اريد حلا
..
بعرض مشكلتي بإختصار أنا متزوجه من سنتين عمري 24 سنه ، من تزوجت وأنا مامريت باللي طبيعي تمر فيه أي عروس على الأقل بشهر العسل كان يتهرب مني مع إني حاولت أجذبه بكل الأشياء والأفكار كنت حريصه على إني أحافظ على زوجي ، ونسيت أقولكم بأن أول أسبوع من زواجنا زوجي جاته حاله بعد ماصحى منها قال لي بأن فيه مس متلبس فيه من فتره طبعا ماكنت أدري قبل زواجنا إنصدمت وقتها لاني أخاف من اللي فيهم هالحاله وكتمت خوفي عشان ماأجرحه ومر شهر شهرين وأنا مازلت عذراء يقولون بينا ربط أو إن المس يغارمني ويمنعه وإلى هاللحظه وأنا محرومه الفراش رحت لدكتور قلت له المشكله سوى لي عمليه توسيع عشان أسهل على زوجي وهم ماقدر يقول يمكن عضلاتك تشد بس زوجي يقول بأن عضلات بطنه تشد معاه فمايقدر يتم عمليته ، خلنا نروح لجانب آخر ، بعد زواجنا بشهرين ترك الوظيفه و وهقني معتمده على راتبي هو مصروفي ولبسي ولشقه والله رحمنا إن حنا عند أهله صار له 4 شهور مقدم على الديوان وبإنتظار الوظيفه ، نتكلم شوي عن تعامله يقول يحبني بس إذا رحت لأهلي زواره يومين مايدق ولايرسل مرضت هم طنش ولاتحمل مسؤليتي فأروح لأهلي ، قاسي معاي بتعامله لدرجه أقول مايبيني إذا تناقشنا آخرتها يتنرفز يا يصارخ يايمد يده طبعا مدت اليد خفت بعد ماكلمه الوالد بعد مارحت لهم زعلانه ، مفشلني دايم قدام أهلي وأهله يحسسني مو مهمه سهر لين الفجر يصحى يوديني لدوامي يطلعني ولا أشوفه إلا الفجر الثاني تعبت من الوحده كذا مره أقعد معاه يقول بتغير ،تخيلوا لا زوج ولا طفل ولا وظيفه مافيه شي ماسويته له ضحيت و وقفت معاه بس هو مايقدر تخيلوا حتى السفر يكذب علي يقول ديره و يروح ثانيه صدمني 3 مرات بهالحركه وأسامحه لأني أحبه حيل ولاتقولون ليش لان فعلا ما أدري ليش ذبلت وتحطمت والحين أناعند أهلي بعد ماأعترف لي بأنه غصب عليه وده بالاستقرار ولايقدر بكى عندي يقول سامحيني أنا عذبتك وأختاري ياطلاقنا ياتنطرين أتعالج وأرجع لك أنا خايفه أطق الصدر وآخرتها يفشلني لايتغير ولايتعالج وبنفس الوقت الطلاق يعني فراقي الابدي منه أبي شوركم نفسيتي تعبت وراسي بينفجر من التفكير لاتخلوني شسوي ؟؟
..
بعرض مشكلتي بإختصار أنا متزوجه من سنتين عمري 24 سنه ، من تزوجت وأنا مامريت باللي طبيعي تمر فيه أي عروس على الأقل بشهر العسل كان يتهرب مني مع إني حاولت أجذبه بكل الأشياء والأفكار كنت حريصه على إني أحافظ على زوجي ، ونسيت أقولكم بأن أول أسبوع من زواجنا زوجي جاته حاله بعد ماصحى منها قال لي بأن فيه مس متلبس فيه من فتره طبعا ماكنت أدري قبل زواجنا إنصدمت وقتها لاني أخاف من اللي فيهم هالحاله وكتمت خوفي عشان ماأجرحه ومر شهر شهرين وأنا مازلت عذراء يقولون بينا ربط أو إن المس يغارمني ويمنعه وإلى هاللحظه وأنا محرومه الفراش رحت لدكتور قلت له المشكله سوى لي عمليه توسيع عشان أسهل على زوجي وهم ماقدر يقول يمكن عضلاتك تشد بس زوجي يقول بأن عضلات بطنه تشد معاه فمايقدر يتم عمليته ، خلنا نروح لجانب آخر ، بعد زواجنا بشهرين ترك الوظيفه و وهقني معتمده على راتبي هو مصروفي ولبسي ولشقه والله رحمنا إن حنا عند أهله صار له 4 شهور مقدم على الديوان وبإنتظار الوظيفه ، نتكلم شوي عن تعامله يقول يحبني بس إذا رحت لأهلي زواره يومين مايدق ولايرسل مرضت هم طنش ولاتحمل مسؤليتي فأروح لأهلي ، قاسي معاي بتعامله لدرجه أقول مايبيني إذا تناقشنا آخرتها يتنرفز يا يصارخ يايمد يده طبعا مدت اليد خفت بعد ماكلمه الوالد بعد مارحت لهم زعلانه ، مفشلني دايم قدام أهلي وأهله يحسسني مو مهمه سهر لين الفجر يصحى يوديني لدوامي يطلعني ولا أشوفه إلا الفجر الثاني تعبت من الوحده كذا مره أقعد معاه يقول بتغير ،تخيلوا لا زوج ولا طفل ولا وظيفه مافيه شي ماسويته له ضحيت و وقفت معاه بس هو مايقدر تخيلوا حتى السفر يكذب علي يقول ديره و يروح ثانيه صدمني 3 مرات بهالحركه وأسامحه لأني أحبه حيل ولاتقولون ليش لان فعلا ما أدري ليش ذبلت وتحطمت والحين أناعند أهلي بعد ماأعترف لي بأنه غصب عليه وده بالاستقرار ولايقدر بكى عندي يقول سامحيني أنا عذبتك وأختاري ياطلاقنا ياتنطرين أتعالج وأرجع لك أنا خايفه أطق الصدر وآخرتها يفشلني لايتغير ولايتعالج وبنفس الوقت الطلاق يعني فراقي الابدي منه أبي شوركم نفسيتي تعبت وراسي بينفجر من التفكير لاتخلوني شسوي ؟؟
التعديل الأخير بواسطة المشرف:
