بليز خوااتي .. محتايه مساعدتكن,, ما اعرف شو اسوي مع ريلي واخته

[latoofa20]

السلام عليكم ..


شحالكن خواااتي ..


صراحه انا ييت لهالمنتدى لان وحده يزاها الله خير دلتني عليه .. وقالتلي بان فيه استشاريات بيساعدنج فمصيبتج

واتمنى انها تنحل


مشكلتي فاخت ريلي


انا راح ابدأ بالسالفه من البدايه عسب تفهمون مشكلتي ولا تتلخبطون فيهاا


اخويه قبل ثلاث سنوات تزوج بنت خالتيه..

واخويه معذبنها ويا علاقاته بالبنات .. ودومهم ف زعل..

المهم ..

قبل 9 شهور تقدملي اخو حرمت اخوويه .. اللي هو طبعا ولد خالتيه..

والله كتب لي نصيب فيه .. وكلمنا ع زواجناا 6 شهوور ..

ومن اول شهر عسل مع ريلي اتصلت حرمة اخووويه تتشكى لريلي عن معامله اخوويه فيهااا

واستوت المشااكل بيننا انا وريلي .. بسبب اني ادافع عن اخووويه .. وهو يدافع عن اخته ..

ومع مرور الوقت عرفت انه ما منه فايده اني ايلس ادافع عن اخووويه جدام ريلي.. ف صرت اسكت لما هو يرمس عن اخته وكيف هي مظلومه مع اخوويه ..

مع انه حتى هي ما تهتم بنفسها وشكلهاا ودومهاا فالمطبخ او مع بنتهااا.. يعني حتى اخوويه مظلوم..

وبروحه ريلي اعترف جدامي بان اخته ما تتعدل لخووويه اللي هو طبعا ريلهااا..


مره من الغيظ طرشتلها مسج اقوللها فيه " ما اريدج اتشوفين صور العرس فاهمه .."

لان صور العرس بعدهن ما طلعن وما كنت اريدها اتشوفهن ..

يلست تتصل لخووها .. واتصيح وخبرته عن المسج اللي اانا طرشته .. وبعدها خبرته بان اخووويه اذاهااا بالكلام ..


وصلت المرحله بين اخووويه وزوجته.. بان اخووويه خلاص عاف زوجته ويبا يطلقهااا..

ويسلت اتخبره بالكلام اللي قاله ..

ريلي مع الاسف يقوللها المشاكل اللي اتدور بيني وبينه .. واي شي اخبره ريلي يروح يقوللها ..


حتى اني مره قلتله انا ما اثق فيك .. لانك اتظهر اسرار حياتنا لناس مالهم خص في حياتناا..


اريد حل ارجوكن ,,


اخت ريلي مسيطره عليه .. ويسمع كلامها ..


مرات افكر باني اودره .. واشوف اذا هاييج الساعه تنفعه اخته!!​

 

[اليوم المنتظر]

اختي الغاليه...
نصيحتي هي كالتالي...:
اجلسي مع زوجك جلسه مصارحه..
وقولي له اعتبر زوج اختك هذا ماهو اخوي..
ولاتربطني باي شي يصير بينهم..
انت رجال واخوي رجال تفاهم معه..
وزي ما انت شايف من وجه نظرك ان اختك انظلمت مع اخوي
لا تربطني انا فيهم وتظلمني..
وروح انت اجلس مع زوج اختك وتفاهم معاه شوف وش الي بتوصل له..معاه ومعها..
وذكريه بقول كتاب الله(ولاتزر وازره وزر اخرى)
وقولي له اعتبر انك متزوج وحده ماله اي ارتباط في عايلتكم ..
وقولي له زي ما انا احافظ على خصوصياتنا انت بعد لازم تحافظ وبهالطريقه اختك ممكن تبدا تسوي مقارنات تزيد المشاكل بينها وبين زوجهاو صدقني انت بعد بترتاح من مشاكل اختك وزوجها لا تقولين اخوي..
خليه يحس انك بعيده عن الصوره ولاتدافعين عن اخوك ابدا لان اخوك رجال اعتقد يقدر يجلس معه ويتناقشون..
بس هو لما يدافع عن اخته قولي له الله يصلح امرها مابيدي حيله..

