ζζ…ΨΏΨஇ متى بتتحركين ؟؟ من سباتج العميق يوم بتشوفين ريلج ينخطف جدام عيونجஇ₯ ΨΏΨ…ζζ

[حبيبي دقايق من وقتك سلف]

ζζ…ΨΏΨஇ متى بتتحركين ؟؟ من سباتج العميق يوم بتشوفين ريلج ينخطف جدام عيونجஇ₯ ΨΏΨ…ζζ

السلام عليكن ورحمه الله وبركاته ​

بدش فالموضوع بدون احم ولا دتستور من حبي وخوفي عليكن يمكن يكون كلامي قاسي وجارح بس والله الذي لا اله الا هو....
اني فتحت هالموضووووع عشاني ابالكن الافضل والاحسن:icon30:
ابا اسالكن سؤال وهالسؤال اتمنى كل وحدة تجاوب نفسها وتكون صريحه وامينة في اجابتها
شو سالفة ها الكسل والاهمال الغير طبيعي ؟؟؟؟؟؟؟ اهمالج لنفسج وكيانج ؟؟؟؟؟؟؟
لين متى بتمين تهملين نفسج وذاتج ؟؟؟؟؟؟؟:surrender:
صدقيني مابينصلح حالج ويا ريلج لين ماتصلحين حالج ويا نفسج قبل !!
اغلب الي يدشن المنتدى يقرن ويقرن ولكن يوقفن عند هذا الحد وبس شو الفايدة تقرين ولاتطبقين شيء من الي قريتيه:no:متى بيحين الوقت ؟؟ عقب كم سنه يعني ؟؟؟؟؟
الايام والسنين تركض وانتي ياغافلين الكم الله...خلي ريلج على صوب بكل عيوبه واخطائه!!
فكري في نفسج وعمرج الي يمضي وانتي عايشة في سباتج الطووووويل العميق ؟؟ :dunno:
متى بتفكرين تطلعين من هذا السبات متى بتهجرين قوقعتج ؟؟ كم من السنين تبين اتضيعينها بعد ؟؟؟
شو تترين بالضبط تترين ريلج ينخطف جدام عيونج وانتي بعدج واقفه بلا اي ردت فعل ؟؟:shutup:
بتقولين السبب في ريلي ؟؟ وريلي خاين ؟؟ ريلي اناني ؟؟ ريلي مايحس فيه ؟؟ ريلي قاسي مافي قلبه رحمه ولا حب ؟؟:icon1366:
خلي ريلج على صوب بكل عيوبه ومساؤه الحينه .....واباج اتعرفين انه مابتحصلين ريال مثل ماتطمحين وتتمنين:crazy:واغلب الريايل عندهم مصايب وبلاوي سوده وحياة ثانيه خفيه ...ماقولج ارضي بواقعج المرير ( لا ) انا اقولج ريلج تقدرين تعينينه مثل العينه وتشكلينه وتخلينه يربع وراج وهمه سعادتج ورضاج:icon30: بس لازم اتعرفين انه مافي شيء بساهل ...طبعا لازم تبذلين جهد عشان تخلينه عاشق وولهان ومايصبر عنج:flex:
اباااااااااااااااج
تختارين في هذي اللحظه و تقررين اما انج تحافظين على زوجج وبيتج واما انج تسمحين لوحده ثانيه تصرق ريلج منج
الريال في زمنا هذا بسهوله ممكن ينصرق ...اي وحده تسبل عيونها وتبتسم ابتسامه فاتنه وتتميع له ممكن تخليه يركض وراها مع الاسف هذا اذا كانت علاقته بزوجته مهزوزه!!
خافي على عشك قبل لا ينهدم
خافي على مستقبلج ومستقبل عيالج
اذا كنتي من الي انصرق ريلها عنها استعيدي ريلج من حضنهااااااااااا
لا تسمحيلها ابدا هذا ملكج انتي قبل لا تملكه هي هذا شريك حياتج ابو عيالج
هي دخيله دخلت حياتكم وحطمتها ودمرتها خربت علاقتج في ريلج هزت مكانج في قلبه وفرضت نفسها وتربعت هي داخله
مع هذا كله بعدج مستسلمه وسامحتلها وناسيه انج انتي صاحبة الحق وهي مجرد طفيلية وصوليه مصاصه دماء
قدرت بكيدها ومكرها وخبثها تصرقه منج وتجعله يتعلق فيها ومايستغنى عنها ويراها كل شيء وانتي لا شيء نكره
موجوده فقط كي تخدميه وتربي ابنائه كالخادمه
هي بثت السموم عشان تبعده عنج استخدمت كل اسلحتها للمحافظه عليه هدفها الرئيسي تخليج في هامش حياته
وانتي سمحتيلهاااااااااااااااااااا
لاتدافعين عن عمرج ؟؟
لاتقولين انا تزوجته وهو من الاساس خاين وماترك عشيقته ؟؟؟
هو خاين اكيد غلطان ولكنج انتي غلطانه بعد سمحتيله يستمر في خيانته لج
الوحده لازم تحارب عشان حياتها وماتستسلم واذا ماكن فيج كيد النساء تعلمي وتشطري ورديه لج
بس انج تستسلمين وتنهزمين من اول جوله لااااااا ومليون لاااااااااااااا
هذا الي مقدر لج ومكتوبلج وهذا هو نصيبج كاااافحي ولاتسمحين لحد ياخذه منج
زمن الضعف ولى وانتهى ...
حركي القوة الي في داخلج اشحنيها استردي كيانج ذاتج
مب عيب ابدي من الصفر خطوه خطوه شوي شوي اهم شيء تثابرين تلتزمين تصرين وتتحلين بالارادة والعزيمة
خططي انجزي وفالنهايه بتوصلين لمبتغاااااااااج
بتردينه ريلج تعرفين متى بيرد ؟؟ يوم بتتعبين وبتلهثين وبتسعين
مابتردينه وانتي يالسه تذمرين وتشكين وتلطمين خدج حسره وقهر ...اشتغلي على عمرج وبسج كسل
انتي محاسبة جدام رب العالمين عن نفسج الي حرمتنها من ابسط حقوقها محاسبه من هالكسل الي غرقانه فيه ومغرقه غيرج وياج
يلسي ويا عمرج جلست صراحه مع نفسج انتي راضيه عن عمرج
الخطوة الأولى : شوفي عمرج فالمنظره استردي سنوات عمرج الي ضاعت سدى
اقتنعي انتي السبب الرئيسي لكل مشاكلج لاتقولين اهلي ولا ريلي ولا عيالي ولا الناس كم بتمين تحطين الوم على الناس
انتي انسانه عاقله فاهمه واعيه راشده اتعرفين انج لو مشيتي صح كل الابواب المغلقه بتنفتح لج على مصرعيهااا
تمعني النظر وانتي تشوفين نفسج هل هذي الانسانه الي كانت تدب فيها الحياة في يوم من الايام
شو تشوفين فالمنظره ؟؟؟ امراه تعيسه ..حزينه ..فاقدة ثقتها في نفسها ..وفي الي حوالينهاااا
امراه كبرت فالسن بسب الهموم والمأسي ؟؟لين متى بتمين في هذي الحاله المزرية؟؟ لين متى بتعيشين هذا الدور وهذه المسرحية المؤلمه
مدي ايدج وساعدي هذي الانسانه لانها تحتاج لج قبل لا تغرق وتموت وانتي بعدج واقفه في مكانج نفس الجماد الذي لا يتزحزح من مكانه
لاتنتقمين من هالانسانه لانها لاتستحق لاتعاقبينها لاتعذبينها لاتكونين سبب في انتحارها
شو قررتي ؟؟؟ بعدج مصره تعاندين نفسج ؟؟؟؟ وتعيشين نفسج فالمستنقع ؟؟؟؟؟
ام قررتي تمزقين هذا السناريوووو وتكتبين سناريووو جديد وتكون أنتي بطلة هذا السناريووووو
وتعيشين حياتك كما احببتي دوما ان تعيشيهاااااا....:clap:
؟؟؟؟؟؟؟؟؟؟؟؟؟؟
يتبع ...:bye1:​

 

[سلة فواكه]

كلامج حلوووو يا دقايق
واسلوبج في الكتابه وايد حلو
اكيد كل وحده قرت هالموضوع عزمت تتغير
ماشاء الله اسلوبج حلو

 

[غناة الكون]

الله يبارك لك بدينك وبشبابك يادقايق ياختي والله ان الكلام الى طلع من فمك وكتبته يديك والله انه كلام من اخت غيوره على اخواتها المسلمات انتي رائعه وكلامك صح مره واتمنى انه يستفيدو البنات من هالدرر ويفيقو من سباتهم

 

[ana purity]

السلام عليكم هذي اول مشاركه لي لان كلامك جا على الجرح وحتى توقيعك صادق اه بس من الرجال والله لو وش تسوين مايبين

الف شكر

 

[RANY]

مشكوره الغالية كلامج كله صح ف صح

 

[عذابه وعشقي]

اختي موضوعج رائع جداااااا
وينعم عن حب في الله لاخواتج
وفرصة طيبة لتنبيه الغافلات منهن
قبل ان تكسر جسور المحبة والتواصل
بينها وبين زوجها الحبيب


ولكني لدي استفسار وخذيني على قد عقلي
من تقصدين بقولك
طفيلية وصوليه مصاصه دماء
ومن هي تلك السارقة؟
ممكن التوضيح
لقد اختلطت علي المفاهيم
وبارك الله فيج​

 

[امراة نقية]

الله يعطيج العافية صح الله لسانج صدقتى لمتى واحنا نلوم اللى حوالينا متى نخلع الاقنعة عن وجوهنا .
ونعرف انا احنا اللى لزم نتغيير ما ننتظر مين ياخد بيدنا لزم الوحدة منا تكون واعية حريصة وقبل كل شى انثى بالفطرة اللى الله فطرنا اياها ونمرة مخالبها الحادة فى الدفاع عن مملكتها . كلمات قوية بارك الله فيكى.

 

[حبيبي دقايق من وقتك سلف]

مرحبه خواتي اعود لتكملت مابدئته والمعذرة على القصور ماردني عنكن الا انشغالي وعدم تفرغي
ولكن قلبي وياكن واتمنى كل وحده تدش تستفيد من موضوعي تدعيلي ان الله يقيني شر خطافات الريايل السارقات الي مايخافن من الله وان الله يحرسني من شرور خلقه ويبعدهم عن حياتي وينصرني على من ظلمني بحوله وقوته وجاهه وبعظيم سلطانه ويقر عيني بذلك آمين...:icon26:
على فكرة انا خواتي مقروصه
عشان جيه مابا اي وحده منكن تنقرص مثلي وتعاني لازم كل وحده تكون حريصه على ريلها وتخاف انه في اي لحظه ممكن تي وحده زباله تكرمون وتحاول تخطفه منج :strongsad:
وانتي غرقانه فالعسل وماتعرفين
شو الي يدور حواليج....:no:​

الخطوة الاولى : كانت في انج تقفين فالمنظرة وتشوفين هالانسانه التعيسة الي محتاجه مساعدتج
الخطوة الثانية : حطمي الخوف والقلق والغضب الي في داخلج إنتي محتاجه انج تخلقين الحب في روحج وذاتج وقلبج كيف بيحبج ريلج وعيالج والناس اذا اساسا انتي ماحبيتي نفسج
كل ماحبيتي عمرج كل ماحبوج الغير.. ليش تنقصين من حبج لنفسج ؟؟ حتى حبج أنتي لزوجج وعيالج مابيوصلهم لين ماتحبين نفسج صح
نحن النساء عاطفياااااات وايد , هاي الخصله فينا في تكوينا ..
مدام فينا كل ها العاطفه ليش الوحده تبخل على عمرهاااااااا
سبحان الله الي محتاجه للعاطفه والحب تحس انه في شيء غلط في حياتها شيء مفقود وضايع واتحسين بخلل , والوحده عادي تصاب بالاحباط والاكتئاب
انتي بحكم طبيعتج العاطفيه حبي نفسج اغمريها بالعاطفه والحنان ارئفي بحالج اطمحي توصلين لمرادج بكل حب بسج من التضحيه
على حساب نفسج واعصابج وراحتج
لا تخطين اي خطوة وانتي مغصوبه عليها اخطي خطواتج وانتي حابه تصلحين من نفسج وترتقين ابها فوووق
حبي اسمج حبي روحج حبي شخصيتج اكدي لنفسج انج مميزة لانه هاي هي الحقيقة يمكن انتي فاقدة ثقتج بنفسج بسب ريلج
وابتعاده عنج !!! لكن صدقيني الناس يشوفون الي انتي ماتشوفينه في عمرج والبعض منهم يحسدج على مزاياج الي انتي غفلتي عنها​

الخطوة الثالثة : ثقي في نفسج وانوثتج و
لاتقولين انج مب حلوه ؟؟ ؟ اسمحيلي انا ماصدق انه في انثى في هالكون مب حلوه في منهن مهملات عمارهن وفي تربن على الصريخ والدفاشه
عشان جيه هن منفرات ... حتى اجمل الجميلات اذا ماكان عندها اسلوب بتطلع بشعه مخيفه الكل يتحاشاها
ولا مره صادفتن وحده يمكن تكون عاديه ولكن تحسين انها حلوووه وتجذبج مثل المغناطيس وتستغربين من هذا الاحساس
السبب خواتي لانها اولا هي تنظر لنفسها بانها فعلا جميله وثقتها بنفسها عاليه وروحها حلووه كل هالاشياء الداخليه و الشعور الاخلي انعكس على مظهرها الخارجي
كسري الحواجز الي بنيتها لنفسج انتي الي سمحتي لزوجج او غيره انه يفقدج ثقتج بنفسج عددي محاسنج وابرزيها وجمليها
وخلي ثقتج بنفسج مثل الحبل المتين الي لايمكن ينقطع رغم العواصف والاعاصير طبعن انا اتكلم عن الثقه وليسه الغرور والتعالي لانه هذي الصفات تجعلك قمة فالقباحه
لا للغرور ونعم واهلا وسهلا لثقه بالنفس
الخطوة الرابعه :
التخطيط خططي ,و ابحثي ,نقبي ,واكتشفي ,جددي ,خذي واتركي
خططي كي تكوني بطلة رواية انتي كاتبتها انثري خيالك على واقعك ازعي ماشئتي واقتلعي الاحجار التي تعرقل خط سير حياتج
ازيحي الحدود وانشئي مملكتك الي تحلمين فيهاااااا
منو يستطيع ان يقف في طريقج اذا انتي ماسمحتيله ؟؟؟
لاتسمحين لا حد يوقف في طريقج لا زوجج ولا عدوتج ولا احد مهما كان سواء كان قريب او بعيد
هذي حياتج شكليها على كيفج وعلى هواج وماعليج من الناس مابينفعونج ولا بيفيدونج !! ؟
اهم شيء عشان تنجحين في تخطيطج لحياتج انج تنظمين وقتج ولا تتهاونين في هذي النقطه ابدا ابدا
الانتظام فالوقت يعني النجاح وتحقيق خططج واهدافح بتفوق وجداره مع مرتبة الشرف
عشان تقتلين الكسل في حيااااااااتج انضبطي ونظمي وقتج
مابتكونين الانسانه الي تبينها اذا ماسويتيلج نهج تمشين عليه ووقت محدد صدقيني غاليتي
بتقضين على الحياة العشوائيه الي تعيشينها بتحسين بالاستقرار بتقدرين تسوين كنترول لحياتج
حددي وقت نهوضج من النوم ووقت رقادج
حددي ساعة الفطور وساعة الغدا وساعة العشاء
حاولي قدر المستطااااع تصلين كل صلواتج في وقتهاااا لانه مع انضابطج لصلواتج بتقدرين طول اليوم تحسين بخفه وبركه في يومج
نظمي وقت عيالج ورقادهم خلج صارمه وخصصي وقت لج محد يزعج فيه شو ماكان لاتتنازلين عن وقتج الخاص
لانج محتاجه لهذا الوقت تمتعي في هالوقت ريحي اعصابج استرخي شوفي شو الانجازات الي حققتيها
سجلي كل اهدافج على دفتر جميل اختاريه على ذوقج واكتي بلون مميز كل اهدافج
سواء اهدافج طول الاسبوع او طول الشهر او طول هالسنة
وكل ماحققتي هدف اكتبيه في قائمة الانجازات وكافئي عمرج على الانجاز الي وصلتيه لانح تسحقين
الخطوة الخامسه:
اهتمامج بجسدج ...ياما حريم بسبب تعاستهن زادن ارطال وتضاعفت احجامهن وتغيرت ملامح وجوهن لدرجة انه الغير مايتعرفون عليهم ويوم ايعرفون انه هذي الانسانه
فلانه يصابون بصدمه !!!!!
اعترفي كم يوم مرت عليج حالة انج تاكلين وتاكلين بدون توقف مع انج ماتشعرين بالجوع؟؟؟؟
كم مره فكرتي تسيرين الصالون عشان تسوين بدي كير مانكير وتعنين بنفسج؟ متى اخر مره سويتي جلسه للاعتناء بشرتج ولا جسمج
متى اخر مره سويتي حمام مغربي او سويتي دايت ؟ او رياضه ؟شي من الحريم يقولن
انا ضعيفه ماحتاي اسوي رياضه يتحرن بس المتينه يبالها رياضه,, لا غلطانه اختي لانه العلاقه الجنسيه محتاجه وحده مرنه وعندها لياقه
الرياضه مب عشان انقاص الوزن غلط هالمفهوم اصلن كل مامارستي الرياضه كل ماحسيتي بخفه مب بس في جسمج لا حتى في روحج لاني تتخلصين من الضغوطات
اليوميه ووتخلصين من الشحنات السلبيه الي فيج وها كله ينعكس عليج بتشعرين بالنشاط والشباب والحيويه والانتعاش
حتى ريلج بيحس انه فيج توهج مب طبيعي
بيتخبل والله مب لازم انتي تسيرين صوبه هو الي بيربع وراج ههههههههه وانتي تشردين عنه هههههههه وااااو
هالمطلووووووب ياما ركضتي وراه وهو شرد عنج واخير بيي اليوم الي هو يركض وراج وانتي تشردين عنه.
من الاشياء المهمه الي لازم تفتحين عيونج عليها جسمج
شوفي جسمج ؟؟ مشدود ؟ ولا مترهل ؟
جسمج فيه سلولايت ؟ اذا ينا ع طاري السلولايت مابنخلص
السلوليت بشع والله بشع بشع مخيف يلوع الجبد يمكن مايبين عند البعض الا اذا سويتي حركه معينه
وممكن يبين عند الكثيرات بدون لا تسوي شيء ها كله بسبب المقالي والحلويات والاكل كله بسبب الزط من غير لاتحاسبين
مب مشكله لاتخلين هالشيء يحبطج الي فات مات بكل مافيه الي عليج احينه
اتحاربين هالسولايت لاتقولين صعب ويباله وقت !!!!!هالكلمه مابا اسمعها نهائيا ولا تصدقين انه السلولايت مايروح جذب
يروح بالارده بالرياضه المستمره بالاكل الصحي والابتعاد عن مسببات الاسلولايت مثل الدهون والحلويات
شربي لترين ماي مب مره وحده لا قسمي وقتج لترين عباره عن 4 دباب مسافي من الصغار اشربيهن طول اليوم
في مراكز تقضي ع السولايت بااجهزه مطوره وحديثه اعرف وحده قريبه مني خذت هذا الحزام الي يسون عنه دعايه فالتلفزون
تقول استخدمته وحلفتلي قالت كتل السلولايت بدت تتفتت وتختفي كانت يوميا تستخمدم الجهاز وفي مساج تكسير الدهون يعني لاتحبطن عماركن في الف طريقه وطريقه!!
غير عن السلولايت من شو يعاني جسمج الترهل ؟ مب مشكله استمري على رياضة المشيء والايروبك وغيرها من الرياضات الي تشد الجسم
شدي كل ترهل في جسمج صدرج زنودج بطنج المؤخره الاوراك الوجه الرقبه
اذا وزنج زايد عليج بالرجيم الصحي الغذائي المتوازن ابتعدي عن الرجيمات الكميائيه الي مامنها فايده والرجيمات القاسيه
الرجيم عشوائي بخليج تضعفين ضعف مرض سوي رجيم مدروس عشان يوم تضعفين تبينين كانج صغرتي عشر سنين وحلويتي
ولاتنسين تاخذين فيتامينات عشان بشرتج وشعرج مايتاثر
بخصوص تصبغات الجسم وبقع حب الشباب والاسترج مارك كل هالاشياء دوريلها حلول وخلطات
يوم بتاخذين شور خذيه وانتي تستمتعين فيه دلكي نفسج بحب حبي جسدج افركي فروة شعرج بحب والله جسدج بيتجاوب ع حسب كمية الحب
الي تعطينه اياها كل يوم ...سرحي شعرج بحب ولطافه شوفي شعرج كيف بيتجاوب معاج والله انا مجربه هذا الشيء
حبي كل خليه فيج وكل ذرة في جسمج وشوفي نتايج وفعايل هذا الحب
الخطوة السادسه :
غيري ستايلج وطريقة لبسج البسي الي في خاطرج وغيري في الالوان الي تلبسينها
لاتحرمين عمرج من شيء بتخصلين دزاينات حلوووه البسي جنزات سكيني وتتنانير قصيره واتشخلعي وطلعي ظهرج ومفاتنج بطريقة مغرية وجذابه
طبعا فالبيت مب برع هههههههه لوسحتي لاتخلين ريلج يشوف المفصخات الي برع ويحس انه الي عنده صفر ع شمال
بدعي في اكسسوارات الشعر والبسي الحيوول الملون والي عليه لولو وكرستال والبسي سلاسل وشغابات سوي تسريحات بسيطه كيوت مره ذيل حصان ومره لفلفي شعرج ومره عقصيه شوفي فالمجلات وطبقي ودايما جددي
يعني لبشي الصبح جينز ويا بدي ناعهم ولونه يشرح النفس حتى جدام عيالج عادي ولاتقولين بشكاره مابشكاره يعني تموتين ولا تتعدلين
ماعليج منها واذا زايغه من عينها اقري على عمري وهالمفروض دوم تقرين على عمرج وعيالج وريلج
والظهر لبسي شيء مريح درس بسيط ولا بجامه ع كيفج والعصر غيري لبسج الفليل يوم بيرقدون عيالج لبسي شورت صغير تظهر سيقانج الحلوه
وفانيله ولا بدي كات حاولي ماتمين ع استايل واحد دوم غيري ولاتوضحين حق ريلج انه حقه لا حقج
واذا علق قوليله انا عايبني حبيبي اذا مالبست في خاطري في بيتي وين تباني البس يعني تدلعي والله لا يتخبل وبيستغرب وبيحس انه في شيء
بتشغلين باله وحتى وانتي بعيده عنه لا تتصلين خليه هو يراكض وراج استمتعي بها الشيء
الخطوة السابعة :
تصرفي بلباقه وذوق ممنوع الصوت العالي ممنوع العنف ويا عيالج ممنوع تعبسين وتكونين متشائمه وتعيسه
ممنوع تندبين حظج وتلطمين خدج ممنوع تصيحين على ناس مايساهلوووووون
نعم للبرستسج نعم للاتيكيت نعم للاناقة نعم للغنج والدلاااااال نعم للمرح والسعادة احترمي الناس عشان يحترمونج اشكري الناس حتى على الاشياء البسيطه
تقبلي الناس بعيوبهم انتي تقدرين تغيري بين نفسج بس ماتقدرين تغيرين الكون اول ابدي بعمرج وبعدين الي حواليج بيتاثرون بتغيرج
اولهم ريلج وعيالج واهلج وناسج اطلعي من عزلتج اطلعي من السجن الي سجنتي فيه عمرج
شاركي الناس في افراحهم واحزانهم استمتعي في حياتج اختاري صدقاتج الصدوقات الصديقه الي فيها خير تحزن في حزنج وتفرح بفرحج
وابتعدي عن الي تعتبرج ند الها وتغار منج هاي لازم بتضرج في يوم من الايام
خصصي يوم فالاسبوع تطلعين ويا ربيعاتج لو ساعتين فاليوم المهم طلعه لج انتي وبس
بدلي صفاتج السلبيه بصفات اجابيه حاولي كل يوم تتعلمين شيء يديد عشان تطورين شخصيتج تعلمي فن التعامل مع الناس قولي رايج بثقه
محد يقدر يقمعج ويفرض عليج شيء انتي ماتينه بسطي الامور ولا تكبرينها تعلمي الذكاء الاجتماعي كوني ذكيه لاتتلفظين بكلام ممكن ينحسب ضدج خلج
دبلووووماسيه ومحايده ... حسني علاقتج في بعيالج خليهم يثقون في نفسهم طوري شخصياتهم عوديهم يحبون بعض يحارمون بعض يشكرون بعض
يساعدون بعض خليهم يتعاونون في كل شيء وعليهم مايصارخوون يوم ابوهم موجود وخليهم يستقبلونه ويسوله جو يوم يدخل البيت
ويبوله ماي او يهمزونه او ايبوله الجريده المهم انه الابو يحس بالجو العائلي صدقيني بيتاثر بيحن على عياله
وبيرد البيت بسرعه لانه متوله عليهم ... اكسري الملل بينج وبين ريلج سوي اجواء لاتتلصقين فيه لا دايما حسسيه انج مستانسه مب يالسه ماعندج شغله بطاليه
خليه هو الي يتلصق فيج ويزقرج ويدورج خبليه خليه يهلوس باسمج خليه يتعب بس وده يراضيج
يتبع .....:icon26:​

 

[حبيبي دقايق من وقتك سلف]

كلامج حلوووو يا دقايق
واسلوبج في الكتابه وايد حلو
اكيد كل وحده قرت هالموضوع عزمت تتغير
ماشاء الله اسلوبج حلو

مشكورة أختي الغالية سلة فواكة اسعدني كلامج

 

[حبيبي دقايق من وقتك سلف]

الله يبارك لك بدينك وبشبابك يادقايق ياختي والله ان الكلام الى طلع من فمك وكتبته يديك والله انه كلام من اخت غيوره على اخواتها المسلمات انتي رائعه وكلامك صح مره واتمنى انه يستفيدو البنات من هالدرر ويفيقو من سباتهم

اختي غناة الكون
الله يبارك فيه وفيج وفي كل خواتنا الي يبن يحافظن على بيتهن من الخراب تسلمين على هذي الدعوة الصادقة ...

 

[MISS_FEMININE]

موضوع رائع
واحلى شي اللهجه
حسيتج مثل ربيعتي اللي يالسه ويايي في الميلس وتسولف
بانتظار الابداعات
واسال الله انه يحفظلج زوجج ويبعدج عن كل حاقد وحاسد

 

[حبيبي دقايق من وقتك سلف]

السلام عليكم هذي اول مشاركه لي لان كلامك جا على الجرح وحتى توقيعك صادق اه بس من الرجال والله لو وش تسوين مايبين

الف شكر

أختي ana purity الغاليه
وعليج السلام ورحمة الله اتمنا انه الله ينولج مرادج ويحقق امالج آمين
بخصوص توقيعي ها الي شفته الريال أناني أناني بيتم طول عمره أيحب عمره
ونفسه ومصلحته ليش الوحده تدفن عمرها عشانه مثل ماهو همه الاساسي مصلحته
نحن لازم نهتم في نفسنا ومصالحنا أول شيء ونكون على رأس القائمة ....:clap:

 

[حبيبي دقايق من وقتك سلف]

مشكوره الغالية كلامج كله صح ف صح

العفووو أختي rany منوره بحضورج

 

[حبيبي دقايق من وقتك سلف]

اختي موضوعج رائع جداااااا

وينعم عن حب في الله لاخواتج
وفرصة طيبة لتنبيه الغافلات منهن
قبل ان تكسر جسور المحبة والتواصل
بينها وبين زوجها الحبيب​

ولكني لدي استفسار وخذيني على قد عقلي
من تقصدين بقولك
طفيلية وصوليه مصاصه دماء
ومن هي تلك السارقة؟
ممكن التوضيح
لقد اختلطت علي المفاهيم

وبارك الله فيج​

أختي الغاليه عذابه وعشقي مرورج وتعليقج هو الاروع
فديتج نحن اهني خوات على قلب واحد لازم نفيد ونستفيد
بخصوص سؤالج انا اقصد خطافة الريايل الي مايهما تهدم اسرة بلاذمه ولا ضمير !!
اتمنى فهمتي عليه .... والله يجزيني وياج كل خير فالدنيا والأخره

 

[حبيبي دقايق من وقتك سلف]

الله يعطيج العافية صح الله لسانج صدقتى لمتى واحنا نلوم اللى حوالينا متى نخلع الاقنعة عن وجوهنا .
ونعرف انا احنا اللى لزم نتغيير ما ننتظر مين ياخد بيدنا لزم الوحدة منا تكون واعية حريصة وقبل كل شى انثى بالفطرة اللى الله فطرنا اياها ونمرة مخالبها الحادة فى الدفاع عن مملكتها . كلمات قوية بارك الله فيكى.

