★ღ استشارات الأنماط ★اللي محتاره وتبي تعرف نمطها أونمط زوجها تتفضل ღ★

[هذا رأيي]

مرحبا بنات شخباركم

شوفوا انا جربت وما عرفت ساعات احس انه شرقي وساعات جنوبي وساعات شمالي لكن غربي لا مستحيل

هو هادي بس بسرعه يعصب صوته واطي مشيته سريعه وبطيئه ياكل بسرعه وكلامه واجد ويحب المدح له

ولاهله وجماعته ويقول شي ساعات وبنفس الوقت يناقض كلامه يعني يقول شي يعجبه وبعدين ما يعجبه يحب

الحرمه تكون خجوله وستيره ما يبين منها شي وما يحب لبس البنطلونات والقصير يحب الدراريع وساعات

احس لا يحب بس ما يبي يبين ساعات يكون عصبي وما عنده تفاهم ويركز على كلامه انه هو الصح وانت

غلط مع انج تكونين صح بس هو ما يشوف غير نفسه اناني يحب نفسه اكثر ولا يهتم فبج الطلبات ما يجيبها

بنفس الوقت يماطل واجد وده لو يعتمد عليك في كل شي يعني حتى لو تصرفين على البيت وتعبين الثلاجه

عادي عنده ينبسط احس انه بخيل وحريص على الفلوس حيل حيل مع انه عنده فلوس بس ما يحب يصرف ما

يحب الكلام الحلو يعني لو تقوليله يا حبيبي ويا عمري كأنك سابته يزعل ويقول الحمد لله على السخافه؟

ما يحب ياخذني معاه اي مكان نطلع يعني يحب اروح اطلع مع اهلي عادي لكن معاه لا يحب البيت او يتقهوا

عند رفيجه يعني ما يحب الطلعات والوناسه والسوق والمطعم والمقاهي ابدا بس بالبيت او عند رفيجته ويحب

قعدت الشياب حيل والشعر والقنوات الشعريه كل شي عنده عيب وما يصير حيل متمسك بالعادات والتقاليد

كلامه بالتلفون بارد يعني بي سيال عند شي ضروري وبس ما فيه اي شي ثاني ولا يحب المسجات وكلام الحب

شكاك حيل كله يفتش بتلفوني وبشوف من دق علي ومن ارسلي


يحب تكونين جديه معاه من غير ضحك

فولولي وشه هو بالصبط؟؟؟؟؟؟

أهلين دانه ..شوفي ياقلبي ,,

من الصفات اللي ذكرتيها عن زوجك توقعت إنه جنوبي شرقي

لأنه هو الهادي والزعول واللي كسول في الطلبات ومعتمد على غيره
ومايهمه لو تصرفين عليه عادي..
وزي ماقلت يحب الحرمه الستيره الخجوله الهاديه
ويحب الجلابيات ومايحب البناطيل
وشكاك يفتش التلفون
مايطلع إلا لرفيقه
ويحب قنوات الشعر
ومو راعي مكالمات إلا للضروري
ومو راعي رومانسيه
هذي كلها تنطبق على الجنوبي الشرقي يالغلا ..

لكن ثبت لي بالتجربه ومرور كثير من الحالات علي ..لأزواج شماليين شرقيين لكنهم متخلين عن صفاتهم الشماليه وماخذين من صفات الجنوبي كثيييييير..

ولما بحثت في الأسباب لقيت إن الشمالي إما إنه اللي مربيته أمه مو أبوه وهي جنوبيه فأثرت عليه بطباعها وتخلى عن شماليته ومال لعالم الجنوبيين..
أو الدلع اللي لاقاه من أهله عموماً كونه الوحيد بين أخواته فنشأ مدللاً معتمداً على غيره في قضاء أموره..

وإذا عرف السبب بطل العجب ..:22:

على كل حال يادنو جربي وإقري ملف الشمالي للأخت إحساس وشوفي هل زوجك قريب من هذا العالم أم لا..

ونفس الشي ملف الجنوبي ..حتى ترسين لك على بر..وتكونين على بينه وتثمر جهودك في فهمه وبالتالي تحقيق السعاده والود والتفاهم

وتذكري أنك مأجورة إن أخلصت النيه وأحسنت القصد ..

وفقك الله ....

