المواضيع التي تخص الجنوبي الشرقي والغربي والعكس

[امووورتي]

العاطفه والرجوله والشرقي> مهم

مرحباااا

زوجي شرقي جنوبي
اصدقاءه اسوأ رجال على سطح الارض يعتقدون ان اهانه المراه والقسوه عليها رجوله
اما زوجي الحمد لله يرحم المراه ومايتعامل معها بقسوه او اهانه
لكنه حاط حاجز الهيبه بيني وبينه
يعاملني برسميه ومثل ماكانوا في باب الحاره يكلموا الزوجه هههههههه
حياتنا روتينيه هاديه رسميه ممله كئيبه
مااخذ نفس الا اذا طلع اعيش براحتي
لانه يدقق علي ولا يمازحني وكل شي بشوره وامره
تعبت من هالحياه
ابي عاطفه بيني وبينه ماتزوجت الا علشان اشبعها بالحلال
مليت من كل شي حولي
جديه زايده حتى طلعاتنا يقول عشانك والا انا مابي طيب انت وين تبي يقول مابي اي مكان ? طيب استانست يقول عادي >> كآبه -_-
ابي حبيبي ونصفي الثاني
اتعامل معه بدون تحفظ ورسميه
كل كلمه عنده محسوبه ماكانه ببيته وعند زوجته
وكله كوم والهيبه كوم ثاني
كنت اعبر له عن مشاعري وشوقي وانا فيني ثقل مااعبر دايما ولا الصق دايما
مع ذلك مايرد علي واحيانا يقول احس اني بفلم تركي واحيانا يقول انا رجل ماتهمني العواطف >> يحسبها رجوله ؟
ومره طلبت منه طلب ورفض وجيت اتدلع عليه وادلعه وابعد عني بسرررعه وطلعت منه كلمه بالغلط يقول انا مو خروف عندك
انصدمت منه وبعدت نفسي وهو استحى وقرب مني وباسني وانا بعدت قلت عشان ماتكون خروف
بس بعدها يلاطفني على خفيف
بس ابدا مايعبر ولا يحسسني بوجودي وقيمتي عنده فهمت من عشرتي معه انه عشان ماتمسكين علي ممسك وتصيديني احسسك انك مو مرغوبه ؟ ولا جميله ؟. على باله اللي يتعامل مع زوجته بحب خروف؟ واللي يحسسها بقيمتها تركب راسه
تخيلو في السوق اغراض ثقيله اشيلها لحالي يظن انه عيب يشيل للمراه كذا تكون تخرفنه بنظر الناس فقلت انت الرجل ماتخلي حرمتك تشيل عيب
ولما صار الموضوع يخص رجوله فز واخذ الاغراض !!!
هههههههه ??
ودايما اذا ناقشته يقول انا احسن من غيري شوفي صاحبي فلان هزأ زوجته قدامنا وكذا ؟؟
طيب هذا نموذج سيء مثل نموذج الزوجه اللي ترادد زوجها او ماتطيعهً وكذا
هذي نماذج سيئه مانقيس عليها
وسمعت من اهله مره ان عنده مفهوم: ان المرأه ماتسوى شي ورايها عوج !!!

طيب انا الآن ابغى اعلمه العاطفه وادخلها بحياتنا
هل تعتقدون فيه امل ؟ لاني جربت حتى الرقص رقصت له ومعه لكن ردات فعله بارده تقهر ومايبادلني ابدا وانا ماعندي صبر اذا شفت صد اسحب عطائي لكن هالمره راح اصبر باذن الله ساعدوني وجهوني
لاني ماابغى اعيش مكتئبه او اصرف مشاعري غلط
انا تزوجت عشان اغتني بحلال ربي عن حرامه عاطفيا جنسيا روحيا
انا شريك في هذه الحياه وموجوده فيها

نمطه شرق جنوب وانا غرب جنوب >> هههههه تناقض لكن عساه خيره
ساعدوني لانقاذ اسرتي الميته عاطفيا بسبب هيبه الرجوله المتخلفه الرجعيه اللي ماتت مع جد وجدة امي من زمان
مع ان سيره الرسول صلوات ربي وسلامه عليه وصحابته الكرام تؤكدلطفهم ورومانسيتهم العفويه والجميله مع اهلهم
مادري من وين جتنا هالمفاهيم الغبيه ??
اللهم آتنا من لدنك رحمة وهيء لي من امري رشدا

