نقاشات النمــط الشمالي (الجزء الثاني )&&&&&&&&

[gazell]

بنات
متى تلتقون ؟ واي ساعه بالضبط

 

[يذبحهم غروري]

مرحبااا

حووريه حبيبتي انا ما اتصلت فيييه ..اتصل فيني من يومين بس التلفون كان في الحجره وانا كنت في المطبخ فما سمعته ..اتصل خمس مرااات ..يوم جفت اتصاااله مااتصلت عقب تقريبا ساااعه اتصل لي و عطيته نمبر بززي لان كنت قاعده مع بنت اخوووي فما حبيت ارد جدااامها و ابين لها ان احنا ما نكلم بعض ..المهم يووم مشت بنت اخووي اتصلت فيه عطاااني بززي سوويت التلفوون سايلنت و نمت وصار له الحين يومين ما اتصل ولا حتى انا اتصلت ..

الحين شسوووي اواصل جذي مطنشتنه و مااتصل ؟؟او اتصل ؟؟
واذا اتصل وقال لي شفيج متغيره وما تتصلين شقوول له ؟؟كل خووفي اني اصيييح اذا يييت اتكلم ..ماابي احسسه اني ضعيييفه واني كنت طول هالفتره افكر فيه و ميتته على اتصاااله ..​

 

[يذبحهم غروري]

جرحني حبيبي :طنش تعش تنتعش ..طنشييه ..بييي يركض وراااج ..
انا احياااانا اطنش الي عندي و يصير يتصل و يسأل ويهتم ..

طنشيييييه يوم يومين لييين ما يصير سيده معااج ..

بس انا صار لي جم يووم مطنششه شوشو بس ما سأل عني ..
بس والله مرتاااحه منه ..لان شااطر بس في الزف و الكلام الي يجرح ..

 

[الام الراضيه]

اهلا بيكم اخواتي انا معكم اليوم لاني اخيرا عرفت نمط زوجي الغالي وطلع شمالي بمعني الكلمه
والحمد لله كنت اتعامل معاه بعفويه مني وكانت كل تصرفاتي معاه صح الا اشياء بسيطه كطلباتي الشخصيه وامور تصليح البيت الي كنت اسويها بنفسي وما اشغله بيه
المهم هو الحين يشتغل بره وتاركني انا وعيالي لحالنا ونا تعبت من هذا الشي كيف اقنعه عشان اغير الوضع

 

[vdhq]

حورية

وش رايك في الشمالي اللي ماكلف ع نفسه وجاب لي هدية بمناسبة الراتبين ع الرغم انه جاب لولدي الكبير هدية واشترى لاخوه سيارة وانا ماجاب خبري .كل صاحباتي جابوا لهم ازواجهم
وانا لي فترة قاعدة معه بصمت ولا سألني ليش ساكته ورسمية .هو الحين مشغووووووول مرة بابحاث صعبة بس يوم الجمعه بيخلص السمستر ..باشوف هل بيتذكرني مع اني خايفة تكون الفلوس خلصت ولا نابني منها شي .ايش رأيك استمر زعلانه؟والا اروح بنفسي واشتري لي شئ معتبر ؟والا اكلمه .زوجي ماعمره جاب لي هدية من نفسة حتى لو بمناسبة الين انا اطلبه أو المح له اني جايبة له هدية يقوم هو يجيب لي
انتظر والا اتصرف ؟؟ شوروا علي الله يسعدكم
زوجي شمالي شرقي كريم وطيب وحنون وحساس .بس متعود على عدم كثرة متطلباتي فكرمه قليل علي ..ودي يفكر فيني بدون ما اطلب

هذي استشارتي ياحورية

مع ان Lady Nada ما قصرت في اجابة لاستشارة سابقة

انا الان ابغى اعرف ايش المفرو ضاسوي

اشتريها بنفسي والا انتظره الين يفضى .. هو بكرة بيخلص ابحاثه

والا استمر زعلانة ورسمية مع انه ماكلف ع نفسه يعرف ايش فيني لانه مررررة مشغوول

بس مع اخوانه بالعكس يرسل لهم بدون حسااب

 

[أحساس امرأه]

مرحبا بنات من اللي زوجهااا شمالي غربي
ابي اتطمن أكثر

هلا gazell

اناشمالي غربي ااااااامري حبيبتي ..

