وكأني مو انسانة بالنسبة لزوجي

[العروس الصغيرة]

مسا الخير
امبارح نقلنا اغراض زوجي الثقيلة لمكان ثاني**
والاغراض كانت كثييييرة وثقيلة طبعا**
اثقل من قبل يمكن كل وحدة ثقلها 25كغم
لدرجة ان امي واخواتي عمرهن12و13 وزوجة اخوي اخت زوجي واخت زوجي المتزوجة الثانية ونسوان ابو زوجي وانا واخوان زوجي ومرت عمي اخو ابوي صرنا نشيل بالاغراض وننقل فيهن لمكان ثاني لان المخزن الاول زوجي قال انه ضيق ...وبدينا ننقل بالاغراض**
وطبعا الكل تعب وزوجي ما عمل ولا حاجه اغلب الشيل احنا شلناه اكثر من ساعتين واحنا بناقل بالبضاعة .. **ومرت عمي اخو ابوي صارت تقول**
غصبن عنها فلانة(امي) بتقول دايما كيف بنتي راح تحمل وهي بتشيل اشياء ثقيلة وصرنا كل اثنين يشيلوا مع بعض ظهرنا انشل**
وامي ما جت وجابت خواتي ومرت اخوي حب بزوجي جابتهم معاها لانها خايفة يطلع من ظهري وبعدين خلصنا وقعدنا زي القاتل والمقتول الكل تعبان والكل بيلهث متنا من التعب**
وبعد شوي زوجي قال**
خلص خلص رجعوهن على المخزن الاول هذا مو كويس **.... وطبعا امي ما كانت راح تشيل بس خافت علي وبدينا كلنا نشيل بالاغراض للمخزن الاول وانا طول الطريق بدعي**
ومو بس انا بدعي الكل كان بيدعي وخصوصا اننا كنا بنص الشمس الساعه3ونص العصر**
اكثر من ساعتين واحنا بناقل وبنرجع**
.....
متنا ... **ظهرنا نشل ...**
وبعدين قعدنا وصرنا نشرب مي وعصير وكولا وامي رجعت على بيتها وخواتي ومرت اخوي واختها ومرت عمي ونسوان عمي واخوان عمي وانا ... وبعد ما رجعت للبيت كنت تعبانه**
خصوصا اني كنت من الصبح امبارح حاطه بضاعه بسيارة زوجي ... **وغير قش داري من الاول للاخر .. **بعدين تحممت والكل مشى يتحمم عشان كان في عرس بنت خالة زوجي ...من جيراننا وطلبت زوجي امشي ووافق .... وخبصت تحهيز حالي الساعة6ونص بعد العصر وجت امي ومرت اخوي ياخذوني معهم الساعة 6و45دقيقة بعد العصر ... وزوجي قال لي عالساعة 8 لازم اكون بالدار .... يعني اقعد بالعرس ساعة وربع**
طلبت منه اقعد اكثر عالاقل للساعه 9 بس ما وافق وظل على رايه ... ومشيت عالعرس ويا ريت ما مشيت ما تهنيت بالمرة وقبل ما تصير 8 طلبت من زوجي اظل عالاقل للساعه8ونص عشان اشوف العروس بانها ما كانت جايه ...بس ما رد لي جواب وقلت لو وده اني اظل كان رد جواب بالاول ... **وكتبت لزوجي رساله .......... خلص هيني مروحة ... وروحت على بيتي وطلعت تلفوني وكان زوجي مودي رسالة طيب اظل للساعه 8ونص .... بس كنت ببيتي وقتها وما رجعت عالعرس لان جسمي كان مكسر**
وليش ما رد جواب بعد ما ارسلت له الرسالة الاولى ... ما ارسلها غير بعد ما ارسلت له خلص هيني مروحه...
وصارت الساعه 10 وجا زوجي وكان شبعان**
وانا كنت تعبانه بس ودي انام ....
وزوجي لما دخل ومشى عالحمام**
ولما رجع قال لي ...بكرة غسلي السيارة من جوا وبره وحطي فيها بضاعه ....
حسيت وكأنه حط سكين بقلبي ... ليش ما شاف كيف تعبت .... مو عارف اني تعبانه ومكسور جسمي من التعب ...حتى العرس ما خلاني اتهنى فيه .... عشان كدا لما نام عالسرير وانا انام ما قدرت احكي شي ...كنت راح ابكي ليش الظلم كدا ...انا مو حيوانة .. ** وغمضت عيوني عشان انام وما حكيت معاه اي شي **... وبعد دقايق وهو يطلبني عصير ومشيت جبت له ورجعت نمت ....وما حاكيته شي ...بس ظليت مغمضة عيوني عشان انام .... وبعد شوي زوجي يقوم ومشى وقف على الشباك وانا ما تحركت ...ورجع عالسرير ونام وطفى التلفزيون وشافني وانا مفتحة عيوني ...عشان كدا قلت له تصبح على خير ... ونمت وما رد علي .... وانا انام وهو يقرب مني ... على اساس عارف اني زعلانة لاني تفاجات كيف عرف فجاة ان عندي قلب ...المهم... **ما تحركت وظليت مثل ما انا **..... كنت بتمنى اصرخ باعلى صوتي ...ليش هو زوجي معقول عنده قلب لهالدرجة الحقد يا الله... **
بعدين نمت وهو نام ...بس لما قمت الفجر عانقته ... لا تقولوا انتي ضعيفة بس ممكن لاني كنت بحاجه لمن يسمعني كلمة ترفع معنوياتي او ضمة تريحني .... **وظليت معانقيته وعالساعة6و45 دقيقة مشيت اغسل السيارة واحط بضاعة**
ولما رجعت عالبيت ما حكيت مع زوجي ولا كلمة حتى صباح الخير ما قلتها ما قدرت ... بس قبل شوي جا عالبيت واكل وحاكينا عادي ....
....
حبيت اشكي اللي بقلبي شوي**
والله يعطيني حقي
انه على كل شيء قدير

