السلام عليكم ..
احتاج لرد الاخت صمت او اي وحدة من الاخوات الفاهمات بذا الكائن البشري..
انا مخطوبة لجنوبي غربي .. وقبل 3 اشهر سحب علي فجأة من غير سابق انذار
وظليت اركض وراه وادوره وهو لاحياة لمن تنادي.. ودخلت المنتدى وسمعت نصيحة وحدة من الاخوات
الله يسعدها.. قالتلي ارسلي مسج انك فرحانة وجاتك اخبار سعيدة وودك تسولفي وقوليله اذا فاضي بنتظرك.. وارسلتها قبل اسبوعين .. ولا رد علي
البارح الليل قام من سباته العميق في القطب المتجمد وصحصح .. وراسل مسج يقولي وشلونك يافلانة . اذا فاضية بكرة العصر عطيني اوكيه لاني ابي اكلمك.. تتوقعون يبنات يبي يفسخ الخطبة ؟
طيب وشلون اتصرف معاه؟ اكلمه ولا اسحب عليه ؟ طيب وان كلمته وايش اقوله هل اسوي الحزن وابكي ولا امشي الموضوع عادي ولا اعتب ولا وايش اسوي ؟
تكفى تردون علي باقرب وقت لانه يبيني اكلمه العصر.. والله ودي اسحب عليه مثل ماسوى فيني بس بنتظر رأي الخبيرات عشان مااكون ظلمته ؟ اي وحدة من الاخوات الفاهمات بذا الثلج ترد علي
---------------------------------------------
بالنسبه لكلامك اختي ندى محبه في عدة احتمالات
1-يبيك تركضي وراه
2-او انه يبي يشوفك وحس انك مب مهتمه ف استخدم هل الاسلوب علشان تقولي له بس لاتركضي وراه عشان مايتعود
اذا غلطتي في حقك مب مشكله بس اذا غلط عليه طنشي
ماحددتي لنا كيف مكالمات وزيارات
هل هي كل اسبوع او كل شهر مره .,,؟
مكالمات خليها من طرفه اكثر
واذا كلمك قولي له هلا والله نبرت صوتك عاديه جدا كانك تكلمي صديقتك غابت عنك لانها مشغوله وبعدين ردت
وتكلمي ببراءه اونك مب متهمه
ولاتطولين مكالمات قولي له مشغوله حبيبي شوي في شغله
خليه يفكر ف شي الي شغلك
اذا رد وقالك بشو مشغوله عني او شو تسوين وغيره اسحبي عليه شوي شوي
قولي له عندي شغل في النت
اذا حسيتي عصب (بيكون مشغول بمحادثه مع بنات عن طريق النت )
ومره قولي له عندي اتصال لحظه شوي (اذا عصب او تضايق عنده علاقه مع وحده)
ف مرات يضايق بس بشكل عادي مثل كل رجل
بس اذا اخذ موضوع بجديه وعصبيه كبيره اعرفي مسوي شي
وخايف تسوين مثله
هذا من خبرتي بالجنوبي الغربي
والجنوبي الغربي مايحب يكون عندك نقطة ضعف عليه واذا مسكتي عليه نقطة ضعف يتادب يصير خاتم في اصبعك
بس لاتستفزيه فيها بس استخدمي اسلوب الصمت والعتاب بالصمت
ونظرات من غير كلام وتطنيش احياننا