هل تقدرين روتين زوجك وتحترمينه .. أم تظهرين له ضجرك
ومللك منه ؟
اغلب الاحيان اقدر واحترم روتينه وطبعه ,, بس يجيني اوقااات خلااص اطفش وابين له اني ودي نغير جو والروتين ,,
* هل تحافظين على ترتيب أغراضه كما يحب ؟
يب ,, وهو اصلا معطيني الحريه في ترتيب اغراضه الحمد لله ,, بس يعطيني رايه ,,سوا اعجبه او لا ,,واتقبل رايه عاادي ..
* عندما تقومين بإعداد وجبه جديده .. أو تغير اللوك الخاص بك ..
أو تغيير أماكن الاثاث .. كيف تكون ردة فعله ؟
بالنسبة للاكل ينبسط اذا سويت اكلة جديدة ويعطيني رايه انه عجبته او لا ,, طبعا بعد سؤالي ,, والا هو يسكت ,, مايعلق الا نادرا ..
اما بالنسبة للوك ,, سوا ملابسي والا مكياجي ,, اعرف اذا كان عاجبه او لا ,, يبان من وجهه ,, واذا سالته علق ,, او يسكت .,
اما بالنسبة لتغير الاثاث ,, اغير من فتره لفتره في اماكنها ,, الاحظ انه ينتبه لتغيرها ويعلق ,, بس مو داايم ..
يعني اجمالا هو صاامت بس اذا عجبه الشي يبان في وجهه ويعلق بس موكثييير , واذا ماعجبه سكت واحيانا ابدى رايه ,,
* أردت الخروج لنزهة ما .. كيف تدفعينه للخروج ؟
اختار الوقت المناسب انه مايكون توة راجع من الدوام او تعبان او عنده مباراة مهمه وهذي متعبتني معااه عشقه الكوورره , وبرامجها من تحليل وغيره ,, شررقي متعصب لها بقووه ..ولازم قبل مااطلع اتمشى اكون مخبرته قبلها بايام اني ابي اروح اتمشى * في حال رفض الخروج معك .. كيف تتصرفين حيال ذلك ؟
اقولة ليش وش السبب ,, اذا كان سبب مقنع جلست ,, واذا لا ,, قلتله انا طفشانه انت تروج للدوام وتشوف العالم وانا جالسه بالببيت ماعندي احد اكلمه واذا رجعت من الدوام تنام واجلس لحالي ,, مليت من النت وماعندي شي انظفه انشغل فيه ,, فااضيه .. احيانا يقولي يصير خير ,, واحيانا يقولي يوم ثاني ان شاء الله ,,
* أنت مدعوّه لمناسبة ما أو تودين القيام بزياره وتعلمين بتردده ورفضه مسبقاً.. كيف تخبرينه برغبتك بالذهاب ؟
والله اعرف السبب ليش ,, واقوله الناس مقدريني ومناديني لازم اروح ,, وبعدين اغير جو واشوف العالم ,, قاعده في البيت بين اربع جدران ..ابي اروح اوسع صدري ..انت لما تروح البر وتسهر مااردك وافرح ابيك تنبسط واروح انام عند اهلي ,, ماعمري رفضت انك تروح وتكشت ,, احيانا يرحمني ويوافق واحيانا ,, لا ,, وخلااص ..
*هل استطعتي اضفاء بعض التغيرات على حياتكما وتغيير بعض العادات ..
كيف استطعتي ذلك ؟
اول كان ينظر للماركات على انها تفاهه وغاليه ,,وانا كنت اشتريها واقوله سعرها كان يقول غالي بس اقوله الغالي سعره فيه وهذي اسعار السوق وكان يروح معي ويشوف الاسعار كيف والبضاعه كيف ,, الحين هو بنفسه صار يشتري لنفسه غالي وماركه ,,
بشكل عام هو ماكان يهتم بالمظااهر كثيير ويتعبني ,, بس الحين الحمد لله صاار يهتم لنفسه ويشتري ,,
* كيف يراك زوجك .. مرحه وبشووشه يسعد بصحبتك .. ام ماذا ؟
والله مدري عنه ,, تصدقين لي 5 سنوات ,, ومافهمته صحيح ,, بس اذا سالته قال تزعلين بسرعه ..اذا قلتله اوسع الصدر انا يقول ايه بس احسها تسكيته ,,
* هل تقومين ببعض المقالب الخفيفه والمفاجآت وتقدمين له الهدايا
بطرق مميزه وغريبه ؟ اذكري لنا امثله ؟
يس ,, في البدايه كنت الحين اسوي بس من فتره لفتره مثلا ..مره جاي من الدوام واتخبيت ورا الباب وبعدين طلعتله ,,
مره حطيت له هديه ساعه مغلفتها على الكنبه اللي يجلس عليها لما شافها فررح .. وقال ايش الحركاات ,,
مره سويت له ليله حمرا في الصاله مرره انبسط فيها ,,
مرة راجعه من السوق وقاعده اافرجه ملابسي اللي شريتها ولما خلصت ورجعت الملابس في الكيس .. طلعت له عطر هديه وقلتله مانسيتك مرره انبسط ,,
