زوجي عزم يتزوج علي وش الحل

[ف.س]

مدري وشلون ابدأ وأحكي لكم ..

انا متزوجه من 10 سنوات تزوجت صغيرة 17 سنه حبيت زوجي جدا هو كل شي بحياتي
طيوب وخدوم وحنون ماعمري شكيت منه مره
اليوم وبعد عشر سنين عشرة جاي ويقولي يبي يتزوج علي انصدمت
بكيت طحت على الارض

وهو حن علي وجلس جنبي يحضني مع كل الحزن بعينه الا انه عازم يتزوج
رحت بيت اهلي رافضه الفكرة طبعا
جلست اسبوعين خلالها كل يوم يزورنااا ويبي يشوفني وزعلان ومتأثر وهذا كله وبعد يبي يتزوج
قالي ابي ارضيكي بعمارة وسيارة بأسمك قلت له مايرضيني الا أنت
والفكرة مزروعه بمخه
يقول يبي زوجه ثانيه بتجنن ليه مدري
المهم بعد نصح الجميع وأستخارتي رجعت البيت انا وأولادي نسيت اقلكم عندي 3 اطفال
وهم احد أسباب رجوعي
طبعا التعامل متغير مليون بالميه مكدس نفسه بلبيت ومومصدق اني رجعت وماأقول ابي الا يقول تم ..
وفهمتة اني ابد موب راضيه عن زواجه
يقول انه خطب اخت صاحبه وهم وافقوووو وينتظرون اهله
وللحين محد رايحن معه بس يقولون يبون ينتظرون لين بعد الأختبارات تخلص وامه بتروح معه
ابي شروكم تعبت ماأكل وماأنام زين مومصدقه انه بيروح لغيري
بموت قهر المشكله مادري وشلون اتصرف معه اعامله زين مثل قبل ولاأزعل وانام بروحي
الموضوع له شهرين وللحين ماصار شي لاملكه ولاموعد بس خطوبه وموافقه من البنت
ابي نصحية خبيرات مملكة بلقيس
لاتبخلون علي

 

[براءه طفوله]

الله يكووون بعووونك ويصرفه عن هالزواج .. آااااميييين

 

[غيوم4]

الله يعينك اختي ادعي ربك يسهل طريقك واقري في منتدى بلقيس وقسم الاستشارات مواضيع اللي زوجها متزوج عليها ، الله يردلك زوجك رد جميل وبرد على قلبك

 

[يافعيه]

ادعيله ان ربي يصرف عنه الفكره هذا والله يسخره لك

 

[حنين األصمت]

الله يرده لك ردا جميلا
اطرقي باب الدعاء مافي ارحم من ربي عليك
ان شاء الله البنات بيفدوكي
دمتي بخير

 

[استغفرالله@]

الله يصبرك يارب ويصرفه عن هالزواج واذا مصمل خليه يكتب لك شي لانه عرض عليك لاتضيعين الفرصه لان بعض الازواج يتغيرون بعد الزواج وربي يسخره لك ويربط ع قلبك

 

[حيرتني واحترت]

ان شاء الله مايتزوج عليك يارب وادعي واستغفري

 

[دانة الشام]

بما أن الموضوع لم يخرج لحيز التنفيذ ابقي ببيتك وأعلني استمرار رفضك.. إن شعرتي أن زوجك بدأ يتحرك ليصبح الأمر جدي فورا أعلني له أنك بمجرد أن يخطب ستتركي البيت والاولاد ليربيهم هو والزوجة الجديدة..قولي له من حقي أن اختار حريتي وأسير في طريق جديد كما سرت أنت في طريق آخر ..مثلما هو من حقك فهذا حقي أيضا.. الغاية أن يشعر أن حياته ستنقلب رأسا على عقب إن بقي مصمما على قراره,,وأعتقد أن صديق زوجك هو من عرض أخته عليه وأن زوجك شعر بالاحراج من أن يرفض فهو يريد أن يثبت أنه قادر على فتح بيتين والزواج باثنتين.. لكن لاتيأسي استمري برفضك بشتى الطرق.. وادعي ربك في قيام الليل أن لايكون لزوجك في الدنيا من حظ مع امرأة سواك.. ربي يطمّن بالك ويختار لك الخير كله.

