أسراار وفنوون التعاامل مع الرجل الشرقي

[om miryam]

الكلام؟
لا قليل الكلام

* في اوقات صمته هل تحاولين التحدث معه لأخراجه من حالة صمته ؟

احاول بس ازا ما استجاب اطنشو يعني احاول مرا مرتين بس

اذكري الطريقه ؟ ام تقابلين صمته بصمت ..؟

ممكن اسالو عن شي سار معاه زي مثلا ايش سار في موضوع السيارة ازا صمت اقولو عن شي عنني او عن بنتو مثلا اليوم ميريام ما رضيت تاكل ازا بردو صمت خلاص اطنش


* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟

ردودوة مختصرة جدا

ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟

انسحب بهدوء وشوية زعل يعني مش اصرخ وكدا عادي ابين اني زعلت بس بهدوء


* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

.
.
.

 

[om miryam]

هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

لا مش لدرجة اهانة بس احيانا اتضايق لصمتو واتكتمو واحيانا فعلا اطفش ابغى يتكلم معايا بس هوا اصلا ما يحب النقاش معايا يعتبرني كلامي كلو غير منطقي


* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

لا وحتى لو اخد رايي يندم ويقللي انا غلطان اني فتحت معاكي الموضوع انتي ما تفهمي شي


.
.
.

 

[اميرة اليمن]

[SIZE=[SIZE="5"]"4"] هل يتحدث زوجك معك بكل اموره الخاصه والعامه ام انه قليل الكلام؟


حمدلله يتكلم في كل شي بس يخبي عني اذا كان مخطط في شي يخص شغله راتبه



* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟[/SIZE]


نعم احاول دايم ويتجاوب معاي حمدلله طريقتي اساله اخبارك اش مسوي وتكون طريقة كلامي مبسوطه
واسولف عن يومي واساله عن يومه وهكذا


عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
باريحيه غالبا الا اذا كان معصب او متضايق كلمه ورد غطاها



ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟


انسحب بهدووووووء وهو يحس


هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

اذا كان الموضوع الكل عارفه الا انا واسمعه من احد غيره ايه اعتبرها اهانه واتضايق
مررررررررررراا وكم مره الله يهديه سواها فيني


* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
ياخذ رايي ويستشيرني بعدين يقولي اصلن مو على كيفك بس يبي يقهرني ويبين لي انه بيسوي الي هو يبيه[[/SIZE]/COLOR]




هذ المرة رتبت اجابتي عشان ما اتهزء هع هع

:6::6::6::6::6::6::6::6::6::6::6::6:

 

[حورية الشخصية]

السلام عليكم ورحمة الله تعالى وبركاته
وأخيرا استطيع أن اشارك في ملف الشرقي
جزاك الله خيرا أختي الحالمة على هذا المجهود
جعله الله في ميزان حسناتك وبارك الله فيك ومتعك بالعافية ​

والآن أنتقل إلى الأجوبة

* هل يتحدث زوجك معك بكل اموره الخاصه والعامه ام انه قليل الكلام؟​

قليل الكلام


* في اوقات صمته هل تحاولين التحدث معه لأخراجه من حالة صمته ؟

أحاول

اذكري الطريقه ؟

أذهب إليه وأسأله عن أشياء ربما في العمل أو عامة أو أحدثه عن شيئ وقع معي أو مع أي أحد
ام تقابلين صمته بصمت ..؟
قليل جدا ما أقابل صمته بصمت

* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟ ​

ردوده مختصرة جدا

* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟​

كنت أغضب وأنزعج وأظهر له بالكلام
اليوم أنسحب بهدوء وأنا أغلي داخليا


* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

أعتبره كذلك

* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

يتخد قرارته بعيدا عني وغالبا ما أفاجئ بها

هذه إجاباتي وأرجو أن تفيدوني في التغلب عليه في هذا الكتمان
لك كل الاحترام والتقدير​

 

[حبر الالم والاه]

هل يتحدث زوجك معك بكل اموره الخاصه والعامه ام انه قليل الكلام؟
قليل الكلام
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
اكثر المرات اقابل صمته بصمت لن انا قليلة الكلام واحيانن اتحدث معهلاخراجه من صمته لكن تكون احيانن بجدوى واحيانن بدون فايده على حسب نفسيته
* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
اكثر المرات ردوده مختصره
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
انزعج لكن بعد دروسك انسحب بهدوء
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
اعتقد قصده ماله داعي اني اعرف
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
يستشيرن احيانن

 

[مايهم..!]

<<تطامر فرحانة يوم شافت الدرس

لسى ماقريته بس أعبر عن شعوري خخخخخخ

برب​

 

[مايهم..!]

