زوجه ثآنيه .. وغيرتي التي سوف تقضي علي .. وينك يادكتورتنا ناعمه تريحيني :(

[رازيا]

طيب وين الله من حياتك ليش ما تخصصي وقت ما يروح عند الاولى انك تزدي علاقتك بالله وتقرئي في الليلة بيكون عندها سورة البقرة تاخذ منك ساعة تقريبا وتمسكي المسبحة وتستغفري الف مرة
وتشتري كتب وتقرئي وتتقفي وتفتحي النت على خلطات ومواقع نسائية مفيد في الجمال والخلطات والرشاقة
الحياة مو بس رجل وزوج يا غالية
وبعدين اعملي برنامج يوم يكون في ليلتها تعلمي اشياء من النت مثلا المساج او المكياج او الفوتوشوب
المهم انشغلي عن التفكير ليلة ما يروح عندها
واذا تقدرين تقنعيه تشتغلي بروضة اطفال قريبة منكم او مدرسة بنات خير وبركة المهم انشغلي عن التفكير فيه

 

[رازيا]

بخصووووص راحتج ..... ترى راحتج ما تلقينها الا بقرب ربج....لاتتعبين روحج وتروحين ل بشر ضعيف تنطرين منه الفرج.... حلو الواحد يروح ويستشير وياخذ تجاربهم ونصايحهم (لان التجربه والنصيحه نتيجة تجربه قاسيه او جرح مؤلم اخذ صاحبها عبرته منها ونقلها لج ف تأكدي انها من القلب..) البشر اسبااااب و راحتج مع ربج مو مع غيره لا تحاولين... ولاتفكرين تحطين همج عند اي بشر...و لو اي بشر في يده فرج ..ماشفتي حتى الملوك والسلاطين اللي بفلوسهم يشترون كل شي الا الفرج والعافيه والسعاده الربانيه.. يمرضون وتهدهم الامراض و الهمووووم ومايقدرون يرفعون الهم عن قلوبهم ....الا بسجده لربي..سبحان من خضعت لعظمته الرقاب والجبااه..​

انا لست زوجة اولى ولا ثانية.... بس وحده قريبه مني زوجه اولى .. ووحده بعد زوجه ثانيه ..​

المسأله ماهي اولى او ثانيه... لأن المسألة اكبر من كذا ب كثيــــر سواء كنتي اولى او رابعه تأكدي ان من قدّر لك ان تكوني اولى هو الله جل وعلى لول كنتي ثانيه نفس الشي محد اختار هذا لج الا الله جل و علا سواء كنتي ب رضاج او غصب.. هذي أقدارنا ربي ساقها لنا بغض النظر عن الرضا من عدمه....
واجب علينا ان نرضى ب أقدار الله علينا ف من رضي ف له الرضا ومن سخط ف له السخط..​

غاليتي.... ابوي متزوج (زوجة ابوي مب امي) وتزوج عليها ثانيه وجاب منها 2 ومن كثر حبها لأبوي وغيرتها اللي ما كانت ب محلها أبد خسرت حبها وخسرت عيالها.. لأنها طلبت طلاق الاولى (طلبته لأنها شافت حب ابوي لها وقالت اكيد من حبي بيفذ كل شي....) .. تخيلي من يطلع ابوي من بيتها تنجلط وتبكي وتسوي مناحه.... ليش؟؟؟ هي تزوجت وهي عارفه انه متزوج ... اجل زوجته الاولى وش احساسها...؟؟ .. وبالاخير طلقها لأنها طلبت طلاق زوجته و ابوي مارضى وهي مارضت بالوضع تقول ما اقدر اتحمل اشوفك رايح لها او جاي من عندها...سبحان الله!!!​

تعوذي من الشيطان ياغاليه.... واذا تبين نصيحة وحده ناااااصحه من كل قلبها ماتبي الا راحتج وسعادتج وماتبي بليس يخرب بيتج ف حطي ف بالج كلامي:
اول شي كل ماتضايقتي من غيرتج تذكري حزن زوجته الاولى وحطي روحج مكانها وبتهون مصيبتج...
وانشغلي عن هالامور اللي هي اصلا من بليس (وبليس مب مخليج الا الا لزمتي قرب ربي او خرب بيتج ف انتي لج الخيار..) لأنه بيقعد يحشي مخج على زوجج وعلى زوجته بهالخرابيط اللي بصراحه مايكبرها بعين الزوجه الا صغر مساحة تفكيرها و الفجوة اللي بينها وةبين ربي...
الزمي قرب الله وربي بيمسح هالشعور من قلبج وبتصير الغيره ايجابيه بدل ماهي سلبيه ومخربه عليج حتى النوم ماتنامين بهالسبب... بالله عليج ش هالعيشه اللي معيشه روحج فيها والسبب بليس!!​

