بعد عشرين يوم

[فلوره الحلوه]

السلام عليكم

انا لي والده 11يوم والحمدلله صحتي طيبه ال اني اشعر بارهاق بسيط والم خفيف في ظهري وانا الان بيت اهلي على اساس اني اكمل شهر وارجع بيتي وعندي طفل عمره سنه ونصف والمولوده
واليوم كلمني زوجي بان اكمل عشرين يوم وارجع لبيتي وقال ما حتعبك والاكل من بره وعندي شغاله تجي ثلاث مرات تغسل وتكوي وتشطب البيت

وانا متردده لانه العاده في رمضان مشغول يعني ماسك مسجد امام وافطار صائم ويعني يحب يعطي شي من وقته لاصحابه وغير العمل ونومه بدري لانه يقوم لدوامه

وايضا احس صعب اجيه بدون تغير في شكلي وصعب اصبغ شعري مثلا وووو

وانا لي عشرين يوم وماني عارفه اناقشه او اروح وللعيد اغير او ما ادري احس حكون طفشانه في البيت وامكن ازعل منه فماني عارفه

اشيروا علي الله يعتق رقابكم في هذا الرمضان​

 

[@أمل رغم الالم@]

الله يكون بعونك
بس مدام انه مشغول بهالاشياء فالحمدلله وضعه مطمن
الزم ماعليك صحتك اهتمي بنفسك والله تروحين وبكرة تصيرين ماتنفستي صح ماتعجبينه وتدخلين دوامة ثانية
انت هونيها بعينه مابقى شي انا تعبانة اي عذر اهم شي مصلحتك

 

[احلى سمايل]

حاولي تقنعية بهدوء وإذا ماوافق خلاص روحي لبيتك وعن تجربة جربت بيتي وبيت أهلي وأنا والدة وجدت بيتي أريح حتى لوكان بيت أهلي جنة
والتغيير روحتك لبيتك ماتمنع قبل ماتخلصي الأربعين روحي لأهلك وغيري في شكلك وإرجعي بيتك وكأنك عنه لك شهر عن زوجك .. وبالتوفيق

 

[متفائلة2011]

قولي له تعبانه .....واذا اصر خلاص روحي وبيتك اهتمي بنفسك لانه على قولتك راح ينشغل بنفسه واكيد لما يفضى راح يفضى لك ....الله يسر امرك

 

[يكفيني دفا حبك]

توكلي على الله حبيبتي إرجعي لبيتك ولزوجك واذا خلصت الأربعين روحي غيري للعيد مرة واحدة ولا تأجلي الصبغة لنهاية رمضان لأن المشاغل راح يزيدوا عليك في السعر دبل بحجة العيد موسمهم,,,,,وو واذا مترددة إستخيري رينا بالدعاء فقط ,,, ربنايسعدكم ويهنيكم يارب ..... تقبلي مروري .

 

[زوجة الناظر]

اذا زوجك طلبك روحي له

وغيري اللوك مرة وحدة على العيد


وبيتك اريح لك

والله يكتب لك اللي فيه الخير​

 

[اولادي كل حياتي]

نصيحة ارجعي لبيتك وزوجك مادام طلبك خليكي معاه انا اول ولادة بكرية نفس الشي زوجي طلبني ارجع معاه مااكمل الشهر حتى وامي الله يحفظها قالت لي روحي يابنتي مع زوجك الواحدة اسبوع وتقوم تشوف اشغالها مو مثل بنات الحين 40 يوم بالفراش وشوفي الاجانب كلهم كده ومافيهم الا العافية
ـ وقريبتي كمان جلست 10ايام وبعدها زوجها طلبها وراحت معاه لبيتها
ـ والاستاذة ناعمة وصت انه الرجال ماينترك فترة طويلة لحاله واغلب الخيانات تحصل بالاربعين
ـ والله معاكي

 

[$$ألق$$]