كل جنوبيه تقرا هالرابط انتي المراه الحبوبة

http://www.niswh.com/vb/showthread.php?t=178935

 

[ام اياد*]

سلام

استشارة سريعة ياحورية

زوجي يبي يسجل في قسم السباحة يبغى يتعلم السباحة وانا ماودي بصراحة
لان القسم مختلط وبيكون البنات بالبكيني وماني متقبله الفكرة بالمرة بس يوم عرفت منه قلت ياهووه مين قدك بتتعلم السباحة سكت ماتكلم
الشغلة الثانية
هو بيتعالج علاج طبيعي وسألته مين اللي بيعالجك قصدي رجال والا حرمه قال مادري باقي ماكلموني واعطوني خبر

ابغى اوضح له واقوله انو اذا بتكون اللي تعالجه حرمة يغير ويتعالج عند رجال
هو احسه عادي عنده مع العلم انه شهريا يروح يحلق عند حرمة فماودي الحين تعالجه حرمه

كيف اكلمه ويتقبل كلامي ولايزعل ويزعلني ياليت تردين علي ضوروي لاني لما سالته مين اللي بيعالجك قال اللي يعين الحين تنشبين فيني زي اللزقه

 

[First love]

مساااااااااكم ورررررررد

 

[First love]

سبحانك اللهم وبحمدك

 

[بووسي]

بنات كيفكم يا حلويين

لكم سلام خاص من شخصية خاصة

والسلام امانة وانا وصلته لكم

 

[vdhq]

عرفنا منهي الشخصية الخاصة

الله يسلمك ويسلمها

اشتقنا لها والله

 

[انوووشا]

هلا حبيباتي كيفكم عساكم بخير انا حيل متضايقه وحالتي حاله
من الشوشو ومن نفسي نفسيتي مره مره تعبانه من الحمل وقاعده بين اربع
جدران 24\24 والله اعلم بحالي وحبيبي مدري وش فيه من اكثر من سنه واهوا
متغير 180 درجه ومني عارفه السبب وطول اليوم برا البيت بس يجي ياكل وينام
واحسه مايتحمل يجلس بالبيت ولا ثانيه وهالشي كثير مزعجني
ولا ادري ايش اسوي والله اعلم بالي بقلبي من الظيقه الحمد لله على كل حال
حتى لمن اكلمه عن الي ببطني ما يعطيني ايت اهتمام ولامجامله يعني كم مره قلتله
تعال امسك بطني مره مبين قالي لا وانا ما ابغى وخلي عنك السخافات قلتله
لو بتجي مابخليك تمسكه واليوم اول مره يتحرك النونو وقلتله قام قاله كلمتين
قلتله ما اسمعك قال ولاشي يعمي كلام مثل العاده
بديت اشك انه مو فرحان بالحمل واحنا لنا فتره نستناه وهاذا اول حمل لي
يعني الفروض يكون متحمس لو شوي لاي شي جديد
من حملت ما اسمع منه الى كل الحريم يحملن مو بس انتي وانا ما قد شكيتله اي شي
الا كم مره يكون معي نزيف والله ما كان كذا مدري ايش غيره
بس ما اقول الى الشكوى لله والله يعطيني على قد نيتي ويرزقني السعاده ويهديلي زوجي ويرجعه زي اول

 

[بووسي]

Vdhq

ربي يسلمك يارب

ويجمعنا جميعا على الخير

 

[ام اياد*]

انوشا حبيبة قلبي
الف مبروك على الحمل والله يهونها عليك
وعلى طاري الشوشو عندي وعندك خير
صح اللي عندي 24 ساعة بالبيت عندي لكن وجوده مثل عدمه مرات ماحس انه معانا من كثر ماهو حابس نفسه في الغرفة على اللاب

حاولي ترفهين عن نفسك نفسيتك لاتتعب وهدا اول حمل لك

ان شاءالله البنات يفيدونك



حووورية ردي على استفساري

 

[vdhq]

حورية وينك ؟

شكلك مسافرة هالاجازة

 

[حورية البحار]

اهلييييييييييييييييييين بنات السلام عليكم ورحمة الله و بركاته


بنات تعرفوني انا الخميس و الجمعه و السبت عند زوجي و هناك ما عندي نت فاعذرووني اذا مارديت على استفساراتكم

عندي رسايل خاصه <<برد عليها


و فيه مشاكل قبل مارديت عليها <<<برد عليها

و بعدين راح ارد على الصفحات الاخيره فاعذروني شوي لو تاخرت في الرد


و عندي شوي ظروف هنا بلييز قدرووني شوي اوك بنات ولاتستعجلون ؟؟؟

 

[حورية البحار]

