ملف خاص لاستفساراتكم<<< تقوم بالرد عليها الاخت(( أم حميــــــــــــــــــدة))

[شبح الفراق]

السلام عليكم
كيفك اختي ام حميده عساك طيبه؟

انا الي تاخرت دورتي وماطلع عندي حمل اذا تذكرتيني....وشكت الدكتوره ان عندي خربطه هرمونات

اليوم الدوره جاتني بعد تاخر21 يوم, بس لاحظت رائحه نتنه بالمره مادري ليه..
حبيبتي بغيت اسالك..قريت بالنت ان المريميه منشط طبيعي ومنظف وان اشربها في فتره الدوره لعل الله يرزقني حمل الشهر الجاي...وكمان بصراحه خايف تتكرر معي نفس القصه وتتاخر الدوره بسبب عدم انتظام هرموناتي....والبردقوش ماحصلته في البلد الي اسكنها....هل المريميه تنفعني؟؟وكم استمر عليها؟

دعواتكم لنا بالذريه الصالحه
والله يجزيك الجنه

 

[دلع271]

SIZE="6"]امي تسلم عليك وتسال عن القرفه امي عندها السكر والضغط وكانت تشرب كوب قرفه مع شاي اخضر خاصة بعد الوجبات الدسمة
وامس تقول فيه وحدة سمعت من الدكتور انها تاثر عالكبد وماينصح فيها بشكل عام[/SIZE]

 

[عبيييرالياسمين]

السلام عليكم

كيفك اختي ام حميدة

عزيزتي ياليت تساعديني انا متزوجة صار لي سنتين و3 شهور وماصار حمل ومن سنه فحصت وطلع كل شيء سليم ومافيه شيء يمنع من الحمل بس دورتي بطبيعتها مو منتظمه وكنت اخذ حبوب تنظمها لي بس ماصار لي حمل

سؤالي الدورة متاخرة عني 10 ايام ومن اسبوع جاني الم فضييه في جنبي الايسرر
ومن ثلاث ايام رحت للدكتورة وسوت لي تحليل دم عشان تتاكد من وججود حمل او لا لكن للاسف طلع سلبي وسوت لي سونار عشان تتطمن على الرحم والمبايض والسونار كان تصوير داخلي ووقت التصوير اداة السونار حركتها جهة اليساار بس والله ماقدرت اتحمل الالم وجلست بعدها اكثر من ساعتين ابكي لان الالم زاد من حركتها لي وقالت لي النتيجه عندي تكيس على المبيض جهة اليسار وعطني حبوب primolut n وحبوب مسكنه بروفين 400 بس المهدى ماجاب نتيجه معي وللحين الالم بتزايد وماعرف اتحرك ياليت تقولي لي هل ممكن اغير العلاج لان مايناسبني بروفين والا استمر عليه وهل التكيس يعمل كل هذا الالم ومتى يروح الالم وهل من الممكن انه ينزل الكيس مع الدوره اللي بتجي من بعد ماترك الحبوب وحالتي كيف علاجها طمنيني الله يخليك علما اني اسعى للحمل ساعديني الله يجزاك الف خير وسامحيني ع الاطاله
​

 

[آنهيآر]

آلسلآم عليكم


هلآ وغلآ آم حميدهـ

وربي مآقصرتي فديت عيونكـ

عندي سؤال بس مآيعتبر مشكله الحمد لله

كثير من النسساء يقولون السونار يضر بالجنين اذا صار شهرياً وانا ارآجع في مستشفى

خآص وشهريا لازم تآخذ لي الدكتورهـ سونآر هالشي عآدي ؟

واذا اخذت سونار مرتين في الشهر مضر ؟:33:​

 

[ام فيصل و دانه]

الله يسعدك يالغاليه

ما ادري كم وزن الجنين لسا سوناري ب5 _2 ويمكن اسويه على حسابي مع الراتب لاني ب اسافر بس قاعده انتظر موعد نتيجه السكر ب27 من هالشهر

