أبنتي والخجل الزائد ؟؟؟؟!! (** تم الرد**)

[حبوبة زوجي]

السلام عليكم ورححمة الله وبركاته..
أرجو من الأستاذه عدم إهمال مشكلتي والرد علي بأقرب وقت فأنا عندي بنتي عمرها ثماني سنوات ونص وبالصف الرابع الأبتدائي ومشكلتها الخجل الزائد فالمدرسه والخوف من الخطأ يعني في الصف ماتتجاوب مع المدرسات وتخاف تغلط بعدين المعلمه تصارخ عليها أو تضربها وحتى مع زميلاتها فالصف مالها أي علاقات معاهن ودائما تكون بروحها فالفسحه المدرسيه بس تشتري الأكل وتجلس بروحها أنا دائما أسالها عن صديقاتها فالمدرسه ومع من تلعبين تقول ماعندي صديقات ولا ألعب مع حد أسألها ليش تقول هم مايكلموني وحاولت بكل الطرق أشجعها أنها هي تروح وتمشي مع البنات وتلعب معاهم عشان تكون صداقات بس مافي فايده حتى خجلها مأثر على مستواها الدراسي وأنا أقولها لاتخافين جاوبي حتى لو غلط عادي بس لازم تتكلمين بس لا حياة لمن تنادي والمدرسات يشتكون من هدوئها الزايد بس أنا من بداية العام وإلى اليوم أتكلم مع المدرسا ت عشان أطلعها من حالته هذي وعشان يتفهمون الوضع ويكون فيه تعاون بيننا وكل سنه وهي على هذي الحاله ودرجاتها الدراسيه عالحااافه وماخليت طريقه إلا وسويتها عشان أشجعها بس مافي شي تغير وخجلها بس فالمدرسه فالبيت ماشاء الله عليها والله تعبت وأحيانا يجيني إحباط ليش بنتي خجوله واااااايد وضعيفه بالمدرسه وأعاني معاها بالدراسه مع أنها ذكيه وتحب تشارك بالنشاطات بس خجل وخوف :sad_1:
ماأعرف شو باقي أسويه ماسويته أرجو منك الحل ألي بفكنا من هذي العقده:dunno:
ودمتي بود

 

[الأستاذة/أمل]

عزيزتي
لا تقلقي

الحل سهل لكن عليك بالتطبيق

ازرعي في ابنتك الثقة في نفسها
عن طريق برمجة عقلها

ستقولين كيف ؟

سأقول لك عن طريق المدح

كل يوم امدحيها غيري معاملتك معها

المدح سبب نجاح الكثيرون من الناس

امدحيها على كل فعل تفعله شجعيها أكثر
كلما ضغطي عليها بالمدح دون ملل ولا كلل ستظهر لك النتائج

إذا علمت بأنها جاوبت أو ارتفعت درجتها

(وجهك يشع نورا ,, أكيد كنت جيدة هذا اليوم)
( وجهك يبعث لي الأمل بأنك ستجلبين أعلى الدرجات)
( أنت عبقرية)

لا تحبطيها أبدا ومهما كانت الظروف

اجعليها تشرب كثيرا من الماء وقولي لها بأن الماء يجعلك تركزين أكثر
حتى تعتاد على شرب الماء وتربط شرب الماء بنجاحها وتفوقها
وكما نعلم بأن الماء ضروري وله فوائد عديدة

ووفقها الله​

 

[حبوبة زوجي]

مشكوره يا أستاذه أمل على الرد وأنا المدح ما أقصر معاها فيه بس الماي هي فعلا ماتشرب الماي وايد غير في المدرسه تاخذ المطاره معاها وإنشاء الله بحاول معاها..
جزاكي الله ألف خير وجعله في ميزان حسناتج