 

[ام ولد]

ياحي ياقيوم رد زوجي اختي بالله ف.س اليها ردا جميلا وجعله قرت لعينها

ااااااااااااااااااااامين


اختي ماحاولتي تعرفين الاسباب منه؟؟؟؟​

 

[الاميرة الناعسة]

خليه يكتب باسمك اللي اعطاك
واللي كاتبه الله بيصير عارضتي والا لا
اغتنمي الفرصه
وعساه يارب كسبتي عرضه وزوجك للك لحالك
بس نصيحه لاتتركين بيتك دامه طيب ويحبك ماتدرين لو يصير لك احسن من اول بعد زواجه
ويحس بقيمتك
الله يفرج همك

 

[رندا كووول]

عليك عزيزتي بالاستغفار بنية ان يصرفه عن فكرة الزواج
والله قادر على ذلك
وايضا خليه يكتبلك شيئ من املاكه لاترفضي بل تمسكي بهذا الشرط
واسأل الله ان يربط على قلبك

 

[مكرووونه]

والله انا كمان خايفة من اصحابو هذا مشكلت الاصحاب صارت العزايم حتى على البنات الله يفرج همك -اذا شفتي الموضوع ملزم فية امني لنفسك وخلية يكتبلك شي باسمك اذا ما كتبلك هذا الوقت بعدين بعد الزواج مستحل يعطيكي بعدين بيقول لازم العدل وما ادري ايش -بس لا تطلبي شي الان شوفي لين يملك

 

[ف.س]

الله يعطيكم العافيه مشكورة على دعواتكم الصادقه..
والله دمعت عيني من تفاعلكم معايا..

امين الله يسمع منكم ويخليه لي يارب لأنه فعلا زوج مايتعوض ولو تاخذه غيري تبي تكسبه
وانا ماراح اكون مثل قبل ولاراح اتفاعل معه كزوجه ولاحبيبه نفسيتي اتوقع وقتها ماتسمح ابد

 

[ف.س]

ياحي ياقيوم رد زوجي اختي بالله ف.س اليها ردا جميلا وجعله قرت لعينها

ااااااااااااااااااااامين


اختي ماحاولتي تعرفين الاسباب منه؟؟؟؟​

والله ياأختي الفاضله حاولت اتكلم معه بكل عقلانيه وقلتله قولي اهم شي تصارحني
هو يقول مافي اسباب غير اني بغير وأعدد
الكلمه تذبح لأني احب اكون متجدده بعينه دايم من ذكرى زواج لمناسبات في أكل في لبس كل ماتذكر الي كنت اسويه ومابين بعينه اموت مليون مره
الله يرده لي ردآ جميلآ

اللهم لاآضام وانت حسبي ولا أفتقر وأنت ربي

انتظر اقتراحات وافكار أكثر

 

[النعوووومه]

حبيبتي ترى الرجال مو مستاهل تسوين بنفسك كذا
خليه يكتبلك العماره والسياره بأسمك
طنشيه وخليه يتزوج .. انا عارفه ان الموضوع صعب عليك
بس دام مارآعى مشاعرك لا يهمك ان رآح والا جاء

اعذريني على كلامي وربي اني مقهوووره من كل الرجاااال

 

[مقاطع فرح]

شوفي ياقلبي خليه يكتبلك اي شي عشان تستفيدي منه
واذا عزم مررره قوليله انا بروح بيت اهلي والف من يتمناني
وعيالي هديه مني لك انت وزوجتك ربوهم
وحاولي انك ماتضعفي وانتي تقولي هالكلام
خليك قويه بس في هذي اللحظه عشان يعرف ان وراه مسوؤليه قويييييييييييه

 

[مقاطع فرح]

ف.س
قولي امين
الله يصرفه عن هالزواج من قلب وبقنااااااااعه
عساه مايشوف غيرك ومايقدر يبعد عنك ابد
بناااااااات قولوا امين

 

[ـأخت ـأخوها]

لححححححظة ><
فهمت من كلامك انه متعلق فيك الله يسخره لك
ومايبي يخسرك وكذا كأنهـ مجبور
يأختي لايكون فعلآ مجبور وحدة لآفة عليه استغفر الله ماحط بذمتي شئ
بس الرجال يحبك فعلآ لآ تنسحبين من حياته بسهوله
يأختي يمكن طيش بيجدد على قولته وبكرة يرجعلك لآتتركينه لها ابدأ
ترى شفت كذير رجال كذا شهر ويمل ويرجع لزوجتة
وان شاءالله مايآخذها بس اقولك عن الوضع
وخليه يكتب لك اللي يكتبه
وصلي دايمآ و ادعي واستغفري

 

[مدمنة صبر]

وين توكلك على الله .. وين دعائك وين صلاة استخاره في زواج زوجك

صدقيني الامر كله بيد الله واحنا مساكين مافينا الا انا الفضفضه والضيق

الحين روحي صلي ركعتين استخاره صدقيني اذا ربي ما كتب مستحيل يتزوج لو خطب ملييييييون وحده ..

ادعي توكلي على الله

الله يسخره لك ويصرف عنه الزواج

 

[مدمنة صبر]

ونسيت وافقي على ان تكوون العماره بااسمك والسياره لو عززم على الزواج صدقيني هذه فرصتك