&&ملف الجنوبي رجل الحب والاحضان && الجزء الثاني

[غيووورهـ]

لارا


اذا خطبه فقط لايجوز لك التواصل معاه بأي شكل من الاشكال
يظل رجل غريب.... هذا اذا كان بينكم تواصل
وان لم يكن فــ الهديه اللي تجي بدون اي علاقه وارتباط
ماتزودك عند الجنوبي بالعكس تنقصك حتى لو مااظهر هالشي
لان الجنوبي غيووور ويحب البنت الخجوله الملتزمه ...



ميسم الورد

ذكرت صموته الله يجزاها خير تجربتها مع زوجها في الافلام
وعن الصلاه سوي بحث بمشاركاتها وتلاقينها ......

 

[مرت باباي]

مرحبااااا
ليه الملف صار باااارد

غااادة وصموووته ويييينكم

اما روح كيمو معذورة <<<<<< عرووووس

 

[مرت باباي]

بناااات ابي اعرف طريقة اعااااتب فيهااا الجنوبي الغربي
المشكله انتهت
بس الحين قاهرني راح وكتب في التوبيك رابط الموقع وضبطه وزخرفه بس عشاااااان يقهرني ويضااايقني

وش اسوووووووي ضروري الحيييييييييييييييييييييييييين ؟؟؟!

نفس السؤاااال بليز صموته وينك ساعدينا ​

 

[دنييتي]

غاده اذا موجوده ردي علي
مادام صموته مشغوله الله يكون في عونها:26:

 

[نوووورة]

السلام عليكم ورحمة الله وبركاته
انا زوجي جنوبي غربي
وقصتي تشبه الى حد كبير جداااا قصة ام عبدالعزيز مع الفرق ان زوجي يحبني وانا بينا غرااميات لها اول مالها اخر
لكنها قلت من يوم تعرف ع بنت ابليس هذي

اتمنى تقبلوني معاكم لاني محتاجه افضفض واستشير
ابدأ بيومي كان سيء جدا
غاب زوجي عن عمله اليوم لانه كان مواعدها يلقاها ماسنجر حسبي الله عليها خربت حياتي
فاحتجيت بصداع وغبت معاه
وهنا صارت الطامه نفسيته تعبت وهات يا مسجات ماهدى التليفون
قمت حضنته وقلت له حبيبي انا محتاجتك انام بحضنك
فجاملني ونومني بحضنه
قمنا ع التسع من بعد ما الاولاد راحوا ع مدارسهم سويت فطور ملوكي وفطرنا وهو صامت
اامهم ورجعنا نمنا ع الظهر الساعه 1 قام وشغل اللاب توب ع سريرنا وقعد ماسنجر معاها
جيت قعدت بجنبه اسولف معاه وواشوف مزاجه تعكر
بعث لي مسج وانا بجنبه كاتب لي فيه " ممكن حبيبتي تتركيني لوحدي ما اعرف اقرا واكتب واحدي بجنبي
قلت له لكني محتاجتك اليوم هنيه انفجر ضحك وقالي روحي لاولادك شوفيهم لحد ما اخلص اللي بايدي
سكت وطلعت وانا حزينه بعث لي رسايل انه حبيبتي بليز افهميني
وانا متأكده انه يكلمها
دخلت عليه بنته تبي تسولف معاع قالها اطلعي مو هاللحين
زعلت بنته فدخلت عليه ماتمالكت نفسي وصار بيننا خناقه كبيره
قالي فيها كلمة جرحتني قال ماعندك كرامه لازقه فيني
اهنيه صرخت عليه وقلت والله لتدفع ثمنها وصار بيننا كلام قام طلع من الغرفه
بكيت شوي ولاني ما اقدر اصلي رفعت يديني لربي ودعيت له بالهدايه
غاب عني ساعتين طالع بالسياره انا عارفه انه راح يكلمها
رجع وطلب عشا وسويته له وحاول يراضيني بس ماعطيته ريق حلو
حطيت عشاه وانا طالعه من الغرفه قام يصرخ انه الله يخليكي لي ياحبيبتي والله ما احب احد غيرك انتي الوحيده بحياتي
طبعا ما التفت عليه وقعدت كلمت صديقاتي وخواتي
بعدين لما دخلت بنام جنبه وانا ساكته حاول يضحكني وانا من غبائي ابتسمت له فرح مثل الاطفال وقالي والله نفسي ابكي ع صدرك
قلت له عندك صدر المخده او احسن صدر الكمبيوتر فسكت وقعدت اكتب لكم وبنام بكره وراي دوام
ع فكرة انا اي فتره طويله متابعهة لكم ومطبقه برنامجكم ومدلعته اخر دلع وبفضل الله هالساقطه الشهور اللي طافت كانت زعلانه ع زوجي ومخاصمته لكنها من اسبوع رجعت له وقلبت حياتنا حسبي الله
ونعم الوكيل
ادوي خربطت اليوم لكني ما قدرت اتحمل سوري لي طاقه وطاقتي بدت تنفد

