هلا بنات
كيفكن اشتقتلكن
البعض بيعرفني والبعض الاخر لا
المهم هلا بالجميع
حابه خبركن باخر اخباري
....
انا كتبت موضوع اني ساويت اشعه صبغة وكان عندي انسداد والحمد لله فتح
وزوجي خلص قرر نسوي اطفال انابيب
وبعدها جتني الدورة وبدت رحلتي مع الابر المنشطة لسحب اكبر عدد بويضات
وبيوم السحب في وحده سوت العملية قبلي ولما طلعوها كانت بتصرخ وبتنادي على امها وبتبكي انا انصدمت بس شفتها صرت ارجف
معقول راح يصير فيني كدا
بطني صارت تمغصني جسمي صار بنفسجي حسيت حالي مرضت
وانا بقول للطبيب وده يصير فيني كدا ايش عملتوا فيها ليش صاير معها كدا
جتني حاله جنون هستيرية ههههههه
قالت الممرضة هذا بسبب المخدر لا تخافي
ولما جا دوري صرت اتطلع بكل جهة وشفت نقطة دم صغيرة عالارض قلت للممرضة من جايه نقطة هالدم وانا ميتة خوف
قالتي لا تخافي ليش مركزة عكلشي استرخي
نمت عالسرير وجا عند راسي طبيب التخدير
وما قدرت غمضت عيوني ما ودي اشوف شي
يا ربي طول الوقت بسبح ميتة خوف
حسيت بشي بنغزني بايدي كان الطبيب بحط ابرة ما بعرف للمخدر او ابصر ليش
الممرضة واقفة والمخدر عند راسي والطبيب
بعد شوي حط على وجهي اله الاوكسجين وبديت اشم بريحة زاكية المخدر طلعت هههه
وبعد شي بسيط فتحت عيوني
ما كنت حاسه بشي
اخذوني على الغرفة وحطوني عالسرير
جابت لي الممرضة حبتين دوا اشربهم لتخفيف الوجع
شوي شوي الوجع بيزيد صرت احس بس اتنفس سكين بتنغز فيني من تحت وبقوة ووجع ما يعلمه غير ربنا
بعد ساعتين طلعت من المشفى
وبالبيت انتفخت بطني
ومشيت عالحمام لحتى اتبول ما قدرت كانت امي وحماتي عندي
بس وانا بالحمام صرت اصرخ وابكي مو قادرة
وصرت انادي اه يما باعلى صوتي ودي اموت
استمرت هالحالة معاي يوم ورا يوم وصرت احس بحوالي عشرين ابرة ببطني حد بنغزني من جوا
لا بعرف ليل ولا نهار
بس صراخ وبكي
وخبرت الطبيبة صار فيني كدا قالت طبيعي بس لما اجي لترجيع الاجنة بيفحصني الطبيب وبعدين بشو فوا اذا راح يرجعوا الاجنة
باليوم لترجيع الاجنة بطني مثل ما هي منتفخة
وكأني حامل بالرابع
قمت من النوم وانا بسبح يعني بحبي
وقفت بالممر وصرت وصرت ابكي مو قادرة يا الله
بكيت بكي ما يعلم فيه غير الله
مشيت عالطبيب واول ما حط الجهاز على بطني بعدت ايده بقوة وصرخت حتى الطبيب تفاجأ وهبرني بهالدرجة في وجع خبرني ان ما بنفع يرجع الاجنة لاني بطني منفوخة
وفي وجع
راح يحطوا الاجنة بالثلاجة
والشهر اللي جاي راح نرجع الاجنة
جا يوم ترجيع الاجنة
يا الله ما احلى من يوم
كنت فرحانة معقول راح احمل
رجعنا عالبيت طلعنا من المشفى الساعة١:٢٠ ووصلنا البيت بالسيارة ٤:٣٤
نمت عالسرير واخذت الدوا والتحاميل مثل ما حكيت الطبيبة بس يا فرحة ما تمت
ثاني يوم الصبح نزل مني دم بني وفي شي حسيته جنين استمر نزول الدم ثلاث ايام
حكيت مع الطبيبة خبرتني عادي اظل مستمرة عالادوية
وقت الدم ويا الله مع لما نزل مني دم خلص فقدت الامل بس كنت بحس بشي برحمي كنت حاسه حالي حامل
كنت يوميا بصحى بالليل وبصير ابكي لاني خايفة وبدعي ربي احمل ب بنت عالاقل تملي فراغ هالبيت
جا يوم الفحص مشيت على اقرب مشفى عنا وعملت فحص دم رقمي
يا الله ما اصعب هاللحظة
