((((حبيبتي .......انا جااااااي ))))

[بيالة شاي]

السلام عليكم يااحلى ملكاااات :icon26::icon26:.... شاركوني رايكم في موضوعي :bigsmile:​

.......................................................................................................​

.((.صباح كل يوم يتوجه الزوج للعمل ويترك وراءه الزوجه والبيت والعيال ....اذا كانت الزوجه ربة بيت على طول تنشغل بالبيت ومسؤلياته اللي ماتخلص والعيال والغدا والمطبخ والتنظيف والترتيب ...بالعربي ((تحوووووووووووووووووووووووس)):bigsmile:....إذا كانت موظفه يوووه هذي بعد اعتبرها مجاهده ههههه لانها يادوب ترجع البيت وتبدى الحوووسه:exclamationpoint: ....وثنتينهم يمر عليهم الوقت وتتفاجئ ان زوجها جا ودخل البيت وهي في دوامتها ويمكن تكون ماانتبهت لدخوله لانها في المطبخ او مابدلت :sad_1:..... والزوج ((ياحبة عيني )):tears: جاااي من الدوااام تعبااان وطول الطريق يفكر بالغدا والقعده الرايقه :essen:...يدخل ومايلقى الا الحووسه والزوجه مشغوووله والغدا الحين بيجهز والعياال عافسين البيت ...يعني قمه الاحبااااااااط:busted_red:​

مشــــــــــــــــــــــــــــــــــــــــــــهد يتكرر في اغلب البيوت واغلب الايـــــــــــــــــــــــــــــام ..​

ولكن!!!!:exclamationpoint: .....لو تم الاتفااق بين الزوجين ....على مكالمه حلوه من الزوج كل يوم اول مايطلع من الدوام ياخذ التلفون ويتصل بالزوجه ..(( الو ....حبيبتي .....انا جااااااي )):cupidarrow: ......هالكلمتين بس ممكن تقلب المشهد اللي فوق الى استقبال حلو:icon31: ....اذا ماله مزاج مكالمه ممكن مسج ...او حتى مس كوووول تمشي الحال ​

يعني بعد المكالمه على طول .....​

*.. جهزي السفره :essen:...يعني رتبي طاوله الطعام وحطي الغدا وياليت لو فيه حركات راايقه:icon31: زي مزهريه ورد ولا نابكن ملون يعني انت وذوقك :icon26:​

*..جهزي نفسك:shiny: ...لو فيه وقت ((يعني دوامه بعيد )) تاخذين لك شور سريع ...اذا مافي وقت ...ممكن ترتبين شعرك وتحطين رشتين عطر وشويه جلوس وترسمين ابتسامه حلوه :shiny:​

*..شيلي حوووسه العيال ورتبي البيت من الالعاب اللي مرميه في كل مكااان :thumbdown:​

* ...شغلي الفواحه ..او حطي دخون ...ودخني البيت بعد ريحه الطباااخ ...​

بالمختصر .......خلي لحظه دخول زوجك البيت .....من احلى اللحظات في يومه كله :icon31:​

 

[وردة’عسل]

بوركت يمناك

 

[صابرين]

تسلمين يا قلبي والله معاكي حق :smoke1: مشكوووورة:icon26:

 

[أحلى عسل]

تسلمين يالغاليه

 

[أنـا]

تسلمين

 

[رتوش]

تعرفي هذا الي نسويه انا وزوجي :msn-wink:

او بالاصح هو دايما يتصل قبل مايرجع البيت لما يكون طالع.... اما الدوام احيانا يتصل لما

يكون رايق :smoke1: والغالب اني اكون عارفه وقت رجعته من الدوام

واذكر قبل فتره بطل يتصل قبل مايرجع بس انا طلبت منه انه يتصل عشان اكون مستعده

(احس ان كلامي مومرتب) :blushing:​

 

[بيالة شاي]

ورده عسل .....صابرين .....اناعسل ....انا .....حياكم الله نورتوا موضوعي

 

[بيالة شاي]

تعرفي هذا الي نسويه انا وزوجي :msn-wink: ​

او بالاصح هو دايما يتصل قبل مايرجع البيت لما يكون طالع.... اما الدوام احيانا يتصل لما ​

يكون رايق :smoke1: والغالب اني اكون عارفه وقت رجعته من الدوام ​

واذكر قبل فتره بطل يتصل قبل مايرجع بس انا طلبت منه انه يتصل عشان اكون مستعده​

(احس ان كلامي مومرتب) :blushing:​

بالعكس كلامك مرتب وعسل ياعسل.....وحتى ولو اعرف وقت رجعته بس هالمكالمه خلاص تنقلني من موود العفسه الى موود الاستقبال وترسم الابتسااامه على طول

 

[ريمانوفا]