 

[سماء عالية]

اختي الغالية..
ابغيك تعرفين شغلة وحده انه يستااااانس حده لما تدلعينه وتدلعين عليه بس يبين الثقل مثل ما قلتي،،
استمري واستمري الين تجيبين راسه،،
امدحيه دايما وامدحي طيبته وحنيته معاك ورجولته،،
قدام الناس مثلي الخوف منه لكن بينكم سوي الي براسك ومهما يصرخ ويبعدك عنه اضحكي وقربي منه بجراه اكبر خليه يشوف الانثى الشقيه الي فيك صدقيني تراه يستااانس حده!!
ولما يطلعك مكان ما يهمك غير راحتك اطلبي المكان الي يريحك وكل شي يعجبك ولا تسالينه استانس او لا بس انتي غبري عن وناستك كانك طفله واشكريه واقولي استانست وايد ومن هالكلام..
واهم شي المدح وعليك بالصبر وان شاء الله بتقدرين عليه..

 

[ريمة 2]

الشرقي الجنوبي من اسهل الانماط الا اذا كان متطرف
اتقني و تفنني في طهي الطعام و كوني انيقة و راقية و تعلمي فنون الجماع رايحة تكسبيه باذن الله

 

[زوجة شرقي]

شوفي عزيزتي زوجي شرقي ، وله هيبته بس مع الكل وحتى عندي بس أنا فلاويه ومآخذه الحياة بلعب ووناسة ، ولاتقولين مايتأثر بيتأثر ولو بعد حين ، ألاحظه بالسفر يكون شخص آخر يقط كل القيود والهيبه يصير نفسي يبي الوناسه والأكل هههه ، قبل سنين كان يقول طالع عشانك وسويت عشانك والخ ، الحين هو اللي يقول شرايك نطلع ؟ والا عازمك على مطعم والا سينما !
بالأخير بيتغيير وزوجك عاى ماعودتيه .

كم صارلك متزوجة؟

 

[أم شبيب]

هههههههههه زوجي جنوبي شرقي وفيه من هالصفات وانا شماليه شرقيه بعد تحسين صج جفاف بجفاف بس انا غيرت من نفسي واتقرب منه اكثر امكن انتي اشوه مني كونج جنوبيه المفروض ماتملين الشمالية هي الي تمل لان هذا طبعها شويه جافه وماتحب التلصق بس قمت احاول بالغصب بس الحمدالله اضغط ع نفسي من كلام حلو وتغزل فيه مرات القى شي زين ومرات يحطمني بس الحمدالله تحطيمه مايأثر فيني بس قاعده امثل اني تأثرت بس بطريقه اني واثقة من نفسي طبعا بس لازم امثل علشان ما اقلب عليه ههههههههه انتي كملي واستمري لا تقولين يقط كلام ولا مايحس ترى يحس ماعليج منه اكسري قوته امدحي واذا قالج علشانج مو علشاني طالع ابرك الساعات هههههههه ردي عليه بكلام حلو فديتك ومن هالكلام وبيني نفسج الطفله اذا فرحت شلون جذي بالتوفيق حبيبتي ،،،، تحياتي

 

[أم شبيب]

اي ،،،، واذا قال انا رجال ومن هالكلام خلاص شجعيه وقولي فعلا بس عندي لا تتم رجال وطفل بعد خليه يحس انه بره غير وعندج غير وانتي تعلمي شي اذا قعدتي بره بيتج عند اهله مثلا او بره حسسيه ان رجال وخليج رسمية معاه اذا عند اهله طبعا اما اذا بروحكم دلعيه وتدلعي عليه بعد

 

[يُنآير]

انا نمطي شرقي
لذلك ترى عندنا العاطفه مو سهل نقولها نحس تنقص من كرامتنا وكبريائنا
لكن اللي يخلينا نتكلم الطرف اللي يبادلنا بذوق وأدب ويقول كلام حلو
فعشان كذا خليك مثل ما أنتي تصرفاتك حلوه ترى لابد أنه يتعدل ​

 

[ام صف]

خليك مثل مانتى وباذن الله مع الوقت راح يتغير والصبر حلو وباذن الله راح تغيره بس خليك واثقه من حالك وادلعى وباتوفيق تقبلى مرورررى?