 

[ميوسه]

اختي المفروض

تفصلون بينكم وبينهم انتم اسره وهم اسره ثانيه

يعني لو تطلقوا بكره تتطلقون هذا ظلم وعفوا غباء في التعامل

وانتي كبري عقلك وخليك اكبر من هالشي

واذا جا زوجك وقالك عن مشاكلهم قولي له ماراح اسمع ه يحلونها انا مالي شغل


وانتي غلطانه ليش ماتبينها تشوف صور الزواج هي وحده من العائله انتي كذا شعلتي النار

وفهميه انو البيوت اسرار


موفقه

 

[latoofa20]

اختي الغاليه...
نصيحتي هي كالتالي...:
اجلسي مع زوجك جلسه مصارحه..
وقولي له اعتبر زوج اختك هذا ماهو اخوي..
ولاتربطني باي شي يصير بينهم..
انت رجال واخوي رجال تفاهم معه..
وزي ما انت شايف من وجه نظرك ان اختك انظلمت مع اخوي
لا تربطني انا فيهم وتظلمني..
وروح انت اجلس مع زوج اختك وتفاهم معاه شوف وش الي بتوصل له..معاه ومعها..
وذكريه بقول كتاب الله(ولاتزر وازره وزر اخرى)
وقولي له اعتبر انك متزوج وحده ماله اي ارتباط في عايلتكم ..
وقولي له زي ما انا احافظ على خصوصياتنا انت بعد لازم تحافظ وبهالطريقه اختك ممكن تبدا تسوي مقارنات تزيد المشاكل بينها وبين زوجهاو صدقني انت بعد بترتاح من مشاكل اختك وزوجها لا تقولين اخوي..
خليه يحس انك بعيده عن الصوره ولاتدافعين عن اخوك ابدا لان اخوك رجال اعتقد يقدر يجلس معه ويتناقشون..
بس هو لما يدافع عن اخته قولي له الله يصلح امرها مابيدي حيله..

ختيه .. تعبت من كثر ما اكلمه .. ماشي فايده .. حتى اني سويت لعبه .. اني كل اسبوع اكتب اللي ما يعجبني فيه .. وهو يكتب نفس الشي ..

بس ما حصلت نتيجة من ورى هالشي..

يريدني اوقف ضد اخووويه وايلس اايده فكلامه .. ومرات كثيره يكون غلطان فكلامه ..

حاولت افهمه بان ما لنا خص بمشاكل اخوويه وزوجته .. ولما اقوله جذا يقولي كيف مالي خص؟؟ وهي اختي وتحتاجني..

وياما قلتله سير كلمه انا مالي خص اتي اتحط حرت اختك فيني انا..!!

هي علاقتها خاربه بينها وبين اخووويه .. اما ريلي الحمد لله مدلعني لولا اخته اللي كل ما تتصل اتصير مشكله بيني وبين زوجي ..

 

[latoofa20]

اختي المفروض

تفصلون بينكم وبينهم انتم اسره وهم اسره ثانيه

يعني لو تطلقوا بكره تتطلقون هذا ظلم وعفوا غباء في التعامل

وانتي كبري عقلك وخليك اكبر من هالشي

واذا جا زوجك وقالك عن مشاكلهم قولي له ماراح اسمع ه يحلونها انا مالي شغل


وانتي غلطانه ليش ماتبينها تشوف صور الزواج هي وحده من العائله انتي كذا شعلتي النار

وفهميه انو البيوت اسرار


موفقه

المفروض ختيه ..

والله يستر من اللي ياي .. لان علاقه اخووويه بزوجته مهدده بالدمار..

وهي اصلا طلبت مره الطلاق من اخوويه . . ف راح اخويه واتصل بريلي وقاله بان زوجته اللي هي اخت ريلي طالبه الطلاق..