* هل يتحدث زوجك معك بكل اموره الخاصه والعامه ام انه قليل الكلام؟​

حسب مزاجه يحكي
أحيان أحس وده يحكي ويفضفض بس طبعاً مايبين ضعفه ابداً أو إنهزامه
ورغم هذا أحسه غامض ويخفي الكثيرر..​

* في اوقات صمته هل تحاولين التحدث معه لأخراجه من حالة صمته ؟
كنت أثرثر..
وأطلعه من المود..​

وكنت أزعل ليش ساكت..​

الحين صرت أتركه لأن صمته دليل رغبته يبقى منفرد\بدون كثرة إحتكاك أو كلام أو سؤال وماشابه​

​

اذكري الطريقه ؟ ام تقابلين صمته بصمت ..؟
عادي إذا حاسة عندي أزمة حكي..أحكي بس أحاول أفرمل شوية
بس يغلب علي أسكت مثله خاصة من كثر ماسمعت أصمتي حتى يتكلم هو ومن وقتها ساكته أنتظر يتكلم خخخخخخخخخخخخ


بس بصراحة زوجي يازينه صامت
لأنه لو حكى يحب يسيطر ويأمر ويبين إنه مخلوق متفرد والحوار معه صفر
يعني بس أهز راسي وأأيده وهالشي يتعبني ولو سولفت وناقشت لابد يتوتر الجو
بالفعل زوجي عنده (سوء فهم-عدم تقبل الراي الآخر+مصادرة الفكر!)

* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
يغلب عليها الإختصار
او ايه/ اممم/ آها
وأحيان يتجاوب ​

* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
أنسحب بهدوء...............
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
كنت
بس الحين فهمت شخصيته وماعدت أهتم...​

* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
يسولف/يعبر...إستشارة بطريقة ملتوية..بالأخير هو يقرر​

حبيبتي حلوم
إذا فيه إمكان فيه نقطة تهمني
بس بوضح قبل زوجي شمالي/شرقي

إذا فترت العلاقة
وبرد الحب
وصارت العلاقة متوترة
والجفآ خيم ع العلاقة
وصارت العلاقة أخوية بل أخوية جافة!

كيف تقدر الوحده تتوصل لحل وسطي
تحس إنها ع الأقل متزوجة وامورها مستتبه وترجع المودة

كيف والرجال في لحظة غضب عبر عن شعوره إنه بعد سنوات طويلة ماحبك!
كيف هالكلمة ماتحسبي حسابها وتبرري إنها لحظة غضب وزعل
والحقيقة مثل هالكلمة لايستهان بها
وصعبة الوحده تحاول تتودد وهي تحس إنها ولا شي بقلبه

ارجو إنك فهمتي علي
مافيه مجال إنه ينكسر الحاجز إلا مني أنا
وأنا صعبة علي أتقرب كزوجة مشتاقة
وهو بين إنه غير مرتاح ومافيه ود!
يعني تحس الوحده إنه ماراح يستثار بل بيحس بالشفقة عليها..
بالتالي الوضع متأزم بين الطرفين ..


هالنقطة تهمني كثير لأنها حيرتني كثير وعجزت القى حل!

 

[Ivory]

* هل يتحدث زوجك معك بكل اموره الخاصه والعامه ام انه قليل الكلام؟
الحمد الله يتحدث معي بكل شي خططه و الي مضايقه بالعكس هو يتكلم اكثر مني انا اغلب الاوقات مستمعه له و هذا الشي يريحه و هو قالي ان انتي مستمعه جيده

* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟

هو اذا كان متضايق او ماله خلق يتكلم ما يتصل و احيان يتصل يسلم و يسال و يقول تعبان او متضايق من الشغل و غالبا المكالمه قصيره ابعث له مسج ان شكرا على اتصالك رغم انك تعبان او شكرا على وقتك و انت تعبان او لا تشغل بالك كل مشكله و لها حل و كذا و اذا هو ساكت انا احكي عن يومي و ايش سويت و اتدلع و هو يتجاوب او يعطيني كلمه ع الخفيف لول و اتقبلها و امشيها عادي ولا كان قال شي

* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
احيانا يتجاوب و يمسك هو الكلام و يتغي المود او ما يتقبل كلامي يعطيني كلمه ع الخفيف لول و اتقبلها و امشيها عادي ولا كان قال شي و احيانا يرد ردود مختصره اعرف انه متضايق


* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟

لا عادي اقفل منه و اقوله خلاص اخليك الحين ترتاح و بعد فتره ابعث له مسج ان كيفك و اخبارك احيانا يرد و احيانا يطنش

* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

لا و هالشي يخليه هو مرتاح معاي و يقولي كل شي و هو يقول اذا حسيت برغبه بالكلام انتي اول وحده تطرين على بالي

* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

ياخذ رائي و احيانا يعمل فيه و احيانا لا ,, بس الاغلب ياخذ فيه و يستشيرني وين تبغين نسكن و ايش رايك بكذا و ايش رايك لو اسوي كذا و انا اعطيه رائي و الحمد الله بشهادته و شهاده الكل اني عقلانيه و هالشي يساعد شوي مع الشرقي

