زوجه ثآنيه .. وغيرتي التي سوف تقضي علي .. وينك يادكتورتنا ناعمه تريحيني :(

[قلب متعب]

السلآم عليكم
انضميت لآحلى صرح في الوجود هذا المنتدى الغالي
بعد ماكنت خلف الكواليس
اتمنى اللقاء بالغاليه دكتورتنا ناعمه شخصيآ
احسها راح تغير حياتي فوق تحت
اسأل الله ان لم يجمعني بها في الدنيآ ان يجمعني بهآ في دآر القرآر


حبيباتي :
موضوعي عن كوني زوجه ثآنيه رغمآ عني
لآتقولوا انتي وافقتي بأرآدتك ومدري ايش
صح
لكني كنت قليله الغيره خاصه اول شهور زواجي لآأهتم
لكن بعد مرور شهور عديده وسأكمل السنه
بدآت رجله معآناتي
فاليوم الذي تكوت فيه ليلتي انام مرتاحه
امآ اذا كآن عند زوجته اتعب وابكي ويطير النوم عن عيني

انا احببت زوجي من كل قلبي وهو يحبني واتعب مجرد التخيلآت بأنه في حضن واحده غيري
اعلم بأن زوجات المعددين سوف يهاجمونني ع هذآ الكلآم
ولكن ليس بيدي
اتمنى ربي يزرقني الطفل او الوظيفه اللتي تشغلني عن التفكير بهذا الامر
فلقد تعبت نفسيتي كثيرا
وهزل جسمي
اتمنى لآيكون كل تفكيري محصورا بهذا الشي
أريد ان ارتاح بحيآتي
فكم مره يأتي الشيطآن ليسول لي بأن اطلب الطلآق وأرتاح من هذا الهم

نعم اعده هم
فاللتي يدآها في المآء ليست كمن يداها في النار

رحمآك ربي
..

مآذآ افعل
صغييره وتحطمت كآنني امرآه كبيره ..
بدآت اغار من جميع من زوجها ملكآ لهآ فقط
حرمت من السفر والخروج لآي مكآن لآن يومآ واحدآ لآيكفي

الى المجربآت
الحكيمآت
اريحوني بكلآمك أراح الله حياتكم من الهموم والغموم
كيف ابعد عن نفسي التفكير يزوجته
بالرغم بأنها طيبه ولم تضرني
ولكن كل واحده تضع نفسها مكآني
تحبين زوجك وهو بأحضآن امرآه غيرك
قمه القهر :sad_1:

اسسستغفر الله وأتوب اليه

الرجآء الرفق علي بالردود فأنا حساسه جدآ وهمني يكفيني



اتمنى تصل احرفي لدكتورتي الغاليه ناعمه
ربي حقق مطلبي

 

[Sقلبي كبيرS]

بصراحه إذا هذا تفكيرك وأنت زوجة ثانيه فمابالك بزوجته الأولى أكاد اجزم أنها أكثر هما منك
تذكريها وتذكري. حرقتها في ليله زواجك. مدى حرقتها أن ينام في أحضان غيرها
صدقينئ انت أهون منها بكثير تذكريها فتخف مصيبتك وحاولي أن تشغلي نفسك بدخول تحفيظ أو دورات. أعانك الله

 

[قلب متعب]

^

بالعكس لو احس ان زوجته تغار ماهتميت
بس اشوفها مطنشها ومنشغلها بأولآدها
ولآتهتم فيه ابد كثره اهتمامي فيه


تو ماكتشفت اني غيوره جدآ


الله يجزاكي كل خير يارب

 

[قلب متعب]

نسيت اقولكم
ترانا ببيت واحد
لظروف خآصه


اتمنى من ربي يرزقني الصبر ولآشي غير الصبر

 

[مدمنة صبر]

تمنى اللقاء بالغاليه دكتورتنا ناعمه شخصيآ
احسها راح تغير حياتي فوق تحت
اسأل الله ان لم يجمعني بها في الدنيآ ان يجمعني بهآ في دآر القرآر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يالغلا الله يغير حياتك ربي وهو والقادر على كل شي اما الدكتوره ناعمه الله يجزاه خير سبب من الاسباب ؟!