وانا كلي نحفت بعد الحميه مع ان لي شهر واسبوعين بس من بديت فيها ووزني مازاد نفسه من الاسبوع 29الى الان 65 وطولي 150 وبطني مو كبير
بس انا مستغربه يعني وشلون فيني سكر يعني الحميه مافادتني بشي خلال هالفتره ماخلت الجسم يتحكم في السكر
وانا حارمه نفسي من كل شي الله يعين

التهابات البول راحت مني وكل شي تمام الحمدلله ومواصله على المويه وقهوه الشعير والنعناع والبصل والخيار وكل شي يطهر الجسم من الاملاح

 

[شبح الفراق]

ام حميده صحيح الاناناس يسبب اجهاض؟؟؟؟انصدمت بصراحه لاني اكلت اول امس حتى شبعت وثاني يوم جاتني الدوره

 

[بريق0]

السلام عليكم

أم حميده .. بالنسبه لحبوب منع الحمل ... شو أضرارها .. وشو أفضل نوع ... أنا أبي أستخدمها بس متردده وحابه تفيديني بجميع مايتعلق بها من معلومات ....

وجزاك الله خيرا غاليتي ..

 

[ياحبي لكم]

يعطيييييك الف عافيه
طيب ايش اللهوم والسفوف؟؟
هل الحليب ضروري بالحمل انامااحبة ابد؟وموقادرة اشربة تنفر منه نفسي ايش الحل البديل؟؟

 

[رقة القـلب]

ياعمري ياام حميده الله يسعدك دنيا واخره
وييسرلك امورك ويرزقك من الخير كله

شوفي حبيبتي من ناحية الاجهاد والجماع كلها موقفتها بس يعني اليومين هذيك اللي نزلت فيها شكلها من حركتي وانا اطبخ وحاليا بطلت كمان

اما من ناحية المثبت انا كنت عند الدكتوره قبل اسبوعين من اليوم واعطتني فوليك اسيد و دافستون و جو اسبرين
ومستمره عليها

اما ظهري فعلا سويت زي ماقلتي انسدحت على ظهري بس مارفعت رجولي بس ارتحت من الالم ان شاءالله بسوي زي ماقلتي

حبيبتي انا محتاره في كم اسبوع لان اليوم يوم رحت على حسب الاشعه التلفيزيونيه انا حامل بسبعه اسابيع اما الدكتوره قالت لي ان حملي صار يوم 19 يعني توني اليوم مكمله شهر فما ادري ايهم اصح مع العلم ان دورتي كانت 5-12-1431

الاجهاض السابق حبيبتي سوت الدكتوره تحليل عشان تعرف الاسباب بس قالت مافي سبب كل شي عندها تمام بس السبب من الاجهاد وانا فعلا المره الاولى مررررره اجهدت واهملت الافرازات اللي نزلتلي ومارحت لها بدري عشان كذا خفت المره هذي

واليوم ياعسل رحت الموعد
وسوولي الاشعه بس مافهمت على الدكتور يقول البيبي موجود بس مدري هوا سمع نبض ولا لا لاني انا سامعه تشويش وهوا قال الاسبوع الجاي السبت لازم اسوي مره ثانيه عشان يتطمن على النبض وهذا مخوفني تتوقعي شي طبيعي ان النبض مايبان لحد الان ؟؟؟؟؟؟

وبس ياعسل بعدين رجعت للدكتوره وسالتها ووقلتلها عن الافرازات وعن الالم في ظهري
وقالت لاتخافي بس انتي ارتاحي وكتبتلي فيتامين مرسوم عليه نحله وعلى اساس السبت الجاي اراجعها ولمن سالتها عن النبض ان الدكتور سمعه ولا لا قالت باقي مو مبين لان انتي اليوم كملتي شهر