 

[نودي العمودي]

بنات تكفون ادخلو ابغ نصايحكم

سلام كيفكم بنات طبعا انا كتبت قصتي قبل كذا لو تذكروني انا الي قفل زوجي الباب لاني تاخرت عند اهلي وهو قالي اجي تسعه وانا جيت عشره طبعا قفل الباب بسبب اهله لانهم يبغوني اجي بدري ودايم اهله يضيقوني وكل ماقلت شي قال اصبري والمشكله انه ولد عمي والمشكله خذينا بعض عن حب رغم اعتراض اهلنا بس اهله مخلوني ارتاح ابد كرهوني حياتي وسافرت مع اهلي وهو لسا بالديرة عند اهله المهم صار للمشكلة ثلاث اسابيع وسافرت لي اسبوعين ولا فكر يسال انا قلت خلني اطمن عليه وارسله وارسلت له كيفك قال مين قلت له زوجتك حبيبتك قال لا تذكريني بالله نسيت قلت له ياحسافه والله بدي السهولة نسيتني وانا ضحيه ووقفت بوجهه الكل عشانك قال الي يبغ يفرض رايه علي طز فيه وانتي تبغي تفرضي رايك قلت له انا لما دحين لسا واثقه فيك والكل يعايرني ويقول شوفي اختيارك قال لا تحطي ثقتك بواحد انتي بنفسك بعتيه قلت له انا مابعتك بالعكس انا اشتريتك انت الي بعتني وانا الي عصيت الكل عشانك قال فعلا عصيتي الكل ولا كان انا الحين في مكان ثاني لو تسمعي كلامي قلت له طيب انا احمل يمكن انزله ولا انتحر ولا كيف قال سوي الي يحلالك قلت له دامك ماتبغاني طلقني قال ربي يسهلك انا خطبت وبزوج ماقدر اعيش معك الصراحه صارلنا من تزوجنا بس شهرين وجلست ارسل وهو معاد رد بنات ادعولي وساعدوني تكفون هو نمطه جنوبي وايش رايكم ايش اسوي اخاف يسمع كلام اهله ويطلق وانا احبه وش اسوي

 

[أم عمر العمانية]

يا أختي إنت متصلة تتطمني عليه فليش تسمعيه انا عملت كذا وعملت كذا علشانك
شوف وين وصلتوا ف نهاية المحادثة
المفروض كل ما يشد في الكلام إنت تليني علشان ما يعاند بزيادة

الله يصلح بينكم حبيبتي

 

[ام مريم90]

حبيبتي كتير حابة ساعدك لكن مابعرف كتير بالنمط الجنوبي

اللي بعرفو انو البعد يولد فجوة بينكم بعكس الشمالي والفجوة نهايتها ما بترضيكي ابداً

بالنهاية مافيني غير ادعيلك وبي يردلك جوزك ويصلح بينكم ويبعد عنكم كيد الشيطان

 

[نودي العمودي]

لانه هو قاهرني قال كان فيه حبيبه ونسيت لاتذكريني وهو الي غلطان وحملني الغلط ثلاث اسابيع ومسأل

 

[نودي العمودي]

حبيبتي كتير حابة ساعدك لكن مابعرف كتير بالنمط الجنوبي

اللي بعرفو انو البعد يولد فجوة بينكم بعكس الشمالي والفجوة نهايتها ما بترضيكي ابداً

بالنهاية مافيني غير ادعيلك وبي يردلك جوزك ويصلح بينكم ويبعد عنكم كيد الشيطان

المشكله انه ماتقبل محادثتي

 

[أم شبيب]

الجنوبي مشكلته اذا حقد وعصب يتركك عادي الا من رحم ربي عكس الشمالي انتي طريقتك هذي ماتنفع تنفع مع الشمالي المفروض ماتتكلمين جذي انا ودي اساعدج جربي تدزين رسايل حزن

