تكفووون افيدوووني

[عطري دموعي]

السلام عليكم ورحمة الله وبركاته

انا عضوه جديده بالتسجيل ولكن لي مده اتابع المنتدى
بصراحه عندي مشكله بسيطه حابه استشيركم فيها
​

انا تزوجت وعمري 19سنه استمريت مع زوجي مدة سنتين وتوفى الله يرحمه وانا ما عندي اطفال

المشكله
ان بعد وفاته بحوالي 6 شهور خطبني (اخوه)اخو زوجي وهو اول مره يتزوج يعني مو متزوج من قبل انا انصدمت في البدايه بس اهلي كانو مشجعيني على الموضوع لأني انخطبت كذا مرة بس كانو للأسف متزوجين
فكرت في الموضوع كثثثثثير
الحين صار لي فتره 8 أو 9 شهور من الخطوبه, يعني تقريباً سنه وزياده على وفاة زوجي بس خايفة من الموضوع وزياده لأنه (ملتزم) وعمره تقريبا 28 وانا 21
انا وحده احب الملتزين واقدرهم واتمنى اتزوج واحد ملتزم عشان نعاون بعضنا على الخير
لكن لما جاء !!!!!
مدري كيف حسيت إنا ماراح نكون مبسوطين مع بعض لاني انا وحده صحيح الحمدلله اميل للالتزام بس مو كثير
واحس ان (((بـــعـــض))) الملتزمين فيهم نوع من الشده واخاف مااقدر ارضيه واسمع كلامه كله
واخاف يكون من النوع الجاد الي مافيه معاه مجال للرومانسيه !!!!
فلما افكر بالتزامه احس اني ماابيه وابي ارفض
بس لما ارجع افكر بالدنيا كيف انها زايله وفانيه
وماراح يبقى للواحد الا عمله الصالح احس انو باخذه بس عشان يعيني على الخير بس ماراح اكون مبسوطه معاه
احيانا اقول بالعكس الي مستقيم عمره كله ويخاف ربي بيكون مع زوجته احسن لانو مايشوف غيرها ويخاف ربه من الحرام وغيره !!!!

انا ااسفه اذا كان كلامي غبي وحوسه وضايق البعض بس من جد انا محتاااره ومو قصدي ترى اسئ للملتزمين بالعكس!!

ابغى من اهل الخبره يعطوني ارائهم
لاني احيانا احس ان مخاوفي سخيفه واحيانا احس بالعكس ان الموضوع صعب جدا
ياليت الي تعرف متزوجه من واحد ملتزم شديد شوي ومبسوطه تقولي عن تجربتها
الله يخليكم لاتبخلوون علي بتوجيهاتكم لاني مالقيت غيركم استشيره
اهلي يقولون هذا الي بتامنين على نفسك معاه لان اللي يخاف الله بيخافه فيك وماراح يظلمك
اخاف ارفضه واندم خصوصا لما اتذكر حديث سيد الخلق رسولنا محمد صلى الله عليه وسلم((من جائكم من ترضون دينه وخلقه فزوجووه الا تفعلوا تكن فتنة في الارض وفساد كبير))
واخاف اوافق عليه واندم اذا صار بينا اختلاف او ماانبسطت معاه

​

افيدوني​

 

[أم ميسوـوـو]

حبيبتي اسسستخيري

وربك يكتبلك الخيرره

الله يهدي سررك ويريح بالك ​

 

[عطري دموعي]

اختي أم مسيــوـوـو
يعطيك العافيه
على مرورك العطر
والف شكر لك على النصيحة الجميله

ودي

 

[عطري دموعي]

افيدوني
انتظركم على الاقل ارفعوه​

 

[مثايل الوفااااء]

ياعسل استخيري وربي يوفقج وملتزم ولا واحد ضايع اولا ثانيا احسن من تاخذين واحدمتزوج لاتفكرين انج مارح تعشين مبسوطه مع ملتزم وشكثر اعرف حريم متزوجين ملتزمين وعايشين حياتهم ومرتاحين توكلي على الله واستخيري

 

[نور القمرررر]

طيب كلميه ...
اتوقع هالشي مو حرام لانكم بنية زواج واتفاق
يعني ماراح استغفر الله تلعبون
حاولي مع اهلك انك تكلمينه وتصارحينه ...
احسن مادام انتو مابعد سويتو شي ....

الله يكتب لك الخير يارب

 

[جنوبيه50%]

أفاااااااااااااااااااا
الشيطان لاعب عليك حبيبتي
والله لو اكتب لك كيف انا عايشه مع الملتزم الشديد
كان املا صفحات المنتدى من المدح
اللهم لك الحمد يكفي انه مايخون لانه يخاف الله
وشوفي شلون مشاكل البنات اغلبها ظلم وخيانه
الله يوفقك يااختي

 

[الزوجة الصابرة]

اولا استخيري ومن قالك ان الملتزم ماعنده رومنسي موشرط انا اعرف ملتزم ومرة رومنسي وزوجي موملتزم ولا يعرف الرومنسية ويقولك كلام فاضي

 

[الزوجة الصابرة]

يقولي الرومنسية كلام فاضي

 

[الاميرة سنفورة]