 

[احبه مووووووووت]

* هل يتحدث زوجك معك بكل اموره الخاصه والعامه ام انه قليل الكلام؟
الحمدلله يتكلم معاي بكل اموووره الخاصة والعامة
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟

اي طبعا احاول .. بس اول شي اهيء الجو المناسب يعني ما ابين له اني ابي اعرف شنو فيه وليش ساكت ولا هل متضايق من شي ,لا احاول كثر ما اقدر اني اطلعه من الصمت بسوالف عادية مثلا ها شخبارك ؟؟ اشسويت اليوم ان شاء الله ما تعبوك في الدوام ...
* عند محاولة اخراجه من صمته هل يتجاوب معك ويتحدث باريحيه ؟ ام ان ردوده مختصره ؟
ايييي الحمدلله غالبا يتجاوب معاي
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟

ابداااااا ما ابين له انسحب بهدووووء تام بعد
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟

لااا كلش
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

الحمدلله الحمدلله ان ياخذ راييي في كلللللللللللل شي حتى ادق الاشياء مثلا دراسته وسفراته يعني حتى الحجوزات والاوقات و طريقة دراسته , وهو طبعا مو شرط ان يسوي الشي اللي انا اقوله بس ياخذ رااييي .. ومرات يقولي مثلا شوفي انا احب استشيرج واخذ رايج بكل شي مو تزعلين لو ما سويت برايج في شي معين انتي افهميني لو ما سويت برايج معناته ما يناسبنا احنا الاثنين

 

[هونولولو]

* هل يتحدث زوجك معك بكل اموره الخاصه والعامه ام انه قليل الكلام؟
في الأمور المصيرية يتكلم اما الامور الخاصة فيه مايتكلم الا للمهم والامور العامة أحيان.
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
أحيان كثيرة ويومياً أجيه وأحاول استدرجه واسولف معه
اطلب مثلاً يعلمني شغله مااعرفها أو اسئله عن موضوع يفهم فيه او اقوله تحتاج شي؟؟؟ أجيب لك عصير موية؟؟
ايش تفكر اسوي لك غدا؟؟
أحيان يتجاوب ويتكلم وأحيان يقولي محتاج هدوء واسترخاء فاتركه وشأنه.
* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
مرة كذا ومرة كذا
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
لا اتركه وانسحب بهدوء واشغل نفسي في اي شي
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
احيانا اعتبره اهانة لانو في امور المفترض اعرفها واتفاجأ
بان العالم يعرفون وانا لا.. واحيان اعتبر اني مرتاحة لاني
ماابغى اعرف شي عن مشاكله .
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
لا مايستشيرني واذا قال لي شي فمن باب العلم بالشي وانا معطياه الضوء الاخضر خليه يتعنتر الين يطفش




سلامات ياقلبي لماما
وانا كنت مشغولة لفترة
سلااااااااااااااام لكل البنات...

 

[le chocolat]

* هل يتحدث زوجك معك بكل اموره الخاصه والعامه ام انه قليل الكلام؟ اخ من الصمت وااااخ يوصل شهور ولا يرد علي بكلمه هو يتحدث معي بس بسطحيه لسه يمكن لانه ما اتزوجنا بس بين الكلام يعطيني نبذه عن تطلعاته للمستقبل

* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟ امممم صعب الحين بحكم انه ما نتلاقى ... احاول افتح مواضيع تجذبه مثل شئ عن دراسته و تخصصه او كتاب قرأته واعرف انه بيجذبه الموضوع ....او اي شي بيشد اهتمامه ...لكن لما يكون مشغول وانا ما ادري عنه مستحيل القى تجاوب منه بس بعد ما تعدي فترة انشغاله يرجع ويتعذر انه مطنش و يشكرني على تفهمي واني ما اعاتبه على القصور يسولف معي بس بعد فتره يرجع الصمت فأنا تعودت على هالحال بس اي شئ يعجبني اطرشله اياه عشان اكون على باله ويلقى اسمي كل مره يفتح جواله يشيك عالايميل

* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟ حسب الموضوع والاهميه ... اصلا مش من كثر ما نتكلم الحين بنكمل شهرين وما رد علي بكلمه بس اهم شي اني احسسه اني موجوده

* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟ اذا زودها اعاتبه بس مش دائما بس اعق كلام بين الكلام ولكن بعدين اكلمه بمرح كأنه ولا شي صار ..... بس ما اعرف اذا طريقتي صح .... واحيانا انسحب بهدوء

* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟ كنت اعتبرها انها تقليل من قدري ...بس بعد فتره فهمته انه هو لما يكون مضغوط في شغله والموود خربان ما يحب يكلمني او يراسلني لانه يحب انه يكون رايق لما يكلمني وما يحب انه اخذ فكره سيئه عنه اعتقد يخاف ازعل منه ... واما ما يحدث له يمكن هو يشوفها اشياء مش مهمه فما يخبرني فيها بس الله كريم الصبر كم الصبر وبعدين انا متأكده انه هالصمت بيزول لما اكون عنده لانه اذا دخلنا مسنجر ينطلق في الكلام بس الحين تقريبا 6 اشهر او اكثر ما يدخل ماسنجر فما اعرف اخذ منه لا حق ولا باطل ههههه

* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟ بصراحه بصراحه ما قط استشارني هههه لانه انا اعطيه رأيي بمجرد انه يقول خاطري اسوي كذا او كذا ... اعطيكي مثال كان يبغي يسمر نفسه وهو ابيضاني ويحلق شعره في شهر 1 وقال اعرف ما بيناسبني بس انا قلتله بيناسبك وبتطلع حلو بس شكلك بيكون غلط في البرد كذا وهذا ال لووك يعتبر صيفي ف في صيف ييكون احلى عليك وبعد فتره نسيت الموضوع ...عاد الحين شهر 6 تفاجأت انه سوى 3 اشياء من اللي اقترحتها حلق شعره واسمر ع السفر وهو مصيف طبعا انا بس شفت الصور كثير فرحت انه اقتنع بكلامي ...وقرأ الكتاب اللي انا خبرته عنه ...وتعلم التأمل لانه انا ذكرت له اني امارس التأمل واتمنى انه يشاركني هذا الشي ....

مثال اخر كان من سنتين يقول لي ابغى اكمل دراستي فسألته وين قال كنت اريد بريطانيا لكن الحين افكر اروح امريكا ... انا هنا فكرت قلت اذا بيروح وبيشلني انا ما ابغى امريكا بعيد وقطعه عن العالم ... فطلعتله مميزات بريطانيا وعيوب امريكا وركزت على تخصصه انه اساسه طالع من بريطانيا وانه الواحد لما يتعلم الشغله يتعلمها من اصحابها مش اللي تعلموها منهم ... وانه امريكا مالها تاريخ وغيره ... المهم عرفت من الجماعه انه الشرقي وافقوله يكمل دراسته في بريطانيا وعلى حساب الشغل ههههه يعني نجحت معاه في الاقناع الحمدلله

ههه بس طبعا هو ما يعرف انه انا اعرف هالاشياء عنه العلوم توصلني من العملاء ههههه ف أنا بخلي نفسي انه ما دريت بهذا الشي عشان ما اخرب عليه اذا كان يريد يفاجئني باللي سواه .... تعرفون الشرقي ما يحب انه حد يعلمه يحب هو يفرد عضلاته ويعلمك باللي تعلمه ...بس والله كثير فرحت انه ياخذ شوري على محمل الجد ولو انه ما طلب مشورتي يمكن لانه يعرف طبعي ...وهذه اشاره ايجابيه ...بس كيف اخليه يرجع يكلمني بدون انا ما الكمه هذه صعبه لانه ما اعرف اطول الغيبه الا ويجي شي في بالي لازم اخبره عنه او اريده يقرأه

 

[متى ارجع]

* هل يتحدث زوجك معك بكل اموره الخاصه والعامه ام انه قليل الكلام؟
الحمد لله انا ما اعني من قله كلامه معي يتكلم معي بكل اموره العامه والخاصه ماااااااااااااااااااعد راتبه وين يروح وكيف يصرفه هههههههه
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
اتكلم معه واذا مالقالي بال اسكت وماكمل كلامي وبعدين ينتبه اني ماكملت سالفتي فيقولي كملي اقوله مابي اقطعك كمل لانه دايمن ينشغل عني ببرامج الكوره يعني الرياضه فأقوله لما يخلص البرنامج انكمل كلامنا واحيانن يقولي زعلتي اقول لاعادي ادري انك مو قصدك بس البرنامج شدك
* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
احيانن احسه صامت يفكر في شي فأسأله فيك شي ياقلبي يقولي لا اقوله شكلك متكدر يقولي مافيني شي اقوله ياقلبي اذا تحب تتكلم انا زوجتك وسترك وغطاك يعني فضفض واذا ماتبي براحتك طبعا مايقولي شي بس احسسه اني جنبه
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
انسحب بهدووؤ
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
لا فلابد للانسان منخصوصيه حتى عن اقرب الناس له يعني حتى عن امه لاني انا لي خصوصيتي واذا قلت له مابي اقول هذا خاص ما يحرجني او يجبرني اتكلم ويحترم خصوصيتي فمن باب اولولى اني احترم خصوصيته(انا اتضايق من انه اذا جلس مع اهله انوع الفله وخفه الدم ويسمع سواليف خواته عن دواماتهن وعن امورهن ومايهتم بي وبأموري ولا بسواليفي هو مو صامت بس مهمل يعني يتكلم معي بأريحيه بس واستمع لكل كلامه ولا اقاطعه وأوضحله اهتمامي بكلامه بس مايحب ابد انه يستمع لي وهذا اللي يضايقني انه يهتم بسوالف غيري ولا يهتم بسوالفي مع انه بنفس المجال مااقول انهن يتكلمن عن شي هو مهتم فيه لا ابداً)
* هل ياخذ رايك ويستشيرك في اغلب امووره ام انه يتخذ قرارته بعيدا عنك نعم يأخذ برايي ويهتم بهولا يأخذ اي قرار بعيد عني
.
.