 

[شجرة الطرفاء]

بارك الله فيك

 

[انا دانه]

مشكوره يا عسل انا احس انه شمالي شرقي اكثر من الجنوبي مع انه حساس وزعول بس مو كريم ولا يحب يعطي هدايا ابدا يعني هم يقولون الجنوبي كريم ومعطاء لا ما شفت الشيء فيه الصفه الوحيده الي شفتها فيه من الجنوبي انه يحب الجنس ويحب تمشطين شعره او تسويله مساج قبل النوم واذا عصب يجرح عادي بالكلام اف منه والله تعبت ابي اعرفه اكثر
بس احس انه شماللي جنوبي اكثر لانه الجنوبي يقولون رومانسي وهو لا ما يحب الكلام الحلو ولا يقوله اصلن
انا اسفه يمكن ازعجتك بس والله تعبت مو عارفه اتعامل معاه خصوصا موضوع الفلوس والطلبات تخيلي من تزوجته والله ما طلعت معاه غير مرتين بس ؟

 

[هذا رأيي]

مشكوره يا عسل انا احس انه شمالي شرقي اكثر من الجنوبي مع انه حساس وزعول

بس مو كريم ولا يحب يعطي هدايا ابدا يعني هم يقولون الجنوبي كريم ومعطاء لا ما شفت

الشيء فيه الصفه الوحيده الي شفتها فيه من الجنوبي انه يحب الجنس ويحب تمشطين

شعره او تسويله مساج قبل النوم واذا عصب يجرح عادي بالكلام اف منه والله تعبت ابي

اعرفه اكثر

بس احس انه شمالي جنوبي اكثر لانه الجنوبي يقولون رومانسي وهو لا ما يحب الكلام الحلو ولا يقوله اصلا

انا اسفه يمكن ازعجتك بس والله تعبت مو عارفه اتعامل معاه خصوصا موضوع الفلوس

والطلبات تخيلي من تزوجته والله ما طلعت معاه غير مرتين بس ؟

هلا دانه ,,لا موكذا المقياس ..


أنت لاتشوفين تعامله معك وتختارين صفاته لكن شوفي تعامله مع الكل

يمكن يعاملك بطريقه تخالف نمطه لغايه في نفسه..ويعامل الآخرين بنمطه الأصلي


الجنوبي ليس دائما كريم ورومانسي..

ممكن تأثر شرقيته عليه ويغلب عليه الحرص,,
وممكن يكون جاف لغلبة الشرقيه عليه أيضاً
أو لكثرة الضغوط ..فالجنوبي المضغوط ممكن تتغير صفاته..

وممكن التربيه الجافه والقاسيه يكون لها تأثير ..
وبالنسبه للطلعات يمكن إنك زوجه ثانيه يتحجج بالمشاغل,,

أوزوجه وحيده لكن يتكل على أهلك ويتكاسل ؟؟

فكري وأعيد النظر في النتيجه فلعلك كنت مخطئه ...

وفقك المولى |......

 

[انا دانه]

هلا فيج يا عسل
اول شي اسفه يمكن ازعجتج من كثر الاسأله بس يعني انت تهقين انه جنوبي شرقي يعني مو شمالي ؟
طيب معليش هو ما يحب الجرأه نهائيا يعني لا بالملابس ولا بالكلام وما يحب الرومانسيه ابدا وما يحب يصرف والله ما يصرف ياختي احن عليه ابي اغراض والله ما جابها للحين تعبت منه غير انه بارد طافي يعني اذا فيه شي يخرب بالبيت ابدا ما يصلحه انا اصلحه اف منه ؟
بس صحيح انا زوجه ثانيه كأنك تدرين هههه؟؟
بس ان متاكده انه بخيل يعني ما يحب الطلعه ولا السفر على شان ما يصرف ويقول كلام فاضي الطلعات والسفر والله انا بحاول اجرب مره ثانيه اشوف صفات الجنوبي الشرقي يمكن انا غلطانه بس لازم اعرف هو وشنو علشان اكسبه
والله يعافيك مستحملتني يا عيوني

 

[كابتشينوو]

مشكووووووووره حبيبتي واااااااايد عالموضوع المهم جدا
انا من سنوات وانا ابحث عن هذا الموضوع لانه اساااااااااااسي في الحياه الزوجيه

 

[هذا رأيي]

هلا فيج يا عسل

اول شي اسفه يمكن ازعجتج من كثر الاسأله


بس يعني انت تهقين انه جنوبي شرقي يعني مو شمالي ؟

أهقى وبقوه..