يالغلا والله الاولى تغار ويمكن تموت اكثر منك بس الحريم ما يبينون

انتي اذا راح لها حاولي تشغلي نغسك بشي (وافضل الاشياء الدينيه ا=مثل قراءة القران

انتي بس لو تنسين زوجك وتفكرين برضى ربي والله ما يهمك لو تشوفينه عند مليون حرمه(مجرب
يعني زوجك لا تهملينه قومي بواجباته مجرد ما يكون يوم الاولى (انسيييييه كنك ما تزوجتي وعيشي ايام العزوبيه ودلعي نفسك اقري في النت
ولا يوسوس لك الشيطان بالغيره وحطي في بالك الشي لازاد عن حده انقلب ضده


وانتي حليتي مشكلتك تقولين مالي الا الصبر هو افضل الحلول ولا تنسين ربي يحبك عشان صبرك واذا ربي حبك سخر لك الكون ومافيه ربي لا تحرمنا محبتك ربي لا تعلق قلبي الا بك (كرري هاالدعاء

وماعليك من نقد البنات اذا انتي راضيه بحياتك واستخرتي الله في هالزوج لا تخافين الا من رب العالميييييييييييين

 

[انسه طفشانه]

الله يعينك
بس تاكدي هي كمان تغار ومالك الا ان الله يصبر قلبك
ممكن لو كنتي ببيت لحالك بتخف الغيره

 

[حكيمة زمانه]

من كلامك حسيت انك صغيره
ياحياتي مافي زوجه ماتغار على زوجه
والغيره دليل الحب
فاحمدي الله ان انعم عليك بالحب
لكن استغلي هذا الحب في صالحك
مثلاً اذا كان زوجك عند زوجته الاولى استغلي وقتك بالاهتمام بجسمك
سوي خلطات يحتاجها شعرك او بشرتك
استعدي لليلتك فكري ايش راح تسوي بكرى لما يجي عندك لا تقولي هو الان عندها يفعل كذا او كذا
لاااااا

لكن اجعلي تفكيرك محصور ببكرى لما يكون عندك
بكذا ترتاحي


لا اخفيك اني زيك [COLOR="Wheat"[COLOR="DarkSlateGray"]زوجه ثانيه

اسأل الله ان يخفف عنك ماتعانين منه[/COLOR][/COLOR]
لا تفكري ابداً بتفكيرك الي ذكرتي لنا لان هذا يهدم حياتك

 

[فراولة الشتاء]

لاااااااااااااااااا حبيبتي انا زوجه اولى ولي ضره وباامووووت من الغيررررره ومستحيييييييييل تكوني اشد غيره من الاولى لانه كااان لها لوحدها وجيتي حضرتك واخذتي نصفه منها لكن انتي وافقتي عليه وانتي عااارفه انه لك نصف رجل بس لييييش تغاااري مو انتي وافقتي تتزوجي وااااحد متزوج ومافكرتي بشعوووور زوجته خلييييييك تحسي بالاحساااس هذا وتشوفين وش سويتي ببنت الناااس الي دخلتي عليها زي ماتحبي لنفسك حبي لغيرك ياحلوه ,,,,

 

[حُلُم]

فرااااوله المرأه جت تريد المسااعده
وبدل ماتطفوا النار تشبوها استغفر الله
علشان كذا قالوا النساء ناقصات عقل ودين

هدأيها فممكن تكسبي ثواب بسبب كلامك لها

أختي 00بالعكس هذا شعور طبيعي لكل أمرأه
وسواء كنتي ثانيه او ثالثه او رابعه
ولاتزعلي من أي شيء لأن لا أحد يوزع الأرزاق الا الله
وهو كتب نصيبك مع هذا الزوج
وغيرتك دليل لحبك

بس كلما فكرتي بهذا الشيء فكري بشعور زوجته الليله التاليه لما يكون معك
بتكون مثلك وبتتألم لكن هي متزوجه من سنوات والان تنشغل عن التفكير لان عندها أطفال
بالعكس حاولي تتقربي أكثر منها 00وتعديها كأخت لك00
حاول ترسلي لها هدايا
وتشتري لأطفال زوجك
وولو كان عندها طفل صغير خوذيه نوميه معك حيشغلك صدقيني وبتتونسي فيه
أجلسي جنب التلفزيون وخلال جلستك حطي قناع على وجهك
واسترخي لما تغسليه
تروشي سوي شعرك ولفيه خليه لليلة المقابله
عادي لفيه كله باصبعك ومسكيه ببنس يصير مثل كيرلي
وكمان اعلي لقدمك مساج حطي كريمات عليها

ولاتنسي بعدين روحي صلي ركعتين
وادعي الله ان يصف عند الغيره ويهدأ بالك
خذي دفتر وقلم واكتبي كل حاجه تبي تعمليها لزوجك حركات
اي شي
جهزي صوت او اي شيء وفستان حتى الليله لبعدها ترقصي له
صورري نفسك سوي ملف لك وارسليهم لجواله بداية يومك قلي له حبيبي اي لوك اليوم تبيني
اكون لك اختار وحده من الصور