 

[ماااس]

هل يتحدث زوجك معك بكل اموره الخاصه والعامه ام انه قليل الكلام؟
قليل الكلام معي أما مع غيري ما يشبع حكي وفي الغالب إذا نومت الأطفال وجلست معه يحاول يشغل نفسة في اي شي وخاصة الكمبيوتر أو التلفزيون حتى ما يتكلم بكل شي ويصير كلامة مختصر عشان ما يكشف نفسة لي, فأعرف كثير من أموره من حريم اخوانه :25:
في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
أقابل صمته بصمت لأنه في كثير من الأحيان يفسر كلامي على حسب هواه ويزعل وأجلس احلف واقسم وابين له قصدي وأنه ما هو هذا المعنى الي في باله فيقول خلاص خلاص فهمت يعني تسكيت
فصرت ما أحب اتكلم معة بشكل مطول أحب الاختصار لأني ما أحب الخصام يأثر فيني مده طويلة رغم اني مطبقة كلامك عن الزعل بس من جوه أبكي لوحدي.
عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
حسب النفسية والمزاج
ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
حسب الموقف هل هو ضروري وفي الغالب انسحب بهدوء لأني ما أحب النكد
هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
كنت ويا كثر الجروح بس الحين مايهمني
هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
هو متردد لذلك كثير يستشيرني لو ماأخذ برأيي واحيانا يستشيرني في رأي وأعطيه رأيي وهو بعد الاحظ انه مرتاح لأنه لو ماكان مرتاح مايسويه بس لمن أحد يسأله ليش سويت كذا يقول

 

[روح ورياحين]

الحمدلله على سلامة الحالمه الغاليه
والحمدلله على سلامة الدروس اللي اشتقنا لها
الصمت واااااااه من الصمت خصوصا اذا كانت الوحد ثرثاره وتحب تعلق كثير على كل كبيره وصغيره خخخ..وكالعاده الله يصبركم علي بجاوب عن الفترتين
بسم الله
هل يتحدث زوجك معك بكل اموره الخاصه والعامه ام انه قليل الكلام؟؟
بما ان زوجي متقلب بالدرجه الاولى حتى من قبل المشكله
احيانا تجيه حالات يسولف لي عن امور خاصه حتى تخص أهله اللي هم خط احمر بحياته..واحيانا تحسين انه غامض ولاتدرين وش يفكر فيه وعلى ايش ناوي ووش صاير بحياته
اما الامور العامه على حسب مزاجه المتقلب احيانا تلاقيه يسووووولف الى درجة انك تتمنين انه يسكت..واحيانا مستحيل ينطق بكلمه ولو تعليق بسيط على اشياء تصير قدامه وغصب تدفع الواحد يعلق عليها...
والاجابه هذي تخص الفترتين
في اوقات صمته هل تحاولين التحدث معه واخراجه من حالة الصمت؟اذكري الطريقه؟
نعم احاول اخرجه من صمته خصوصا اذا ماكان صمت غضب.اهيء الجو المناسب الهادئ واحاول افتح موضوع يهمه وهو بالنسبه لزوجي السياراااات..او اعلق على حدث بالاخبار..او افتح موضوع يشده كثير وهو اذا كانت حاجه تخص البنات..اهم شي ما احاول اتكلم والجو متوتر وفيه ازعاج او منسجم بشي او فيه مشكله توها صايره لان باله اكيد بيكون مشغول وجدا بعد...هذا التصرف اسويه الحين..اما سابقا فأنا اتكلم بكل وقت وكل حين واسهب بالكلام بدون ما الاحظ او افكر هل الوقت مناسب او لا
عند مجاولة اخراجه من صمته هل يتجاوب معك ويتحدث باريحيه؟ام ان ردوده مختصره؟
نفس االشي على حسب مزاجه المتقلب...احيانا يتكلم ويستمر في الثرثره وسرد التفاصيل ويتكلم ويتكلم ويتكلم..وانا من كثر الكلام اشرد بفكري وراجع مره ثانيه بس احاول ابين اني مركزه..واوقول ايه..مممم...اهاا..ومن هلاتعليقات..واحيانا تكون اجابه مختصره جدا جدا جدا وتطلع بالحسره...
قبل المشكله كانت فترات كلامه قريبه وكثيره...لكن من بعد المشكله قلت كثير وندرت.لدرجة اني اطيييييييييييييير من الفرح واحس كأني لسه عروسه اذا جلس يتكلم ويهرج ويسولف معي
ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك؟ام تنسحبين بهدوء؟؟
سابقا كنت انسحب بسرعه وانا بداخلي اغلي..ولا اتركها تعدي بالساهل واجمعها له لين انفجر واقوله اني متضايقه من هالحركه
لكن بعد المشكله وبعد ماتعلمت نمطه وتفهمته صرص انسحب بكل هدوء ولا افتح الموضوع بعدين..وما انكر اني احيانا احس بكسرة الخاطر خصوصا اذا كنت متحمسه ومفرفشه احس بتحطيم واحباط وينقلب مودي
هل تعتبرين صمته معك وعدم اخبارك بما يحدث من مستجدات اهانه لك وتقليل من قدرك؟؟
سابقا كنت اعتبره كذ​

