أبي انسانه فاهمه تعلمني خطه ذكيه تخلي الشمالي يعتذر

[حبيبي شمالي]

السلام عليكم ورحمه الله وبركاته
بختصر الموضوع حيييييل
مشكلتي مع زوجي اذا زعل يبدأ يدور وراي اخطائي وتقصيري
وصلت هالمره الى الضرب!!
اللي صار انـــــــــــــــــــــــــــــــــه كنت واقفه اجمع الملابس
قال ليه ما كويتي سراويلي قلتله بليل غسلتهم الحين بكويهم
وليه تفتشين بتلفوني؟؟ قلتله ما فتشت وقعد يصرخ لا تجذبين
هو نسا تلفونه في السياره وعطيته وقلتله مو ناقص الا تحط على الالعاب رقم سري
وجن جنوووووووووونه وثار علي ويقول شلون تفتشين من وراي
بنات قسما بالله ما فتشت انا ادري من زمااان ان فيه ارقام سريه وقلت هالجمله بضحك
وعطاني كففففف وجرني من شعري ودخلني غرفه النوم وهو ساحب شعري
وطقني بعصايه المكنسه على رجولي
يصرخ علي ويهاوش يقول اخواني ما فتشو وراي وانا عمري مسكت تلفونج؟ قلتله لا
ويطقني لين تعبت وترجيته يتركني عورني حيل وكسر تلفوني بالارض


اول مره يطقني حيييييل الحين شفايفي من فوق مورمه ورجلي فيها خط العصايه
وصار مكانه ازررررررررق
جمعت كل اغراضي وطرشتله مسج بروح لاهلي قال روووحي وطلاقج يجيج باجر
وبعدها بشوي طرشلي مسج يقول ياويلج اذا طلعتي من البيت
واليوم قعد حطيتله غدا ما تغدا ولما جا بيطلع قلتله بروح لاهلي
قال اقعدي شوفي بيتج ودوام ماااااااااااافيه وغسلي الملابس
وصار نقاش وقلتله انت مقصر بعد ماتقعد بالبيت وبس مع ربعك ومطنشني
قال بس هالفتره لاني اجازه والا ما عمري قصرت معاج ولاتخليني امد ايدي عليج ثاني مره
وانا مقصر على نفسي عشانج واعطيج واسويلج قلتله زوجتك انا لا تتمنن علي
اللي عندي لك واللي عندك لي.. قال بس انتي مافيه تقدير ولا احساس وما تستاهلين الدلع هذا كله.. ماااااااااادري اي دلع يتكلم عنه لا سفر ولا فلوس ولا شي!!!

بنات الحين غسلت الملابس كلهم وكويتهم بس ابيه يتوب ويندم
حيل عورني ما اقدر اقعد على رجلي
ويقول دوام ماااااااااااااااااااااااافيه
والحين انا اول يوم ينحسب انقطاع عن العمل!!
ماقدر اتاسف ولا اعتذر وهو طاقني على سالفه ما تسوا
ابي حل تكفوووووووون
:8:

 

[حبيبي شمالي]

احس اني مجرووووووووووووحه ومهانه
عمري ما انطقيت فبيت اهلي
ابي افكر بعقلي مو بقلبي وأخليه ينـــــــــــــــــــــــــــــــــدم
مستعده اطنشه شهر واسوي كل واجباتي بأكمل وجه ويارب تنفع هالحركه معاه؟

 

[shed_no_tears]

يا حلوة لا تسكني على الضرب..

لازم تخلي احد يوقفه عند حده من اهلك..ويحس إنه فيه وراك ظهر

والله لو سكتي عن حقك حتروحي فيها..

الشمالي يحتقر و يزيد حاله على اللي تسكت عن حقها..

 

[بنت فلاويه]

بسم الله الرحمن الرحيم

البدايه رجلك هذا شايف نفسه

وانت ردة فعلك ضعيفه كيف تسكتي له

ياسلام من عطاه الحق يضربك يمكن انتي تطفلتي على جواله بدون نتيجه

بس لايملك احقية ضربك ومنعك عن العمل

الرجال يتمادي ورجلك هذا شايف نفسه جالس يصدر اوامر وهو المفروض ستحي من فعلته وانتي لاتسكتي عن ضربك ودوامك روحي لانا امثال رجلك كثيرون ويحبون التسلط

وانت بدال ماتحاسبيه على ضربك جالسه تحاسبيه على امور ثانويه يعني هو في قراره نفسه يحس

