السلام عليكم ورحمة الله وبركاته ..
اولا احب اشكرج على كلل المجهود اللي تبذلينه عشانا
شوي راح اتكلم عن زواجي عشان يكون الموضوع اوضح ..
انا صار لي سنتين ونص متزوجة , زوجي من دولة غير عن دولتي
وهو يدرس في دولة ثالثة (غربة ) . المهم من بداية ملكتي وانا مستااااااااااااانسة معاه اخر وناسة
كان يحبني بشكلللللل مو طبيعي ويدلعني اخر دلع وما في طلب اطلبه الا ينفذه وما يردني في اي شي
وعقب ما تزوجنا الحمدلله بعد كان مثل ما هو ما تغير يحبني ويدلعني وانا بعد ادلعه واايد طبعا كان يصير بينا خلاف بسييييط جدا , انا الحمدلله واااااااااايد حلوة يعني ما امدح نفسي بس صج انا ولله الحمدلله جدا جميلة
والخلافات اللي كانت تصير بينا ان لما انطلع نروح مجمعات والشباب يخزوني ويطالعون فيني وكان يحاول يقنعني ان البس النقاب بس انا من البداية قلت له ان ما اقدر البس نقاب لاني اختنق وما اقدر اتنفس وهو كان يعصب لان ما كنت اوافق اني البس نقاب مع الوقت رضى بالامر الواقع و قدر هالشي ..
السنة الثانية من وزواجنا بدى يتغير علي احسه مو نفس قبل دايما يعصب وعلى اقل شي
وقام ينتقدنيي وااااااااااايد من الانتقادات اللي ينتقدني اياها يقولي لسانج طويييل وترادديني (هو لما يعصب على اقل شي انا اكون مو غلطانة احاول اني ابرر غلطي هو هالشي يسميه طولة لسان , وانا من خلال قرائتي عن الشمالي الشرقي عرفت ان في غضبه لازم اسكت وعقب افهمه هالشي تونيييييييييي قريته وان شاء الله راح اطبق هالشي )
الشي الثاني : يقولي اني ما اتكلم بالتفصيل ويسحب الكلام مني سحب وانا احس اني طبيعية اتكلم مثل الناس عادي بعطيج مثال : انا عندي حسابي الخاص المهم يات فترة البطاقة ما كانت تسحب من اي بنك بعض البنوك تسحب البطاقة , عاد مرة قلت له اني بسافر مع اهلي قالي اوك بس تبين ادز لج فلوس قلت لا مشكور عندي في الحساب ولو احتجت تاكد اني ما راح اطلب من احد غيرك استانس طبعا المهم قالي عاد بطاقتج تشتغل قلت له اي امس سحبت منها قالي من اي بنك قلت له اسم البنك وقلت له ايي تذكرت بعد قبل اسبوع سحبت منه من بنك ثاني , قال اوك وعطاني اسم بنك غير قالي هالبنك اشلون ؟؟ تقدرين تسحبين منه قلت له اييي من قبل شهر سحبت منه .. عصب علي قالي ليييييش ما قلتي ان هالبنك بعد تقدرين تسحبين منه يعني اسحب منج الكلام سحب .. سكت وشوي وقلت له انت ما قلت لي قوولي كلل البنوك اللي تقدرين تسحبين منها انت سالتني ان البطاقة تشتغل ولا لا ؟ وانا جاوبتك
قالي يعني لازم اسأل عشان تقولين لي المفروض من البداية تقولين لي اي البطاقة تشتغل واقدر اسحب من وتعددين اسامي البنوك وتريحيني , قالي يا الله تامريني على شي ؟ قلت له لا سلامتك وقبل ما سكر الخط قلت له الساعة جم تبيني اقعدك حق الامتحان لان انا كنت عند اهلي وهو كان في ديرة الغربة قالي الساعة جم وسكر الخط .. هاي ابسط مثاااااال يعني انا وااايد انقهرررررر منه ما اعرف اشلون يبيني اتكلم معاه باي طريقة . هاي بالنسبة عن الانتقادات
الشي الثالث: اهله , انا الحمدلله وااااايد علاقتي قوية باهله وخواته
دايما اواصلهم واتصل فيهم وحتى لما اسافر لهم دايما اساعد خالتي في المطبخ
بس عندي مشكله مع اخته هي وااااااااااايد تحب زوجي
وقبل ما يتزوج كانت طوووووول الوقت معاه وقبل ما تنام لازم تتصل فيه وتكلمه
وترسل له صورها بكللللللللللل الطرق وهالنقطة بعد امتعبتني ترسل له صور مو طبيعية
صدرها كللله طالع , بطنها حاطة تاتو وطالع, منبطحة بطريقة انا استحي منها ترسل له عادي..