 

[روح ورياحين]

هل تعتبرين صمته معك وعدم اخبارك بما يحدث له من مستجدات اهانه لك وتقليل من قدرك؟؟
سابقا كنت اعتبره اهااانه وقويه بعد وسبب لي الشي هذا تراكمات بنفسي وضغط فضيع..
الان بعد المشكله وبعد ماعرفت نمطه وفهمته يعني ارتحت شوي بس والله لازال بنفسي احساس بالاهانه خصوصا اني اعرف اخباره من اهله وبالذات زوجة اخوه احسها اهانه لي واهانه قدامهم بعد..عجزت اتخطى هالمشكله برغم تفهمي للنقطه هذي..على فكره هو مايعرف ان اخباره توصلني من زوجة اخوه..لانه واثق المسكين ان اخوه ماراح يقول لزوجته شي..ومايدري ياقلبي ان اخوه يقول كل كل كل شي لزوجته برغم ان زوجي يحرص عليه مايقول لاحد ولا حتى لزوجاته..بصراحه ماحبيت اصدمه بأخوه اللي يحبه اكثر من باقي اخوانه ويثق فيه بزياده..فكرت انبهه ان كل اللي يقوله يوصل لحريمه وحريمه يمشون ويتكلمون بس قلت اسكت احسن ولو ان الشي هذا على حسابي..ولاادري الشي اللي سويته صح او لا؟اعتذر توسعت كثير بهالنقطه لانها مسببه لي ازمه
هل يأخذ رايك ويستشيرك في اغلب اموره ام انه يتخذ قراراته بعيدا عنك؟؟
سابقا وحاليا يأخذ رأيي بالامور الصغيره كلها وياخذ برأيي بعد مثل مكان التسوق او نوع العشاء اللي بيجيبه..او وين ننام بأي غرفه..او متى وقت الغداء..نروح مع اي طريق.. يعني مثل هيك امور..واحس لانه متردد بطبيعته لازم ياخذ رأي يشجعه على اتخاذ قرار..واحسه يتنرفز ويعصب اذا قلت براحتك او ما ادري اللي تشوفه..عشان كذا صرت اقول راييي..
اما الامور الكبيره ما اخذ رايي الا مره وحده يوم كان بيشتري البيت..وطبعا هذا كان قبل المشكله..وكانت اول مره واااخر مره...والحين احسه مستحيل يرجع لي بامور كبيره..قبل المشكله كان عندي امل انه ااذا شافني نضجت ووثق برجاحة عقلي ممكن يرجع لي..لكن الحين احسه حتى لو وثق بتفكيري كبريائه ماراح يسمح له انه ياخذ رأيي

اعتذر على الاطاله
وننتظر التعليق والدرس على احر من الجمر
لعل وعسى نقدر نفك شفرة صمت الشرقي​

 

[روح ورياحين]

عندي ملاحظه
انا نفس الاخت لي شوكليت..اذا تكلم بشي يخصه انا اقول رأيي وتعليقي بدون ما انتظره يسألني عن رأيي ويستشيرني..واقول رأيي بطريقة انا لو مكانك سويت كذا..او لو انا بنفس الموقف سويت كذا..ما ادري ااذا طريقتنا هذي صح؟؟وعلى قولتها احيان كثيره تصيب وياخذ برأيي بس بدون مايبين لكن المسأله تكون واضحه واحس قلبي يرقص من الفرح...وهو يمثل كأنه سوا الشي هذا من نفسه
بصراحه احس لو ما اسوي هالطريقه مستحيييييييييل بل من سابع المستحيلات ياخذ رأيي او يقول شوري علي..عشان كذا انا اخذها من قاصرها واقول رأيي...انا اقول مستحيل بالنسبه لوضعي انا لان كبرياءه مجروح..لكن ممكن في وضع اي وحده غيري يرجع لها ويقول بصراحه عطيني رايك؟
ما ادري عن كبرياء الشرقي لاي درجه يوصل..اتمنى نتطرق لهالنقطه​

 

[اريج بلقيس]