هذي مشاركة لي بملف اليوميات أبي رايكم صمت وحنيني وغادة بليز
وربي قاعدة افكر بالانفصال
ع فكرة احنا متزوجين من 13 سنه وعندنا 4 اطفال
لكنه تعرف عليها حسبي الله عليها من 8 سنين وللحين معاها
بشعوا ايامي احس اني متحطمة لابعد حد
تكفون بنات ادعوا لي
السالفة طويلة

​

 

[نوووورة]

يارب الصبر
يارب الصبر
يارب ترزقني قوة التحمل عشان عيالي
والله العظيم بتصيبني سكته
مو قادره اتحمل
لاني قادره اروح لاهلي
ولاني قادره اشوف القهر واسكت
شسوي يانلس
توه جاني نايم معاها ع التليفون بالسياره
جاني متشقق وناسه ةطلب غدا ودخل ياخذ دوش ويحلق وهو يغني
وبوم خلص صور شكله وطرشه لها
يغني وانا ميته قهر
سككاكين تقطع فيني

انا بكتب اهنيه
لانه بعد الله مالي احد اشكيله
حتى لو طنشتوني
يكفي اني اتكلم
يارب الفرج من عندك

 

[حنيني2010]

السلام عليكم،،

مشتاااااااااااااااقة لكم موووووت

لكن اعذروني جميعا ، اضطريت أتغيب بسبب الدراسة و المرض،

>> كلنا انشغلنا بنفس الفترة،، بس الله يرضى عليها غيوره ما تقصر

غيورة اشتقت لك كومايات

رح أتغيب كمان أسبوع،، لاتنسوني من دعواتكم بالشفا و النجاح !!!

 

[نوووورة]

حنيني ترجع بالسلامة
اجر وعافيه

 

[غاده 2]

غاده اذا موجوده ردي علي
مادام صموته مشغوله الله يكون في عونها:26:

معليش دنيتي هذي الفتره امر بضروف صعبه وافكااار مشتته ومو عاارفه اصلح سيارتي ...
والا ودي ارد على كل مشكله بس اخااااف اخرب بيوتهم ....
مشكلتك اللي ذكرتيها وااقفه عندك وانتي الخلل فيها ...
لان الجنوووبي مستحيل يوقف معك ضد اهللله مستحيييييل وان جاااملك فتره .. فانه رااح يرجع لطبيعته ...
والابووواب كلها مسكره لا تحاااولين تدوورين لك مخرج ... المخرج الوحيد لك انك تصلحين علاقتك مع اهله ... فقط ..
مهما شاااف من اهله اسااائه بنظره انهم مستحيل يسون اللي يسوونه الا كاردة فعل على اسااائه منك ... هذي نظرة الجنوبين ..
فتوتر علاقتك مع اهله تصرين انتي الظااالمه وانتي المكرووهه وانتي اللي تحتاااجين لتصحيح ولو شاااف الخطاء بام عييينه ...
علشااان كذا انصحك ترممين علاقتك معهم ترميييم كااامل وتصلحين اي توتر بينكم ....بكذا يشوووفك ملاك تمشي على الارض
وانتبهي تتكلمين عنهم بكلمه قدااامه ترى انتي الخسرااانه .. رااح يشووفك شريره وماتعرفين تفهمين الناااس بسبب نظرتك الشينه لهم ...
خلي كلامك عنهم كله مدح ... وانك تحبينهم ويحبوونك ... يعني اقلبي الموجه ..
اتمنى تفهمين كلامي ... وتستوعبين تمسك الجنوبي باهله حد الجنووون ...
فيه ردوود كثير عن هالموضووع نااقشناااه اكثر من مرره اتمنى ترجعين لها ...


واشكر اختي الغاليه غيووره على وقفتها بالملف والله يجعله في ميزااان حسناتها ...
والف الحمد لله على سلامتك حنوووون .. لا بأس طهووور ان شاء الله ...