انا رايي انك تروحين له وتتوكلين ع الله وتهتمين بصحتك ولا تسوين فيها شاطرة وتطبخين وتشتغلين بعدين خلاص يحسه مو ضروري يساعدك
لا خلي الاكل برا واهتمي باكلك وادويتك واكيد لما يجي تكوني متروشة ومتعطرة ولابسة روب ساتر
وعلى نهاية الاربعين روحي وجددي بكل شي ملابسك وشكلك وكل شي
ولو ناسب طفلك الاول ترسلينه لاهلك يزورهم باستمرار حتى يخفف عليك الشغل حتى تتعودي
هذا رايي وتقبلي مروري

 

[نضوج أنثى]

مع أولادي كل حياتي .

 

[فديت انفاسه]

اذا حاسه نفسك صرتي احسن روحي بس خلي يسوي مثل ماقال اكل من برا ولاتعبين نفسك كثير

 

[عيون عزيز]

أنا أستغرب من المرة اللي تنفس بعيد عن زوجها !!!!
والله أنا بكرية وصغيرة ويتيمة الأم انفست عند زوجي ,,,الشغالة تساعدني في بنتي وزوجي بعد يساعدني والله ثم والله كنت كشييييييييييخة لأبعد حد ,..الشعر حرير والبيجامات الدلع والأرواب الحرير والميكب الخفيف مع كحل وقلووس شفايف غير البخور ودهن العود ,,لا ومتحنية بعد ,,لاااااازم أحف وأتحنى قبل الولادة ... ومرتبة غرفة راقية لي بس زوجي شل شلايله وجا نام في سريري ,,, وبنتي ألحين مرة عمرها 3 سنين وعندي ولد عمره سنتين فديتهم شحلااااتهم ,,, وكل نفاس عند زوجي وبصراحة هو ما يبيني أروح لأهلي ,,تعرفين شنو أنواع الدلع ,,ياما تعشينا برا في أرقى المطاعم ,,, وساعات نطلع نفتر بالسيارة ناخذ كوفي والنونو معانا ,, وزوجي ما ينام الا والبيبي في حضنه ,,, واللي يضحك انه زوجي خبير غازات خخخخ ,,يعني اذا رضعت بنتي ولا ولدي هو يشيلهم على كتفه ويطقطق ظهرهم لين يتجدووون خخخخخ ,,,بصراحة شاطر فهالشغلة..
العلم أثبت انه المرة في مرحلة النفاس تفرز فرمونات تجذب الزوج لها ,,,, ويصير حنوووووووون زيادة على عياله ويحس بمشاعر الأبوة بزيادة ,,, وأكثر الخيانات تصير في فترة النفاس ,,
والله العظيم سلفتي تزوج عليها زوجها وهي نفاس ما كملت 15 يوم لأن زوجها في كل حمل يقول لها قعدي وهي تعاند تروح لأمها مع انه عندها أطفال من قبل وعندها شغالة ,,,وزجها حار ويبي مرة حوله ,, وخذ عليها وحده خليجية وألحين تطلقت منه ,,,

 

[عيون عزيز]

وبقولج معلومة قالتها ناعمة الهاشمي ,,, دايما سبحي ولدج وحطيله بودرة أطفال أو حتى بدون وحطي على راسه زيت جونسون وأفركيه بخفيييييييييييف وشلي البيبي وحطيه في حضن زوجج وخلي راس البيبي قريييييب من خشم زوجج عشان يشم ريحته ,,,في ريحة تطلع من راس البيبي احنا ما نشمها تحسس الأب بالحنان على أطفاله وتخليه يبطل يفكر بالخيانة أو الزواج الثاني ,,, وهالفرمونات تتم فاليهال لين 4 سنوات تقريبا وبعدين تروح ,,,
أصلا ريحة اليهال تجنن بشكل عام ,,

 

[اولادي كل حياتي]

والله ياأخت عزيز كلامك من جد رائع وفتح عيوني على اشياء ماكنت اعرفها فعلا كان زوجي يحب يشم رائحة البيبي ودائما يقولي كده وكنت انفس ببيتي مايخليني اروح لاهلي ولكن وانا نفاس اسبوعين يتركني ويسافر لاوروبا !!!
ـ يعني معقولة ماخانني مااعتقد سؤال محيرني معقولة ريحة البيبي تمنعه??
ـ ومن وين عرفتي المعلومة هذه قراتيها ولامن من الجدات??