تعوذي من بليس... وخلي لج ورد من القرآن والاستغفااار والذكر ... واليوم اللي مايكون عندج اهتمي ب روحج وبيتج عيالج وفرصه تكونين اقرب فيها لله وبعد فرصه يشتاق لج زوجج ...
سوي لج جدول يميز أي زوجه ناجحه ف دينها ومجتمعها وبيتها وزوجها.... اهتمي ب ريحة البيت وسوي جدول للطبخات بالمطبخ وغيري اتجاه ديكور بيتج وحطي ورد و زرع.. و أهم شي طلعي الزوجه الاولى من راسج ولاتفكرين فيها ... المفروض مايكون عندج وقت تفكرين فيها بصراحه عندج اشياء اهم منها ... خليها ب حالها وترى الرجال يتضايق ويمل وتلوع كبده من الحنه والغيره اللي ماهي ب محلها.... انشغلي بروحج وبيتج ودينج وماراح تشكين هم..
وخصصي مثل ماقلت لج وقت ل ربج ... صدقيني ترى اي واحد كان مع ربه ف السرااااء ..ماتضيق عليه الا وربي قريب منه...​

كلامي مب ع الفاضي كلامي تجربه وحده قريبه من روحي وانا عايشه معاها معاناتها...​

لن نسعد ولو ملكنا مال قارون وقلب من نحب... الا بالقرب من الله جل و علا..​

يعني بعد هذا الرد القوي المفروض ما حد يرد
الله يجزيك يا معلمة كل خير ويفرج همك مثل ما تفرجين هموم البنات امين

 

[حجازيه ذوق]

فكري بعقلانيه ترتاحي
اقنعي نفسك من الداخل بقبول الامر قولي عادي هي زوجته ومن قبلي جت على هذا اليوم بزعل فيه وشوي شوي تقتنعي
اهم شي لاتكبري الموضوع بكثرة تفكيرك فيه عشان لو تفكري فيه كثير تكبري الغيره اكثر واكثر حتى تصبح مرضيه وتاثر على نفسيتك كل ماتذكرتي سوي حواراقناع لنفسك انو امر عادي وتناسي وبعدين حببي نفسك بزوجته وابنائه عشان ترتاحي لهم وتخف الغيره عندك ودائم فكري وقولي انو الغيره كل نتائجها السلبيه بترجع عليه وعلى نفسيتي وبعدين تصير زوجته الاولى افضل مني واقوى مني هذا يعطيك دافع على التخلص من الغيره المذمومه وترى ماحد بيدري عنك بس تتعبي نفسيتك بعدين
واهم شي اشغلي نفسك

 

[ليــــــــــان]

يااختي خافي ربك يعني تبين رجال مقابك وتارك زوجتة وعيالة لا تكونين انانية انتي يوم خطبك مخيرة بس هي اخذتة ولـــــــــــــــــــــــــــــــــــد لاتزعلين حبيبتي هذي صراحة

 

[الدنيا دنيئة]

والله ياحلم انك حلم بعقلك وثقافتك الله يحفظك لعين ترجيك

 

[دعج الاعيان]

معلمه متالمه كفيتي ووفيتي صح لسانك والله كل كلمه قلتيها
اتمنى الاخت تقراها اكثر من مره وتسفتيد من نصائحك
لا فض فوك يا الغلا

 

[زحل..]

استغرب من ردود البنات الي تقول يعني ايش تبين يتركها ويقابلك
يا ناس هي طلبت حل لغيرتها والدعاء لها
بعض الردودة استغفر الله متخلفه لو ساكتين احسن
الشرع الي حلل التعدد يعني تقولون لرب العالمين وشرعه لا ؟؟؟؟؟
اختي صاحبه الموضوع لاتفكرين فيه اذا راح روحي لجاراتك او حطي خلطات او ادخلي دورات
وترا تغار مو بس انتي تغاري بالعكس مصابها اشد الله يسخرلكم زوجكم

الله يرزقك الذريه الصالحة يارب

 

[معلمة متألمة]

اللهم اربط على قلبها ب رباط من عندك لا ينفذ وبحسن ظن بك لا ينقطع... واكفها ما اهمها.... و ارزق زوجها وكل زوج معدد العدل والرحمه ف انك ارحم الراحمين....

دعواتي لج بالغيب.. واتمنى تسوين اللي قلت لج عليه وربي وربي بتتغيرين كليا .... وبيصير همج ب بيتج وزوجج وبس وماراح يصير وقت لابليس يوسوس لج او يضايقج وكل ماتضايقتي بس ركعتين وبتروح الضيقه...
ترى ربي أرحم عليج من أمج.....

موفقه يااااااارب​

 

[معلمة متألمة]

رووووزي فديتج ..... وياج يارب مو بلياج.....

