أبي أخذ رايكم ضروري

[الدانه2010]

اهلاا وسهلاا فيكم

ياريت يابنات تفيدوني بسرعه لأني أحس نفسي مضغوووووووووووووووووطه نفسياً ومو مرتاحه

الزبده أني ساكنه مع أهل زوجي ف غرفة وحده ونا حاليااااً حامل وبييني بيبي بعد كم شهر بإذن الله

المشكله أني مو حاااااااااااسه أبد باستقلاليتي خاطري يكون عندي بيت خاص فيني أنا أكون الآمره الناهية فيه

حتى زوجي مو لاقيه وقت أقعد معاه وأسوولف إلا وقت النوم

وأهل زوجي ناس طيبين بكل معنى الكلمه محد فيهم يضايقني ولاشي بس أنا مو مرتاحه نفسيااااً

زوجي حالته الماديه مو ذاك الزود بس اعتقد أنه يقدر ع الايجار

يعني,,, شو الحل الحين؟؟

أخاف أحتشر وأسوي سالفة وأخسر محبة أهل زوجي لي

ولما كلمت زوجي أني مو مرتاحه بغرفه وحده قالي أنه بيسويلنا قسم خاص بس أعتقد أنه ف القريب البعيد والله أعلم

أبي مشورتكم===

 

[هيمآنة]

انتي قلتي لي انج مب مرتاحه صح اوكي .. آكييد هو بيحس فيج

ودام آهل ريلج وياج اوكي هااا أحسن شي .. آحسن خلية يبني لج قسم لحالج

وحـآولي توضحين له فكرتج وبإنج تبين تعيشين روحج حالج حال آي حرمه ومن ناهيت آهله

طبعا ما بتقصرين يواهم بتكونين رايحه وراده عليهم مب كله تجلسين في بيتج اليديد

وبعد قوليله كيف نحن بنتم في غرفه بروحنا لين متى آكيييد بيجينا طفل و وراه طفل هذيل يبون تربيه وبعدهااا يكبرون

ويبون دراسه شو كله بيتمون عندكم في الغرفه طبعااا ما يصير فأحسن من رايي إذا زوجك ما يريد يبتعد من أهله

يبني لكم قسم وإن شاء الله يوآفق

وآلله يوفقج ويرزقج الدرية الصالحة يارب

 

[حناني متعبني]

الله يكون بعونك ياقلبي

واهم شئ الراحة النفسية وان شاء الله بيعوضكم

بس انتي حاولي معاه بطريقة غير مباشرة

مثلا تقولين لة خلاص راح يجينا ضيف جديد (مولودك)

ومو معقولة يجي الثاني والثالث ونحنا بهالغرفة

ياليت لو من بدري ندور لنا بيت ووووووووووو

عاد انتي كملي الباقي

لا تنسيني من دعواتك

 

[الشتاء الدافئ]

ياعزيزتي اللي اوله شرط اخره نور مو معقوله تزوجت وانتي ماتدرين وين راح تسكنين و ما دامك ما شرطت بيت مستقل من البدايه ولا حتى جناح فلا بد تتحملين حتى يفرجها ربك واحمدي ربك على ان اهل زوجك طيبين وان زوجك متفهم وناوي يوسع عليكم ولا تخسري اهله لانهم اكيد بيتغيرون عليك ويزعلون لو طلعت خاصة بدون مقدمات بيظنون انك ماحبتيهم ومارتحتي معهم اصبري ومهدي شوي شوي لهم واهم شي خليهم يحبونك عشان يعذرونك بعدين ويقولون الله يذكرها بالخير.