 

[ميلا نونو]

لا حووول ولا قره الا بالله هههههههههههه قسما بربي نفسي شرفه لزوجك وك وك وك شووووو هاظ ههههههه عنجد شو هالزلمه بتعرفي لو مكانك انا راح اعامله نفس الشي. ساعات بشوفه بحبك وساعات لا والله زوجك غريب. اسمعي الله يكون بعونك والله انك ضحكتيني انا اسفه لانو ضحكت. بغار عليكي بدوو يامي ترجعي بسرعه. اه كمان ادعي ربنا انو يعينك والله والله والله انو انا حاسه انو في شي حلوووو راح يصير الك وبكرا بتشوفي. انا عندي حدس قوووي والله نههههههه الله يسعدك. الله يحفظك ويحمكيي من كل شر

 

[Jolie femme]

سامحيني على كلامي لكن انت فعلا ترفعين الضغط....اذا انت تعاملي نفسك كانك مو انسان كيف هو يعاملك على انك انسان ..
يا اختي**وقفي**خلاااااص**..عزة نفسك وينها..انت ذليتي نفسك فوق اللازم ... شوفي انا اليوم راح اطلع اللي بقلبي انت فعلا فجرتيني من شدة مسكنتك...انت لازم تسمعي شخص يصحيكي من النوم اللي انت فيه
........على ماذا تتعبين نفسك لو كان انسان طيب معك والله مو خسارة فيه لكن هذا حيوان وماعند هم ولا اهتمام بك ..هو جايبك خدامة يامر وينهى ويخون وانت مستسلمة وترفعي الضغط لا وجبتي امك واخواتك يخدموه ايضا
......صدقيني لن يحترمك ولن يرجع اليك هو الان ينظر اليك على انك تافهة ..خدامة...لا تستحقين شيئا ...اعجبك كلامي او لا ..توقفي عذه المسكنة توقفي هذا الذل ليش ذليتي نفسك ..انت قلتي انها عادة تغسلي سيارتو على شو ..حبيبتي ..
ومستلة الحمل اريد ان اتكلم معكي بجدية..هل هذا رجل تجنبي معه اطفال.. هل يصلح اب لاطفالك ..
**ان كنت تظني ان قلبه سيرق لكي ان جملتي فانت مخطئة سيستمر مسلسل الخدامة حتى ياتي يوم وبتخلص منك عندما **يجد الملكة التي يريد...
لن اقول لكي اصبري فهذا ذل وليس ضب **
** **

 

[Jolie femme]

تعرفي شو اللي رفعلي ضغطي ..انك رحتي **حضنتيه ...
** ** ** **طيب ...واحد يعاملك زي الحيوان ولا يهتم بصحتك..وتشتغلي ولا يقدم لك ولو كلمة شكر..يحرمك من الرس وفي الاخير تجي تشكريه بحضن دافيي????**ماهو رايك؟ يعني قلتي له شكرا لك تعاملك معي رائع