 

[دنييتي]

طيب ياغاده حتي لو وصلت لحد ان احد من اخواته مدت يدها علي
ايش اسوي مع اخته هذي

 

[دنييتي]

غاده وينك

 

[دنييتي]

شكرا ياغاده
طيب لوتمادوا بالغلط واذا جيت عندهم يطنشوني ايش اسوي وهو يشوف عادي عنده
انا تعبت نفسيتي منهم اذا كنت انا وهو سمن علي عسل يقولو ا اي شي عني يزعل
وهم مستحيل يرضوا عني الا امه طيبه اوقات واوقات تسمع لبناتها

 

[القلب الناعم]

انا وزوجي متخاصمين مع بعض في شهر 8قام ابوه وتكلم علي وعلى اهلي واقنع زوجي يطلقني وفعلا اتفقنا على الطلاق وخلاص وفي يوم 25-11اثبتنا زواجنا بالمحكمة لاني متزوجة سعودي وانا من برا السعودية مقيمة
ورحنا للمحكمة وشافني وشفته بس انا ماحطيت له اي اهتمام لانه قال بيطلقني وماراح يعصي ابوه
تخيلو امس يدق علي وماكنت عند جوالي ولقيت يجوالي مكالمتين ورساله يقول اذا انت صاحية نغمي علي ودي اكلمك
ومادقيت عليه وقام اتصل على التلفون الثابت وقال انه يبغاني قالت امي اني نايمه واعطاها كلام وسخ وقالها انه بيعرس علي وحلف والله
اني لاتزوج وبعدين قفل بوجه امي وبعدين رجعت وشفت جوالي مرة ثانية ولقيت فيه مكالمتين ورساله يقول مازلت ادق عليك ردي علي ابغا اسالك عن ولدي وارسلت له قلت ولدك بخير ليه المشاكل وبعدين رحت من عند جوالي وجيت ولقيت فيه مكالمة ورساله يقول
اسالك بالله ان تردين علي
واقسم بالله ان حالي ماهو بزين
ارسلت وش فيه حالك وش صاير ثم ارسلي قال انا ادق عليك ليه ماتردين ودي اكلمك من يوم شفتك اخر مرة ((يقصد بالمحكمة)) وانا تعبان ماني بخير

وبعدين ارسل رساله ثانية قال ردي علي بدق عليك وانا ارسلت له شوي شوي لين ارقد ولدي

وبعد يمكن ربع ساعة دق وكلمني وقالي انا احبك واموت فيك والله لو تموتين موت ماطلقتك يكفيني انك ام ولدي الغالي الوحيد بس اما الزواج والله والله لاتزوج

عناد لامك

بس والله انا احبك بس قلت له مستحيل اصدقك لانك قلت لي انك معاد تبغاني قالي والله اني احبك ومااقدر استغني عنك طيب قلت وابوك اللي طلع علينا كلام وسخ
قالي بنحل مشاكلنا دون ما يتدخل ااحد لا اهلي ولا اهلك

وانا قلت له ابوك قال لنا كذا وكذا قال وانت تاخذن على ابوي وقلت احس ان ابوك فيه حاله نفسية قالي اييييييييييييييييييييييييييوة انت فهمتي وش فيه لاتحملين عليه
ياحلوين انا فعلا متاكدة ان ابوة عندة ملف بالنفسية

المهم قال زوجي انت تحبيني والا لا قلت له وش يفيد قالي انا ادري انك تحبيني بس تكابرين قلت وش دخلك قال اسالك بالله تحبيني والا لا
قلت نص ونص

قال انا والله احبك بس اما الزواج والله لاتزوج عليك لاتزوج بس بتبقين انت الغاليه لك معزة بقلبي وام ولدي الغالي

قالي انا بجي بنهايه الشهر واقعد يومين بتجين معاي نروح والفندق والا اخذ ولدي وارح ارقد عند امي
انا قلت بفكر
ها وش تنصحوني به انا محتارة رغم المكالمة اللي صارت اليوم بيني وبينه مااهلي عرفو بها والله لو يدرون ينتفوني تنتيف

وش السواة الله يخليكم علموني
بانتظار ردودكم ومشورتكم علي

[/QUOTE]​

　​

القلب الناعم;8766129[/FONT]]
السلام عليكم يااختي انا ارسلت له رساله قلت فيها كل عام وانت بخير ياابو فلان انا فكرت بالموضوع ولقيته منتهي انت قلت بتتزوج علي عناد لامي وانا ماني راجعة لك عناد لابوك لان القلب مايكون فيه الا وحدة خله لها وماني مستعدة اعيش مع واحد قلبه عند غيري انت اذا تزوجت ماراح تكون عادل ثم ارسلي رساله قالي وانت بخير وبصحة وبسلامه انت ولدي فلان بالنسبة لرجوعك عادي لاترجعين اما الزواج بتزوج بتزوج غصب عن الراضي والزعلان وانت ماني مطلقك ماني مستعد اخلي ولدي يعيش مع اب غيري واللي عاجبها تعيش معي اهلا وسهلا
واللي مو عاجبها تجلس بيبت اهلها لين ترضا من نفسها وتجيني وانا رديت عليه وقلت له بتتزوج عادي اتزوج الله يوفقك ولا تطلقني لانه مايفرق معاي وبعدها مارد علي هاه وش اسوي الرجال بيكون هنا نهايه الشهر هذا ثم يرجع لعمله ويكون يجي كل شهر يومين

