زوجي والزوجه الثالثه

[دموع الشوق2]

:8:بسم الله الرحمن الرحيم

مبروك عليكم الشهر

يابنات انا محتاجه مشورتكم لاني بجد نفسيتي زفت ابدخل بالموضوع على طول انا متزوجه من سبع سنوات وما جبت اطفال قبل سنتين بالتمام زوجي تزوج وعنده اللحين ولدين ماشاالله والامور ماشيه ولله الحمد بس المشكله اللحين ان زوجي بيتزوج الثالثه طيب وانا وش اسوي بالله انا وش دوري بحياته انا ما انكر اني مهمه جدا بحياته وهذا اللي يحاول دايم يبينه لي بس انا اللحين افكر بالطلاق منه لان خلاص احس مالي دور ابد زوجته الثانيه بتولد وبكره الثالثه اذا اخذها بتحمل وعياله بيكثرون الله يزيده بس انا اقعد اتفرج هذي تحمل وهذي تولد امانه يابنات انتو حاسين فيني انا اللحين عمري 31 ابتعد وخليه يعيش مع اطفاله وحريمه او استمر معاه تعبت من كثر التفكير والله اني في حاله يعلم بها الله ارجوكم لا تبخلون علي بمشورتكم واعذروني لان كلامي مو مرتب ​

 

[ام المياسة]

السلا م عليكم اختي انصحك ثم انصحك اذكان ماتقدرين تحملين عيشي معه ان شاء الله مارح يقصر معك اعرف ناس كثير نفس الموقف الله يسخر لك ملائكة السماء والارض امين يارب وانتي ادرا في مصلحتك:

 

[رانيا 1]

ما انصحك ابدا بطلاق وحياتك معاه احسن من غيرك ماشاء الله وزواجو عليكي عشان الاولاد وبس خليكي الزوجه الفاضيه المهتمه المريحه دام انه يحبك

 

[دموع الشوق2]

مشكورين يااخت ام الماسه ورانيا اشكركم من كل قلبي بس انا افكر لبعيد انا افكر بعدين ماراح يفضي لي ابد وانتم اكيد فاهميني والله انا في حيره ومشورتكم فوق راسي

 

[الامومه]

استخيري الله
استخيري الله
استخيري الله
واكتبي السلبيات والايجابيات
وشوفي مصلحتك وين
والدعاء
وبالتوفيق يالغلا

 

[لبى خفوقه]

حبيبتي لا تتطلقين

بكرة اذا كثرو عياله

بيجي يدور على الهدوء والراحه عندك

بيرجع يبي قلب شريكة حياته الاولى

ومن اللي انا شفته بحياتي ان الرجال يحب الهدوء

 

[ابغى العفه]

الله يرزقك من واسع فضله

بنين وبنات

لا تفكرى بالطلاق لو هو عادل بينكم

هتجلسى بدون زواج وممكن تقدم لك رجل

لديه 3 زوجات

اذن فانتى من تقررن هل هو يعفك ام لا

وهو عادل بنكم ام لا

وحاولى تحبى اطفاله

الله يرزقك قريبا

 

[وليفة الحيرة]

ياقلبيي يادموع الشوق الله يرزقك انشالله بالذريه الصالحة من قال مالك دورانتي الاساس وانتي اعترفتي انك مهمة وترى الرجال يبي الراحه وبيهرب من صجة البزارين وماراح يلاقي الراحه الاعندك اصبري واحتسبي واعتبري عياله عيالك والله يرزقك ياقلبي بس طلاق لاتفكرين فيه نصيحه والله مابترتاحين بعيد عن زوجك والله يوفقك

 

[دموع الشوق2]

اشكر جميع من رد علي ممكن اتحمل وعيش معاه بس تتوقعون انه ماراح يلتهي مع عياله وحريمه وطبعا هم اللي راح يكسبونه انا اللي مخوفني بكره اصير عنده مهمله من كثر انشغاله مع اطفاله وحريمه اتمنى تكونون حاسين فيني