 

[العروس الصغيرة]

زوجي مسلم جديد
لا اختي ما رفعت الضغط وولا شي**
بس انا كنت بحاجه لمن يواسيني شوي**
وما لقيت غير اني اعانق زوجي**
وبعرف انه غلط**
حتى اني عاهدت نفسي اليوم ما ينعاد هالشي بس صار غصبن عني ....
وكمان لا اختي**
امي وخواتي لما جو عندنا**
زوجي ونسوان ابوه نادوا عليهم**
وطلبوا المساعده عشان نخلص بسرعة**
وامي كانت ما راح تيجي**
بس عشان خاطري اجت**
.....يعني زوجي ما راح يعتبر امي ضعيفة وخواتي ويعتبرني خدامه للن امي وخواتي جن وساعدن**
بالعكس**
....**
وبالنسبة للحمل ... الله كريم وهو بيعلم اذا حملي منه فيه خير او لا ... **وهو اللي راح يقدر لي الخير وين ما كان ....
......
ميلا نونو**
ليش ضحكتي ما فهمت شي من كلامك**
....
اذا قصدك لان زوجي قرب مني ...هو دايما لما يكون مزعلني بنام بجهتي وبقرب مني .. ****
مليييييييت منه !!!
....
الله يصبرني ويحقق اللي بعقلي يا رب**
لاني بوقتها راح اكون مبسوطة**
قديش نفسي اشوفه مذلول**
...**
اكيد قربت ان شاء الله

 

[Jolie femme]

حبيبتي انا انصحك روحي اقرئي المرأة الني يحبها الشمالي اقرائي المواضيع السابقة والقديمة عن الشمالي ...انت بعيدة جدا عما يريد وانت غلطانة ..ليش تحملي الاشياء يا اختي ارحمي نفسك من الذل وعزي نفسك ..هو يشتغل هو يتحمل مسؤولية انت مسؤوليتك بيتك وبس**
....اما الحمل انا لا اقصد ان اجرحك اختي لكن احيانا ياخر الله لنا الدعاء لمصلحة وخير لنا وانا ارى والله اعلم ان زوجك انسان لايستحقك وممكن الله مارزقك منه بولد لان في هذا خير لكي ..
** ** اختي شوفي حياتك عم تضيع مع واحد خاين ولا يهتم بك ..احسبي عمرك وفكري في حياتك مو معقول تبقي هكذا ..هو يعاملك كالخادمة حتى الاحترام لا يوجد وانت تضيعين عمرك معه..

 

[رومنسية100%]

حبيبتي دخلت لحتى اطمن عليكي بس هيني طالعة وبدون مااحكي شي لانو الحكي معك مالو فايدة

فاقد الشيء لا يعطيه

 

[Jolie femme]

حبيبتي اعرف كم تحتاج المراة الى صدر دافئ لتستريح عليه والى يد زوجها الحنون لكي تنسى الامها وتستعيد قوتها ..لكن احيانا يجب ان ننتبه لما نفعل ..لان احتضانك له لا يترجم دائماكما تظنين ..انا لا اقول لك ان تحرمينفسكمما احل الله لك ..لكن لا تحتظنيه بعد ان يسيئ اليكي ..هكذا سيحتقركي صدقيني

 

[العروس الصغيرة]

