Princes Of Ice
New member
- إنضم
- 29 نوفمبر 2007
- المشاركات
- 32
السلام عليكم و رحمة الله و بركاته ..
سأخبركم بمشكلتي .. أنا متزوجة من 7 شهور .. و عمري 21 و زوجي عمره 23 ..
المشكلة أنه زوجي كان مدمن علاقات عاطفية قبل العرس .. و أنا طبعا ما كنت أعرف .. بسبب انه ما يقربلي و لا شيء ..
انا استخرت .. و ارتحت ووافقت ..
عموما .. ايام الملجة كانت 4 شهور .. كانت الم .. و عذاب ..
ما كان يهتم لي .. حتى المصروف ما كان يصرف علي .. و يوم قلتله ..
قال انه ما كان يعرف *_^ .. يعني 3 شهور ما صرف علي .. بشيء ..
و من عقبها .. كان يصرف .. بس مشكلته بخيل ..
يعني كريم ع غيره و بخيل ع زوجته ..
و كان مدمن بشيء اسمه العادة السرية .. و هالشيء ما كنت اعرفه .. إلا بعدين .. مدمن قبل ما يعرس ..
بخبركم بتفاصيل قليله ..
++ اكتشافي بموضوع خيانته ++
اكتشفت هالشي بعد مرور 3 شهور من زواجنا ..
اصلا بعد اسبوعين من العرس .. رد نفس ما كان .. كأنه انسان عزوبي ..
ما صار يهتم لي .. كان يسهر باستمرار ..
ف ليله الدخله و جي .. عاشرني .. و كان يعاشرني باستمرار ..
الا انه في الشهر الثاني .. و الى الآن ..
ما كان يعاشرني .. و كان يرفض هالشي .. بحجة انه ما يبا عيال ..!!
يعني يعاشرني ف الشهر مرتين .. (( كل اسبوعين مره وحده ))
المعاشره من بينا كانت شبه معدومه .. قلت مع الايام ..
و قلت مع الشهور بالتدريج .. و انا استغربت من هالشيء ..!!
لدرجة انه شهرين كاملين ما لمسني و لا شيء ..
انا كنت ادري انه يخونني .. و نفسيتي تعبت .. وااااااااايد .. و خصوصا اني من النوع الحساس .. و اللي يتأثر .. خلاص .. ثقتي انعدمت فيه ..
واجهته .. جفت الصدمه في عيونه .. انكر كل شيء ..
يبتله الادله على كلامي .. لدرجة انه مد ايده و ضربني ..
شو اقولكم عن هالانسان .. وحش .. عصبي .. ما عنده مشاعر ..
و لاشي .. الخيانه تجري في عروقه .. حلف لي انه ما يكلم بنات ..
و قعد يجذب و اييب الف حجه و حجه ..
للعلم .. خياناته كانت قبل ما يعرس .. كان انسان مدمن جات صوتي ..
و كان هو المشرف .. كان له علاقات قبل .. كان يكلم .. البنات ع الفون ..
و يقردن ع المسن .. و يغازلهن ..
عموما .. من بعد ما واجهته .. تغير اكيييييييد و صار بيحسب الف حساب ..
قبل ما يسوي شيء .. ع العلم انه من النوع .. اللي يحب يكلم البنات في الخفاء .. و يسهر و يمضي وقته .. خارج البيت ..
حتى لابتوبه .. يشله في كل مكان .. يروحه ..
انا صبرت و كنت ادعيله بالهدايه ..
لكن =( ... خبرت اهله و جي .. انه يكلم .. و انكر كل شيء ..
و اهله كلموه ... و هو سوى اشياء عشان اونه ودر ..
الا انه كان جذاب .. سبحان الله كنت اكشفه ..
مشكلتي الثانيه .. تخص الجنس ..
كان شهرين كاملين ما لمسني و لا شيء ..
و انا استغرب من هالشيء .. ع الرغم انه اهتم بعمري ..
و يوم كنت اقرى محادثاته مع الفتيات .. كان يقولهن اسرارنا الشخصيه ..
و يقول عني كلام .. و انه مش مستحملني و يبا يطلقني و من هالكلام ..
و انه ما يحب يرقد وياي .. و ما يبا عيال مني ..!!
و البنات .. كانن مع صفه و يسبني .. و جي ..