ولما نسافر انا معاه حق اهله والله والله ينساااااااااااااااااني بالمرررررررررة بالذات هالفترة
وطوول الوقت يدور على اخته هي من النوع اللي ما تقعد معانا وايد يعني اذا انا اكون موجودة ما تقعد
اول ما نروح عشان ننام تتصل فيه هو يروح لها يقعد معاها ما يدخل الغرفة الا الفجر تخيلي !!! يعني قبل كان يناديها يقولها تعالي قعدي معانا تحت وما يهدني بروحي مستحييييييييييل والحين للاسف تغير ...
احس دايما تحاول تغرييييه ما اعرف اشلون احسها مو طبيعية مو عارفة اشلون اتخلص من هالشي ؟؟؟
والشي اللي قاهرني صج الحين ,ان هو الحين عنده اجازة وكان المفروض ان من عقب ما يخلص امتحاناته يروح ديرته وعقب ايي ديرتي للعلم ان صار لي شهرين مو جايفته .. وهو صار له تقريبا 10 ايام راح ديرته
قبل يومين قلت له ها حبيبي متى بتنورنا ان شاء الله قالي والله ما ادري قلت له يعني شنو ما قررت قالي لا والله للحين ما قررت قلت له اهااا قالي هو لان ودي اني ايي لج عقب فترة لان في العيد ما اروح اكون معاج فلو ييت الحين بيكون فترررة طويلة ما باجوفج (قرار يديد , العام عيد مع اهله وقالي ان شاء الله العيد الياي اكون معاج ) قلت له اهااا يعني ما بتعيد معاي قالي انا ودي اقولج اتيين اتعيدين معاي بس انتي بعد تبين اتعيدين مع اهلج قلت له صح طبعا , قالي ان شاء الله عيد الاضحى راح نكون مع بعض لان بنكون في ديرة الغربة .. قلت له ان شاء الله , عقب قالي وانا اجلت بعد عشان انتي فيج الدورة قلت ليش ايي ونجابل بعض بس جي (انصدمت من كلامه لان اول مرة يقولي جي ) قلت له باستهزاء صج والله قالي اي والله وضحك شوي وقالي وبعدين انتي كان رايج بعد ان اقعد عند اهلي فترة وعقب ايي لج
لان انا كنت قايلة له اقعد الفترة اللي تريحك اسبوع 10 ايام وعقب تعال , قلت له اي صح بس ما قلت 20 يوم
عصب علي وقال من بدال ما تقولين لي عليك بالعافية حاسدتني على هالجم يوم اللي قاعد فيهم مع اهلي
قلت له يزاك الله خير ومو انا اللي راح احسدك على قعدتك مع اهلك انا كنت ابي اجوفك لا اكثر ولا اقل بس
طبعا ما رد علي وقالي مع السلامة ومن عقبها ما اتصل ولا شي !!!!!
ابي رايج اشلون اتعامل معاه ؟؟ واذا اتصل فيني اشلون اكون معاه عادية ولا ابين له اني متضايقة
لان ودي ابين له ان الجملة اللي قالها عن الدورة كلللش ما عجبتني وحتى لو كان يتغشمر الواحد مو اي شي يتغشمر عليه ويحاسب حق الطرف الثاني وبعد شي ثاني ودي ابين له شنو يقول حاسدتني وين قاعدين احنا !! .. وبالنسبه حق اخته اشلوون الواحد يتصرف معاها ؟؟؟ وبالذات عن صورها استغفر الله
وآآسفة انييييي تعبتج معاي او ثقلت عليج
مشكورة ويزاج الله خير مقدما J
))))