ممكن ما تصدقوني**
بس كل بلد بيختلف عن الثاني**
وكل قرية بتختلف عن القرية الاخرى**
والانسان مثل ما هو عايش بسوي وبنفذ**
وكمان صح زوجي شمالي شرقي بس لل تنسوا ان البيئة الها اثر كبيييير بالتصرف**
مو ضروري اذا كان الرجل شمالي شرقي هالشي بيعني انه بحب القوية وما بحب الزوجة تشتغل ولازم تفرض هيبتها .... بس كمان اذا الزوج كان عايش بمكان الزوجه بتعمل مثل ما بيعمل الرجل وقتها بكون كلام ثاني ... ممكن ما تصدقوني بس ابو زوجي بخلي نسوانه يبنو سور بتصدقوا وكمان الاسمنت اكيد بتعرفوا اللي بتسوا منه البطون بخلي نسوانه يعجنوه ويبنوا فيه سواء سور او يغطوا حفر الدرج او اشياء كثيييرة .... مو ضروري اذا كان الرجل شمالي شرقي هالشي بيعني انه ما بحب زوجته تكون ضعيفة ....وانا ما بقصد انه بحب الضعيفة**
وانا تغيرت حوالي 80% من نفسي**
وماشية عالتغيير**
بس اذا كان الزوج عايش ببيئة تعامل المراة مثل الرجل ايش بكون الكلام والقرار والتصرف وقتها اه**
ابوي وهو ابوي كانت امي تشتغل وتتعب تعب ما يعلمه غير الله ....**
لا تنسوا اننا من بلد مختلف وقرية ودولة مختلفة ومو كل الناس كدا ... بس عندنا بخلوا الوحده تتعب مثل الرجل ... **طيب كمان مرة زوجي كان وده اياني اشيل كيس حبوب قمح للغنم ابو 50كغم ... لان نسوان ابوه كانوا بشيلوا كل وحدة واحد**
مهما كان البيئة لها دخل .... حتى ابو زوجي مرة طلب مني اغسل سيارته ...هالشي بالنسبة لهم مو ضعف ... عاشوا وتربوا على هذا الشي .... بنات كثير عندنا كدا مو بس انا ... وبعرف انه بحب القوية بس انا متغيرة ....ولا تلوموني بشي ... **لان البيئة بتعكس اشياء كثير ... **

 

[العروس الصغيرة]

بنت عمي اصغر مني ب4 سنوات تزوجت معاي بنفس اليوم ... هي كمان قصتها مثل قصتي مع زوجها وتعبها معاه ... زوجها بكون ولد عم ابوها .. بس تخايلوا تعبي وشغلي وضاعفوه مرتين وفيكوا تتخايلوا معاناتها ...مجرد طفلة كانت تلعب وتلهو وفجأة انتقلت لبيئة لا ترحم ......**
.....
وكمان عمتي اخت ابوي تزوجت معاي ... **
زوجها بخليها تساعده بشغله ...بتطلع تساعده من الساعه8 الصبح للساعه12 الظهر وابنها عمره6اشهر بتخليه بالبيت لحاله لحد ما تخلص وبتمشي تشوفه ....**
وعمتي هيذي كمان اضعاف اضعاف شغلي مع زوجي بتشتغل مع زوجها سواء حمل اشياء ثقيلة او تعب .... وشفتها بعيني كيف بتشتغل وبتتعب يوم العيد لما مشيت ازورها لحتى افاجئها والمصيبة اني انا تفاجأت مو هي ...لاني انصدمت عليها**
...
لا تنسوه يا بنات ان البيئة لها دور كبير**
ومهما كان الابن بقلد الاب**
وزوجي بقلد ابوه والكل عندنا بقلد بابوه**
......
وفي بنات كثير عندنا بيتعبوا بس ايش احكي واكتب مو عارفة ...
بكرة بدخل زوجي قرب ييجي ...سلااااام

 

[ضحى اماني]

الله يسعدك في حياتك أخيتي .

 

[رومنسية100%]

حبيبتي صح البيئة بتختلف بس الله خلق جميع النساء بنفس الضعف غيري انتي اقتناعك بالفكرة وكل شي بيتغير باذن الله

 

[سماء عالية]

اختي الصغيرة قرات اول السطور وانفجعت مرارتي من تصرفاتك ما باقي غير تبوسيله رجوله وتستاهلي اكثر تعرفي ليش؟؟لانك انتي الي جلبتي هالمهانه والمهزله لنفسك انا لو مكانه راح امسح فيكي الارض ..نو لاني شريره وظالمه بس احنا البشر لما نشوف انسان مسترخص نفسه وعادي ولا يدافع عن حقوقه راح اسمح لنفسي اتمادى اكثر واكثر واستحقرك اكثر واكثر..
ما اشوف غير متزوج جاريه ومع مرور الايام جابت امها واخواتها وكل حريم عايلتها...
صفقه رابحه بدل لا اخسر على عمال او اتعب حالي اشغل الجاريه الي تزوجتها هي وامها..
قسيت عليك لحتى تصحي على نفسك ياختي ارحمي نفسك وان لنفسك عليك حق...تذكري هذي الجمله وربي راح يحاسبك**

 

[وردة الرحى]

الله يعينك ويصبرك حبيبتي ودامك موكله أمرك لله ربنا ما راح ينساكِ ما شاء الله عليك حبيبتي إنسانه قويه ومؤمنه بربك وصبوره ربي يسعدك وييسرلك أمورك

 

[Woody Rose]

اختي تحملي كلامي
ماا هذا . شو تنضفي سيارته وتحملي اغراضه انتي زوجه ام خادمه .. والله الخادمه ما تنظف سيارات وترفض حمل الاغراض الثقيله ..هوا شو مقدملك حتى انتي تضحي بكل هالشي **... وكأنك تقولي له لا ترحمني بالشغل.

