آآآآآآآآآآآآه يالقهر هذي هي قصتي

[سكااايب]

قصتي تتلخص في الآتي... أنا كنت متزوجه والآن مطلقه ولا أريد أن أدخل في تفاصيل زواجي وحياتي مع زوجي فهي حياه عاديه وزي كل الناس عندنا مشاكل ومره كذا ومره كذا يعني يوم نتصالح وعشره نزعل والسبب في الطلاق كان تافهه جدا وهو ماكان يبي يطلق بس حب يكسر خشمي ويذلني بهذا الطلاق طلقه وحده تهيبني وتخليني موطيه راسي بعد ماكشفته بشغلات..معني ضعيفه مره وهذا اللي طمعه فيني وخلاه يتمادى في تعسفه معي واهماله لي ولعيالي والمصاريف أغلبها على وكل هذا ساكته أقول أهم شي عيالي الفلوس وسخ دنيا وأمشي الحال ..وهذي غلطتي وأعترف الرجال يحب المره القويه اللي تدافع عن حقوقها بس ماعرفت الا بعد فوات الأوان... وكان اللي كان بعد محصل الطلاق أنا صار عندي ردة فعل قويه ولميت أغراضي وخرجت جا يمنعني لأنه أتوقع العكس أني اترجاه وأبقى عشان عيالي بس لماشاف ردة فعلي جن جنونه وصار يترجاني أجلس وخرجت صار يرسل لي مسجات وأنه ندمان ووو وأنا مازالت جراحي تنزف رفضت كل محاولاته في الرجوع وكنت أخبر أخواني أنهم يوقفوه عند حده وينسى اي اتصال بي وحتى يعرف أني قويه وعندي رجال المهم تكلم عليه أخوي وقاله لاعاد تتصل بها ولاتحاول ترجعها أصلا انت متستاهلها ومثل هاالكلام...وضل مدة ثلاث سنوات يحاول يرجعني ويركض وراي وأنا رافضه نهائيا ..بس بعدين شفت عيالي بدو يكبروا ويسألون دائما ماما ليش ماتروحين معانا عند بابا وزاد تعلقهم به فقلت خلاص كفايه لحد كذا أرجع وان شاء الله تكون هالمده غيرته ووافقت ومن هنا بدت مشكله جديده أخ بس:busted_red:أكمل القصه الآن بس بعد ماتقروا هذا الجزء

 

[مـاهمني]

الله يعينك حبيبتي ويصلح حالك ويهدي زوجك ..ويجمع شملكم على طاعته وحسن عبادته ..

الصبر حبيبتي..الصبر ..

اترياك غناتي ..والله يكتب لك الخير ..اللهم امين

 

[*زهرة الرمان*]

انا قرات كملي

 

[سكااايب]

أشكركم خواتي(ماهمني)و(كلنار )يعطيكم العافيه الآن اكمل لكم ........

 

[مملكة الأحزان]

يالله ياختي فعلا قصتك تشبه قصتي كثييييييييييييير


فعلا احنا اللي طمعنهم في نفسنا انا مثلك اول ماتهاوش مع اهله رحت وشلحت اساوري وعطيته ياه وقلت له لاتزعل نفسك مادامني معك

ولما قعد عن الشغل قلت مايخالف انا راضيه وبنصرف من عند ابوي وهكذا واستضعفني مثلك تماما واخر مره ماتوقع اني اتركه بسهوله لاني دايما ترجاه واخر مرة طفح الكيل



حبيبتي غلطتي وغلطتك انا عطيناهم اكبر من حقهم وفي نفس الوقت حبيناهم من قلبنا فاستضعفونا وحنا نحسب اذا عطيناهم من فلوسنا ولا طلبنا منهم شي انهم راح يحبونا وبالتالي يتمسكو فينا ويعتبرونه جميل

لكن ياحبيبتي اكبر خطا خطيته انا وياك انا ماخليناهم يتحملو مسؤوليتنا والخطا الثاني انا وريناهم ضعفنا وحبنا لهم والرجال مايحب المرأة اللي تضحي يحب القويه

بس ياحبيبتيلاتزعلين ولا يضيق صدرك
توكلي على الله واستخيري ولعل الله يفرجها عليك وادعي واذا رجعتي غيري كل شي في حياتك شكلك ومضمونك

 

[سكااايب]

أشكرك أختي مملكةالأحزان الله يفرح قلبك ويزيل همك وهمي يااااااااااارب

 

[وردة الحجاز]

تابعي اختي ..

الله يعينك وييسر لك أمرك

 

[نبع الحنين]

كملي قصتك احنا منتظرين.

 

[دونيا123]

كملي اختي بانتظارك