية تقريبا؟
وين توجد في دول الخليج اماكن لعمل العملية ؟
وهل تنصحوني والا لا ؟
لا تقولوا لي احمدي ربك وكوني قنوعة ...!! انا احمده كل شي والحمد لله على الصحة والعافية بس انا عارفه ان زوجي يحب الصدر كبير .. فما راح اسكت واحرمه من هالشي ...
انتظركم يا ملكات :in_love:

 

[شـغـف]

تكبير الصدر لا يجوز.. بعض العلماء جوزوا شده فقط!

كما توجد تمارين لتكبيره الصدر وشده وخلطات لتكبيره.. ابحثي وستجدين والمسألة تحتاج لقليل من الصبر وبعدها ستسعدين بالنتائج إن شاء الله..

 

[أم الريحانة]

أميرة محمد
المشكلة اني مو صبورة
واطلعت وقريت وكل الي قريته ان الاشياء الطبيعية ما تجيب نتائج سريعة ومضمونة مثل العملية
وبالفعل في علماء جوزوه
بس انا ما راح اسويها استعراض لاحد راح اسويها عشان زوجي ما يبص يمين ولا شمال

 

[همبا]

حالي من حالج والله ما تم شي ما سويته بس الي عرفته انه العملية اتكلفما بين 14 الف درهم إلى 17 الف في كوزموسيرج وتظهرين في نفس اليوم.
انا رياي ما رضى بس قاعده احاول مع الكريمات واذا عرفتي شي فيدينا الله إيخليج.

 

[أم الريحانة]

انا قريت عن هذا المركز الي تتكلمي عنه ..
ممكن تعطيني تفاصيل اكثر عنه او رقم التلفون ؟

 

[أم الريحانة]

اذا ممنوع الرقم ع العام
ارسليه على الخاص

 

[همبا]

الغالية ما عندي رقم بس ممكن تسألين البداله عن رقمهم لانه عندهم وايد فرووع في دبي والشارجة وعجمان وخذي رقم المرطز القريب لج وطمنينا عليج

 

[مستغربه]

خبر عاااااااااجل


حبوب لتكبير الصدر يستخدمونها اللبنانيات طبيعيه بس مفعولها يبين من 4 ل 6 اشهر وتبدين تحسين بالفرق من 10 ايام
يابوها في برنامج كارلا تكلمت عنها وقالت هذي حبوب الحلبة الروميه طبيعيه ويستخدمنها البنات في لبنان لتكبير الصدر ومالها ريحه وما ادري اذا فيه اضرار جانبيه
الحبوب سالت عنها قالوا تنباع في محل G N C اللي في بوظبي مول او في المارينا مول واللي من الدول الثانيه موجود بس يسالون عن فروع المحل اسمها حبوب الحلبة الروميه لتكبير الصدر
اللي كتبت عن هالموضوع قالت انها الدكتورة نصحتها فيها وقالتلها انها آمنه
استفسروا اكثر عن الموضوع عشان تتطمنون وانا عن نفسي من اليوم بشتريها
لا تنسوني من دعائكم​

 

[أم الريحانة]

الحين انا الي مستغربة منك
كيف تاخذي حبوب وانتي ما سالتي عنها ولا تعرفي مضاعفاتها ؟؟؟؟

 

[مستغربه]

من قالج ما سالت عنها
انا سويت بحث وقريت ردود الاخوات اللي استخدموها
وهي مكوناتها من الحلبة والحلبة معروفه بتكبير الصدر ولو فيها ضرر ما كنت كتبت عنها بس انا قلت استفسروا عشان ما اتحاسب قدام ربي ...
عالعموم انا حبيت افيدكم لاني وايد فرحت لما شفت هالخبر على الاقل فيه امل وحتى لو لها اضرار ما بتكون مثل اضرار العمليه

والسموحه​

 

[أخت_الشيوخ]

أم ريحانه...
انا اتعامل مع كوزمسيــرج ....بعطيج رقمهم ...بس ما انصحج اتسوين عمليه تكبير...لأن التكبير يعني زرع سيليكــون.....و السيليكون ترا له أضرار وايدة...على سبيل المثال الممثلة المعفنه ..باميلا اندرسون ..نقع السيليكون في صدرها و هي نايمه...و حست بآلام فظيعه ..

أنا أنصحج اتشوفين كريمات من عند مركز زين الأتـــات...كل منتجاته من الاعشاب..

هذا اللي عندي ...و ان شالله أكون فدتج

رقم كوزمسيرج في دبي -جميـــرا-

04-3445915

 

[سفيرة السعداء]

الحمد لله رب العالمين

ما شاء الله عليكم

بما ان الباب مفتوح

ما في شي يصغر حجم الصدر :in_love: شكلي داخلة غلط في الموضوع :blush-anim-cl:

بس سبحان الله كنت دايما اعاني من كبر حجمة وأسوي المستحيل عشان اداريهم من عيون الناس بس ما كنت ادري أني بنعمة غيري محروم منها :dunno: الحمد لله رب العالمين


الله يوفقكم خواتي


:showoff:

 

[أخت_الشيوخ]

شمووخ الايمان

عيل انا شقول حبيبتي ترا الحااال من بعضه انا أكره صدري لأنه كبير و احس انه ملفت مع اني انا مش متينة ...بس صدري كبير....هههههه..بس الحمدلله اقتنعت ان هاي نعمة من الله .....الحمدلله ...و الله يسامحني ع الجهل اللي كنت فيه .....