​

يابنات االاقتباس هذا هو من اللي صار معي


قبل يومين كلمني وقالي ولدك اللي عندك صدقيني بينفعك اذا كبر تخيلو بعد ماكان يقول باخذه
وقال تدرين ان ابوي ماعاد يكلمني قلت له ليش قال من بعد اللي صار انا قلت له عشانك مانفذت اللي طلبه منك قالي ايوة صحيح بس انا مستحيل اسوي
او اخذ قرار وانا مو مقتنع يقصد ((ماكان طلقني وهو ماهو مقتنع))
ورجع يقولي صحيح انت عصبييه بس انت طيبة
كثير
قالي تدرين ان ابوي تزوج امي قالت لي انه خطب وبيتزج بس ماعلم لاحد
قلت عادي وش يعني اذا تزوج
وش يعني عادي قالي ايييييييييييييييييييييييييييييوة
هو يقصد لو هو زوجي نفسه اتزوج
وانا قلت والله ماهميت وش يعني اصلا
وانا اصلا قلبي بيتقطع لو يتزوج علي والله لاموت من القهر طيب كيف اخليه ينسى سالفة الزواج
​

انا اقوله عادي عشان هو والله من يوم يدري اني انقهر على شئ يعاند ني ويسويهطيب اذا جاب طاري الزواج وش اقوله اسكت او اعصب او اقوله سو اللي تبغاهالله يخليكم وش اسوي طبعا الرجال جنوبي غربي​

​

 

[ايلان80]

يابنات انا زوجي زعلان مني له اسبوع والمشكلة حرمني من اهلي اشلون اقنع الجنوبي انه يوديني لاهلي حتى لو انا متخاصمين لاني طفشت من الجلسة

هو قاعد يعاقبني

 

[المثقفة]

غااااااده فرغي صندوقك

 

[القلب الناعم]

وينكم ياخلق الله

 

[خالة عيال اختها]

بنات انا زوجي جنوبي غربي... والدته تعبانه في مستشفى ولها ثلاث سنين.. وانا كنت ساكنه بنفس البيت اللي فيها والدته,, ولا قد ضايقتها باي شي ولا عمري حسستها بشي.. بالعكس محترمتها ... فجأه تعبت ودخلت المشفى ولها 3 سنين.. قعدنا انا وزوجي اليوم نسولف وقاللي ان امي قالت وش علوم زوجتك قلت انا ياحبيلها قال للاسف امي احسن منك مافيك خير.. انا عادي يوم قاللي كذا مو عشان التفضيل.. لكن فهمت منه انه هي تسأل عنك وانت ماتبرين فيها..

انصدمت من كلامه.. مادري وش شايف فيني مع اني وااااااثقه من روحي اني عمري ماضريتها ولاقد قلت فيها شي لامن وراه ولا من قدامه..

خفت يصير لها شي لاقدر الله وبعد عمر طويل.. وتقعد الصوره اللي راسمها عني في باله...

انا اقولكم.. كل اللي حول ام ريلي يجيبون لها هدايا وخرابيط لها وحتى هي بالمستشفى يجيبون لها اكل ويعطونها من طبخهم .,. انا عكسهم اجي ازورها خفيف ووارجع بدون ماجيب شي..

وريلي عارفني ماعمري ضايقتها... بس مادري شنو الفكره يوم قاللي كلمته...

وهي متنومه بالمستشفى لها فتره الله يشافيها .. والاعمار بيد الله حالتها ميؤوسه منها كلام الاستشاريين.. باي لحظه تتعب ووتوفى.. ولا يدري الواحد متى يكون اجله...

وكنت دايما السباقه في كل شي عند ام ريلي.. كنت ازورها شبه دائم,,, بس صارت لي مشاكل بين خواته الثلاث وبيني وصار مايروحني عندهم كثير ... ودخلت المستشفى ونفس الشي مشاكلهم الثلاث معي وحتى هم في المشفى.. ولا صار هو ييروحني عشان خواته الثلاث..