خصوصا لما زوجي قرب وام زوجي ودهم يعرفوا النتيجة
قالت الطبيبة ما بتعرف ولازم نحكي مع الطبيبة اللي سويت عندهم الزراعة وهي بتخبرني
بس تطلعت فيني وقالت النتيجة ٥
يا الله ما قدرت اتنفس حسيت مو سكين دخلت قلبي لا شي اقوى بكثييير
كنت ودي ابكي اصرخ صدري صار يوجعني
زوجي بيسال كيف النتيجة بالسيارة وبسال فيني ايش قالت الطبيبة لازم تكون النتيجة خبرته ما قالت
مع الطبيبة قالت لازم يكون فوق ٢٠٠ بس ايش اقول انا مو حامل خلص
وجعي وتعبي ضااااااع
حسيت حالي ودي اموت
رجعنا عالبيت وصورت نتيجة الفحص للطبيبة
جابت ام زوجي اكل اكلت وما بعرف ايش طعم الاكل وام زوجي بتقول لي ايش فيكي بقول لا بس دايخة من السيارة
طلعت ام زوجي عبيتها وزوجي طلع عالشغل
وانا نمت عالسرير وحطيت ايدي عبطني ما حسيت بشي
انا خلص مو حامل
فقدت كلشي
بعد ساعتين نزلت ام زوجي وصارت تبكي وعرفت لحالي خلص
وخبرت زوجي وعصب قعد يومين ما بياكل
الطبيبة حكت للاسف وقفي كل الادوية ما في حمل
...
المغرب
قمت من السرير حسيت صدري بيوجعني عنجد لاني ما بكيت
اخذت ملابس ومشيت عالحمام اتحمم لان لي ١٢يوم ما تحممت
دخلت الحمام وسكرت الباب بالمفتاح قعدت عالارض وصرت ابكي
ظليت بالحمام اكثر من ساعتين ام زوجي خافت فكرت صار فيني شي وصارت تطقطق عالباب
حاولت استجمع قوتي واخبرني اني بستحم
واستغربت ليش طولت
وبعدين طلعت من الحمام
واتوكلت ع ربنا ومشيت مشطت شعري
وحطيت شوية مكياج لعلي انسى شوي
بس ما قدرت
بعد لحظات جت امي لحتى تسأل عالنتيجة
وخبرتها
ما قعدت عندي طلعت ناديت عليها بس ما ردت
طلعت لحتى تبكي وما تخليني انوجع عليها
ما ودي تورجيني دموعها
بالليل جاب زوجي فحص حمل منزلي وطلب اني اسويه خبرته بسويه بكرة الصبح
ثاني يوم ساويت المخشير بس خط واحد
مو حامل
والحمد لله راضية يا الله
مر وقت ما طلعت من البيت وجتني الدورة بعد فترة اربع ايام عن موعدها الاصلي
مشيت عند ممرخة
خبرتني ان معاي خريعة قوية
عشان كدا ما حملت والخريعة مؤثرة عالحمل
طلعت مني الخريعة
وسالتني لما يصير جماع كل ساءل زوجي بطلع ولا لا
خبرتها انا بعرف انه بيطلع شي وبظل شي
قالت لام زوجي ليش ما جبتوها من زمان علي
رحمها مسكر وكل ما يدخل فيه ساءل زوجها بيطلع بسرعة بسبب الخريعة
والخريعة من زمان عندي
اعطتني خلطة اعشاب اغليهم واتهبى عليهم من تحت
لمدة يومين وساويت هالشي
الحين من اليوم التاسع للدورة بديت احس بايام التبويض لليوم الثالث عشر
صار معاي جماع بهالايام
بس من يوم ال خامس عشر المغرب نزل مني افرازات مع دم بني
ووقف
ثاني يوم باليوم السادس عشر نزل الصبح وخفيف ووقف وبالليل رجع نزل مع وجع رهيب مثل وجع الدورةوشربت حبتين دوفاستون لتخفيف الوجع مع ان خبوب دوفاستون ما لهم علاقة وباليوم السابع عشر نزل دم الصبح وردي مع بني خفيف ووقف وباليوم الثامن عشر اليوم يعني
نزل دم بني خفيف
وانا بشرب حبوب دوفاستون حاليا
ما بعرف ليش
بس ما بعتقد في منهن ضرر
وكمان قريت بالنت ان في بنات بيصير معهم وبطلعوا حوامل
وبنات بيصير وما بكون حمل
بكون بطانة رحم سميكة وما بعرف ايش
رجاءي من رب العالمين اكون حامل
ادعولي
اختكم العروس الصغيرة مضى على زواجي خمس سنوات بدون اطفال