 

[ارج ـوان]

ارجعي بيتك

ارجعي بيتك ياعسل وعشرين يوم كفاية ارتحت فيها
والحقي الهرمونات وزوجك خليك معاه
وأنا أقولك بيتك أريح لك من بيت أهلك:7:

 

[حبيب قلبي123]

اتوكلي على الله وروحي معاه واكيد ماطلبك الا انه فاقدك في البيت فنصيحه روحي والله معاك

 

[جـــــولي]

اذا طلب منك روحي ..ربي يسعدكم

 

[سلفرادو]

دامه قالك ارجعي البيت ارجعي .. عشان مايصير مالا تحمد عقباه ..
واذا على تغيير شكلك غيريه اول ماتخلصي نفاس اوفي العيد اصبغي وتحني واكشخي والبسي ...
واذا عقولتك انك خايفه انك تكوني لوحدك .. مافيها شيء حبيبتي عندك شغاله بعدين انتي خلاص عديتي 20 يوم يعني ماعليكي شر ان شاء الله
الله يوفقك ان شاء الله ​

 

[عيون عزيز]

والله ياأخت عزيز كلامك من جد رائع وفتح عيوني على اشياء ماكنت اعرفها فعلا كان زوجي يحب يشم رائحة البيبي ودائما يقولي كده وكنت انفس ببيتي مايخليني اروح لاهلي ولكن وانا نفاس اسبوعين يتركني ويسافر لاوروبا !!!
ـ يعني معقولة ماخانني مااعتقد سؤال محيرني معقولة ريحة البيبي تمنعه??
ـ ومن وين عرفتي المعلومة هذه قراتيها ولامن من الجدات??

حبيبتي هالكلام قالته ناعمة الهاشمي في دورة حضرتها لها ...حتى قالت اذا خلاص بطلتي تجيبين يهال أخذي حد من أطفال العيلة سواء ولد أختج أو أخوج أو أي بيبي وحطيه في حضنه ,,,بينسى الخرابيط وبيحس بمشاعر الأبوة ويصير يحب بيته وعياله

 

[اولادي كل حياتي]

• 
  [/Lـ مشكورة على الاجابة والمعلومة يعني فعلاً مثل كلام اهل زمان يقولون المراءة تربط الزوج بالعيال ومعناها اللي قولتيه
  ـ IST]

 

[أم ميسوـوـو]

وبقولج معلومة قالتها ناعمة الهاشمي ,,, دايما سبحي ولدج وحطيله بودرة أطفال أو حتى بدون وحطي على راسه زيت جونسون وأفركيه بخفيييييييييييف وشلي البيبي وحطيه في حضن زوجج وخلي راس البيبي قريييييب من خشم زوجج عشان يشم ريحته ,,,في ريحة تطلع من راس البيبي احنا ما نشمها تحسس الأب بالحنان على أطفاله وتخليه يبطل يفكر بالخيانة أو الزواج الثاني ,,, وهالفرمونات تتم فاليهال لين 4 سنوات تقريبا وبعدين تروح ,,,
أصلا ريحة اليهال تجنن بشكل عام ,,

ونااااااااااااااااااااااااااااااااسه اشششوى باقي عيالي ماكملوا 4 سنين من اليووم ورايح بطبق طريقتك ياقمرررررررررررررررررررر

خخخخخخخخخخخخخخخخخ وربي انك عسسسسسسسسسل

مششكوره قلبوو:36:​