بيالة شاي
انا من المجاهــــــــــــــــــدات:tears:
ارجع من الدوام....احط الشنطه والطرحه عالكنب....وأنطلق الى حمام السونا والتدليك.....ههههههههههه قصدي الى المطبخ احط الأيدام بالمويه يطبخ اختصار للوقت...(تخيلي كاشخه وميك اب واطبخ؟؟)..وبعدين اروح ابدل ؟؟؟؟؟يعني ....كني في برنامج مسابقات...:busted_red:.....وتجديني هنا وهناك كالعنكبوت انجز مايمكن انجازه ترتيب المنزل كله واكيد اهم شي غرفة النوم.......ولاتنسين تكتبين بقلم الروج عبارة لحبيبك عالمرايه
(جيب لي شغاله.)
.ههههههههههه........لا لاتصدقون.....كتبي كلمات رومانسيه طبعا...
واخلص واغير ثياب الطبخ والبس ثياب ثانيه حلوة....وبسيطه ولاتنسون الميك اب محطوط من قبل حق الدوام(خفيف مره اصلا مايحتاج انا شحلاتي بدون واطفي الكهرباء:blush-anim-cl ............واعطر البيت والعيال عند التلفزيون.......لما يدخل دايما الاقي الاستغراب في عيونه......تقول(كيف تقدرين تصيرين حلوة كذا وانت عندك بيت ودوام.....؟؟؟؟)
سم بالله لاتعطيني عين..
.هههههههههه.........
..لكن كل اللي يقوله..(ماشاء الله ريحة الغدا واصله لين برا...........عذبت خلق الله ياريمانوفا)
ملاحظه انا اعرف وقت رجعته من الدوام .....بس ساعات يطب طبه يصير مستأذن :santa_1:
وصيته يدق وهو راجع يمكن نبي شي ضروري....وصار يدق
(يعني لاتنبهينه ان قصدك عشان اتزين لك ....لا )لانك زينه طول يومك:smoke1:​

 

[الدنيا سوالف]

أفكارك حلوة بيالة شاي ..
تسلمي ع النصايح ...

 

[صاحبة الأفق]

يزاج الله خير

والله اني واااااااااااااااايد استفدت من هالمنتدى


يزاكم الله خير

 

[تحبني؟!]

والله هذا الشعووووووور كنت احسه لما كنا عايشين بره للدراسه...صج كنت اتعب بس وناااااااااااااسه احس كل شي انا اسووووويه وكان يستانس وينبسط مع اني مب شاطره في الطبخ بس كنت احاااااااااول ومره تصيب :essen:ومره تخيب:tears:

بس هني لما رجعنا بلادنا تغير الوضع الطباخ مايقصر والخدامات مايقصرون اللي علي اني اشرف على الغدا ادا جابوه قسمي (بحكم اني عايشه في قسم لوحدي في بيت اهل زوجي) واعدل الطاوله واكون انا على سنقت عشره:blush-anim-cl:

ادعو ربي يرجع زوجي من السفر وهو بخيييييييييييير وكله شووووووق:cupidarrow:

 

[بيالة شاي]

ريمانوفا ......استانست واااايد يوم شفت اسمك راده على موضوعي لاني من المعجبات بقلمك :cupidarrow::cupidarrow:

وياقلبي الله يعطيك العافيه فعلا كأنك في برنامج مسابقااات :dunno:....بس عيني عليك بااارده وان شاااء الله دووم حلوه وتعجبين زوجك:clap:

وفعلا نقطة انك ماتنبهينه انك تنطرين اتصاله عشان تتعدلين مهمه انا معودته من تزوجنا مايرجع البيت الا متصل فيني عشان يمكن ابي شي وهو جاااي:icon30: ....

تسلمين على المداخله الحلوه ....تحياتي لك:bye1:​

 

[بيالة شاي]

أفكارك حلوة بيالة شاي ..
تسلمي ع النصايح ...

انت اللي مرورك حلو .....مشكوره ياقلبي ​

 

[بيالة شاي]

يزاج الله خير

والله اني واااااااااااااااايد استفدت من هالمنتدى


يزاكم الله خير

اي والله وانت الصاجه كلنا نستفيد من هالمنتدى المميز ....وجزى الله القائمين عليه كل الخير
​

 

[بيالة شاي]

والله هذا الشعووووووور كنت احسه لما كنا عايشين بره للدراسه...صج كنت اتعب بس وناااااااااااااسه احس كل شي انا اسووووويه وكان يستانس وينبسط مع اني مب شاطره في الطبخ بس كنت احاااااااااول ومره تصيب :essen:ومره تخيب:tears:

بس هني لما رجعنا بلادنا تغير الوضع الطباخ مايقصر والخدامات مايقصرون اللي علي اني اشرف على الغدا ادا جابوه قسمي (بحكم اني عايشه في قسم لوحدي في بيت اهل زوجي) واعدل الطاوله واكون انا على سنقت عشره:blush-anim-cl:

ادعو ربي يرجع زوجي من السفر وهو بخيييييييييييير وكله شووووووق:cupidarrow:

ياحبيبتي .....الله يرجع زوجك بالسلامه وهو مولللللللللللللع من الشوووق:in_love::in_love:

ويرجع لي الغالي قولوا اميييييييييييييين:no:
​

 

[**روعة الحب**]

كلام رااااااائع......جزاك الله به سعاده ابديه.....اااامييين
لكن انا بصراحه في غنى عن الحوووسه هذه كلها.......لأن زوجي كل يوم يجي على الموعد بالتمام..... لدرجة انه لو اتأخر 5 دقايق اقلق عليه.....وفعلا حضوره على الوقت يغنيني عن الاحراجات اللي ممكن اواجهها لو كان يجي كل يوم بوقت...
والف شكر ..حبيبتي.​

 

[غربة]

احلى بياله

موووضوعج مهم الصراحة

والحمد لله احنا تعودنا من ايام الخطوبه ان زوجي يتصل اول ما يطلع من الدوام

والله لا يغير علينا يااارب

 

[روح البندر]

مشكوره ياعسل0000الحمدلله هالشي متعودين عليه من بدائه زواجنا

 

[بيالة شاي]

غربه ...روح البندر ...... الله لايغير عليكم وعاده دائمه ان شاء الله