السلام عليكم ياهلا وغلا بالحالمه نورتي لك وحشششه يااستاذتي تصدقين اني يأست وطفى الحماس مع هالشرقي ،،


* هل يتحدث زوجك معك بكل اموره الخاصه والعامه ام انه قليل الكلام؟
بعض الاحيان احسه يقول كل شي حتى لو يتضايق من اهله وبعض الاحيان صامت ,,,بس اكثر شي يتكلم عن امور شغله ووش صار معه او نقشاته مع اصحابه.
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
اذا شفته مو ع عويده يتكلم بسأله اقول وش فيك ؟اذا قال مافي شي او حسيت انه موقايل سكت عنه او اني الطف الجو واضحكه بس مو كثييير


* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
بصراحة كذا وكذا يعني مره بيقول ومراااااات يختصر كلامه

* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
لا انسحب بهدوء اكثر الاحيان بس مرات ابوز بس موووو كثير
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
بصراحة اتضايق خاصة اذا في ناس داريه وانا آخر من يعلم بعض الاحيان اتنرفز وكثيييير اطنش
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟

موكثيير يستشيرني واذا استشارني بأمور اعتبرها عاديه

 

[كاتمة الاسرار]

الف الحمد لله على سلامتك استاذتنا الغاليه
نوريتينا واسعدتينا برجعوك لنا بالسلامه
واسعدنا درسك الجديد

* هل يتحدث زوجك معك بكل اموره الخاصه والعامه ام انه قليل الكلام؟
يتكلم معي في اموره العامه بس الخاصه
احسه غامض
* في اوقات صمته هل تحاولين التحدث معه لأخراجه من حالة صمته ؟ احاول بس هذا الوقت بالذات عندما اره صامت احتار وش الموضوع
اللي افتحه معاه بصراحه انا قليلة الحديث مع زوجي تشفوني محتاره وش اتكلم معاه فيه

اذكري الطريقه ؟ ام تقابلين صمته بصمت ..؟
اقابل صمته بصمت الا نادر اساله كم سوال ونرد للصمت مرة ثانيه
* عند محاولة اخراجه من صمته هل يتجاوب معك ويتحدث باريحيه ؟ اذا عجبه الموضوع يتحدث باريحيه ويتكلم وانا اكون مستمعه لها واحياننا اعلق على كلامه
ام ان ردوده مختصره ؟
ام اذا لم يعجبه كلامي يرد باختصار
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟ ابين لها اني متاضيقه من ردة فعله ونادر انسحب بهدوء

* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
لااعتبره اهانه بس اتضايق لماذ هذا الصمت لماذ لايتحدث معي عن كل مايخصه
فانا زوجته والمفروض اكون كاتمة اسراره ويبوح لي بكل شي يتعلق به
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
.يخبرني بكل شي ليس ياخذ راي او يستشيرني
بعني يتاخذ قرارته ويقولي عن القرار اللي تخذه
واذا كانت عندي وجهة نظر اقوله واذا اعجبته يطبق اللي قلتله وصراحه افرح بهالشي مع انو نادر
.
اختى الغاليه االله وحده عالم وش قد انا مبوسطه
بوجودي معاكي لقد ارتحت معك واستفدت منك وانتي لم تقصري معنا رغم الظروف
التي تمرينا بها عزيزتي كلامك شجعني بخصوص نسيان خياينة زوجي لي ولاكن ششات الظروف اني بالصدفه شفت الاميل حق زوجي هو عنده كذا اميل بس هذا مخصوص لعلاقته
انا على طول خذته وفتحته وشفت اميل اللي يتحدث معاه فكرت اضيفه عندي واكلمه وفكرة اغير كلمة السر للاميل واتحدث معاه انا اول مافتحت المسنجر كانت شابكه لما شفته على طول
حطيت اتصال علشان اشوف هل مازالت العلاقه بينهم بس ماصارشي احس انها قلبت المواجع علي ودي الحين اسوي لي اميل بدون علم زوجي علشان اختبره تعبت واحترت وش اسوي
اعذرني غالتي ادري والله اني ثقلت عليك بس انا ارتحت لك واعتبرتك مثل اختي من طيبتك
وحنانك وحابه انك تنصحني وش اسوي وانا اسفه مره ثانيه اذا كنت ازعجتك

 

[ياسمينه بيضا]

مووووضوع روووعة كعادةعمدتناوملكتناالعزيزة00يارب توفقهاوتريح بالهاوترزقهاسعادةالدارين وتحفظ حبايبها00وتبارك في
علمهاووقتهاوصحتها00وتحفظ والدتهاوتشفيها000امييييين
الحمدلله شرقيي الغالي غامض وكتووووم مع الكل الااناماشاءالله لاقوةالابالله00وهوبالنسبةلي كتاب مفتوح
عدانقطةبسيطة راح اذكرهاخلال الاجوبة00
اممممممممممم بسم الله00000000