اختي المرأة عادة رقيقه دلوعه ناعمه .. هو مو شايفك ولا من هذه الصفات ..**
لازم تقولي له ما بقدر احمل اغراض ثقيله وتمثلي انك مو قادرة تحملي .. وتحكيله الشمس بتدايقك لا تقدري ان تغسلي سيارة هذه ليس واجباتك..**
سدقيني انا ما بدي احبطك لكن انا مستحيل اضحي بشيء لا يستاهله الشخص الي امامي مين ماكان . او اقوم بشيء ليس من واجبي. فعلا صدمتيني انت امرأه ضعيفه جدا والرجل لاينجذب ل امرأه مثلك .مثلي عليه اختي لا تبقي هكذا.
الله يغير حياتك ل احسن حال

 

[ميلا نونو]

عروس انا فاهمه عليك والله انا قريبه منك والله بعرف بس اذا همه هيك انتي شوو دخلك؟. يعني انا مش فاهمه انتي بتذلي في حالك ليش ؟. بدي اسالك زوجك طبيعي؟. والله والله بجد بحكي زوجك طبيعي؟. اذا هوو بحب وحده لشووو تزوجك اذا في وحده في باله لشووو اخدك اذا بحبها لشووو اخدك ؟. بتمنى تجاوبيني على سوووالي كمان قووي حالك شوووي انا وصيتك عن الضعف وخرجك بتستاهلي اسفه والله بس عنجد بتستاهلي ......... انا مو حكيتلك اذا شافك ضعيفه راح ياكلك بدي منك هلاااا تفوتي وتتعلمي الغتح والدلع والنعومه لازم يشوووف انثى،؟.....فهمتي علي الشي اللي بتعملي غلط انتي رجل لرجل مو رجل متزوج انثى.................... اختي اذا بضلك هيك صدقيني راح تصيري تكتبي مواضيع وماحد يرد لانهم عارفين انو انتي بس بتحكي ما فيكي تقاوميه ،،..... وهاد الشي غلط حاولي انو تغيري هاد الشي فيكي كل قريتكم وانا عارفه اسمها واذا بدك برسلك عالخاص .......اذا هم هيكك ضررري تلبي انتي

 

[ضحى اماني]

العروس الصغيرة:
عنوان موضوعك : وكأني مو انسانة بالنسبة لزوجي .
يعني مدركة جيدا أن معاملة زوجك لك خطأ ، والدليل ؛ ذكرتي أنك تشتغلي وتدعي ومو بس أنت الكل كان يدعي ، ومهما كان سبب مجيء أهلك المهم اشتغلو .
يعني أنت تطرحي مشكلة وتناقضي احساسك ورغبتك بالدفاع عن هذا الرجل : الذي لم يرفق بالقوارير .
والدليل ردودك ع البنات وأن لكل منطقة عاداتها والكل اعتاد يشتغل وبنت عمك اصغر منك وتتكلمي ع الصبر .
احنا فهمنا من موضوعك أنك تبحثي عن حلول لوضك لكن الظاهر أنك تفضفضي فحسب ورافضة تقتنعي بالتغيير لهيك ما تلومي حد برده القاسي عليك لأنه الواقع والأصح في نظرهن ولكنك ترفضين الاقتناع توهمين نفسك بقبول الوضع بقولك عادات المنطقة وحتى أمي تشتغل وغييير .
يعني احنا ما فهمنا تبحثي عن حل لزوجك حتى يعاملك معاملة اسلامية راقية أو تساعدك حتى ترضي بواقعك من غير سخط ودعاء ورفض ؟
بالنسبة للتغيير : هو مجرد احساس على مستوى نفسك ، واعذرينا اذا ما شكرناك ع تغييرك لأننا لم نلحظ أدنى تغيير بشخصية ولا زوجك ولا أوضاعك .
زوجك لساتو :
- ما يصلي**
- يخون
- مايعطيك حقك
- يهينك ويعاملك كعبيد**
- الوضع هو هو**
وانت ؟
تتكلمي ع التغيير ! أعطينا شي واحد اتغير حتى نشجعك ونبارك تغيرك .
تعرفي ليش خبرتك بها الكلام ؟
حتى تعرفي سبب ردود فعل البنات وما تعتبري كلامهن هجوم وصد وحتى تفهمي وجهات نظر غيرك أخيتي ، كل وحدة منا حطت نفسها مكانك لهيك رفضت وضعك وعبرت بقسوة ولا أعتبرها قسوة بل حقيقة .
وحتى تفهمي أكثر يلزم تعرفي الحقوق والواجبات الزوجية بالاسلام لحتى تتعاملي بصورة صحيحة وتطالبي بحقك بلا خوف .