 

[أم شبيب]

انا ابيج توضحين اكثر انتي الحين زعلتي علشان اهله قفلوا الباب صح وانتي رحتي لهلج وقعدتي عندهم ثلاث اسابيع علشان هالمشكله؟؟؟ انزين انتي منج عند اهلج ماكلمتيه او دزيتي له رساله ؟؟؟؟؟ ومنج سافرتي مع اهلج هو كان يدري ولا لا؟؟؟؟

 

[أم شبيب]

الصراحة في بنات فقدتهم وينكم ?? مني دزيت عن الدورة اختفيتوا اشتقت لتفاعلكم

 

[نودي العمودي]

كيف يعتي رسايل حزينه قلت له بنتحر قال سوي الي يحلالك

 

[نودي العمودي]

لا مارسلت له رساله لكن يوم رحت اجيب لي ملابس للعيد حسبني باخذ اشياءي كلها قال يامجنونه وش فيك قلت له خمس ايام مسالت قال انتي جبتيها لنفسك حذرتك وقلت لك ابوي مضايق قلت له اكيد هو الي خلاك تقفل سكت بعدين قال والله احبك واشتقت لك تعالي نتغدا سوا قلت له تبيني تجي بيت اهلي وتتفاهم مع ابوي ولو مجيت الي بينا انتهي جا واتفاهم مع ابوي قال ابيه تجي تسعه قاله ابوي من بيتي ماراح امنعها ماهي منبه يتحدد لها وقت والباب جنب الباب عندك كلام غير دا جيبه زعل وقال الله يفتح عليك ونزل وسافرت وهو مايدري ودحين هو لسا مجا من السفر انا خايفه امه تعبي راسه لانه قالت بخليه يطلقها وطلع يوم وانا ابكي وقال شفيك قلت له سمعت امك كذا تقول قال لاتخفين

 

[ام مريم90]

انتي غلطانة بتركك للبيت هلأ فتحتي الطريق لحماتك انها تعبي راسو وتجوزتو المفروض بتصرفة بذكاء اكتر من هالشي

انتي تصرفتي بعاطفتك وهالشي اثر سلبي عليكي

ازا تقدري تحكي معو وتقوليلو انا جاية لعندك شوفي شو يرد عليكي ازا حسيتيه مشتاقلك روحي فووووراً. ولا تستني اما ازا حسيتيه مو فارقة معو بتكون حماتك عملت اللازم

 

[أم شبيب]

لا مارسلت له رساله لكن يوم رحت اجيب لي ملابس للعيد حسبني باخذ اشياءي كلها قال يامجنونه وش فيك قلت له خمس ايام مسالت قال انتي جبتيها لنفسك حذرتك وقلت لك ابوي مضايق قلت له اكيد هو الي خلاك تقفل سكت بعدين قال والله احبك واشتقت لك تعالي نتغدا سوا قلت له تبيني تجي بيت اهلي وتتفاهم مع ابوي ولو مجيت الي بينا انتهي جا واتفاهم مع ابوي قال ابيه تجي تسعه قاله ابوي من بيتي ماراح امنعها ماهي منبه يتحدد لها وقت والباب جنب الباب عندك كلام غير دا جيبه زعل وقال الله يفتح عليك ونزل وسافرت وهو مايدري ودحين هو لسا مجا من السفر انا خايفه امه تعبي راسه لانه قالت بخليه يطلقها وطلع يوم وانا ابكي وقال شفيك قلت له سمعت امك كذا تقول قال لاتخفين

انا بعرف دام قال 9 تعالي ليش ماتجين 9 شنو تفرق ساعة يعني وانتي غلطتي يوم طلعتي من عنده هو مو بأيده بعد اهله طبعهم جذي الجنوبي مايحب تطولين بالزعل يبيج ع طول ترضين وانتي بعدين مع العشره تغيرينه ارسلي له رساله شوق انا اقصد بالتلفون مو تقولينه انا بنتحر ماينفع حاولي تراضينه قوليله انا اعتذر ع الي صار ودزي صورة ورسايل ترى يرضى بسرعه لا تطولين بالتطنيش