اخويه لما اتصل حق ريلي كان يبا يوصل رساله له .. ان اخوويه هب من هواه مطلق حرمته .. هي اللي طالبه الطلاق..
عشان علاقتي بريلي ما تتأثر .. ويزاه الله خير اخويه لما سوا هالحركه وايد كبر ف عيني ..


انا ما اريدهم يتطلقون .. لان هاذيج بنت خالتي وتهمني .. وبعدين عنده بنيه وما اريدها تتشتت ..


اللهم اني لا اسألك رد القضاء ولكن اسألك الطف فيه

وانا ادري لما طرشتلها المسج بخصوص الصور زدت النار .. بس شو اسوي انا مقهوره منهااا..

اباه يبتعد عن مشاكلهم .. انا ما اريد ابعدها عن اخته .. بس اباه يبتعد عن الكلام الزايد اللي ما منه فايده فحياتنا الزوجيه ..



التوفيج لليميع ان شاء الله

 

[latoofa20]

بليز لا تهملوا موضوعي .. ساعدوني

 

[أميرة بأخلاقي]

مرحبا خيتي



السالفه يا صاحبه المشكله انهم اسره و انتو اسره ثانيه ..
و لكن الاسر متشابكه حيث انها اخت زوجج و انتي اخت زوجها و على هذا كلكم عيال خاله ..

المعنى الصريح انج توقعي مثل هالامور تحصل .. لان المشاكل من هالنوعيه تصير و خاصه تنتشر في حال زواج الاهليه ..


القصـه كلها

و محور القصــه أوالمشكله بكل تفاصيلها تدور على مرت اخوج ثم ريلج...
و خلينا نتكلم في البدايه عن مرت اخوج ثم عن ريلج

كانت تقدر تحل مشاكلها بروحها ..
كانت تقدر تستر على مواضيعها مع ريلها ..
كانت تقدر ما تدخل اي شخص في مشاكلها الخاصه ..
كانت تقدر تقلص حجم هالمشكله و تحتويها بدلا من ان تصير المشكله مشكلتيــــن و بأفعالها هاذي صارت صارت مشكله اولى و مشكله ثانيه , الاولى في بيتها و الثانيه في بيت اخوها نتيجــه لصله القــرابه ..


كلميها قوليلها يا حبيبتي انتي بنت خالتي و انتي مرت اخوي و معزتج عندي فوق ماتتصورين , لكن حاولي تحلين مشاكلج بروحج لأن الي قاعد يصير هو نار بيني و بين زوجي بسبب مالي دخل فيــه ! كل بيت و فيه مشاكل و كل زوج يختلف مع زوجته و لكن رجاءا كفايه عليه الي جاني ..


كلميها بصــراحه لأن مب غلط ان الانسان يكون صريح في حال انه يعاني من شخص معين و يمكن هي حتى ماتدري بلي يصير في بيتج من نار ثانيه تشتعل !!


و مرت اخوج اذا بتظل على هالموال و على هالحال علاقتها مع ريلها بتتأذى اكثر, و هي طبعا بدورها بتأذي علاقتكم انتي و ريلج ..
قوليلها الكبار في العايله موجوديــن خليها تكلم الي اكبر من ريلج .. خليها تدخل اطراف ثانيه في مشكلتها .. لســـــــبب كبير و قوليه لها ( ان مشاكلها مع ريلها تشعل نيران في بيتج لصله القرابه الكبيرة )..

و بعدين فعلا اذا هي تشوف ان العيشه بينها و بين ريلها مستحيله ( الي هو اخوج).. خليها تشوف لها صرفه معاه يا اما الطلاق او غيره .. لأن ليـــن متى بتظل على هالموال .. كل يوم و نطت بيتكم كل يوم و جت اشتكت لأخوها و اخوها بدورة يجرحج انتي ..!!




و الشخص الثاني الي يحق اننا نعاتبه هو ريلج ..

كلميه قولي له يا زوجي يا شريك حياتي .. الي يصير بين اخوي وبين اختك نحنا مالنا ذنب فيه سواءا كان اخوي غلطان او كانت اختك غلطانه ..
نحنا كل الي علينا اننا نحاول نصلح اذا اردنا ذالك لكن مانتدخل في حياتهم و ما ننحاز الى صف اي منهم ,, و ما نجعل مشاكلهم تأثـــر علينا انا و انت و على استقرار حياتنا ..!


و بعدين ريلج لين متى بيتدخل في مشكله اخته و بيخرب الي بينج و بينه !!

افرضي انها ما تطلقت !!

أو افرضي ان اخوج ما اعتدل معاها !!


و افرضي ان علاقتهم صارت كلها مشاكل في مشاكل ماتنتهي ..!!








ما ينفع يا حبيبتي يا اما مرت اخوج تشوف لها صرفه مع ريلها بدون ما توهقج انتي و ريلج .. و يا اما ريلج يعرف انج زوجته و مالج ذنب في مشاكل اخوج مع حرمته ..


اخته و هو مجبــور يساعدها و ما يتخلى عنها لكـــــن انتي زوجته و مايحق له يدخلج في مشكله اخته مع ريلها انتي انسانه و يحق لج تعيشين براحه و استقرار من دون هالمشاكل العائليه الي تنغص عليج راحتج في حياتج الزوجيه ..




و ربي وياج




:icon26:أمـــــــــورة :icon26:




​

 

[latoofa20]

ختيه اميره باخلاقي


اول شي مشكوره ع الرد اللي شجعني .. لاني احس عمريه خلاص ما اروم اعيش معاه اذا تم ع هالحال..


انا كلمت امايه عسب اتكلمهاا... وهي اتعرف بانها لما تشتكي لخووهااا اتشب النار ف بيتي ..


بس ماشي فايده .. الحال مثل ما هو ..

وانا كلمت امايه وكلمت اخوويه وكلمت اخوويه الثاني عسب يفهمهااا.. بس ماشي فايده ..

ابدا ماشي فايده معاها..


صرت ماثق بريلي.. يخبرها باسرارنااا .. وحتى لما اخبره عن حد من هليه يروح يقوللهاا ..صاير مثل وكاله الانباء اللي ما تطوف شي..


علاقتيه مع اهله حلوووه .. لكن علاقتيه مع اخته هب شي..


وع فكره ريلي مره تعمد انها يهزبني جدامها بس عسب يراضيها وما اتم اتصيح .. ها الحركه استوت لما طرشتلها المسج اللي اقوللها فيه اني ما اريدها اتشوف صور العرس

حتى اني صرت احس باني وايد عصبيه صايره معاااه .. لدرجة انه فكر انه يطلقني بسبب مشاكلنا اللي تستوي بسبب اخويه واخته..

وقال حق اخته بهالشي .. وصلى صلاة الاستخاره اونه ..ومن يومها وانا احس بانه جرحني بس لانه فكر انه يطلقني لسبب هو اللي دخله لبيته وحياته..


صدقوني اذا قلت لكم اني مرات احس باني بروحي ابا انفصل عنه برضاي..

لما اقوله تباني؟؟ يقولي ابااااج ومن الخاطر..

ولما اقوله عيل ليش فكرت انك اطلقني؟؟ ليش فكرت براحتك ولا فكرت براحتي انا بعد.؟؟

يتلوم ويقولي سامحيني كانت غلطه ونزوه من العصبيه اللي كنت فيهاا


لما تبتعد عنا اخته اسبوع ع الاقل .. يحطيني ف عيونه وانا احطيه ف عيوني .. واتصير حياتها حب ف حب ..

لكن من تتصل اخته .. ينسى كل الحب وينساني


عيزت معاااه


صرت حتى لما امسك تيلفونه واشوف بانها مطرشه له مسج .. امسحه عنه قبل لا يشوفه .. بس عشان ما يتصل فيها وادش المشاكل حياتنا مره ثانيه

 

[أميرة بأخلاقي]

ختيه اميره باخلاقي



صرت ماثق بريلي.. يخبرها باسرارنااا .. وحتى لما اخبره عن حد من هليه يروح يقوللهاا ..صاير مثل وكاله الانباء اللي ما تطوف شي..


