(¯`'•.¸§(¯`'.•'´¯)§ ¸.•'´¯) دعوة للنقاش مع البنوتات الحـلوات (¯`'•.¸(¯`'•.¸ $$* ¸.•'´

[*مشاعر مكتومة*]

​

​

كيفكم بنوتات ياحلوات ,,​

حبي لكن هو مادفعني للكتابة هنا ​

وسيكون نقاشنا يدور​

على موضوعين ,,​

​

أما موضوع النقاش الأول,,​

غالياتي كثر في هذا الوقت التعارف عن ​

طريق النت,,​

فما رأيك هل تؤيدين التعارف عن طريق ​

النت ولماذا؟؟​

وهل تعارضين على هذه الطريقة للتعارف ​

ولماذا؟؟​

​

وموضوع النقاش الثاني,,​

أمس كنت جالسة عالنت طبعا على​

منتداي الغالي بلقيس المهم وأنا اتصفح ​

إلا تدخل علي وحدة بالماسنجر وتقول ​

صباح الورد وكررت وأنا مارديت لأني أول ​

شي ماأعرفها ثاني شي تفاجأت من اللي ​

أضافها عندي أنا توي بس من كم يوم ​

قررت استخدم الماسنجر مع خواتي بس ​

المهم البنت جلست تكرر وانا مطنشتها ​

يمكن حوالي ساعة بعدين كتبت إنت فلانة ​

اللي هي أختي باللحظة هذي قررت أرد ​

قلت لها لا مو أنا فلانة قالت وش تصيرين ​

لها قلت أنا أختها قالت طيب ليش ماتردين ​

من ساعة تراني ماأخوف انا أكبر من أختك​

مع العلم إني أنا أكبر من أختي ومنها​

لأنهاذكرت عمرها إنت ليش كذا قلت والله ​

أنا ماأرد على أحد ماأعرفه قالت إنت ​

شكلك رسمية مرة((حكمت علي بس من ​

كلمتين وهي ماتعرفني))​

وقالت لي شوفي اريد انصحك لازم تتركي ​

طابع مميز في قلوب الناس,,رديت عليها ​

قلت ياأخت هل الطابع المميز بس عشان ​

رديت أو ما رديت الطابع المميز ماهو بكثرة ​

الكلام وبكثرة الردود,,​

الصراحة أنا انقهرت وسألت أختي قالت ​

بس ضفتها عشان تناقشنا بموضوع أنا ​

سويت حظر لها لأني ماأحب كذا لأني ​

ماأعرفها وش يدريني وش تكون وهي ​

مرأة أو رجل,,هذا رأيي أنا :dunno:,,​

​

طيب يالغاليات وش رايكم بالمحادثات عن ​

طريق الماسنجر مع وحدة ماتعرفينها هل ​

تؤيدين أم تعارضين ولماذا؟؟​

ومن وجهة نظركم يالبنات كيف الواحد يترك ​

طابع مميز في قلوب الناس؟؟​

كما لانستغني عن آراء استشارياتنا ​

ومشرفاتنا ,,​

​

وأشكر كل من تتفاعل مع موضوعي,,​

​

 

[حبي وسام]

 

[اوراق ملونة]

غاليتى..

انا اوافقك فى عدم الحديث عبر الماسنجر

مع من لانعرف..

فاختى حدث لها موقف ايضا غريب..

تعرفت على بنت وكانت مررره زينه..

وطبعا يتكلمون بالمايك والكام,,

وسبحان الله بعد فتره كانت تفتح موقع اجنبى

فادا بصوره هدى البنت ترقص ولابسه لبس

فاضح....وهى كانت مسويه نفسها مطوعه...

فالاحسن نبتعد عن فتيات الماسنجر الاتى لانعرفهن


واشكرك المتفائله بالله على الموضوع المهم

والتنويه الضرورى..

اوراق ملونة

 

[ياسمينه]

حبيبتي انا عني مااكلم في الماسنجر إلا وحده ثقه
يعني اكون عرفتها في المنتدى ... وشفت مشاركاتها وطريقه طرحها
ذيك الساعه اتعامل معها على الماسنجر ...
لكن اي وحده لا ... صعبه مااادري يمكن تحط لي برنامج تجسس تسحب كل اللي عندي بالجهاز .. او فايروس
وبصراحه لازم الوحده منا تكون حذره جدا

 

[أميرة باحساسي]

انا عن نفسي ما اكلم بالماسنجر الا الي اثق فيها وهذا من خلال مشاركاتها في المنتدى

بس في ملاحظه

ممكن اللي في المنتدى تكون شخصيتها غير عن الماسنجر


طرح مميز اختي

تقبلي مروري

 

[*مشاعر مكتومة*]

حبي وسام

اوراق ملونة

ياسمينة

أميرة باحساسي

شكرا لكم جميعا لمشركاتكم وتفاعلكم بارك الله فيكم ,,

 

[وليدة الحب]

موضوع جميل جدا للنقاش

انه عن نفسي ما ايد صداقات الماسنجر
لأنها غالبا تنتهي بالفشل....