طيب معليش هو :-

ما يحب الجرأه نهائيا يعني لا بالملابس ولا بالكلام

بارد طافي يعني اذا فيه شي يخرب بالبيت ابدا ما يصلحه انا اصلحه اف منه ؟

هذي كلها صفات الجنوبي ياالغلا ..:31:



وما يحب يصرف والله ما يصرف ياختي احن عليه ابي اغراض والله ما جابها للحين

بخيل يعني ما يحب الطلعه ولا السفر على شان ما يصرف ويقول كلام فاضي الطلعات والسفر

وما يحب الرومانسيه ابدا

صفات الشرقي,,



والله انا بحاول اجرب مره ثانيه اشوف صفات الجنوبي الشرقي

يمكن انا غلطانه بس لازم اعرف هو وشنو علشان اكسبه


الله يعينك ياقلبو وتكسبين وده ..


بس صحيح انا زوجه ثانيه كأنك تدرين هههه؟؟

هذي أسراري الإكتشافيه..هههه خبره,,,,, :23:




والله يعافيك مستحملتني يا عيوني

لا عادي وليش تعتذرين هذا الموضوع كتبته لخدمتكم ..

أتمنى إنك ماتنسيني من صالح دعاك بظهر الغيب لأني ما أستغني عن دعوات خواتي ..:21:

 

[هيلينا]

موضوع جدا جدا رائع
تسلمييييييييييييين عليه


ونفسي احددد نمط زوجي وافهمه ياريت تساعدوني

 

[هذا رأيي]

أهلين فيك غلاتي هيلينا ..
تفضلي جاوبي على الأسئله وإجمعي النقاط ومانقصر معك ..

 

[انا دانه]

مشكوره على الرد يا عيوني
والله يوفقك ويسر امورك يا رب
والله انك عسل

 

[هذا رأيي]

مشكوره على الرد يا عيوني

والله يوفقك ويسر امورك يا رب

والله انك عسل

وأنت رائعه ..شوفي حبيبتي عشان تتأكدين من نمطه إدخلي دردشة الشمالي وإقري كلام زوجات الشمالي عن شماليهم..

وشوفي زوجك تصرفاته وأطباعه قريبه من تصرفاتهم ولا لأ..

ونفس الحكايه دردشة الجنوبي ..

الدردشه رائعه مو مجرد سوالف حريم..تعرفين طباع زوجك وتتأكدين من نمطه من خلال كلامهم ..بالإضافه إلى إنهم يعطونك خلاصة خبرتهم وتجاربهم الناجحه على طبق من ذهب ,.,

موفقه عزيزتي ..والله يجمعك مع زوجك مثل العسل والقشطه<<تحبهم :20:

 

[SOLANA]

اهلين حبيبتي
انا لسا عروسه جديده
زوجي شخصيه مربعه ومريت عالانماط ولقيت انه ينطبق عليه صفات الشرقي بشكل واضح جدا لكن احترت من بعض الصفات اللي الاخوات يذكروها عن ازواجهم الشرقيين من حيث الغموض والبخل والخجل
زوجي كتاب مفتوح ليا من اول يوم تزوجته (ماكان بيننا تعارف سابق ولامكالمات ولامقابلات )
من اول يوم اعطاني تفصيل كامل عن حياته ايش يحب وايش يكره
وايضا في الايام الاولى صارحني بحبه ولهفته عالبيت لما يكون برا كريم معي لابعد الحدود والقرش ما يهمه لكن تهمه جودة السلعه
كل يوم يكلمني عن مشاكل عمله وايش صار ومين قابل وقصص زملاؤه واصدقائه ومغمراته ايام الدراسه
يعني حتة الغموض هذي ماهي موجوده عنده الخجل ايضا غير موجود
يكلمني باستمرار ويعطيني تقارير وين راح ووين جا وهل بيتأخر والا لا
لكن لاحظت مايرد عالرسايل الغراميه الا نادرا ويقولي اخاف احد يقراها ولما اروح عند اهلي ( اهلي في منطقه ثانيه ) ما يتصل ابدا مجرد رسايل احس انه ينحرج يتصل علي عند اهلي ولو اتصل احس انه رسمي

ياليت اختي تساعديني احدد النمط بدقه

 

[هذا رأيي]

أهلين حبيبتي وألف مبروك ياعروس ..
وأكيد راح أساعدك بس بالأول جاوبي على الأسئله الموجوده في أول الموضوع
وإجمعي النقاط وتعالي هنا وأعلمك بإذن الله ولا يهمك ..