بس استغربت واحترت بين حسابها وحساب الاشعه ايهم اصح في رائيك ياقلبي

وبسألك ام حميده لون البول الله يكرمك يؤثر على الحمل؟؟؟ لان امس واليوم احس لونه صاير فاتح شوي مو زي اول غامق

وسامحيني حبيبتي تعبتك معايا بس والله بكريه وكل ماسالت احد كلامهم متناقض صراحه ومو مبني على شي علمي

طمنيني حبيبتي والله يريحني كلامك
​

 

[sara-E]

السلام عليكم ام حميده ~
كيفك يالغلا مانستغني عنك
انا الحمد لله صار لي 28 يوم والده تقريبا وعلى 9 ايام طاحت الخيوط الخارجيه وعلى 25 يوم طاحوا اللي داخل بس الحين احس فيه زي اللحمه الصغيره واضحه كذا من فتحة المهبل من داخل هل هذا الشي طبيعي ؟
واحس كمان بألم بمنطقة البظر من لما ولدت الى اليوم ايش الحكايه ؟؟ آسفه ع الجرأه بس مضطره والله

 

[أم حميدة]

مشكوره ماقصرتي بس الخلطه بعدالدوره

نعم عزيزتي أفضل تبدئي بها بعد أن تنتهي من الدورة تماما
العفو يا عزيزتي

 

[أم حميدة]

ام حميدة الله يعطيك العافية عندي مشكلة في اكل الرشادمع التمر بعض الاخوات يقولون في الايام الاولى
والبعض يقول في الايام الاخيرة من النفاس ابغى النصيحة منك
وجزاك الله خير

حياك الله غاليتي :
الرشاد استعماله بكمية كثيرة ولفترة طويلة مطمث
لذلك يستعمل في أول الأيام عشر أيام وبكميات قليلة لأن المطلوب في البداية هو التنظيف من الدم والتنقية وبعد مرور أسبوعين المطلوب التقليل من الدم والالتئام

 

[أم حميدة]

السلام عليكم

انا دورتي منتظمه جداا كل شهر تجيني نفس اليوم المهم هدا الشهر تأخرت خمسه ايام سويت تحليل دم وبول وطلع سلبي وعادة يجينني اسهال شديد وتطلع لي حبة الدوره شهريييا بس دا الشهر ماصار لي شي بس الالام في الضهر وغثيان وصداع وش فيني؟

أختي العزيزة \
انتظري أيضا يومين ثم حللي دم أفضل

 

[ياحبي لكم]

ياعمري ام حميده ابي اتواصل معك ع الخاص بس المشكلة مايرضا يدخل على اسمك ولايضغط عليه
بالله كيف اراسلك
ايضا بسألك شرب الشاي مع الحليب زين لي بالحمل ولا لا؟؟؟؟؟؟

 

[انتوا سموني]

هلا فيك اختي ام حميده

رجعت لك مره ثانيه بأسئلتي الغثيثه <<ا الله يعينك علي

وش تفسيرك لأحساس الجوع من جهة الرحم

يعني لما تجوعين مو تسمعين اصوات تصدر من بطنك ؟؟؟؟

أنا اسمع نفس هالأصوات بس تكون صادره من الرحم نفسه في اسفل البطن

وللعلم ماأكون وقتها جوعااااااااااااااانه أبدا

حتى الصوت يكون مسموع للي بجنبي بس على بالهم جوعانه ونا الصوت صادر من أسفل البطن

تتوقعين عندي مشكله في الرحم ؟؟؟؟؟؟؟؟

 

[أم حميدة]

دورتي بتسعه عشر من شهر واحد بالتاريخ الهجري
وبطني يتعبني اذا اكلت الكبسه العاديه بس اذا كان فيه مرق خضار لاعادي
واتوقع اني بنصف الشهر الخامس

قد تكون معدتك لا تستحمل الدسوم والدهون ، فابتعدي عن الدسوم والمقليات وكلي المسلوق والمشاوي