مع اني ما كنت مقصره .. علاقته مع وحده كانت قويه ..
كانت مطلقه .. و هي تعرف انه متزوج و الى الآن تحبه ..!!
و تكلمه ..!! حسبي الله و نعم الوكيل ..
عقب سألته .. يا فلان ليش ما تعاشرني ..
رد .. ما اباج اتيبين عيال و اباج تكملين دراستج .. قلتله : اوكي
في طرق عشان ما ايببون عيال .. و انت تعرفها ..
عصب .. و قال لا انا ما ابى .. حتى ما كان يبا يقذف من الخارج ..!!
خبرت امه .. و ابوه عشان يكلمونه .. و كلهم انصدموا منه ..
كلموه و هو وايد عصب .. هو كان حاط في باله سنتين ما يبا يعاشرني ..
لين ما اخلص دراستي .. انساااااااااااااان غرييييييييييييب ..
من عقب ما خبرت اهله .. صار يعاشرني في الشهر مرتين ..
و انا عرفت السبب ..
السبب اللي اكتشفته .. انه كان مدمن بالعاده السريه و يمارسها بشكل يومي .. صبرت .. و ما خبرته .. الا بعد اسبوعين ..
كنت دايما ادخل المملكة و اثقف نفسي .. و اعرف شو نمط زوجي و كيف اتعامل معاه .. عرفت انه من النوع الجنوبي ..
في اشياء استفدت منها .. و لكن بعدها مشكلتي ..×__× ..
للعلم .. انا تميت اقرى عن اضرار العاده و صارحته بالموضوع و جي ..
قال بكل بساطه .. انا اسوي هالشي عشان مصلحتج .. لأني ما اباج اتيبين عيال .. قلتله حرام .. و ذكرته بأضرارها .. و جزاءها ..
قلتله .. انت قبل ما تعرس كنت تمارس العاده .. و كنت مدمن .. كنت تعتقد انك بعد العرس راح تودر هالشي .. لكن اعتقادك كان خاطئ .. كثيرين فكروا نفس تفكيرك .. لأنك بكل بساطه كنت تعتقد في عقلك الباطن انك تجد متعتك .. و استمتاعك فيها .. عشان جي ما تعاشرني ..
استفزني .. و هو اللي خلاني .. اقوله اني اكتشفت انه ما زال انه يخونني .. قلتله .. ع كل الطرق اللي بتسويها عشان تحذف محادثاتك ع المسن .. انا انسانه ادرس هالتخصص و اعرف كيف اطلعهن .. من دون ما تعرف .. فخاف .. و حتى صار يشل لابتوبه في كل مكان يسير له ..
صار يستحي ع ويهه .. العاده قبل يوم كان يمارسها كان يسكر الحجره و يستغل فتره غيابي ف الكليه .. لكني اكتشفت هالشيء .. من رائحه الحجره الكريهه كل يوم .. و الوسخ اللي يحطه ف كلينكس و يفره ف الزباله .. من عقب ما واجهته .. نصحته بأسلوب حلو .. و جي ..
إلا انني اكتشفت انه صار يتحذر ف هالشيء .. يعني ما صار يترك آثار ..
مره وحده نسى الاثر ع الطاوله .. و انا كنت اتحرى انه ودر .. و كانت اعتقاداتي كلها غلط ..>__________< .. و يوم واجهته قال : انه لقاه في الصاله و مش حقه و تبين اتجذبيني ع راحتج ..
قلتلته : ومنو هالذكي اللي بيمارس العاده في الصاله و جدام المار و الياي .. اكيد أي واحد فينا يوم يسوي الغلط .. ما يبا حد يجوفه و لا رح يترك أي أثر .. و تم مصر ع كلامه و جذبه ..
تخيلوا في مره من المرات .. كان يبا يغير اسمي ع اسم البنت اللي يحبها ..
و انا انجرحت طبعا .. لازم اييب سيرتها .. و حتى جدام اهله ..
و اونه يمزح ..
ع العلم .. زوجي انسان غافل .. و بعيد عن الله عزوجل .. صلاته يصليها في البيت .. و حياته كلها اغاني .. و معاصي ..
شو أسوي ...!!! ساعدوني ... =(
و السموحة على الإطالة ..
>>> معصبة منه ..