 

[SOLANA]

اهلين اختي الله يبارك فيكي

بالنسبه للاجوبه

الشمالي 8 درجات والجنوبي 1
الشرقي 9 والغربي 1
مع ملاحظة انه يحب الرحلات بشكل عام سواء كانت بريه او بحريه ويحب الشعر بنوعيه الفصيح والشعبي
لكن قضية قنوات الباديه وبرامج الخيل والنياق اشوف انه ما يحلها ابدا ولا يحب يتابعها لكن يتابع الشعر الشعبي عبر النت وخصوصا الشعر الشعبي القديم لكبار الشعراء المشهورين لكن الشعراء المعاصرين ما يتابعهم
وبالنسبه لمواعيد النوم يحافظ عليها دائما لكن ما يمانع انه يسهر معي عالنت او حتى ندردش سوا حتى ايام الدوام
وقضية الزيارات ما عنده مشكلة ابدا في وقت يرحب بالضيوف حتى لو كنت بخرج عادي يوصلني مشواري ويرجع يستقبل ضيوفه ونفس الكلام بالنسبه للنساء
الاحظ انه يحن كثير لمقتنياته القديمه زي جواله القديم مخدته الشرشف تبعه وما قدر يصبر وجابهم من عند اهلوه

 

[هذا رأيي]

[QUOTE=SOLANA;6379031]اهلين اختي الله يبارك فيكي

بالنسبه للاجوبه
الشمالي 8 درجات
والجنوبي 1
الشرقي 9
والغربي 1

مع ملاحظة انه يحب الرحلات بشكل عام سواء كانت بريه او بحريه ويحب الشعر بنوعيه الفصيح والشعبي
لكن قضية قنوات الباديه وبرامج الخيل والنياق اشوف انه ما يحلها ابدا ولا يحب يتابعها لكن يتابع الشعر الشعبي عبر النت وخصوصا الشعر الشعبي القديم لكبار الشعراء المشهورين لكن الشعراء المعاصرين ما يتابعهم
وبالنسبه لمواعيد النوم يحافظ عليها دائما لكن ما يمانع انه يسهر معي عالنت او حتى ندردش سوا حتى ايام الدوام
وقضية الزيارات ما عنده مشكلة ابدا في وقت يرحب بالضيوف حتى لو كنت بخرج عادي يوصلني مشواري ويرجع يستقبل ضيوفه ونفس الكلام بالنسبه للنساء
الاحظ انه يحن كثير لمقتنياته القديمه زي جواله القديم مخدته الشرشف تبعه وما قدر يصبر وجابهم من عند اهلوه[/QUOTE]



شمالي شرقي يالغلا..

 

[هيلينا]

أجيبي على هذي الاسئلة اللتي كتبتها أختي هذا رأيي
سهلت كثير عليكم واوضحتها لكن اسأل الله لها التوفيق والسداد
وجعله الله في ميزان حسناتها

اميييييييييييييييييييين
××××
هذا رايي جزاك الله خير والله بتساعديني كثير ولدعيلك بصلاتي
الله يسعدك
ابي اعرف وش نمطي بلاءول بعدين زوجي
أنت شمالي أم جنوبي


1 الجواب
حنون ورومانسي وتحب الإحتضان..وتحضن أولادك كثيرا..ودوما متعطش للحب..


دائم اللوم والتأنيب لنفسك ..ويهمك كلام الناس عنك



غير واثق من نفسك..ويمكن للناس تغيير رأيك..والتشكيك بصحتها..



4-إذا غضبت تتلفظ بكلام جارح,
ولاتنتبه لنفسك إلا بعد الفوات ولكن
غالباً لا تعتذر.








أنتِ رومانسي جدا وتنجرح بسهوله وتميل للبكاء كثيرا..وتكتب القصائد وتعبر عن ضيقك بكتابة الخواطر,



تحب خدمة الناس وتسعد بفرحتهم..حتى ولو على حساب نفسك وراحتك,






لاتحب القياده بل العمل ضمن مجموعه..
وتتأثر آرائك بآراء الناس..