علاقتيه مع اهله حلوووه .. لكن علاقتيه مع اخته هب شي..


وع فكره ريلي مره تعمد انها يهزبني جدامها بس عسب يراضيها وما اتم اتصيح .. ها الحركه استوت لما طرشتلها المسج اللي اقوللها فيه اني ما اريدها اتشوف صور العرس

حتى اني صرت احس باني وايد عصبيه صايره معاااه .. لدرجة انه فكر انه يطلقني بسبب مشاكلنا اللي تستوي بسبب اخويه واخته..

وقال حق اخته بهالشي .. وصلى صلاة الاستخاره اونه ..ومن يومها وانا احس بانه جرحني بس لانه فكر انه يطلقني لسبب هو اللي دخله لبيته وحياته..


صدقوني اذا قلت لكم اني مرات احس باني بروحي ابا انفصل عنه برضاي..

لما اقوله تباني؟؟ يقولي ابااااج ومن الخاطر..

ولما اقوله عيل ليش فكرت انك اطلقني؟؟ ليش فكرت براحتك ولا فكرت براحتي انا بعد.؟؟

يتلوم ويقولي سامحيني كانت غلطه ونزوه من العصبيه اللي كنت فيهاا


لما تبتعد عنا اخته اسبوع ع الاقل .. يحطيني ف عيونه وانا احطيه ف عيوني .. واتصير حياتها حب ف حب ..

لكن من تتصل اخته .. ينسى كل الحب وينساني


عيزت معاااه


صرت حتى لما امسك تيلفونه واشوف بانها مطرشه له مسج .. امسحه عنه قبل لا يشوفه .. بس عشان ما يتصل فيها وادش المشاكل حياتنا مره ثانيه

الغلا


مثل ما قلت لج السالفه صايره سالفه أحــزاب و ريلج يحس بأنج يمكن في صف اخوج على اخته .. و انتي بيني له العكس

و الشي الثاني

الي اكد له و الي حسســه انج يمكن تكونين منحازه لأخوج هو تصــرفج عن التصور ..
و انتي وضحي له و بيني له انج تحبيـــن اخته بشكل كبيـــر و تتمنين لها كل الخيــر و جامليها لما تتصل جدامه او من وراه عشان ما تظن انج تسوين هذا الشي خوفا من ريلج ..


يعني بمعنى أصــح صادقيها مب علشانها لكن علشان ريــلج يعرف معــدنج و يعرف انج تحبين اهله و تنوين لهم الخيــر ..


ريلــج يا حبيبتي


امبيــــــن و واضــح انه يحبـــــج و يغليــج و انتي سامحيــه على تفكيره في الطلاق لأنه يمكن كان تحت ضغوط و انه يشوف اخته مظلومه منج و من اخوج ..


و سامحيه لأنه اعتذر وعرف غلطته و كل انسان يغلط و الظاهر اخته ماخذه منج موقف وهذا بعد اثر على ريلج و انتي مثل ما وصيتج خلي علاقتج معاها حلوة ..

و اكيد بيي يوم و بتشتكي لريلج على اخوج و ريلج بيكلمج و بيتكلم عن هالموضوع جدامج و طبعا بيعلق عليه بعصبيه مثلا .. فأنتي تقبلي الموضوع بشكل عادي لا تبينين له انج مع اخوج و لا تدافعين عنه لأنج تدرين اخوج بعد اكيد له مساوئ مثل العلاقات و غيرها و انتي اتقبلي الانتقــاد عادي و كأن الموضوع ما يضرج ولا ينفعج ..

و شوي شوي بيفهم و بيتطمن انج مب كارهــه اخته و مب شاله عليها شي يضرها .. بالعكس..