 

[سفيرة السعادة]

أسمعي ياحبيبتي فكري اذ تطلقتي راح تخذين زوح متزوج ماستفتي نفس الحكايه لكن أجلسي مع زوجك وهتمي في نفسك وتركي عنك التفكير

 

[تواقه للجنان]

دموع الشوق كأنك تتكلمي عن مصيري الذي اتعبني التفكيرفيه انا متزوجه من 5سنوات وقررالحين يتزوج علي وخايفه من مصيري وياه الله يرزقني و يرزقك بالذريه الي تفرح قلوبنا

 

[دموع الشوق2]

امين ياتواقه للجنان الله يرزقنا الذريه الصالحه عاجلا غير اجل ويرزق كل محرومه ومحروم

 

[صمود بنوتة]

الله يفرجها عليك اختى بس انا اللي اشوفه اذا انتي تحبينه واهو بصراحه محسسك يهالشي ومش مهملك انا اقول صبري وتحملي اما اذا حاسه انه كلامه اهانات وبدا يتغير انتي اللي تقررين لان بصراحه ياعمري والله مالومك النار ماتحرق الا رجل واطيها و أنتي الحين جالسه تاخذين قرارات وانتي ماجسيتي نبضه اذا يحبك صدقيني ماراح يرضي يطلقك والله يسخره لك

 

[ام رمايل]

معليش اختي يعني السبب منك انتي لان ممكن يكون سبب عدم حملك يكون انك انتي وياه مش متفقين
في هذي الحاله ممكن تتطلقين وتتزوجين غير عشان تجيبيلك عيال
اما اذا كان السبب منك انتي فليش الطلاق الوحده بدون زوج ماتقدر تعيش صدقيني
وفي الاخير اسأل الله انه يرزقك

 

[بلسم مجروح]

اسمعي ياقلبوووووووو لاتطلبي الطلاق تكون متزوجه وعلى ذمة رجال احسن من انك تكوني مطلقه
ماتدري انتي فين الخير لك استخيري الله واذا كان طيب معاك حاولي انك تكسبيه اكتر
وشوفي اصلا الرجال اكثرهم يحبو الهدوء ماتشوفي الحريم يشتكوا ازواجهم يهربوا من البيت بسبب الضجه والازعااااج ....
ان شالله الله بيرزقك الحمل وبتحملين ربك كريم لاتياسي بس ضلك تستغفري وتدعي ربك
وانصحك بسهام الليل وربي يتقبل وتحملين يارب
وخليه يتزوج فتره وهيمل وهيرجعلك لانك الاولى والاصل والله يسخره لك ويرزقك بالحمل يارب ...

 

[جنينة امها]

هو وشيبي بالثلالثه ولا تجميع حريم ويقهركم بس اذا كان متزوج عشان العيال ماعليه حقه تزوج الثانيه وجابت العيال وشوله الثلاثه هذا يبي اللعب بس


شوفي حبيبتي اذا يحبتس وشاريتس قوليله اذا تزوجت الثالثه انا مالي مكان من الاعراب عندك وطلقني اشوف نصيبي ويمكن العيال يكونون من غيرك واذا تحبني ومتمسك فيني وشاريني خل الثالثه لان اللي تبيه العيال ولله رزقك من الثانيه


وماتدرين وش الخيره فيه ولله اعرف كم وحده ماجابت عيال من زوجها ويوم طلقها وتزوجت وهو تزوج رزقهم الله اثنينهم عيال او تاخذين واحد مايبي عيال ارمل او مطلق وتعيشين معه سعيده

بس صدقيني اذا يحبتس ومتمسك فيتس ماراح يطلقتس ولا يتزوج ثالثه حطي انتي بس خيار الطلاق وشوفي رده عليتس وشبيكون وبعدين بلغينا بجوابه ولا تنسين تقولين له انا بشوف نصيبي مع غيرك يمكن ربي يرزقني عيال من غيرك او اخذ واحد ارمل وربي عياله واكون لهم ام واشبع امومتي بتربيتهم