أختي الغالية امراة نقية عيبني وايد نك نيمج وفعلا احسست انه اسمج اسم على مسمى يارب تكون حياتج نقية وحب زوجج يكون لج وحدج حب نقي ...
الله يعطيني وياج العافيه
صحيح مثل ماقلتلي الانوثة فطرة فينا بس مع الاسف يمكن الظروف هي الي تخلينا نطلع عن انوثتنا
ينبغي كل وحده ترد لاصلها لانوثتها لفطرتها لطبيعتها والانثى مثل ماقلتي تدافع عن ممتلكاتها بكل قوة
وهذا الي كل وحده لازم تسويه :flex:

 

[azera]

ماشاءالله عليك كلامك روووعة ويرد الحماس للي مثلي انا بديت من فتر نظام عناية ورياضة واحس هاليومين كسلانة وبعد ماقريت كلامك رجع فيني الحماس مرة ثانية
الله يعطيك على قد نيتك حبيبتي ويبعد عنكم بنات الحرام ويسخر لك زوجك ويشوفك اجمل مرة بعيونة

 

[حبيبي دقايق من وقتك سلف]

موضوع رائع
واحلى شي اللهجه
حسيتج مثل ربيعتي اللي يالسه ويايي في الميلس وتسولف
بانتظار الابداعات
واسال الله انه يحفظلج زوجج ويبعدج عن كل حاقد وحاسد

MISS_FEMININE فديتج والله يشرفني غناتي انج حسيتي باني وحده من ريبعاتج :cupidarrow:
وتسلمين على الدعوه الصادقه الله يسعدج في حياتج ويجعل زوجج مايشوف احد غيرج
ويموت عليج طول الحياه آمييييين

 

[حبيبي دقايق من وقتك سلف]

ماشاءالله عليك كلامك روووعة ويرد الحماس للي مثلي انا بديت قب فتر نظام عناية ورياضة واحس هاليومين كسلانة وبعد ماقريت كلامك رجع فيني الحماس مرة ثانية
الله يعطيك على قد نيتك حبيبتي ويبعد عنكم بنات الحرام ويسخر لك زوجك ويشوفك اجمل مرة بعيونة

الغالية azera وجودج هو الاروع لازم كلنا نشجع بعض ونحارب الكسل ونقتلعه من حياتنا
الكسل هو الضياع بعينه اقتلي الكسل من حياتج للابد والله محد بينفعناااااااااااا
اتمنى على طول تتحمسين وتوصلين لنتايج باهره
تسلمين على الدعاء الله يزرع حبج في قلب زوجج ويجعله يموت عليج وكل يوم حبه لج يزيد ويكبر
اللهم آآآآميييييييييين .....

 

[احلى اثنين]

غاليتي كلامج يرد الروح وكثير هنا محتاجينه وكل كلمه من كلامج جربتها بنفسي والله والله النتيجه اكثر من رائعه كل ما حبيتي نفسج ينعكس على غيرج بطريقه عجيبه وانا اقول لكل وحد استمتعي بنفسج وبعيالج وبزوجج في كل لحظه وكل دقيقه لانهم عالمج وملكج والحظه اللي اتروح ما ترجع عيشي حياتج صح اتكونين انتي فيها على راس قائمه نفسج وريلج وعيالج
الله يخليج ويبعد عنج نساء السوء ويجعلج قرة عين زوجج ويجعله قرة عين لج يا رب

 

[حياة مشرقة]

يااااااااااااااااااااااااااااااااي

كلامك رائع... وصدق جاي على الجرح...

أحس إنك أختي الكبيرة تنصحني..وتقومني من السبات العميق..

الأنسان بعض الأحيان يكسل ويمل.. وجميل أن يجد من يجدد الدماء في عروقه..

تسلمين أختي .. وتسلم يمينك..

نحن بإنتظار جديدك..

لك منى أرق تحية.. وأطيب سلام..

​