هلا وغلا هنووووووومه ... انبسطت كثير على سوالفكم وأنا أقراها ... يا قلبي انا ليلة العيد بعد سوالفي معاك انتي والباكيه نمت الساعه 1 تقريبا وصحيت الساعه 5 الفجر صليت وافطرت ولبست والساعه 8 انا في بيت عمي عايدت عليهم وجلست لين 10 وبعدين رجعت البيتنا وغيرت ملابسي ورحت لخوالي تغديت عندهم وطبعا اول يوم العيد لازم اشوف عمامي كلهم وخوالي وخالاتي واخواني وخواتي ... يعني هذا السستم مالنا من يوم احنا صغار ... ماتوا والدينا الله يرحمهم واحنا ما قطعنا العاده ولله الحمد ... والله لا يفرقنا ... والجو اول يوم في لكويت خرااااااااااافي مشاء الله سماء ملبده بالغيوم بس وقف المطر ويوم أغربت الشمس جاء هواء باااااااااااارد والله تذكرت اجواء لبنان من غير مبالغه ... والله يرضى عننا وتستمر هالاجواء الحلوه ... اليوم ثاني يوم العيد الاجواء صحو مشمسه على هواء بارد عليل ... المهم خلنا في العيد ... رجعت البيت الساعه تقريبا 7 يدوب صليت العشاء وحضنت المخده من قلب وقلت لها تعالي يا أحلى نهاية يوم سعيد خخخخخخخخخخخخخخ يعني تابعت من الخمس الفجر الى سبع المغرب بدون نوم ... يعني بطاريتي ما كان فيها ولا شي فارغه تماما من اي شحن خخخخخخخخخخخخخخ