وفكري أي طبخه تعمليها له00

من ناحية ثانيه
حاولي تشتغلي مهاره عندك نميها
والله لما تبداي بهالشغلات بتنفتح لك وبيخف ألمك
والله يسهل عليك
ولاتزعلي من أي كلام هنا أنتي تزوجتي على سنة الله ورسوله
والنبي كان معدد الصحابيات كانوا زوجات لرجل معدد 00لن نكون نحن افضل منهم
صدقيني كلما كبرتي عقلك وكنتي ناضجه وحنونه على زوجته الاولى واطفاله
حتكسبيه
وتكسبي رضاه
00وترتاحي
الله يسهل عليك
​

 

[ريميه احمد]

اسمعي يالغاليه ترى الزوجه الثانيه ملكه بنسبه للبقيه كلنا نغار انا زوجه ثانيه وحاسه فيكي والله لو تاخر عن يومي ساعه اني انقهر ويحس فيني ويعوضني فا اقولك اشغلي نفسك لا راح لها بترتاحين ابدا لا جاك انسي انه متزوج ولاراح بسلامته

 

[نورالعرب]

مع الاخت فراولة الشتاء

 

[دلوعةزوجي]

عزيزتي ماعليك من اللي يقولون انتي رضيتي وحسي بزوجته ومن هالكلام
تدرين ليه اقول لك ماعليك
لان زوجك نصيبك وقدرك وهذا الشي اللي ربي كاتبه ولا احد بيوقف بوجه قضاء الله وقدره
الغيره امر جداً طبيعي فكثير هنا يغارون من اخت الزوج وام الزوج فما بالك بالضره
ياقلبي " العقل الباطني " ( اللاوعي )

للأسف كثير مننا مهملهـ وما يدري انهـ مركز طاقهـ ضخم جداً
فلو حسستي نفسك انك مرتاحة مطمئنه لا شعوريأ بتحسين بهالشي
الليله اللي يكون عندها انتي اهتمي بعمرك اعملي حمام زيت بدكير ومناكير
او احفظي اجزاء من القران او روحي زيارة لأهلك المهم كوني قويه وارضي بقدرك ونصيبك صدقيني غيرتك ماتحرق احد الا انتي ولا بيخرب بيت احد بعيد الشر عنك الا انتي
الله يفرج همك​

 

[بكيت انا]

حاولي تحفظين القران واتمنى تبداي من سورة البقرة استغلال لحماسك لازم تطلعين في بيت لحالك انا زوجة ثانية اول ماكانت افكر بالامور اللي تصير بانهم ولا عمرها جاءت على بالي بس لما عشت معهم بنفس البيت بدات الغيرة والافكار الله يرزقني انا واياك بالبيت الخاص ولا تنسى ان تدعى الله يخفف الغيرة عندك

 

[أم ميسوـوـو]

الله لايشششغلنا الا في طاعته

~​

 

[لاراالامل]

لاحول ولاقوة الابالله الله يصبرقلبك وقلبي انا مخطوبة يعني زوجة تانية بس افكر افسخ اموت من الغيرة مثلك اواكتربس هي حكيمة ماتوضح غيرتها اما انا مثل النار وححرق نفسي قبل كل شي الله يصبرقلبك وقلبي

 

[تفاااااؤل]

لاحول ولا قوة الابالله

 

[wsan]

يعني ايش تبغي تبغيه يهجر زوجته ويطيح بحضنك اربع وعشرين ساعه حبيبتي انتي رضيتي تكونين ثانيه خلاص ارضي عن كل شي بحيات المعدد

 

[روز الغامدي]

يعني ايش تبغي تبغيه يهجر زوجته ويطيح بحضنك اربع وعشرين ساعه حبيبتي انتي رضيتي تكونين ثانيه خلاص ارضي عن كل شي بحيات المعدد

قالت تغار الحمدلله واشكر

 

[حلى قهوة]

ياعمررررررررررري تغارين من ام عياله وانتي حرقتي قلبه

يوم دخلتي عليها ؟؟؟؟؟؟؟؟؟؟؟؟؟

سبحان الله العظيم

 

[معلمة متألمة]

بخصووووص راحتج ..... ترى راحتج ما تلقينها الا بقرب ربج....لاتتعبين روحج وتروحين ل بشر ضعيف تنطرين منه الفرج.... حلو الواحد يروح ويستشير وياخذ تجاربهم ونصايحهم (لان التجربه والنصيحه نتيجة تجربه قاسيه او جرح مؤلم اخذ صاحبها عبرته منها ونقلها لج ف تأكدي انها من القلب..) البشر اسبااااب و راحتج مع ربج مو مع غيره لا تحاولين... ولاتفكرين تحطين همج عند اي بشر...و لو اي بشر في يده فرج ..ماشفتي حتى الملوك والسلاطين اللي بفلوسهم يشترون كل شي الا الفرج والعافيه والسعاده الربانيه.. يمرضون وتهدهم الامراض و الهمووووم ومايقدرون يرفعون الهم عن قلوبهم ....الا بسجده لربي..سبحان من خضعت لعظمته الرقاب والجبااه..