 

[ضحى اماني]

لا تدافعي ع زوجك لأنو لو اعتبر رفضك للمعاملة القاسية مو من حقك كان استحى ع نفسو واعتبر خيانته لك مو من حقو .
هو يجهر بالمعاصي ويعتبرها صح وأنت لما ترفضي عمل مو من مسؤولياتك يعتبرو خطأ وغلط وعيب وحرام ؟؟!؟!؟!؟!؟!
الحمد لله الدين الاسلامي بين ووضح وفصل بالأحكام الشرعية المتعلقة بالحياة الأسرية .
وبين واجباتك كزوجه وحلول لنشوزك أو تقصيرك بواجبك ومن حق الزوج تأديب زوجته بالأساليب حسب مدى التقصير منك .
- الوعض والارشاد**
اذا ما نفع**
- الهجران بالمضجع حتى تتأدب الزوجه**
اذا ما نفع**
- الضرب مو الضرب المبرح ضرب التأديب حتى ترجع**
والنشوز معناه ترك واجب والواجب ما يثاب فاعله ويعاقب تاركته**
ويشمل حقه بالفراش والطاعة وتربية الابناء والاستئذان**
أما فيما يخص دورك بالتنظيف والطبخ والغسل فهو ليس من الواجب المحتم بل هو من الأعمال التي تحصل بها الزوجة سعادتها واستقرار حياتها**
الزوج :
- واجبه أن يعطيك حقك**
المسكن ، النفقة والفراش ويدخل ضمن النفقة ( الاكل ، الشرب ، اللباس ، الطبيب )
وهذه الواجبات يحاسب عليها**
اضافة لحق العدل بين الزوجات اذا كان معدد**
واعتبر الشرع الكريم الزوجه كالقوارير يعني زجاج اذا أثقلتي عليه أو ضغطي بينكسر وحتى لو حاول يجبر الكسر رح يبقى الأثر ويبان مكسور .
انك تشتغلي وترفعي وتحملي اشياء ثقيلة عن طيب خاطر واعانة لزوجك مو عيب وكلنا تعرضنا لمواقف بس برضى مو بالغصب كأنو واجب .
- لماذا الرجال قوامون على النساء ؟ وبماذا ؟
بما فضل الله : فضلهم على غيرهم من النسوة وعلى بعضهم بالقوة بالفتوة ، بالقدرة على التحمل**
- وبما أنفقوا : يعني اخذك للطبيب وأعطاك حق النفقة مو مخليك محتاجة**
ولما تنقلب الادوار ؟
**الحياة الزوجية لا تنبني على العادات والتقاليد الظالمة الجائرة ولسنا بزمن العبودية حتى يوقف عليكم مثل العبيد من الصبح للمساء بحر الشمس تشيلو وترجعو وهو واقف يؤمر ويتامر .
تعرفي زوجك رح يتحاسب شرعا على الظلم والقهر فلا تكوني عون ع الظلم بدفاعك عن زوجك .
كلامي مو موجه ليك لوحدك كلامي صريح وواضح لكل رجل وامرأة يقرأ الموضوع .
احنا النساء موعبيد مو بمهرجان رفع الأثقال حتى يستعرض الرجل قوته ورجولته بقهرنا وتعذيبنا .
ما رح يعجبك الكلام ورح ترفضي بس هذا هو الصحيح وهذا هو المفروض يكون .
تعبيرك عن الرفض ليس معناه الرعونة و الاذاء معناه :
- ترفضي بأسلوب مقنع ؛ تتكلمي بهدوء وتبيني انك زوجة ليك حقك في تقدير الذات والمعاملة الطيبة**
- ترفضي عصيانه : تعطيه سجاد ومصحف وتسعي وتحافي ع اخرتو وتحرصي ع صلاتو مثل ما تحرضي ع شوالات القمح**
- ترفضي يعني تحطي حد لخيانته وتتصرفي **
ترفضي يعني تطالبي بحقك بالطبيب مو تتحملي حتى تردي الدم وتقولي صبر !
ولولا وجود حماتك كان خلاك تموتي**
هذا أحد أسباب رفض الظلم ونصرة الظالم برد عدوانه وردعه وتنبيهه للحق .
كيف ترفضي ؟
خبريه أنك مريضة ومو قادرة مارح يعمل شيء**
خبريه انك تقومي بواجبك وماعاد فيك تغسلي السيارة**
هذا حقك وأنت ما تخدعي نفسك وتقولي عادي عاداتنا والكل يشتغل .
طب ليش تدعي تليه ؟
ليش ترفضي وتنقهري ؟
تعرفي الحل شو ؟
اما أنك تتقبلي وضعك وزوجك عن طيب خاطر وتبطلي رفض وسخط ودعء عليه وتعيشي راضية بالوضع .
او تقرري التغيير مو على مستوى نفسك ع مستوى الواقع وترفضي الاهانات وشغل مو من واجبك وتفرضي احترامك وتشترطي عليه يترك عشيقتو .
بالأخير اطلب من كل زوجة تدرس جيدا وتحرص على معرفة الاحكام الشرعية للحياة الزوجية حتى تعرف واجبها وحقها ، فمثلما نحرص جميعنا على الدلال والدلع والليالي الرومنسية نلتفت شوي للدين ونحرص ع حق الله بحياتنا .