اختى حورية البحار انا اول مرة اشارك معكم فى المنتدى واحب اخد رايك فى موضوع كتير شاغلنى انا زوجى شمالى بشعر الحمد لله انه اهم شيء عنده الاو لاد و انا هو بصراحة عمره م بيصرح لى بكلام حب الا يمكن مرة كل زمن و لكن بحسها من تعامله معايا المشكلة انه دايما بتجيله رنات كتير من ستات هو بصراحة مش بيرد عليهم و هو فى البيت لكن عند خروجه بيرد و انا اتأكدت من كدة من خلال متابعتى لموبايله و كان حدث مشكلة من فترة بينا بسبب انى شفت رسايل على الموبايل نرفذتنى و كان باعتها لواحدة وواجهته بيها لكنه اقسملى انها مجرد دعابة و ان هه المرأة تعرف ايضا انها دعابة و انها متزوجة و اطفالها كبار وان انا كده بظلمه بشكى فيه لانى اعرف انه يكره الظلم ولا يمكن يظلمنى و الصفة ديه فعلا موجودة فيه و ايضا من صفاته انه لا يكذب و الشىء اللى بيجننى الفترة ديه كثرة مكالماته للستات دول خارج البيت يا ترى تنصحينى بايه اتمنى ردك على

يااااااحبيبتي عيشي حياتك ولاترقبيه شوو يسوي و الا منو عنده من البنات فيه عندنا رب يحاسب كل عبد من عباده لاتحرقي اعصابه وهووو عايش في الهوى و يكلم حريم ؟؟؟....؛

لاتعبي نفسك و تفتشين وراه و تقعدي تساليه منو هذي و منو و منووو انا زوجي كل ماجه اتصال يطلع برع يتكلم اي اتصال حتى لو من اخوه ؟؟

<<بس انا طااااااااااااااااااااااااف ما اسوي له و سالفه و لا اقول له ليش تطلع و منووو تكلم ؟؟

يااحبيبتي احنا اللي علينا نسويه نقرا و نتثقف و نطبق وهم و لاعلى بالهم يسوا اللي براسهم يبون يغازلوون و كان في راسهم مهما سويتي لهم بيسوون اللي يبونه ؟؟

شوو برايك تروحي و تبكين له وتقولين بلييز و انت حبيبي و ليش تكلم و ليش و ليش << و تجلسين تعاتبينه

<<<في رايك راح يقول خلاص اوعدك ماراح اكلم حد ؟؟؟

و الا لما تهددينه و تقولين اذا اغازلت و الا كلمت ترى بسويلك كذا و كذاا

<<في رايك بيقول انا غلطان <<طبعاا لا بيقوول انا ما سويت شيء و انا احبك و انا و انا ؟؟؟


فعطييييييه طاااااااااااااااف و اكبر طااااااااااااااااااف و طنشييييه يااحلوه :17:

 

[حورية البحار]

إحسااااس مااينداااس وحورية البحر.. هلبنوووني .. الشمالي الغالي كان عسل أمس على قلبي.. بس عقب مارجع فالليل من سهرته تغير علي أعرفه يوم يكون زعلان .. يتم على االتيلفون حتى مب قاااااادر يطل فويهي او يبتسم بسمه .. ماسويتله شي ماااعرف اطنشه والا اسأله والا شسوي ؟؟ >_<​

لاتسوين شيء كانك ماتشوفين ويهه ؟؟؟؟

لانج لو سالتيه مابيقوولج اللي في خاطره <<الا اذا انتو علاقتكم وااايد قويه و يقولج كل اسراره و كل اللي ياضايقه عادي اساليه ؟؟

اما لو موو متعود يقوولج اللي في خاطره لاتكلميييينه ابدااااااااا ؟؟؟...........؛ لانه رااح يطنشك و يسكت و مابيرد عليكي


طنشي:26:

 

[حورية البحار]

حورية

وش رايك في الشمالي اللي ماكلف ع نفسه وجاب لي هدية بمناسبة الراتبين ع الرغم انه جاب لولدي الكبير هدية واشترى لاخوه سيارة وانا ماجاب خبري .كل صاحباتي جابوا لهم ازواجهم
وانا لي فترة قاعدة معه بصمت ولا سألني ليش ساكته ورسمية .هو الحين مشغووووووول مرة بابحاث صعبة بس يوم الجمعه بيخلص السمستر ..باشوف هل بيتذكرني مع اني خايفة تكون الفلوس خلصت ولا نابني منها شي .ايش رأيك استمر زعلانه؟والا اروح بنفسي واشتري لي شئ معتبر ؟والا اكلمه .زوجي ماعمره جاب لي هدية من نفسة حتى لو بمناسبة الين انا اطلبه أو المح له اني جايبة له هدية يقوم هو يجيب لي
انتظر والا اتصرف ؟؟ شوروا علي الله يسعدكم
زوجي شمالي شرقي كريم وطيب وحنون وحساس .بس متعود على عدم كثرة متطلباتي فكرمه قليل علي ..ودي يفكر فيني بدون ما اطلب

قووولي وداني ابغي اشتري لي هديه بمناسبة الراتبين و انا قلت لك بس شكلك تحيرت ماعرفت شنوو ذووقي و شنوو ابي

ان قال لاااااااااااااا

قووولي بليييز الله يخليك من زمان ودي بفستان بس ماكنت اقوولك اراعي ظرووفك و الحين ودي اشتريه الله يخليك لاتردني

يعني انتي اطلبيه و انتي ادرى اكثر بالطريقه اللي تناسب زوجك علشان يوافق


بس لاتتنتظرين منه يجيب لك هديه انتي اطلبيها و الاحسن انتي تروحين تختارينها يااعسل

و ان شاء الله يوافق ويجيب لك اللي تبين :20:

 

[حورية البحار]

صبااح الخير يااحبايب ...

والله اني سهرانه ومتضاايقه حدي من هالشماالي ....مايعجبه العجب ولا صيام برجب


دعواتكم لي ...الله يفرج علي كا هم وحزن ويسخره لي

ااي و الله و انتي الصادقه بس طنشي خخخخخخخخخخخ

اقولك سالفه

زوجي يقوول بيسوي رجيم قلت طيب قال ابي عشى ريجيم سويت له سلطه بالروب و حلووه مره

قال شنوو هذا عشى ؟؟ طبعاا بهدوء بيقول و هو منزل راسه خخخخ يعرفني مابيعجبني كلامه :4:

المهم سكت عنه قال كان ودي بمعكروونه و انا ساكته ماقلت شيء ظليت اكل السلطه كلها بنفسي و بعدها قال ابي كورن فليكس قلت له تعرف المطبخ وين ؟:30:

قال ابي كورن فليكس رحت و جبته و انا ساكته قال ليش معصبه ؟؟ قلت افا عليك انا معصبه انا مسروره انك زوجي

قال قوولي الحمدلله خخخخ<<صدق نفسه

ويقوول كان ودي بمعكروونه يااربي و نا مقهووره منه

المهم هالاسبوع سويت له معكرونه و جبتها له اول مابدى ياكل قال وش ذا معكرونه بالتونه بس نفس الشيء منزل راسه

و ان ساكته و يقوول انا شلوون اتعشى معكرونه بالباشميل و بالتونه بعد ؟؟؟ و انا ساكته

وشوي يقول اهىء اهىء اهىء <<يتمسخر علي يعني اونه الحين ببكي خخخخ و انا ماتحملت خليت الاكل ورحت بكيت هههههههه :8:

و قطعت قلبه جى يقوول خلاص خلاص لاتبكي و يضحك هههههه

<<<انا مابكيت بس بكى دلع :17:

و شوي طلع و المهم طرشت مسج قلت انسان ماتحس وقلبك حجر بس الشهره علي انا اللي مسويه لك سالفه و عاطتنك وجه

طبعا الحبيب يضحك علي لما ازعل ههههههههه لحد ما اضحك و انسى الزعل خخخ

<<المهم اتصل و لارديت عليه

و اتصل على امي قال لها و حليلها بنتك كسرت خاطري انا رجال مايعجبني العجب سوت لي معكرونه و قلت لها موو حلوه و زعلت مني يااحليلها

هههههههه

و يظل يتصل و يرسل مسجات و انا طاااااااااااف و رحت بيت جدتي وشوي يتصل يقوول انا وحيد بالبيت تعالي عندي قلت ليش تبي عشى انا مابسوي لك عشى ؟؟؟

ضحك قال خخخخ ابي معكرونه بالتونه انا ما احس <<< و بس ضحكت عليه لما قال كذا

و الحين لما يقوول انتي ماتحسين اقووله ما ادري منو اللي مايحس يقووم منزل راسه مستحي خخخخ

<<فديت خشته الله يحفظه هع هع

بس يهبلوون و الله يجنوونكي لحد ماتطلع لك كشه كبيره هههههههههههه