بالعكي ياقلبي انا من عايلة محافظه وملتزمه واوقلك عن تجارب اقاربي وربي عايشين في جنه وان كان في شئ فهي بهارات الحياه لانو الدين ضابط للانسان ويكفي يخاف الله هاذي بالدنيا كولها
وفي بعض من اقاربي يا الزوجه اوالزوج مايكون ملتزم بس فيه خيييير كثيييير وطاير بزوجتوا وهيه طايره بزوجها
والله العظيم وربي شاهد على كلامي وربي عايشين عيشه ماشاء الله تبارك الله كأنهم عرسان جدد لاقوة الا بالله
مع ان عندهم اطفال ومرتاحيييين كثثثير ايش يبغى الزوج سواء كان ملتزم او غيروا غير زوجه تريحوا وتراعيه وتحترموا وتفهموا وتحبوا وتقدروا وكذا حتمشي السفينه لانو هو الربان وهيه اللي تعينوا وتوقف جنبوا وتشد
منو وتحتويه اهم شئ وربي ييسر لك الخير بالعكس حلوين الملتزمين وطيبين ومتفاهمين ويخافون الله في زوجاتهم
والملتزمه تخاف الله برضوا في زوجها استخيري ربي وربي ييسر لك امرك

 

[مزوح وتروح]

ياما ملتزمين >> اعرفهم شخصياً
مدلعين زوجاتهم آآآآآآآآآآآآآخر دلع ماشاء الله( ولهم سنين متزوجين وعيالهم في المدارس وهما ماتغير حالهم ) >> الله يهنيهم
توكلي على الله ولاتفكري كثير ........ الله يوفقك

 

[احترت في امري]

الله يوفقك والملتزم احسن مليون مره من غيره
وتقدرين انتي بذكاء الانثى ان تخلينه رومانسي ويمكن هو رومانسي وباله انه مع زوجته يبيكون خير الزوج لانه حلاله
اذا حبك يبخليك ملكه لا تخافين
الله يكتب لك مافيه خير وصالح ياقمر
لاتنسين الاستخاره فما خاب من استخار الله

 

[نضوج أنثى]

الإلتزام مو معيار لنجاح الزواج هالشي بين الإنسان وربه في ناس كثيرين يتظاهرون بالإلتزام وهم عكس كذا تماما والكل يفكرهم ملتزمين وفي ناس فعلا ملتزمين يعني هالشي سبحان الله بين الإنسان وربه ومع العشره والوقت تعرفين حقيقة الإنسان اللي تعيشين معه فإنتي لا تفكرين بهالطريقه ملتزم اقدر اتأقلم معاه أو مااقدر المسأله كلها توفيق من الله سبحانه وتعالى إنتي استخيري وادعي الله دايما قولي يارب اختار لي اللي فيه الخير لي وصلي صلاة الإستخاره كم مره وخذي وقتك في التفكير وفترة الملكه توضح لك بعض من اطباع الشخص وتتعرفين عليه اكثر وتقدري في الغالب تحكمي من خلالها اذا هالإنسان يناسبك أو لا

 

[عطري دموعي]

كلامكم حلو كثير وريحني كمان
بس فيه نقطه هي اللي مأثرة على قراري وانا كتبتها وما احد تكلم عنها اللي هي:

خطبني (اخوه)اخو زوجي وهو اول مره يتزوج يعني مو متزوج من قبل

 

[حبيبه زووجي]

حبيبتي المشاكل موجوده بكل زواج ولا تتوقعين ان اللي مو ملتزم زوجته مبسوطه عشانه مو ملتزم..!!
انا اتمنى زوجي يلتزم ع الاقل عشان يواظب ع صلاة المسجد ويغض البصر عن المحرمات..

بس اهم شي صلاة الاستخااااااااره
والله يكتب لك اللي فيه الخير (":

 

[هموسآ]

حبيبتي ماخطبك الا وهو له رغبه فيك واهله راضيين عليك وحابينك

سبحان الله يمكن ربنا يوفق مابينكم ماتدري

واذا عن انه ملتزم ترا عن تجارب كثييير اعرفهم ازواجهم ملتزمين ورومانسيين وحنونييين عااايشين بنعمة والحمدلله

وبالاول والاخير استخيري واذا ارتحتي توكلي على الله

الله يوفقك ويكتب لك الخير

 

[محبة مكة]

استخيري
وفي حديث اذا اتكم من ترضون دينه وخلقه فزوجوه
فيما معناه

 

[عطري دموعي]

يعطيكم العافيه على الردود الجميله
الله لا يحرمني منكم

 

[ورد من الألماس]

اختي ..
من كلامكـ حسستيني انكـ انسآنه عآقله ماشاء الله عليكـ ووآعيه وفآهمه ..
وبرضو انتي عآرفه وش رح تسوين ..
بس يبغآلكـ حد يطمنكـ ويريح قلبكـ ويبعد عنكـالوسآوس ..
تعوذب من ابليس ..
ماشاء الله كلامكـ جميييل جدآ ..
مثل ماقلتي , حلو ان الواحد يلقى اللي يعينه ع الخير والطآعه ويذكرهـ اذا قصر في حق الله ..
وش يبي الانسآن من الدنيا اذا هي فانيه ..
والرجآل الملتزم بيكون متفهم وواعي ..
الله يكتب لكـ اللي فيه الخير ..
اهم شي استخيري ربكـ ..
مـــــوفــــقـــــه ..​

 

[لمار&]

الحقيقة يا اختي لا اخفيك شيئا
بعض الملتزمين اعووذ بالله متطرفين الى ابعد درجة ومرضى هم ويغثون ويلوعون الكبد
استخيري الف والف مررررررررررررررره
ربي يسعدك​