انا لست زوجة اولى ولا ثانية.... بس وحده قريبه مني زوجه اولى .. ووحده بعد زوجه ثانيه ..

المسأله ماهي اولى او ثانيه... لأن المسألة اكبر من كذا ب كثيــــر سواء كنتي اولى او رابعه تأكدي ان من قدّر لك ان تكوني اولى هو الله جل وعلى لول كنتي ثانيه نفس الشي محد اختار هذا لج الا الله جل و علا سواء كنتي ب رضاج او غصب.. هذي أقدارنا ربي ساقها لنا بغض النظر عن الرضا من عدمه....
واجب علينا ان نرضى ب أقدار الله علينا ف من رضي ف له الرضا ومن سخط ف له السخط..

غاليتي.... ابوي متزوج (زوجة ابوي مب امي) وتزوج عليها ثانيه وجاب منها 2 ومن كثر حبها لأبوي وغيرتها اللي ما كانت ب محلها أبد خسرت حبها وخسرت عيالها.. لأنها طلبت طلاق الاولى (طلبته لأنها شافت حب ابوي لها وقالت اكيد من حبي بيفذ كل شي....) .. تخيلي من يطلع ابوي من بيتها تنجلط وتبكي وتسوي مناحه.... ليش؟؟؟ هي تزوجت وهي عارفه انه متزوج ... اجل زوجته الاولى وش احساسها...؟؟ .. وبالاخير طلقها لأنها طلبت طلاق زوجته و ابوي مارضى وهي مارضت بالوضع تقول ما اقدر اتحمل اشوفك رايح لها او جاي من عندها...سبحان الله!!!

تعوذي من الشيطان ياغاليه.... واذا تبين نصيحة وحده ناااااصحه من كل قلبها ماتبي الا راحتج وسعادتج وماتبي بليس يخرب بيتج ف حطي ف بالج كلامي:
اول شي كل ماتضايقتي من غيرتج تذكري حزن زوجته الاولى وحطي روحج مكانها وبتهون مصيبتج...
وانشغلي عن هالامور اللي هي اصلا من بليس (وبليس مب مخليج الا الا لزمتي قرب ربي او خرب بيتج ف انتي لج الخيار..) لأنه بيقعد يحشي مخج على زوجج وعلى زوجته بهالخرابيط اللي بصراحه مايكبرها بعين الزوجه الا صغر مساحة تفكيرها و الفجوة اللي بينها وةبين ربي...
الزمي قرب الله وربي بيمسح هالشعور من قلبج وبتصير الغيره ايجابيه بدل ماهي سلبيه ومخربه عليج حتى النوم ماتنامين بهالسبب... بالله عليج ش هالعيشه اللي معيشه روحج فيها والسبب بليس!!

تعوذي من بليس... وخلي لج ورد من القرآن والاستغفااار والذكر ... واليوم اللي مايكون عندج اهتمي ب روحج وبيتج عيالج وفرصه تكونين اقرب فيها لله وبعد فرصه يشتاق لج زوجج ...
سوي لج جدول يميز أي زوجه ناجحه ف دينها ومجتمعها وبيتها وزوجها.... اهتمي ب ريحة البيت وسوي جدول للطبخات بالمطبخ وغيري اتجاه ديكور بيتج وحطي ورد و زرع.. و أهم شي طلعي الزوجه الاولى من راسج ولاتفكرين فيها ... المفروض مايكون عندج وقت تفكرين فيها بصراحه عندج اشياء اهم منها ... خليها ب حالها وترى الرجال يتضايق ويمل وتلوع كبده من الحنه والغيره اللي ماهي ب محلها.... انشغلي بروحج وبيتج ودينج وماراح تشكين هم..
وخصصي مثل ماقلت لج وقت ل ربج ... صدقيني ترى اي واحد كان مع ربه ف السرااااء ..ماتضيق عليه الا وربي قريب منه...

كلامي مب ع الفاضي كلامي تجربه وحده قريبه من روحي وانا عايشه معاها معاناتها...

لن نسعد ولو ملكنا مال قارون وقلب من نحب... الا بالقرب من الله جل و علا..​