يعطيك العااافيه حياتي ع الموضوع

 

[*مشاعر مكتومة*]

موضوع جميل جدا للنقاش

انه عن نفسي ما ايد صداقات الماسنجر
لأنها غالبا تنتهي بالفشل....

يعطيك العااافيه حياتي ع الموضوع

هلا وغلا

شكرا لك نورتي موضوعي ,,

اتمنى التفاعل من الجميع,

 

[متفائلة]

لا يتم الحديث بالمسنجر الا مع من أعرفه فقط

والا تصبح السالفة لعب في لعب ومضيعة وقت

أو على ما يقولون شات

 

[بدويه ما تهاب]

اشكرتس اختي بصرااحه موضووعتس الثااني فتح لي جرح ودي اتنااساااه

انا احب اتعرف على بنات من طريق المنتدياات واكلمهم عالماااسنجر

بس المصيبه اللي صاااارتلي خلتني ما اتعرف على احد ما قد قابلته شخصياً

واتمنى انكم ماتتعرفوووووووون على بناااااااااات بالمنتديااااااااات بقوولكم قصتي وانتووو احكمووو عليهاااااا

انا سجلت بمنتدى اسلااااااامي نسائي معروووووووف حطيت مواضيع ومشاركااااااااااااااات

ولا تعرفت على بناااااااااااات خيرااااااااااااات وماعليهم كلااااام وتبادلنا الايميلااات وصرنا نسوولف ويا بعض

ويووم من الايااام جتني رساااله عالخاااااااااااااص من وحده انا ما اعرفهاااااااا بس تطلب انها تتعرف علي

وتبي ايميلي وانا من الثقه الزاااااايده عطيتها وصااارت تكلمني عالماسنجر وكل ماقلت خلينا نتكلم عالمااايك

ترفض تقووول ان اخوها محلفهااا انها ماتكلم بنااات عالمااايك قلت بس انا بنت زيي زيتس قالت بس ما اقدر اعذريني

قلت اوكي وعرفت عني كل شي حتى رقم موبايلي المهم طلبت مني اني ما ادق عليها نكتفي بالمسجااات فقط

انا شكييييييييت بالوضع ورفضت قلت لا لازم تكلميني قالت لي بالوقت المنااااااااااسب قلت خلاص حتى المسجاات ما ابي

عجزت انام احساااسي يقوول انها ولد مو بنت مع اني جلست فتره انا ويااها وبصرااحه سواليفها سواليف بناات

هذا اللي خلااني ما اشك من اول والشك ما جااني الا بعديييييييييييييييييييييين يوم قالت لي نكتفي بالمسجااااااااات

انا صارحتهاااا قلت انتي لو انك صادقه وتبينا نستمر كلميني عالمااايك او دقي جوال بس قولي الو وسكر

قالتلي ليش قلت بصرااحه شااكه فيتس وحطيت بلوك لها وماصرت اكلمها بالمسنجر وبعدين حذفتها .......

وبعدين جتني مسج من رقمها وبعد فتره دقت ورديت والمصيبه انها ولد مو بنت ...........

انا علمت اهلي واخوي تفااهم معه وماصااار يدق ولايرسل ...............

ولا لاعب على بنات المنتدى كله وانا ارسلت للادااره وعطلووو حساااابه ولا يعااتبني يقول ليش علمتيهم اني ولد

راسليهم وقوولي اني اكذب قلت خييييييييييييير لعبت علي وجات سليمه تبي تلعب على بناات المسلمين ...

وهذي السااالفه خلتني اكره الماسنجر وغيرت ايميلي وصرت ما اتعرف على اي بنت بالمنتدياات او اي وحده ما

اعرفهاااااااا............

 

[*مشاعر مكتومة*]

لا يتم الحديث بالمسنجر الا مع من أعرفه فقط

والا تصبح السالفة لعب في لعب ومضيعة وقت

أو على ما يقولون شات

هلا وغلا ,,

اشكرك أختي على مداخلتك وإفصاحك عن رأيك..

