أبني نعووم ورقيق أيش الحل؟؟

[*همسة غلا*]

أبغى حل يابنات لدي بنات كبار في الثانوية والمتوسط وابن في رابع ابتدائي عندي أصغر أطفالي ولد عمرة خمس سنوات وثمانيه شهور
منذ طفولته يحب اللعب أشياء البنات ولبس العباءة ووضع العطور وأنا انهاه عن ذلك كثير وبناتي الكبيرات دائما يفهمونه ان هذا غلط وأنت ولد تلبس ثوب وبشت مثل بابا ويقول طيب

بس بعدها بفترة يحب يلبس عباءة اخته وصندلها ويلعب لحاله مثل البنات ويتأنق في لبسه وشكله

حتى لما يجينا ضيوف يستعد باللبس الانيق من غير ما اقوله

في الروضه معلمته تقول يحب يلعب مع البنات كثير وهو ناعم جدا حتى في كلامه ودائما انبهه على ذلك انك تلعب مع اصحابك لكن من غير شعور يلعب مع البنات

ومسؤؤلة الباص اليوم نبهتني انه يبوس البنات الي بالابتدائي على خدودهم كثير وهي قالتله غلط


وانا لا ارى منه مثلا تصرفات غير لائقه بالعكس هو ذكي والغلط يقول عليه انه غلط

بس مو عارفه ايش اسووي والله

اعطوني حل هل اذهب به لدكتور نفساني ولا العلاج بيدي ياليت تساعدوني وجزاكم الله خير

 

[الفيصيلية]

هلا حبيبتي انا اقول وديه لدكتور نفسي الحين احسن من انه يكبر ويكبر ومعه هشي وتر الي نشوفهم الحين النعومين والترف بدت المشكلة معاهم من هم صغار بس محد اهتم فيهم وشوفي شلون صارو
نصيحتي خليه دايم يطلع مع اخوه الدواوين ويروح مع ابوه حتى الصلاة يروح مع ابوه واخوه يصلي بلمسجد وحاولي لا تلبسينه البنطلون وعوديه غصب على الدشداشة واشتريه لعبة البوقس وخليه يتدرب عليها
واذا تقدرين دخلية بصيف نادي كارتيه حببيه بالأشياء العنيفة
بس لا تسكتين على الموضوع ترا الموضوع مو هين

 

[فوتوشوب]

يادلبييييييييي عليه مثل تصرفات ولد اخوي الله يخليه لك يارب
ولاتخافين حبيبتي من دلعك له ووجود بنات بالبيت هو اللي خلاه يسوي هيك
لان ولد اخوي مررررررره ناعم يقول ابغى كل شي احمر ملابس والعاب وهو توه عمره اربع سنين
حتى يوم راح مع ابوه بيشتري بلاي ستيشن قعد يصيح يقول ابغى لونه احمر هههههههههههههههههههههه
الله يخليهم لاهلهم يارب
وكل هذا ترا بسبب دلعك له لان هو يعامل اللي حوله مثل ماتعاملينه بدلع ورومانسيه​

 

[نزف]

حبيبتي هو كيف مظهره ..بناتي؟؟؟
خليني اقول لك قصه عن تجربه
انا مدرسه والسنه الماضيه جاني ولد نااااااااعم شكله بناتي ,,شعره ناعم والى كتفه ,,شفايفه حمر
حتى لما كنت اشوف عليه اشفق عليه
تصدقين ان امه كانت تسشور له شعره قبل لا يجي المدرسه؟؟؟؟
بس الولد كان انطوائي
والاولاد ما يلعبون معه عشان شكله البناتي
كنت احس الولد يعاني
حتى انه كان يبكي مثل البنات
اتصلت ف امه وطلبت مقابلتها وحكيت لها عن خجله الشديد وانه انطوائي
وقلت لها انها هي السبب لان شكل الولد هو الي مسبب له هالمشكله
بعد يومين قصت له شعره مثل كل الصبيان
صار الولد يلعب مع الصبيان ويحكي
برزت رجولته
يمكن تستفيدي من القصه اختي
او تنبهك لحاجات

 

[*همسة غلا*]

غاليتي:الفيصليه

اشكرك على سرعة الرد

أبني دائما يذهب مع والده بكل مكان لكن تصرفاته ايضا تدل على النعومه فهو يطلب من ابوة ان يذهبوا لمحلات الالعاب ويطلب ان يشتري لعبة بنات فهو يعشق الاواني وادوات المطبخ مثل المكنسه والغاز وغيرها

ويلعب بها باستمتاع لكني اصبحت في الفترة الاخيرة امنعه جدا وابين له ان العابه هي السيارة والكرة ويرضى بها بعد عناء

ونبهتيني على نقطة مهمه أني أسجله بنادي صيفي بالكراتيه

وان شاء الله راح اسجله

اشكرك مرة اخرى

 

[*همسة غلا*]

غاليتي:فوتوشوب

من ناحية الدلع بالفعل انا ادلعه كثير بس مو لدرجة انه يصير نعوم وحتى يبكي برقه ونعومه

بصراحه اخاف لما يكبر يطلع شي غريب في المجتمع

الله يحفظة ويحميه

مشكورة حبيبتي على تفاعلك ومرورك الكريم

 

[*همسة غلا*]

غاليتي :نزف

ابني كان في العام الماضي شعره طويل والكل يظن انه بنت

وقمت بقصه لكن والله حتى بعد القص الكل يظن انه بنت

فملامحه بنوتيه وشعره ناعم وطريقة كلامه حتى مع الاغراب ناعمه

وابوة دائما يقول له تكلم بقوة فانت رجل وقوى مو مثل البنات وهو لايقدر

لكن اختى الفيصليه نبهتني الى اني اسجله بنادي كراتيه لعله يبرز رجولته وقوته

اشكرك على حضورك الكريم