دعج الاعيان.... ربي يسعدج يارب..​

 

[um majed]

بسمالله كليتو البنت يعني في امكان الزوجه الاولى تستوي ثانيه لا سمح الله ما حد يعرف بالقدر شو فيكم مب ريل هذا الي بنتذاببح عشانه الله يهديكم بس
كل حرمه في بدايت حياتها اتغااار عادي خاصه اذا الريال يدلع وايونس الوحده ب اتم تتخيله في كل لحظه شو ايسوي وياها ايسوي ويا غيرها ولازم يا حبيبتي تدربين على التحمل والصبر واستغفري انا مثلج وللحين اغار مووووت على الاقل انتي هذاي حلاله مابالجج لو كان بالحرام شو باتسوين قولي الحمد لله على كل شي وان رريلج ما ايروح بالحرام

 

[خجل يفوق الوصف]

انتي تعيشين الالم هذا لأن زوجك هو احب شئ لنفسك
ههههههههه
قمة التعذيب ولا تزعلين علي انك تضعين بشر
هو احب الناس لك ابدأي بحب الله اولا واخر
ثم حب الرسول صلي الله عليه وسلم
ثم حب الخير والطاعه
ثم بعدها حبي نفسك لأنها هي اللي راح تظل معاك
سواء قبل الزواج او بعده او بعد حتي ماينفصل
عنك زوجك لاسمح الله اساليني انا اعيش الوحده
والوحده العميييييقه علمتني احب الناس مثل
الترتيب اللي ذكرته لك لاتقولين ماجربتي راح اقولك
انتي ماجربتي الوحده وكيف الشعور فيها والالم
كان قمتي تضحكين الحين وانتي مسروره ان لك
زوج وبيت حتي لو مايجي هالزوج الا مره في الاسبوع
وتقبلي تحياتي

 

[ذهبيةة]

الغالية شيء طبيعي بس حاولي تطولي بالك و تتأقلمي مع الوضع

نتمنى من الله يرزقك بالأولاد و يسعدك و يهنيك

 

[ذهبيةة]

اقصد الغيرة شيء طبيعي

 

[مابقى لي اسم]

زوجه لاولى اخذه عزوبي مشاركة احد فيه وعاشت معه اجمل حياتهم واخذ كل شبابه وانتي وافقتي تشاركيها فيه بعد هالعمر وصبرة وحتسبت لاجر عند الله وربنا برد على قلبها و اعطاها القوه والصبر ...وانتي تقولي تموتي غيييره اذا راح لها ....ليش انتي ماحرقتي قلبها وعينها بدمع ماقتلتي فرحتها باخر عمرها وشريك حياتها..............لااان تحملي ...يوم ماني قد التحمل للحياة مع رجل متزوج ليش وافقتي والخيار كان بيدك .... ولا فكرتي انه يترك زوجته وعياله من اجل عيووووونك .........لا ياختي اتقي الله وساعديه على العدل ...ولا النار ماتحرق غير واطيها....................

 

[أم الشبل]

اعانك الله واشغلي نفسك بما يرضي الله

 

[al.zmorodh]

مشاعر عشتيها بعد ما عاشتها الاولى اضعاف مضاعفه انظرى لها بعين الانصاف لا تقولين ما تهتم بس هى ما تبين ويمكن الهم فى قلبها اكبر لكن هى صابرة ومحتسبه ...حاولى تتعايشين معها ولا تنسين ابدا انك من دخلتى حياتهما فخلى دخلتك دخلت خير ..

 

[قمة الانوثة]

اختي انا من رايي تشغلي نفسك بدراسة او وظيفة واذا عندك هوايات نميها ولاتخلي زوجك شغلك الشاغل لان هالشي راح ينفره بعدين عنك وفكري بالموضوع بايجابية يعني اليوم اللي مو عندك نظفي فيه البيت وسوي اشغالك وزوري صديقاتك اواهلك وبيومك تصيرين متفرغة لزوجك..
ولاتنسي اختي الغالية الاستغفار والدعاء..

 

[ظبي الشمال]

الله يفرج همك...

 

[جناح الحنان]

أختي تعالي معنا دردشة زوجة ثانية في قسم الزوج و الزواج وراح تستفيدي ان شاء الله من تجارب الزوجات الثانيات اللي في الدردشة....
للأسف بعض الردود ماتجيب لصاحبها الا الذنب ويمكن ذنوب بعد
ياريت نتقي الله لما ننصح غيرنا

 

[دنيا كئيبه]

من الاول كان متزوجه واحد عزابي ومرتاحه تبني حياتك وسعادتك على سعادة زوجته الاولى ولا وتبين تاخذين زوجها منها
يالله يا حي ياقيوم احرق قلب كل زوجه ثانيه واجعلها تذوق الي ذاقت الاولى