نقااء الثلج
New member
- إنضم
- 27 ديسمبر 2010
- المشاركات
- 2,899
هلا بنات كل عام وانتو بالف خير الله يخليكم اللي تعرف عن بنت فجر اطمنا عليها ايش فيها
من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !نقاوي هلا وغلا والحمد لله ع سلامة اخوكالسلام عليكم ورحمة الله وبركاته
كيف حالكم جميعا
مشكوره ندوي على العيديه
وعيشتينا جو بعيدكم
مويه وش اخبارك مشتاقه لك
جانون والزوجه العاقله ونوسه
بشروني عنكم
نصوره وش اخبارك
بنات قلبي مع بنت فجر طمنونا عليها
هالسنه عيدنا بالكويت عشان خالتي
فبعد صلاة الفجر
بخرت البيت وطبخت القهوه وجهزتها مع التمر
وتقهوينا وقدعنا على السريع
ورحنا لصلاة العيد بالمصلى
ورجعنا للبيت وبديت اجهز شنط السفر على اساس بالليل بنسافر
بعدين انشغلت مع البنات في الاشراف على تجهزهم من ميك اب وتسريحات ولبس
وتجهزت وبعد صلاة الظهر اخذنا قهوتنا وحلوياتنا ورحنا لبيت حماتي
واجتمعت العايله واستانسنا ويكفي فرحة خالتي بجمعة عياله
ورجعنا للبيت حول العشاء
واجلنا سفرنا لاننا تعبانين يومين مانمنا فنمنا
والساعه 2مشينا لبلدي الغالي
وكانت الحدود خفيفه
ووصلنا الصبح لبيت اهلي
وفرحوا فيني لاني لما دقيت عليهم بالليل اقول لهم اننا اجلنا يحسبوننا هونا
فصارت جيتنا مفاجئه
واستانسنا معهم
وبالليل راحت امي وبنتي واختي مع اخوي يشترون هدايا لمسابقه بنسويها باجتماع العايله
ولما حطهم بالبيت وراح
جاه ولد صغير مسرع لاحقه المرور ولف على اخوي وتقلبت في اخوي السياره
وشاله الاسعاف وتجمعوا عنده شباب العايله بالمستشفى وحرصهم مايجيبون طاري لنا عشان امي وابوي
والحمدلله الاشعه طلعت زينه
وصار فيه رضوض بس الحمدلله قدر ولطف
ورجع للبيت وحرص زوجته ماتجيب لنا طاري
وثالث العيد بعد العصر تجهزنا لاجتماع العايله السنوي وبنفس الليله زواج ولد عمتي الي هو ولد خالي واخوي من الرضاع بس هو عرس رجال بس وحنا يالحريم جابوا لنا ديجي اسلامي يعني دف بس
ورحنا وانبسطنا وشفت حريم من العيله من سنه ماشفتهم
والمعرس دخل للمقلط وراحن خالاتي وخواته وامه يباركون له وانا منهم طبعا
وبعض العجيزات صاحن يوم شافنه مادري من الفرحه ولا وشوا !!فقلت لخواته لازم نرفع معنوياته لازم نزغرت وفعلا ماصدقن خبر بدت الزغاريت هههههه
وراح ورجعنا للحريم
واستانسنا ولله الحمد وازعجونا البزارين بالطرطعان (الالعاب الناريه )الي تنزز
ورجعنا الساعه 2ونص
كل ذا ولا ندري عن اخوي
وخامس العيد علمتنا مرة اخوي ولما جا اخوي لمته امي وقعدت تصيح واشوف وجهه بارزه عييناته من الالم لان صدره يعوره من اثر الرضوض بس الحمدلله قدر ولطف
وخامس العيد كان في استراحه للعايله بس كان يوم مشيتنا ومشينا سوا اهلي للاستراحه وحنالبيتنا
ولا انسى موقف لولو الي كنت متوعدته ماتسوي لي فلم هندي عند الوداع ولمتني وهي راسمه ابتسامه كبيره وعيونه تغورق ياقلبي هي
وعدنا لبيتنا سالمين ولله الحمد والمنه
هلا بنات كل عام وانتو بالف خير الله يخليكم اللي تعرف عن بنت فجر اطمنا عليها ايش فيها
جزاك الله خير اخيتي الغاليهتوأمة الروح ياهلا بذا الطله
يافرحتي لاشفت اسمك
ياهلا بك يالغلا
يعلم ربي القلوب شواهد
اسأل الله العظيم ان يمن على خالتك
وكل مريض بشفااء من عنده
وان يرحم ضعفهم
وان يجعل المرض على كل مريض
بردا وسلامااا
امين امين امين
فهو سبحانه ارحم بهم من انفسهم واهليهم
سبحانه وتعالى
ونعم بالله