* هل يتحدث زوجك معك بكل اموره الخاصه والعامه ام انه قليل الكلام؟
نعم بحمدالله الافي 3حالات 1-احيانااحسه يخبي عنه احواله الماديةويسوي نفسه ماعنده شي بس طبعاانامايفوتني فايته خصوصاالفلوس
اعزهامرررة ههههه واحب ارفه نفسي بس والله بعقل00وطبعاماابين له اني اعرف واحسسه اني مقدره ضروفه وهيك00بس ودي اعرف
ليش احيانا يخبي هل هوحرص بس اوعدم ثقةلانه احيانايقول انتي طلباتك كثيرةوحاولت اقنعه يعطيني مصروف شهري بس لايزال رافض
ويقول انامومقصرمع انه يقصراحيانا ام هناك اسباب اخرى00
2-كلامه الحلووالرومانسي معدوم على الرغم اني احسه يحبني من خلال تصرفاته00وانامااطلب هالشئ مرةولايهمني لكن احيانااتسائل هل
هالجموودطبيعته ومالهاحل اوانه صدق مايحبني لدرجه تخليه ينطق00بس الشي اللي يقهرني شوي ان اكثركلمةمدح وتقديرعنده الله يعطيكي
العافيةمهماسويت00وان سالته رايه في اي شي حلويتريق اقوم امدح انا00 وانامغرقته مدح وغزل وهذي طبيعتي مع الكل هل
المبالغةموكويسه مع اني احب كذا00وهل يتضايق الشرقي لمايسمعني اكلم احدوادلعه لانني احس نظراته ماهي مريحه بس مافهمت هل
هويغاراويحسها مياعه وهيك
3-ان كنت بعيدةعنه واتواصل معه على الجوال مايعطيني اخباره اول باول وكثيييريخبي واحيانايطول مايكلم والاغلب احسه واحدثاني
يصيركتووم ومومهتم واناماعرفش ليه داكله
* في اوقات صمته هل تحاولين التحدث معه لأخراجه من حالة صمته ؟
اذكري الطريقه ؟ ام تقابلين صمته بصمت ..؟
على حسب سبب الصمت ان كان موضوع حساس بالنسبةله اهله اوعمله اواي مشكلة كبيرة مااتكلم ابداواحسسه باهتمامي بنظراتي بس
وابعدالاولادعنه واحضرله مشروب ساخن واجلس اصب له ولي وانشغل باي شي بس اجلس معه عشان يحس اني مهتمه واخليه الى ان يتكلم
من نفسه
اما ان كان سبب صمته شي بسيط اساله اواعطيه رايي باختصاربدون مااساله واقرب منه وامازحه واهون عليه
اماان كان صامت من غيرسبب اخليييييييييييه على رااااحته الى ان يررووووق ويدور علي هو00
* عند محاولة اخراجه من صمته هل يتجاوب معك ويتحدث باريحيه ؟
ام ان ردوده مختصره ؟
ايضاعلى حسب00بس عادة يتكلم معي باريحية ويفضفض لي
* ماهي ردة فعلك عندما لايتجاوب معك بالشكل المطلوب هل تنزعجين وتغضبين وتظهري له ذلك ؟ ام تنسحبين بهدووء ؟
ان حسيته متعمداومطنش اقول خلاص انت موفاضي اللحين ولماتفضى راح نتكلم واتكلم بجدية وثقة وهدوءعشان مااحسسه اني تاثرت
اما ان كان متوترانسحب بهدوءواصلااحاول اوفرله جوهادي
* هل تعتبرين صمته معك وعدم اخبارك بما يحدث له من مستجدات
اهانه لك وتقليل من قدرك ؟
لا00انااقدس الخصوصيةحتى بين الازواج00طبعاماتكون في غلط00ومثل مااناعندي اسرارمااحبه يعرفهاهومثلي00اهم شي يكون فيه ثقة00
ودايماادورعلى مبرر00
* هل ياخذ رايك ويستشيرك في اغلب امووره ام انه يتخذ قرارته بعيدا عنك ؟
.يستشيرني واعطيه رايي وان كان الموضوع يهمني مرررة احاول بطريقة غيرمباشرة اللين ينفذاللي ابغى
واحسسه انهافكرته وانه مبدع وذكي وطبعامااحسسه باهتمامي00
.
.

 

[ياسمينه بيضا]

حبي ميدو
لووووووووووووووووووووووووووووووولي<<<زغرووطه
الف الف الف الف مبرووووك عروستنا
الله يوفقك انتي وميدو ويهنيكم00يارب
ويالله عادورينامواهبك وشطارتك في الشرقي00
يارب تمم لها على خيرواسعدهاوسخرلهاوابعدعنهاكل عين حاسده وكل عيال وبنات الحرام وارزقهاالذريةالصالحة00اللهم امييين:a200::c011::c018::a194:​