ابغى اعرف ليييييييه؟

[عنيزاوية2010]

السلام عليكم ورحمة الله وبركاته
صبحكم/مساكم الله بالخير
انا فتاة متزوجة من 8سنوات تقريبا وعندي ولد عمره 7سنوات وعلاقتي مع زوجي جيده وحالتنا الماديه متوسطه،
مشكلتي ان زوجي من يوم تزوجته مايحب يطلع معي اي مكان عشان نتمشى واذا ابغى اطلع معاه اقعد اسابيع عشان يرضى يوديني ومايرضى الا بعد مشاكل وزعل واذا طلعنا يكون متضايق ومستعجل يسد نفسي من الطلعه ولا
مره طلعني نتعشى في مطعم وولا مره قالي تعالي نتمشى طبعا شهر عسل الى الان مافيه ولاسفر ولاحتى وداني اسوي عمره ولما اساله ليش يجيب لي اسباب غير مقنعه اويوعدني ولايوفي بوعده،لكن لما يكون مع اصحابه يتعشى معهم في احسن المطاعم ويطلع معاهم البر مايجي الا الفجر ،وهذا الشي قاهرني ومحسسني بالنقص وبانفجر شوفوا لي حل.مشكورين















عمره قالي تعالي نتعشى برا (ولا مره تعشينا في مطعم

 

[محرومه من؟]

الله يعينك ان شاء الله وماادري ايش اقولك بس حاولي تفهميه انك متضايقه من هذا الموضوع وحدديلك يوم تطلعون فيه بالاسبوع وقوليله انا هذا حق من حقوقك انك تطلعين وتتمشين وتجلسون مع بعض والله يوفقك

 

[ريحة حنه]

الله يكون في عونك يارب عليكي بالدعاء وكثرة الاستغفار وشوفي النتيجه

 

[*أم علاوي*]

نفس الحاله

 

[شمسة بنت شماس]

لا تشكيلي وابكيلك
يارب سخر لنا ازواجنا واهديهم يا ارحم الراحمين

 

[عنيزاوية2010]

الله يجزاكم خير بس انا حاولت ولافي فايده واعتقد اني مااطلب مستحيل كل الي ابيه مشوار نستانس فيه هل هذا طلب مستحيل التحقيق والله صرت افكر ان العله فيني .

 

[الحمامه المسالم]

اهلا وسهلا

الانماط عليك بها ماجاب راس زوجي الا هي كان كثير اشياء مانعني منها والحين الحمد لله

 

[ام فيصل2222]

الله يعينك بس حاولي لالالالالاتيأسين وتجيك علة حددي له يوم يكون لك يمشيك ويوسع صدرك اعاني مثلك نوعا ما لكن دايم اقول لزوجي لازم تطلعني نهايه الاسبوع لو ماله خلق او مايسولف بكيفه اهم شئ اطلع لاني بعيدة عن اهلي واموت من ضيقة الصدر نهاية الاسبوع الله يفرج لنا

 

[بنت نجد الحبوبه]

مالك الاتصبرين الله يعينك نفس مشكلتك والله

 

[سموالذوق]

كلنا في الهوى سوا الله يفرجها اكيد زوجك شمالي

 

[عنيزاوية2010]

مشكورات على الدعم ،انا قريت الانماط ولقيت فيه صفات متساويه من الشمالي والجنوبي وبحاول معاه مع اني غاسله يدي منه.

 

[تشكرات]

قـــد يكــون زوجك يحبّك ويحتـرمك ...ولكنه مشغـــول عنك

بأصدقـاؤه وسهــراته ....

أذن ...أنت أيضآ اشغلي نفسك عنه بصديقاتك وسهراتك ..

زوجك حين يراك مشغـــوله عنه ( يبدأ يعصّب ويزعل ويمكن

يغــار عليك ..لأنك أهتميتي بصديقاتك بدلآ منه ....

وعنــدها ( ألعبي لعبتك ) علــيه وأدخلي له من نفس الباب الذي

دخل منه ....وقولي له ( حالي كحالك ) ...

أم تريدنــي انتظرك كلّ يوم وأترقّــــب عودتك ؟؟؟

هكذا عامليه بالمثل .....ربي يهدي لك زوجك ويشرح لك صدرك .

 

[عساني فداكم]

طيب امانه عليكي اا بغيتي السوق مثلا يوديكي لو لوحدك يعني ينزلك وقضين اغراضك ويرجع ياخذك واذا حبيتي تروحي مع احد مايمانع خلاص ياعسوله ووين المشكله انه هو ماينزل معك عادي واحسلك بعد انتي مشغوله تقزين البضاعه وهو مشغووول يقز البنات اما بالنسبه للمطعم والطلعه معاك حق بس هونيها وولدك كبير ماشاء الله خليه هو الي يطلب ماراح يرده ان شاء الله

 

[نوف بشوف]

اي والله ربي يعينك عليك بدعاء

 

[سوسو15]

انتي حاولي تعرفين شنو اللي يخليه ينبسط مع اصحابه مثلا لعب الورقه او طلعات البر يعني شوفي ميوله وهواياته ولما تبغين تخرجون قولي له ابغى المكان اللي يريحك يمكن الاماكن اللي ترحين لها ما يحبها
والله يسخركم لبعض ويصلح فيما بينكم

 

[قمر بعيونه]

الله يعين عليهم

 

[معاداحبك]

الله يكون بعونك
ودي افيدك بس الحال من بعضه
على قولة القايل التم المتعوس على خايب الرجاء

 

[الحيا طبعي]

شوفي نمطه وعامليه من خلاله
اكثري من الاستغفار​

 

[دعج الاعيان]

الله يعينك ويصبرك حاولي مع الانماط والله يهديه لك

 

[ذبحني هواااه]

بالضبط نفس الحاله ربك يعين ان شاء الله.​