السلام عليكم ورحمة الله وبركاته
انا سالفتي سالفه وجبت بدال العيد عيدين
رحت انا وزوجي لكوفي شوب مرررره راااقي وغالي وكنا وقتها برمضان بعد المغرب ودخلنا انا والجوجو ولقينا بنت معاها اثنين شباب بعيد عنهم جلسنا انا لهم ظهري وزوجي مقابل لهم قلت لزوجي غير مكانك باسلوب مزح وغيره وانا معد لفيت ورا واطالعها واثاري وجهها صار بوجه زوجي وانا ياغافلين لكم الله واكلنا وشربنا بعدين شوي الا البنت تجي يم طاولتنا وتكلم بصوت عالي عالجوال وتقرب مننا وماانتبهت هي وش قاعده تقول المهم زوجي رفع الجوال بسرعه لما قربت مننا مع انو عارف انو ممكن تصير مشكله لان سبق وسوى الحركه ذي من باب يثير غيرتي وتهزاء عليها انا فهمتها وقتها انو يبي يثير غيرتي وخليته المهم رجعت البنت مكانها خلصنا اكل وقال زوجي خلينا نطلب كوفي كمان واستغربت انا اشلون كوفي بعد العصير واثاريه عجبته القعده , فجاه االا البنت تكلم مره ثانيه بصوت عالي وتقول (( كلميني على البلاك بيري )) انا هنا شكيت انها تقصد زوجي وانو صار بينهم بلوتوث او انها حاطه البن حقها بلوتوث لانها كانت تسوي نفسها تكلم وتمشي وتقرب من طاولتنا . انا قلت يمكن اللي عندي ماشر لها بالجوال لاني كنت اكل وماعطيتها بال وهو حركاته سريعه ناظرت وراي وقلت اهاااااااااااااا اثاريك قاعد وجها لوجه ضحك وقال والله ماشفتها يابنت الناس بعدين سوى نفسه زعل سياسة قلب الطاوله وركبنا السياره وقال حتى لو شكيتي يعني مافي ثقه ؟؟ وراضيته فالسياره
وصلنا البيت حطني وراح دوامه انا هنا قلبت الموضوع براسي وقلت وش اللي خلى البنت تقول عالبلاك بيري ؟!!!! اكيد في انا واروح وادق عليه واساله لليش البنت قالت هالكلام قال اييييييييش ماادري عنها يالله ماني فاضي عندي دوام قلت له والله العظيم ياكرامتي اللي اهنتها الليله بحركتك ذي اذا مارجعتها ماعاد اقعد لك دقيقه وارسل رسايل تهديد وتوعيد
رجع وحاول يفهمني انه مايدري وكلما قلت ليش قالت كذا يقول مالي دخل فيها وقعد يحاول معاي ويقنع فيني وزل لسانه وقال حتى لما قربت منا كان اخوها معاها قلت له اهااااااااا وش عرفك انو اخوها ؟؟ قال اثنين مين بيكونون يعني ؟!! وحاول معااي ولقة قدااامه وحده صاااارمه انا كان غرضي اضغط عليه اخليه يفك لي شفرة هالبنت حسو فيني حسيت بشعوووووووووو مولم حسيت اني مغففلللللللللللله يعني بنت وحده ماقدرت عليها ليشت مافتحت عيوني بس ماتوقعت وقاحتها
رحت اليوم الثاني وقلت اه اني مااحبه واهلي ضغطوا علي عشان ااخذه وعمري مااحسيت بمشاعر معاه هو انصدم وقال خلاص ماراح تقعدين بعد هالكلام بس قوليلي ليه قلت مافي انسجام بيننا ولا اظن اني انا وانت بتنتهي مشاكلنا حنا محنا لبعض راح ورجع قال لي شوفي الطلاق مو حل فكري في حلول واللي تبينه انا حاضر ا ننقل لمكان سكن اهلك او نسافر ندرس برى اللي تبين لان السبب ادري الافكار اللي براسك والشكوك العمياء , لان مومعقول انا كنت اشوف الوناسه والابتسامه على وجهك يعني حتى بهذي تجاملين ؟ وفالفراش بعد تجاملين مو معقوول انا ماني غبي !!
اصريت على موقفي وهو دعا على ابوه بالسرطان اللي يرقده مايقوم ان كان صار بينه وبين هالبنت شي ..
انا يابنات ماوصلت لهالمرحله الامنه هو صرت مااثق فيه لانه يكلم بنات قلت انا بغيره وانا بمرحلة التغييير صار هالموقف وهزني كثيييييييييييييييييير من الداخل لاني حسيت انو زوجي طللللللللللللللللع من يدي
انصحوني يابنات انا وقتها كنت حاسه اني فقدت جاذبيتي لززوجي وانه انخرط بالعلاقاااات وزاد فيها بعد شكوكي وظنوني .. انا ماسكه عليه تسجيلا صوت بس والله ماهزتني زي هالموقف انا كنت بعديها زي غيرها بس خفت يقول عني قمة الغباء وماقدرت اتجاوزها مع اني طلعت من بيته وانا ابكي عليه وفالوقت اللي كنت ارتب شنطتي فالغرفه كان وقتها قاعد يكلم بالمجلس عيني عينك يبي يبط كبدي
صموووووووووووووووته ا ان حبيتي تساعديني اكون محظوووووووووووظه
وانا اكتفيتي بالقراءه فيكفيني منك التعليق البسيط
ادري انك بتعلقيني بشوشتي