من حقة انا يضربك وهذا خطا
حبيبتي كثرة التنازل تضيع المهابة
وصدقيني لازم تكوني اقوى والا ماراح يعتذر وراح يتمادى
خلك اقوى وذا ضربك قومي الدنيا عليه
واتمنى الله يوفقك
​

 

[حبيبي شمالي]

كلمت اخوي ,, قال قوليله ودني لاهلي واذا رفض معناه ندمان وخايف
قوليله اخر مره تمد ايدك علي واذا مديتها راح اعلم ابوي بكل شي
اخوي من وجهة نظره انها اول مره ولا تكبرين الموضوع
انا كنت ابي ابوي يتدخل
بس المشكله اننا عيال عم وراح تنتشر السالفه ويكرهون زوجي وياخذون فكره عنه
اخواني حيل يحبونه وهو يحبهم وطول الوقت معاهم راح اخرب كل شي اذا تدخل احد

 

[حبيبي شمالي]

بنت فلاويه انا ما سكت عنه ابببببببببببببد
قلته طلقني و ودني لاهلي مكان مافيه احترام ولا حشيمه ماقعد فيه وهو اللي طلع وقفل الباب وراه
وماعندي تلفون شسوي؟
واليوم قلتله مو من حقك تمد ايدك علي ولا هو حل واخر مره
قال انتي اللي تلقفتي وتدخلتي بخصوصياتي ومو مصدق اني ما فتشت تلفونه

 

[بنت فلاويه]

يعني وولد عمك يعني يقتلك

واخوانك علاقتهم فيه اهم من علاقتك به

خلي ابوك يدخل

عشان يعرف وراك سند

 

[حبيبي شمالي]

اخوي ما رضا يقول ابوي راح يصير شد ومشكله كبيره
انتي بشطارتج خليه يندم وما يعيدها
اني عارفه الطريقه الصحيحه

 

[رازيا]

عزيزتي من البداية كوني قوية ولا تضعفي
اقطع عرق وسيح دم سمعتي فيه هذا المثل
اتصلي على اهلك وكوني قوية وخليهم يجو
عندك وروحي معاهم
زوجك ما يقدر يطلق لانه موقفه ضعيف
والدليل اول مرة قالك اذا رحتي انت طالق
وبعدين قالك انشغلي بشغل البيت
روحي مع اهلك ولا ترجعين الا بشروط
واولها يعتذر عن الضرب والحياة الزوجية اهم شي
فيها الاحترام والثقة وزوجك فاقد للثنتين
وخليه يعتذر قدام اهلك على ضربك
ويتوعد بعدم الضرب ولا ترجعين الا بهدية كبيرة
علشان يحرم مرة ثانية يمد يده عليك
وخليها ذهب لانه الذهب غالي هذي الايام
زوجك ما حد يقدر يأدبه غيرك اتصلي على اهلك
وروحي عندهم ولا ترجعين الا بشروط
واذا اهلك مو حابين يدخلو في المشكلة اللي صارت
انصحك اعملي لحالك قيمة عند زوجك
يعني ازعلي زعلة قوية منه ولا ترضين بسهولة
الا لما يعتذر منك ويجيب لك هدية ولمرة الجاية
هدديه انك ما راح تسكتين وراح تدخلين اهلك وابوك واخوالك
واعمامك في الموضوع المهم لا ترضين بسهولة الا لما يعتذر ويتوعد
ويعطيك هدية الحين ازعلي ببيتك ولا تخرجين منه اذاكنت حابة تعاقبيه
بطريقتك الخاصة وقومي بكل واجباتك وتعاملي معاه بكل رسمية

 

[نجمة بيتها]

لازم تاادبينة كللللللللللة الا الضرب

اهاااااااااانة

 

[حبيبي شمالي]

زوجي حيل عنيد وعصبي مايعتذر ابببببببببببببببببببببببببببببببببببببببببببببببببد
واحتمال كبير ياخذه العناد الى الطلاق عااااااااادي
بنات هو يشوفني حيل مقصره معاه بالبيت
يعني لو رحت لاهلي وقلتله السالفه بيجي ويقولهم الملابس والبيت والمطبخ...... الخ
راح يقلب السالفه علي والله
انا ودي احد يتدخل بس اخوي منعني منع نهائي

 

[شوق لك كبير]

بصراحة انا من وجهتي نظري خالص عديها هذ المرة وسوي مثل ماطلب منك اخوك بس اذا عادها لا تسكتييييييين خالي ابوك يعرف سمحيه هالمرة بس

 