 

[زهرة البوادي2006]

صراحه اختي موضوعك اعتبره استعباد الزوج المفروض هذا العنوان او العبودية

شو بيئة تخلي المرأ تعمل اضعاف عمل الرجل وبعد تغسل السيارة انا عاملة منزلي وارفض تحمل اغراض ثقيلة وتغسل سيارتي

 

[العروس الصغيرة]

ميلا نونو
من اللي حكى لكي ان زوجي متزوج من رجل مو من انثى ما فيكي تقرري هالشي عني .... لهالدرجة صرت بعينكم ....وكيف بتقولي ادخل على مواقع اتعلم فيها الدلع والغنج ... ليش معقول اصحاب المواضيع عن الدلع والغنج احسن مني وراح يعلموني كيف اتصرف على اساس اني انثى .....
انا انثى غصبن عن الكل ....
حاولت امسك دموعي بس ما قدرت**
بعرف ان كلامكن لمصلحتي بس خلص لا تزيدوها**
ومن قال اني بدافع عن زوجي ... مستحيل ادافع عن انسان مثله ... وراح ييجي اليوم اللي يقدرني فيه**
.......
ضحى اماني .....
كلامك وجع قلبي وحطم كياني ....مع اني ما كان فيني شي بس كلامك خلى دموعي يصيروا شلال
لا تحكموا على شي بدون ما تعرفوا**
......
وبالنسبة لتغييري اللي صار واللي بحاجه لتصفيق حار منكم وتحية اكبار واجلال ....ما في تغيير**
لاني نسيت كلشي بعد ما قريت كلامكن**
......
بعرف ان كل كلمة جرحتني منكن لمصلحتي**
بس صدقوني اذا القلب مملوء فراح ينفجر من الالم**
......
هذه اخر رسالة اكتبها ...
بس هالشي ما بيعني اني ما راح ادخل مرة ثانية**
لا ....
راح ادخل بعد كم شهر**
راح اقعد بيني وبين نفسي**
وافكر بالايجابيات والسلبيات بحياتي**
واهم شي راح اقوي ثقتي بالله اكثر**
.....
وراح ارجع يمكن كمان 3او 4اشهر او اكثر ما بعرف**
وبوقتها عنجد لازم تصفقوا لي**
......
استودعكم الله الذي لا تضيع ودائعه**
ولنا لقاء قريب باذن الله**
والسلام عليكم ورحمة الله وبركاته**
واذا حكيت اي كلمة زعلتكم مني فسامحوني**
لان ممكن تكون اخر رسالة**
ما حد بيعلم القدر ايش مخبي**
وانا بالنسبة لي مسامحتكم دنيا واخره ...
?