8-صريح وواضح..وأي شي مايعجبك تعلق عليه في ساعتها..وتحب توجيه الأوامر








بطيء في كل شيء أوفي إحداها ومسترخي؟




كسول وتحب الراحه,وتعشق النوم,وتتهرب من العمل..وتحب الهدايا المجانيه؟



تسوف كثييراً ,,وأمورك دوماً معلقه,وترمي مسؤوليتك على غيرك,وتتمنى أن ينجزوا أعمالك وترتاح أنت,وتماطل في وعودك أو لاتنفذها ؟

12- تشعر بأنك في صراع مع الوقت ,فتفكر في أعمالك حتى وقت راحتك.

- تحب الراحة والدعة,وغالبا لاتبحث عن أعمال إضافيه لزيادة دخلك ,وكثييييير المكوث في المنزل وإن خرجت فغالبا للجلوس مع أصدقائك وقضاء الوقت في الحديث معهم..







~~~~~~~~~~~~~~~~~~~~~~~~~~~~~


أنت شرقي أم غربي


1-منظم ودقيق وشغلك مرتب, ويهمك الوقت, وتحرص على مواعيدك








2-تحرص على رأي الناس فيك وبعملك, وتهمك نظرة المجتمع لتصرفاتك وحذر في التعامل مع الناس





3-روتيني ..أكلك ونومك بمواعيد,,وماتحب ان يتغير نظامك , أوتخالف عاداتك..



4-تصرف مالك بحرص ,وتدقق في جودة البضاعه وتتأكد من حاجتك لها,




5- تحب الجدال وتعيد وتزيد حتى تثبت وجهة نظرك..وتقنع من حولك بها






6-نقاد .. يعني كثييير الإنتقاد لمن حولك حتى لو في سرك ,وهذا ( ليش يسوي كذا وهذا ليش ؟والمفروض يسوي كذا؟ )






7- تهتم بفلوسك وتعرف بما تصرفها وبماذا شريت بها ؟



ى

تحب الرحلات البريه والدبابات البحريه والسباحه والسفر والترفيه؟



9-منغلق ولا تحب المفاجأت..والمغامرات






تحب تجربة أي مطعم وأي صنف وأي أكل وأي مشروب حتى لو باهض الثمن


11-تقتني الأجهزه ذات الجوده ولاتحبين التغييرولا التجديد



12لاتحب الزيارات المفاجئه وتود أن يستأذنك الناس أولا قبل زيارتك




اذا اجبتي على الاسئله
اجمعي النقاط حتى تحددين الشخصية اللي تميلين لها
الشماليه يكون لونها أزرق والجنوبي زهر
احسبي كم جمعتي نقطة وايهم أكثر اللون الزهر ام الازرق
وبعدها اجيبي على الاسئلة اللي لونها
الاخضر أم البنفسجي
واجمعي كم كسبتي نقطة للبرتقالي أو البنفسجي حتى تعرفين انتي
شرقية أو غربيه
اللي كسبت نقاط باللون الاخضر أكثر تكون شرقيه واللي كسبت اكثر اللون البنفسجي تكوني غربيه
احسبي أختي الغاليه النقاط بدقة وفقكِ الله

احسبولي انتم انا الخبط مادري كذا الاجابات الصحيحه ولا غلط ولا في اسااله ثانيه

انا خليت الاجابات الي تشبهني وحذفت الباقي

 

[لامعه*]

http://www.niswh.com/vb/showthread.php?p=6385655#post6385655

هذا رأيي طلي على الرابط فيه لستفساري فقط لاغير
كتبت كل صفات الشخص ابي نمطه بالتحديد

 

[هذا رأيي]

طيب عزيزتي لامعه أبشري بطلعه لك ..

بس وش رايك تجاوبين على الأسئله بالأول اللي في موضوعي وتجمعين النقاط

وبعدين أطلعه ..لأنك كذا ماساعدتيني بالعكس ضيعتيني !!

مره تقولين صفات وأقول جنوبي وترجعين تذكرين صفات وأقول شمالي ومره أجزم إنه شرقي ومره أهون وأقول شكله غربي,,

شفت وشلون ..مو مسكينه أنا؟؟!! :30:

جاوبي الله يبارك فيك ويصير خير ..

 

[لامعه*]

طبعا الان سويت الاختبار وطلع لي
شمالي___14
جنوبي____4
شرقي____13
غربي___6
وشكرا0000

 

[لامعه*]

هو لو بيدي كان عرفت خخخ
انا زيك موب عارفه مررا متلخبطه