 

[اميره حكي]

اختي الغاليه

وفقك الله لكل خير اولا اسال الله ان يرزقك التوائم الذكور الصالحين اللهم آمين

ثانيا زوجة ابي عاشت معه حتى توفاها الله وكانت تحبنا اكثر من امي

ثمرة ذلك الوضع اننا نتناوب في اداء العمره والحج ونهديهاثواب العمل لحبنالها

حرمها ربي الولدولم يحرمها ولدا صالحا يدعو لها فانتي لاتعرفين اين الخير

كلما فكرتي بالطلاق توضاي وصلي ركعتين لله بنية كشف الكرب وتهجدي

ان يصرف الله زوجك عن الثالثه فماذايريدمن رزقه ربه بزوجات صالحات وذريه

طيبه

استخيري ثم استخيري واستخيري

ثبت الله قلبك وشرح صدرك ورزقك كل خير وطمنيني عنك الله يصلح حالك

 

[الشتاء الدافئ]

هو وشيبي بالثلالثه ولا تجميع حريم ويقهركم بس اذا كان متزوج عشان العيال ماعليه حقه تزوج الثانيه وجابت العيال وشوله الثلاثه هذا يبي اللعب بس


شوفي حبيبتي اذا يحبتس وشاريتس قوليله اذا تزوجت الثالثه انا مالي مكان من الاعراب عندك وطلقني اشوف نصيبي ويمكن العيال يكونون من غيرك واذا تحبني ومتمسك فيني وشاريني خل الثالثه لان اللي تبيه العيال ولله رزقك من الثانيه


وماتدرين وش الخيره فيه ولله اعرف كم وحده ماجابت عيال من زوجها ويوم طلقها وتزوجت وهو تزوج رزقهم الله اثنينهم عيال او تاخذين واحد مايبي عيال ارمل او مطلق وتعيشين معه سعيده




بس صدقيني اذا يحبتس ومتمسك فيتس ماراح يطلقتس ولا يتزوج ثالثه حطي انتي بس خيار الطلاق وشوفي رده عليتس وشبيكون وبعدين بلغينا بجوابه ولا تنسين تقولين له انا بشوف نصيبي مع غيرك يمكن ربي يرزقني عيال من غيرك او اخذ واحد ارمل وربي عياله واكون لهم ام واشبع امومتي بتربيتهم

كلام الغاليه جنين امها سليم جدا ومنطقي...واحب اضيف في هالزمن لاعادينفع رجل ولا عيال اللي ينفعك قريشاتك ...الضمان للمستقبل اللي انتي خايفه منه هو الضمان المادي ...يعني امني نفسك ببيت تؤجرينه وتعيشين فيه اذا كبرتي بلا منة فلان او علان ...اذا زوجك الحالي مقتدر وعندك فلوس استفيدي منه وخليه يساعدك تشرين بيت او عماره تجاريه ورجعي له مساعدته بالتقسيط ودلعي نفسك بفلوسك ودلعيه سافري انتي وياه وانبسطي وبتصيرين له الملجأ من المسئوليات ...وهذا حسب شخصيته اذا يستاهل او لا ...
المهم فكري بمنطق واتركي عنك العواطف ولاتنسين الاستخاره

 

[اتعبني هواك]

الله يرزقك ياربي يالذريه ,,, لاتستعجلين ياقلبي
وتطلبين الطلاق,, ومثل ماقالوا البنات اذاكثروا العيال
وكثرت مشاكلهم راح يجيك ويبي اللي يعوضه,,
وبرضوا تبقين انتي الاولى والغاليه,,ومدامه مومقصر
وعادل نصيحه لاتتركينه والله يريح قلبك ويفرجها عليك ان شالله,,,

 

[حنيـــن الشــوق]

اتمنى ان يكون قرار الطلاق آخر الحلول,,,,الجئي لله واستخيري ,,,موفقه يارب