وبالنسبة لأكلك قليل المفروض أنك تقسمي وجبتك لست وجبات بدل ثلاث وجبات رئيسية
حتى تريح بطنك ، وتأكلي فواكه وخضار بينها وتأكلين البروتين في الغداء والعشاء مهم جدا ( لحم ، دجاج ، بيض ، سمك ، ،،عدس ،،،)
واشربي من اللبن مع قطعتين أو ثلاث تمر
يعني قسمي أكلك ، لأن الجنين يحتاج للغذااء ، وقلة أكلك يشعرك بالارهاق والإعياء ، والضعف ، ويصبح وزن الجنين صغير جدا يصبح هذا خطر عليه



تخلصي التاسع في : 4-6-1432هجري

 

[أم حميدة]

السلام عليكم يام حميده وعلى الكل​

مدرررري ابي استفسر منك بشغله​

الحين انا بطني صغيرون بالرغم اني اكل كل شي مشاء الله ​

وبنتي البكر ماكنت اكل عليهاا شي كثير وطلعت مشاء الله 3.700 ​

وبنتي الي بعدهاااا اكلت كل شي وطلعت 2.400​

يعني عدم الاكل له دور بكبر الجنين​

واخاف الحين الي ببطني يطلع صغيرون ​

والحل وانا قربت اولد ​

بس اكشف بالمشفى بعطيك كم وزنه

*)​

وعليكم السلام ورحمة الله وبركاته
هلا فيك ،،
نوع الغذاء مع كميته هو الي يتحكم بكبر الجنين

فمثلا أكل المعجنات لايزيد من وزنه ولكن كثرة أكل البروتينات في الغداء والعشاء وبين الغداء والعشاء وفي الافطار يزيد من وزنه

وأيضا لو شربتي عصير كوتيل واكلت فواكه بكميات كثيرة يوميا فهذا يزود وزنه

ولو شربت لبن وأكلت تمر معها يوميا فهذا أيضا يساعد في زيادته
كما أن شرب الشاهي كثيرا والقهوة يعيق من استفادة جنينك من الغداء فممكن يضعفه

 

[وبكرا احلى]

مشكووره اختي ام حمييده بس انا حللت دم ونفس الشي طلع لي سلبي وللحين مانزلت الدوره تفششت من الانتظااار

انا شاكه بصراحه ان فيني ارتفاع في هرمون الحليب

 

[الامانى الخالده]

افيدينا يا ام حميده

بسم الله الرحمن الرحيم
اختى ام حميده طالبه المشوره الله يجزاك الجنه
انا فتاه متزوجه حصل لى شئ غريب هذا الشهر لمن احمل شي ثقيل تنزل على نقط بسيطه جدا من الدم " اكرمك الله"
طبعن قبل موعد الدوره
ودحين طوف موعد الدور اكثر من 11 يوم
واحس بحرقان في البول اكرمك الله
هل من الممكن ان اكون حامل

 

[shroofh]

السلاام عليكم ورحمة الله وبركاته:

جزااك الله خير الجزااء

وبارك الله فيك وفي وقتك في طاعته

انا بكريه توني اول يوم بالتاسع على حسب حساابي وابي حساابك آخر دوره 4-5 وانتهت 8-5 -1432؟

وش المطلوب مني وش اشرب وآكل في هالفتره عشاان اكون ميهأه للولاده الطبيعيه؟وكم امشي من الوقت؟وهل ابدا فيها من الحين واللا بدري؟؟والجمااع وش المطلوب فيه التخفيف والا؟

طيب الدكتوره تقوول ان الجنين صغير ووزنه حاليا 2ك هل فعلا يحتاج لزيااده؟؟

انا حاليا مااستخدم لا كاليسيوم ولا حدييد هل ارجع استخدمها لانها تزييد من الحموضيه؟؟

آآسفه كثررت عليك الاسئله





​