جزاك الله خيرا ,,​

 

[*مشاعر مكتومة*]

هلا وغلا أختي بدوية ماتهاب,,

نورتي موضوعي واشكرك من كل قلبي على ذكر تجربتك عسى غيرك

يتعظ منها والحمد لله إنك طلعتي منها بخير لكن كم بنت الحين وقعوا

بشباك هالاشكال اللي ماتخاف من الله ,,

أكثر شي أعجبني فيك أحسنت التصرف وكنت واثقه من

نفسك وخبرتي أخوك ووقفتيه عند حده

ربي يكثر من امثالك ,,

بارك الله فيك,,

 

[سراللييييل]

لا مستحيل اكلم بالماسنجر غير اهلي والا صديقاتي

لان النت عالم واسع فيه الزين والشين واعرف شباب كثير يكلمون

بنات على انهم بنات الله يستر علينا

 

[*مشاعر مكتومة*]

سراللييييل

 

[*مشاعر مكتومة*]

 

[دمعة حنين]

بصراحة موووضوووع حلووووووووووو....تشكري اختي عليه...
انا ما احب اضيف اي شخص ما اعرفة...وكل الاشخااص الي عندي اعرفهم شخصيا وشفتهم..
بس في عندي صديقتي تعرفت على وحدة خووووووووش بنت وصداقتهم صارلها ثلاث سنووات من غير ما يشوفوا بعض..وبعد البلدين بعيدين عن بعض...والبنت ثقة مرة..حتى اجت هالصيف منشان تشووفها...يعني مو كل المحادثات ما صادقة في ناس تقدري تثقي فيهم....
ولا مرة اضفت اي شخص من منتدى ولا ابي اضيف اي شخص لانه بيكوون من بلد ثاني واريد اشوفه...وطبعا الطابع المميز يكووون بطريقة الكلام مهما كان قليل....

 

[الخيال البعيد]

هلا اختي مشكوووره على الموضوع الرائع والله يجعله بميزان حسناتك ويفيد البنات الجاهلات بهالعالم الواسع (عالم النت)

وانا عن نفسي ماضيف الا صديقاتي الا للي في الكليه وغيررره لا مستحيل

ماثق باي احد انا

تقبلي مروري يالغلا

 

[>> تووووووفي <<]

هلا والله ..
عن نفسي ما اتجرأ اتعرف على بنت ما شفتها قبل و من اي مكان بالماسن طيب ممكن تكون ولد باسلوب بنت ..
لاكن بقول تجربتي ..
من اول ماسجلت بالمنتدى واتابع ردود البنات ومواضيعهم وهنا تكشفين اذا كانت بنت او ولد .. صح
المهم ..
تشاركت انا وعضوة بموضوعها وكنا نكتب مع بعض لمدة شهووور اخر شي اعطيتها ايميلي واضافتني بايميلها ..
وصارت من صديقاتي العزيزات اللي عمري ما شفت وجهــها ونتكلم بالمايك ..
وبصراحه ما تحسفت على صداقتها .. وصحيح حنا بعاد عن بعد بالاف الكيلو مترات لاكن ان شاء الله بنشوف بعض عن قريب ....
هي صديقتي .. (( ام القمرة ))
تحياااااااااااااااااتي لها ولو انها تاركه المنتدى من شهرين ...
وتحياتي لكاتبة الموضوع ..
وحبيت اضع تجربتي للكل مع اني ما اثق بسرعه بالخلق لاكن ارد واقووووول انتبهن يا بنات ..

 

[*مشاعر مكتومة*]

بصراحة موووضوووع حلووووووووووو....تشكري اختي عليه...
انا ما احب اضيف اي شخص ما اعرفة...وكل الاشخااص الي عندي اعرفهم شخصيا وشفتهم..
بس في عندي صديقتي تعرفت على وحدة خووووووووش بنت وصداقتهم صارلها ثلاث سنووات من غير ما يشوفوا بعض..وبعد البلدين بعيدين عن بعض...والبنت ثقة مرة..حتى اجت هالصيف منشان تشووفها...يعني مو كل المحادثات ما صادقة في ناس تقدري تثقي فيهم....
ولا مرة اضفت اي شخص من منتدى ولا ابي اضيف اي شخص لانه بيكوون من بلد ثاني واريد اشوفه...وطبعا الطابع المميز يكووون بطريقة الكلام مهما كان قليل....

يعطيك العافية أختي لكن ماأدري اتوقع إنها حالات قليلة اللي

تكون ثقة وتصدق ,,

شكرا لك مرورك عطر صفحتي,,

 

[*مشاعر مكتومة*]

هلا اختي مشكوووره على الموضوع الرائع والله يجعله بميزان حسناتك ويفيد البنات الجاهلات بهالعالم الواسع (عالم النت)

وانا عن نفسي ماضيف الا صديقاتي الا للي في الكليه وغيررره لا مستحيل

ماثق باي احد انا

تقبلي مروري يالغلا

هلا وغلا ..

العفو حبيبتي ربنا يسمع منك ..

شكرا لك أسعدني مرورك..