واثقة انتي وعشوق والله حيرتوني
المشكلة أنا وأبوها شماليين شرقيين يعني حذرين جدا ونخاف عليهم من الهواء الطاير
اخوها اكبر منها بسنة وعنده ايميل وجهاز خاص ويكلم اصحابه مسن ومعطينه مساحة وثقة
مع مراقبة وحرص والله خير حافظ
وبنتي كمان عندها محمول لكن ماعندها لا ايميل ولا اسمح لها بالمسن ابدا
ولا عندها جوال تستخدم جوالي او الثابت وبحدود كمان
المحمول تصمم عليه تصاميم فوتوشوب تكتب فيه واجباتها تحتفظ فيه بصور والعاب وكذا
اذا احتاجت النت نكون مع بعض واحيان اسمح لها بتصفح مواقع بناتية واهتمامات بناتية
لكن في الصالة قدام الكل
والله اولادي دارسين في مدارس تحفيظ وخاتمين القرآن بفضل الله واحسهم قلوبهم طاهرة ماودي اخربهم
زدتوا حيرتوني اخواتي من جهة والمجتمع من جهة وخوفي عليها وخوف ابوها من جهة
نصوحة عجابة ليلكية وش رايكم
المعذرة لم اتنبــــــــــــه لهذا الرد ..
اسمعي أختي كأني لمست توجسك من فتح باب مغلق ..
طيب مدام الحال كما ذكرتِ ولله الحمد , فإذا أنت ِ أصلا فاتحة باب الحوار مع بنتك ..
ومتأكدة أنها لو بنفسها شيء ما تخبيه عنك على طول تطلب مباشرة , فلا تستعجلين في فتح هذا المجال
إلا إن لمست منها طلب صريح ورغبة ..
لأنه ترى مو كل البنات مثل بعض نفسياتهم ..
في بنت لو شيء بسيط عند غيرها ومو عندها تشعر إنها محرومة وتبدأ تسقط اللوم على أسرتها
أنهم قاسيين وحارمينها من حريتها , ومهما أعطوها لن ترضى ,,
بس لازم نعرف إن مثل ما اصابع اليد مو وحدة , كمان حتى الناس مو مثل بعض
والله عز وجل أخبر أن الناس مختلفين , ممكن تكون بنتك من النوع القنوع ,
ولديها اهتمامات مختلفة عن الأغلبية اللي حولها ,
فاصبري حتى تتأكدي من صدق رغبتها وما تنطوي عليه نفسها ..
أما إن لمست ( رغبة ملحة ) تخفيها وأثر ذلك على نفسيتها افتحي لها المجال بمتابعة وحرص وحزم ..
والله لن يخسر أبناءنا شيئا لو لم يعلموا هذه المنافذ العنكبوتية إلا بعد ان يبلغوا تمام النضج والوعي ..
المهم أن يكون ذلك عن قناعة ,
لديهم ما ينبغي أن يركزوا عليه في عمرهم هذا ..
هم مازالوا في طور التنشأة , والدراسة والعلم , والجد , وبناء الذات , كل ذلك لو فكرنا بجدية
لن يبقي لهم من الوقت إلا القليل ليمضي في مناسبات عائلية , ولهو بريء , واهتمامات خاصة
بريئة ...
يسر الله أمور التربية , وهدانا لما فيه صلاحنا وصلاح أهلونا وأبناءنا
(( والله أعلم ))