و مع مرور الايام بيفهمج و بيحبج اكثر


و بعدين لأنكم توكم متزوجيــن ووايد من هالمشاكل تصير و مشكلتج تهون جدام مشاكل غيرج و بعدين حتى لو اتصلت بتكون رده فعله عاديه وبيتعود عليها اذا احتاج الامر فبيكون كلامه مع اخوج مب وياج و هذا اذا لزم الامر طبعا ..

و الطلاق في حالتج الصراحــه ماله داعـــي كلش



اميــرة بأخلاقي ​

 

[سالي 33]

عزيزتي نفس مشكلة اختيوأطورت بينهم الأمور للضرب لأنها جاته بأسلوب وعملت معاه كل الطرق وبعكذا زودها مرة وسار يتمادى حتى على أهلها وبعدها وصلت للضرب وتركت البيت وجلست عندنا شهرين وبعدكذه رجعت بشروط والحين ماشي الحال الحمدلله بس انا زوج أختي قل ادبه مرة يعني مصخها ومو كل الرجال واحد ممكن زوجك يجي بالكلام والإقناع خذي قلبه وعلقيه فيكي وخليه مايستغنى غنك وكل ماقلك شي عن أخوك لاتخليه يكمل قولي انا مالي شغل فيهم هذي حياتهم وهم أدرى فيها والله يهديلك هو حبيبتي ويسخره لك يلرب.

 

[latoofa20]

الغلا​

مثل ما قلت لج السالفه صايره سالفه أحــزاب و ريلج يحس بأنج يمكن في صف اخوج على اخته .. و انتي بيني له العكس ​

و الشي الثاني ​

الي اكد له و الي حسســه انج يمكن تكونين منحازه لأخوج هو تصــرفج عن التصور ..
و انتي وضحي له و بيني له انج تحبيـــن اخته بشكل كبيـــر و تتمنين لها كل الخيــر و جامليها لما تتصل جدامه او من وراه عشان ما تظن انج تسوين هذا الشي خوفا من ريلج ..​

يعني بمعنى أصــح صادقيها مب علشانها لكن علشان ريــلج يعرف معــدنج و يعرف انج تحبين اهله و تنوين لهم الخيــر ..​

ريلــج يا حبيبتي ​

امبيــــــن و واضــح انه يحبـــــج و يغليــج و انتي سامحيــه على تفكيره في الطلاق لأنه يمكن كان تحت ضغوط و انه يشوف اخته مظلومه منج و من اخوج ..​

و سامحيه لأنه اعتذر وعرف غلطته و كل انسان يغلط و الظاهر اخته ماخذه منج موقف وهذا بعد اثر على ريلج و انتي مثل ما وصيتج خلي علاقتج معاها حلوة ..​

و اكيد بيي يوم و بتشتكي لريلج على اخوج و ريلج بيكلمج و بيتكلم عن هالموضوع جدامج و طبعا بيعلق عليه بعصبيه مثلا .. فأنتي تقبلي الموضوع بشكل عادي لا تبينين له انج مع اخوج و لا تدافعين عنه لأنج تدرين اخوج بعد اكيد له مساوئ مثل العلاقات و غيرها و انتي اتقبلي الانتقــاد عادي و كأن الموضوع ما يضرج ولا ينفعج .. ​

و شوي شوي بيفهم و بيتطمن انج مب كارهــه اخته و مب شاله عليها شي يضرها .. بالعكس..​

و مع مرور الايام بيفهمج و بيحبج اكثر​

و بعدين لأنكم توكم متزوجيــن ووايد من هالمشاكل تصير و مشكلتج تهون جدام مشاكل غيرج و بعدين حتى لو اتصلت بتكون رده فعله عاديه وبيتعود عليها اذا احتاج الامر فبيكون كلامه مع اخوج مب وياج و هذا اذا لزم الامر طبعا .. ​

و الطلاق في حالتج الصراحــه ماله داعـــي كلش ​

اميــرة بأخلاقي ​

ختيه الاموره

مشكلتي ما اعرف اجامل .. اللي ف قلبي ع لسااني .. والكل يشهد بطيبة قلبي..