 

[انوار]

راسليني ع الخاص اقدر افيدك

اعرف ناس مسوينها بس ما ابي اكتب ع العام لأن في ناس اخاف يعرفوني

 

[دهن الورد]

اختي المستغربه ممكن رقم المحل

 

[ام لولو]

السلام عليكم
اختي المستغربة انا سألت في المارينا مول وابوظبي مول قالوا مافي محل بهذا الاسم اذا تعرفين الرقم ياليت تخبرينا
وشكرا

 

[أم الريحانة]

طيب هذي الحبوب وين أقدر ألاقيها غير الامارات ؟؟؟
وخصوصا ان ماعندي احد يروح الامارات كثير ..
واذا راح احد اهلي استحي اقول ليهم جيبيوا هالحبوب ,,,,,,,, ههههه يفشل الموضوع
اميرة القصايد
خوفتيني ..
مع ان كل المعلومات الي وصلتني اطمن وتبشر ...
وعن منتجات زين الاتات .. ممكن تخبريني ويش المنتجات وهل عنده شي يفيد ؟ وهل مداه بعيد والا بس وقت استخدام المستحضر؟؟
صحيح ترى يا بنات الي صدرها كبير هيه في نعمة مع ان في رجال ما يحبوا الصدر الكبير ..
سبحان الله ماتقدري ترضي اذواق الناس ورغباتهم
راسليني يا انوار .. انا انتظرك

 

[مستغربه]

الحبوب ممكن تلاقونها في اي محل معروف مثل زين الاتات او نيوترشن او اي محل اعشاب في مول مب اللي في السوق
واسم الحبوب بالانجليزي FENUGRRK وبالعربي حبوب الحلبة الرومية لتكبير الصدر
ممكن تسوون بحث عنها بالنت وتستفسرون اكثر وتشوفون خبرات البنات اللي استخدموها
والسموحه​

 

[جـود]

منتجات زين الاتات بس كلام فاضي وخسارة فلوس والكريمات والحبوب بس صبر بلا فايده

عندك لبنان وسوريا يسون لك عملية زرع سليكون او محلول الماي والملح بخمسة الالاف بس

وانصحك بمحلول الماي والملح لانه لو صار شئ لاسمح الله ماعليه خوف لانه مكوناته نفس

مكونات المغذي والعمليه بسيطه بعد العمليه بيوم تطلعين لكن تبديل السليكون او الماي لازم كل

اربع او خمس سنوات وسألي عن افضل مركزواشطر طبيب قبل ماتغامرين

 

[حلا]

شوفي انا بخبرج لاني أعاني من نفس المشكله و سالت و دورت بالنت وايد

و وصلت لشغله وحده و هي ان أسوي عملية تكبير الصدر خاصه ان عندنا المركز الي ذكرته الاخت في الامارات في دكاتره حريم يسوونها و بجذا ما بتكونين كشفتي صدرج لريال

بالنسبه للحلال و الحرام انا فكرت فيها و صح اني ما يصير أفتي لكن شوفي اختي اذا الوحده استخدمت كريم و كبر صدرها محد بقول لها حرام لكن اذا سوت عمليه فالأراء تختلف مادري ليش مع ان النتيجه وحده و الي هي تكبير الصدر و ما اشوف انها غلط او حرام خاصه الي بتسويها لج دكتوره حرمه

نفس القياس للي تبا تضعف او تمتن الشغله هذي ما فيها اعتراض على خلقة الله

من جي تشجعة و راح أسويها في يوم

لكن قبل ما أسويها قررت أستخدم كل شي متوفر عشان يكبر الصدر

مثال انا الحين و قاعده أكتب حاطه خلطة حلبه و خميره ( على كيفي ضايفه الخميره للخلطه) و شوي ماي و حطيتها ع صدري و قلت أقعد ع النت عشان أقضي الوقت و أقوم أسبح بعدها ..

و خذت كريم لتكبير الصدر كنت أدهن ب صدري و سوي تمارين بس ما قدرت أنضبط عليه لاني عيازه

بس بحاول باذن الله انضبط

و عن الحلبه الروميه سمعت انها تمتن و تكبر الصدر لانها تنظم نسبة الهرمون الانثوي بالجسم
و دورت عليها ما لقيتها للأسم و في اقرب فرصه بحاول بعد ادورها و اشتريها
لكن ترا لها اضرار اذا شربتيها بكميات كبيره ممكن تسوي سرطان و العياذ بالله لاني ارتفاع الهرمون الانثوي بزياده مب زين..

بالنسبه لرياضه تاخذ وقت طويل جدا و ماشي نتيجه تذكر..

في علكه يابانيه تكبر الصدر بس ما تنباع للأسف و ممكن يكون لها أضرار لانها بعد تشتغل على الهرمون الانثوي..