Basmet amel
Member
- إنضم
- 14 ديسمبر 2021
- المشاركات
- 47
انا تعبت جدا من حياتي ومن تحكمات زوجي على طول في مشاكل وزعيق بيكره أهلي على الرغم من انهم في حالهم وانا مش بجيب سيرتهم معاه كتير لان مش بيحب سيرتهم مانعني اكلم امي يوميا واطمن عليها وعلى ابويا يقولي مره كل اربع ايام وكام دقيقه على الرغم من انه يوميا مع اخواته وأمه وبيرغوا بالساعات حتى لما اكون مبسوطه معاهم لازم اول مااجي من عندهم ينكد عليا شتيمه وتهزيق وقلة ادب في الالفاظ ولو جولي وجابتلي امي حاجه بحبها ينكد عليا بسبب انها جابتلي الحاجه اللي بحبها وهو مش بيحبها اختي ولدت فجبتلها حاجات للبيبي من فلوسي والله ماكملوا ١٠٠ جنيه اتخانق معايا ويقولي ماتتصرفيش من دماغك تشاوريني في كل حاجه وانا اقول اه او لا وتسمعي الكلام غصب عنك انا هنا الراجل وماتصرفيش قرش من فلوسك الا لما ترجعيلي بيقولي ده الشرع هو الشرع انه يحرمني اكلم اهلي وان لو جولي زياره ومره من المرات جابولي الحاجه اللي بحبها يبقى لازم ينكد عليا هو الشرع قاله انه يتحكم في صرف فلوسي الخاصه بيا كل اما اتكلم يقولي انتي ملكة يميني يعني بمعني ان حتى النفس اللي بتنفسه لازم اخد عليه اذن قولولي اتصرف ازاي لاني بقيت بكرهه جدا وبكره عشرته وعيشته وبقيت بكره حياتي اشتغلت هاند ميد وبيجيلي منه فلوس مش قوي بس انا مبسوطه بيهم كان يطلع عيني والله لو طلبت حاجه ويجيب الحاجه اللي على مزاجه حتى اللبس ممنوع البس على مزاجي لازم هو يكون مقتنع بيه هسمع منكم عادي عشان يختار اللبس المحترم ارد اقولكم لو عجبتني بيجامه او عبايه ماعجبتهوش مااجبهاش حتى لو عجباني يقولي لا طبعا البسي اللي يعجبني انا طيب نفسي البس اللي يعجبني ده انا لو روحت زياره لبيت اهلي انا اللي ادفع تمن بنزين العربيه مش بشتغل شغل حكومي انا ست بيت بعمل حاجات بسيطه هاند ميد ومش مشهوره يادوب جيراني مش أكتر وحاجات كتير كتير هتقولولي اتطلقي انا معايا ٣ اطفال ومش بشتغل الشغل اللي يخليني استقل ذاتيا انا محتاجه منكم نصايح وارشادات اتعامل معاه بيها محتاجه اقوي شخصيتي محتاجه اكون واثقه في نفسي محتاجه اتعلم فن الرد اخلي اللي قدامي يحتار معايا واحسسه اني صح بأسلوبي يسكت مايعرفشي يجاوب ويكون بالادب محتاجه مساعدتكم قبل ماادخل في دور اكتئاب معلش طولت عليكم