[رازيا]

زوجي حيل عنيد وعصبي مايعتذر ابببببببببببببببببببببببببببببببببببببببببببببببببد
واحتمال كبير ياخذه العناد الى الطلاق عااااااااادي
بنات هو يشوفني حيل مقصره معاه بالبيت
يعني لو رحت لاهلي وقلتله السالفه بيجي ويقولهم الملابس والبيت والمطبخ...... الخ
راح يقلب السالفه علي والله
انا ودي احد يتدخل بس اخوي منعني منع نهائي

خلاص عاقبيه بطريقتك الخاصة ازعلي زعلة قوية ولا ترضين بسهولة وقومي بكل واجباتك يعني خلصي شغلك بدري من الصبح والغدا يكون جاهز قبل يرجع وملابسه مغسوله ومكوية والبيت مرتب وممسح المهم لا تخليه يمسك عليك ممسك واستمري على زعلك حتى يرضيكي ويعتذر منك باي طريقة

 

[حبيبي شمالي]

خليه يعتذر اول
انا ادري انه ندمااااان لانه خايف اروح لاهلي ويشوفوني مضروبه على وجهي
ابي خطه ذكيــــــــــــــــــه
تخليني ارجع لوظيفتي وما يمد ايده ثاني مره
المشكله هو اللي زعلاااااااااااااااااااان بعد!! والله حاله ضربني وبكا سبقني واشتكا
شرايكم اناقشه اذا رجع بليل بهدوء؟؟

اقوله بقولك كم شغله تعتبر نقاط حمر بيني وبينك
ايدك ما تمدها لان بتكون نهايه حياتنا انا مشتريه صحتي وحياتي وعطيتك فرصه اخيره
دوامي شي اساسي عندي وبيتي ماراح اقصر فيه

 

[حبيبي شمالي]

رازيا هذا اللي راح اسويه ان شاءالله
بطنشه لين اشوف شنو يسوي عشان يرضيني
منعني عن دوامي اليوم وباجر ويمكن اكثر,, وقال لا تكلميني عن الدوام نهاااائيا

اللي اعرفه نقاط ضعف الشمالي نظرة القريبين منه واهل زوجته له
ودي المح له لو ابوي درا بياخذ فكره عنك وبيكرهك وهو اللي يحبك ويحترمك؟؟ شرايج

 

[مشاعر جنوني]

لا تكوني ضعييفه الضرب ماينسكت عنه لااازم يتأدب
ويعرف انك بنت ناس
لو سكتي هذي المره ومابلغتي ابوكِ بيتمادى مره تانيه وثالثه
واذا هو شاريكِ ماراح يطلقك وبيعتذر لك قدام اهلك
وبالنهايه ماراح يصير الا اللي ربي كاتبه

 

[حبيبي شمالي]

انا ودي احد يتدخل بس اخوي منعني نهائيا
بكلمه بجديه واحط حد لهالموضوع
يالله يالشاطرات عطوني نقاط ضعف الشمالي وكلمات تأثر عليه!!!!!!!!!!!!!!!!!!!!!!!!!

 

[بنت فلاويه]

امممممممممم تبغين كلمات

حطي لوحه على جدار غرفتك<<افكارها فيهارجه

وكتبي فيها لليضرب زوجته ممنوع الاقتراب
ترا جد بتخليه يتنرفز بالقوة
او اخذيها من قصير وروحي بيت اهلك وشددي كثير على نقطة الدوام

صاير العمل هاليومين سلاح للمراه في مواجهة غدر الزمن

واذا كنت تشتغلين قبل الزواج وهو قبل فيك يعني لايملك الحق بمنعك

 

[حبيبي شمالي]

لا انا توظفت عنده وساعدني بوظفيتي
ان شاءالله تكون بوقت عصبيه ومنعني ويرجع على طبيعته ويخليني اداوم
بتركه هاليومين وامري لله ينحسب خصم وبحاول اكلمه ان دوامي ماله دخل بالزعل

 

[شوق لك كبير]

حبيبتي كون متاكدة انو اخوك ماسكت اكييييييييد سالو ليش ضربك يمكن هو لتراجه انو يقنعك ماتروحي وتخبري بيت اهلك الشمالي مابحب تطلع مشاكلو بينو وبين زوجتو لبرة لانو يمكن يتحط في موقف محرج وهو اذا تحط في موقف محرج مابستحي او يخجل او هيك شي والعكس صحيح اكيد راح يقلبها عليك مثل كاقلتي وتصيري انتي لغلاطانة