ولا ابا اقوله ليش قلت مافيني خير ابي اسوي اني ماكني سمعت او على اني مافهمت قصده.. بس الخوف من الصوره اللي حاطه بباله... وام ريلي ماتحوس باللي حولها.. وماتاكل الا اكل معين لان يتعبها الدسم والموالح والسكريات..

هل اكلمه على كلامه؟ وش العمل خواتي.. مره متضايقه..​

 

[Wateeeen]

اللي عندها بلاك بيري ترسلي البن

اضيفها بالقروب معنا

 

[الحياة دراما]

...... القلب الناعم ......

والله مشكلت صعب ان الواحد يقول شي فيهااااا

انا لو اتزوج واحد واعرف ان فيه شخص معارض الزواج و خاصه انه ابوهــ ابطل

لانه راح تصير مشاكل انا في غنى عنهاااا .. واكيد اهله اولى من بنت الناس

هم اهله مايقدر يغيرهم .. وانتي بنت الناس بدالك الف وحدهـ ((( يعني من الأساس مافي شي في صالحك )))

لكن اذا كان خلاص طاح الفاس في الراس .... شوفي فكري اذا انتي ودك تعيشين معه وتحبينه لدرجة انك ممكن تضحين و ممكن تتحملين بُعدهـ عنك و انه راح يجي يومين بس في الشهر ... خلاص

خليه يستاجر لك قريب من اهلك و اقعدي ببيتك ويصير يجيك كل فترهـ ... ولا تفكرين تسألين عن زوجته و قولي له لايجيب لك طاريهااا

واذا كان مرتاح معاك.. بدال ماهي يومين بالشهر بيسير يجيك أكثر بمجرد مايجيه فرصه بس اصبيري و اتحملي

اما اذا راح تسوين له موال كل شوي ... وصيحه و اهلك واهلي ومشاكل كل شوي ... وطلقني وماراح اطلق .... ريحي راسك من المشاكل و الله يعوض عليك

هذي اللي انا شايفته .... اللي فهمته من كلامك انك بمدينه وهو بمدينه ثانيه ... فاكيد ماراح يعصي ابوهـ ويرجعك تسكنين قريب منه

فكري انتي وصلي صلاة الأستخارهـ و الله يفرج همك

 

[الحياة دراما]

بنات انا زوجي جنوبي غربي... والدته تعبانه في مستشفى ولها ثلاث سنين.. وانا كنت ساكنه بنفس البيت اللي فيها والدته,, ولا قد ضايقتها باي شي ولا عمري حسستها بشي.. بالعكس محترمتها ... فجأه تعبت ودخلت المشفى ولها 3 سنين.. ........الخ
​

ياحبيبتي السالفه هينه ... زودي روحاتك لوالدة زوجك و سوي معاك اي شي لضيوف اكيد مو لهاااا لانها ممنوعه من الأكل ... لكن اذا كان تقدر تأكل بعض الأشياء سوي لها

حبيبتي اذا الرجال شاف الناس كل وحده داخله وطالعه معهااااا شي وانتي رايحه و يديك فاضيه واكيد انك ماتجلسين غير دقايق ...... الرجال شايف انه المفروض انك انتي اللي تقومين بأمه ...

وبصراحه انتي غلطانه .... المفرض تحددين يومين في الأسبوع تروحين تقعدين معها وقت الزياره كلهاااااا

واذا كان المستشفى قريب روحي يومين بالأسبوع

والله اجر عايدة المريض أجر عظيم وانتي تبين تضيعين الأجر منك

والشي الثاني قدمي لدنياك بكره بيتزوج ولدك و يمكن تنحطين مكان امه (( لاقدر الله )) وماتلاقين زوجة ولدك تطل عليك ... عاد في هذي الحظه راح تحسين بأحساس حماتك

واجبري خاطر زوجك ...

تخيلي لو تتوفى امه (( الله يحسن خاتمتهاااا ويرحمه ويهون عليهااا)) وانتي باقي ماعدلتي موقفك قدام زوجك .... مستحيل يغير النظره اللي اخذهاااا عنك ....

بتصيرين في نظره الزوجه اللي (( تخلت عن ام زوجهااا )) وهي محتاجه لها ..فاكيد بتتخلا عنه اذا كان في حاجتهااا

نصيحه الحقي على نفسك ..انتي اكيد تحبين زوجك و اكيد انك ماتعمدتي التقصير وانك على نياتك في تصرفك مع الوالدهـ بس هم الرجال كذا تفكيرهااا غير المراءة