ما اعرف انافق نفسي وانافق غيري..

صدقيني اذا قلتلج اني انا اللي اتم اذكره بانه يتصل باهله .. بالاخص امه ..

دومني اعطيه التيلفون واقوله اتصل لامك انته من زمان ما كلمتهاا..

ريلي اعترف لي .. قالي انا اختي ما كنت اكلمها قبل زواجي فيج .. يمكن بس كل شهرين او 3 شهور مره ..

بس من خذتج صرنا انكلم بعض اسبوعيااا ..

امايه بعد نصحتني قالتلي حاولي انج تكسبينهااا.. واذا ما قدرتي ردي حاولي لين ما تقدرين .. الانسان اللطيف والمحترم الكل يستحي منه ..


بس المشكله هب فاخته .. المشكله فيه هو .. انا ابا افصل مشاكل اخته عن حياتناا الزوجيه .. اباها تبتعد بمشاكلهاا


صرت لما اشوف رقمهاا ع التيلفون اتوقع منها مشكله .. ويطلع احساسي صح ..

فيه وايد اسرار بين اخووويه وريلي .. واكتشفت ان اخووويه يستر ع ريلي جدامي ..

حتى بخصوص علاقة ريلي الاوليه ببنت .. ولما حاولت اني ادور ف ماضيه لقيت اخووويه يستر عليه ..

واللي قالي عن ماضيه هي اخته بنفسها ايام ما كان مالج عليه ..

من ثاني شهر من الملجه بدت مشاكلي مع اخته ..

 

[latoofa20]

عزيزتي نفس مشكلة اختيوأطورت بينهم الأمور للضرب لأنها جاته بأسلوب وعملت معاه كل الطرق وبعكذا زودها مرة وسار يتمادى حتى على أهلها وبعدها وصلت للضرب وتركت البيت وجلست عندنا شهرين وبعدكذه رجعت بشروط والحين ماشي الحال الحمدلله بس انا زوج أختي قل ادبه مرة يعني مصخها ومو كل الرجال واحد ممكن زوجك يجي بالكلام والإقناع خذي قلبه وعلقيه فيكي وخليه مايستغنى غنك وكل ماقلك شي عن أخوك لاتخليه يكمل قولي انا مالي شغل فيهم هذي حياتهم وهم أدرى فيها والله يهديلك هو حبيبتي ويسخره لك يلرب.

هاي هي نتيجة الزواج بالاقارب واللي انا طحت فيه بعد

تسلمين ع الدعوه الحلووه .. ولج بمثلها ان شااء الله

 

[كفاني عذاب]

ماشالله الخوات كفوا ووفوا بس عندي نصيحه صغيره واعتقد انها مهمه واااااااااااااااااااااااااااااااايد اهم شي اهم شي ما تبينين حق ريلج انج حاقده على اخته بالعكس قولي والله اني احبها فديتها بس شفيها الله يهديها دومها معصبه بس انا اعرفها اصلا اهي اكيد طيبه وتحبني ماهون عليها يعني لو اهي غلطت عليج بعدين او بينت انها حاقده عليج قدامه وانتي مو موجوده بيعرف انج انتي الطيبه لي ماتغلطين ومابيصدق اي شي منها فهمتي هذا الشي لازم تسوينه مع كل اهله :icon31::icon31::icon31:وبعدين لا تدافعين ابد عن اخوج بالعكس خليج معاها قولي الله يعينها والله ماتهون علي اخوي يزعلها الله يهديه فلان:redface: وانتي كلمي اخوج بعد وحاولي تصلحين بينهم يمكن تمشي امورهم يعني كوني معها حاولي تساعدينها صدقيني بتحبج وبتكبرين بعينها وبعين ريلج وبنفس الوقت بتكونين ساعدتي اخوج لانج لو ريحتي زوجته وساعدتيها بحل مشاكلها اهو المستفيد :c016::c014:والله يسهل امورج ويصلح شانكم