blqees2009
New member
- إنضم
- 22 أكتوبر 2009
- المشاركات
- 18
سالفة أختي هذي الله يهديها سالفة
عمرها 18 سنة , واكتشفنا معها جوالات بالخفاء أكثر من مرة
طبعا تكلم شباب وعندها أكثر من رقم
طبعا الجوال اللي كان معها أول مرة كان جوالي وهي سرقته مني
وعفسنا البيت فوق تحت ندور عليه وسألناها وقلت لها أحسن لك طلعي الجوال
قامت تصيح وتحلف بالله انه مو معها وانها ما تدري عن شي
ودموع وصياح , طبعا كل هذا تمثيل ونصب منها
أنا صدقتها ولما رحت لبيتي حسيت بتأنيب الضمير وقلت لنفسي حرام ليه شكيت فيها
ومرت الأيام والشهور إلى إن اكتشفتها أمي ولقت الجوال معها
أمي ضربتها ضرب وتوقعنا انها عقلت وتابت
لكنها طلعت حيوانة ودبرت جوال ثاني بالخفاء ماندري من وين
ولما اكتشفنا الجوال الثاني لقينا فيه بلاوي
قلنا لها من وين لك هالجوال , قالت أنا اشتريته من السوبر ماركت لما كنا طالعين قبل فترة
وإلى يومك ماندري وش الصدق , هي شاريته فعلا والا واحد من هالشباب الكلاب اللي تكلمهم معطيها اياه !!
احنا لا حظنا انها دايما بغرفتها ومسكرة الباب , أمي أخذت منها المفتاح
صارت أغلب وقتها تجلس بالحمام ومشغلة موية الدش
تجلس بالساعاااات , لاحظت هالشي وقلت لأمي
طبعا درت إني قلت لأمي عن جلوسها بالحمام , فصارت إذا جيت أزور أهلي تجلس معنا النصابة
تمثل إنها عقلت , لكت اذا رجعت لبيتي يقولون خواتي الصغار اننا ما نشوفها أبدا
إما تكون بغرفتها أو بالحمام
وقبل فترة جت الشغالة لأختي الصغيرة بالمتوسط : ليه اختك تحط جوالها بكيس الرز
أختي قالت : وشو جوال ؟؟
قالت الشغالة : ايه جوال أختك
علمت أختي أمي وأخذنا الجوال منها (الجوال الثالث)
أمي تعبانة وتوها والدة ولا زالت بالنفاس
واكتشفوا خواتي الصغار محادثات بالنت مع وحدة من صديقاتها تقول لها صديقتها ارسلي لك رقمك
قالت أختي : خلاص اليوم أرسل لك مسج
يعني معها جوال رابع !! مصيبة
صديقتها هذي يتيمة ماعندها أب , يعني لا حسيب ولا رقيب
وأمها تزوجت هالصيفية , يعني البنت دشارة وما أحد يدري عنها
ماندري وش نسوي مع هالكلبة
المدرسة راح ننقلها من مدرستها
وأبوي مايدري عن الموضوع أبدا ,, أبوي كبير بالسن وأخاف يصير له شي الله يحفظه
ولو علمناه بالموضوع راح يحول حياة أمي لجحيم , أنتي ما تدرين عن بناتك وغافلة عنهم ومن هالكلام ..