معرف اضحك ولا انقهر هههههههههه
اللي عرق واللي أسنان وين جالسين في الحضانة
هذي فطره وبعد الفطره دين وين هذا كله
عموما
انا متفهمه مشكلتك تمااااااااااااما
لكن لي عتب بسيط متلخص بنقطتين
الأولى شو سالفة اللي بنات سمعوك بالحمام وسمعوك وانتي جالسه معها
اختي انا اعرف انك متضايجه بس الانسان يضبط نفسه في هذي المواقف يفترض ان مهما كان الظرف محد يسمع منك هذي السوالف انك تنقدي على ربيعتج
وسالفة غصبا عني هذي مب حجة انتبهي ارجوك لهذي النقطة هذي السالفة اساسها مشاعر وانتي ساهمتي بل كنتي طرف أساسي في نشر سالفة عن ربيعتك بشكل جااااارح جدا ويمكن يؤثر على سمعتها في المستقبل في زواج وغيره
وانتي تعرفي ان نحن كبشر نمر بمراحل في حياتنا بمعنى يمكن بعد سنة او سنتين تحصلي هذي البنت انظف بنت في الكلية وأكثرهن أناقة يمكن حاليا ماتهم بس بكره تصير تهتم تعقل وتنتبه وتحل هذي المشكله
يعني مثل البدانة أو النحافة أو الترتيب في الهندام وغيره هذي الأمور قابلة للتغيير ونشرها وجعلها علكة في كل لسان عمل مؤذي مؤذي بشكل ماتتخيليه ..
ويمكن اللي مايعرف ربيعتك في الكلية بيعرفها وبيدور عليها علشان يشوف البنت اللي ريحتها خايسه وربيعتها تصيح في الحمام
وخير منك انك تحاولي تصكري الباب على البنات مع ان المفروض من بدري .. لان البنات ماعندهم سالفة يحبوا الحش والتقليل من زميلاتهم ومايصدجوا يمسكوا سالفة من هالنوع
خليني اقولج شي تخيلي انج تجيج حاله اختناق
وما تقدرين تتنفسين يعني تحسين انج بتموتين (بعيد الشر عنج) و تحاولين انج توخرين عن السبب و ما في فايدة منتي قادرة البنت لازقه فيج وكل مكان تبي تروحه وياج و فوق هذا كله انتي مريضة و حالتج النفسيه صعبه صدقيني في هالحالة مستحيل تضبطين روحج لو انتي شنو وانا عاذرتج لأني متأكده لو ان وحدة فيها ريحه مثل ريحتها مرت صوبج بتختنقين و هذا مو كلامي كلام وايد بنات انا اعرفهم و خليني اضيف لمعلوماتج شي يمكن انتي ما تعرفينه او تعرفينه بس مب راضيه تعترفين فيه ان دايما اذا الناس شافوا شخص دب و شخص ضعيف يتهمون الدب لأن هذي نظرتهم و اذا انتي مب جي غيرج انا متأكده 100 % انهم جي لأني أكتشفت يوم انها انفضحت و الناس عرفوا ان الريحه منها مو مني وايد ناس كانوا يعتقدون اني انا الخايسه و كان بيتركوني و السبب هي
_______________
النقطة الثانية ان اصلا مشكلتك مع البنت نفسية تعرفي كيف !
دايما وأبدا اذا شميتي شي يزعجك او شفتي منظر مزعج أو سمعتي صوت مزعج بتصير عندك حساسية نفسية منه .. واذا الناس تشوفه بقياس 5 انتي بتشوفيه بقياس 10 اليوم و20 باجر و50 بعد اسبوع لحد مايصير هذا الشي هو الحدث المسيطر
ولا مع احترامي لك ولنفسيتك مادام ربيعتج مب مريضة يعني الدعوة عرق اوكي ماقلنا شي نفسيتك تعبت بس مش لدرجة انك تنهاري في الحمام والناس تهديج كانها أم الكوارث
انا والله ماعجبتني البنت ببتعد .. والله يخلصني افتعل مشكله وابتعد ولا اني اسوي هالسواة
حاولت ابتعد في البدايه بس و الله هي اللي كانت تلاحقني وكانت تطرش لي بنات عشان يتوسطون بينا و تقول لهم فلانه متغيره علي و ما تكلمني و في وقتها محد كان يدري عن الموضوع و كنت اضطر اني ارجع لها لأن ما في سبب مقنع يخلني اقولهم اني تركتها عشانه و ما كنت اقدر افضحها لأني عارفة اني ممكن تدور علي الأيام ويصيدني شي بسبب اني فضحتها و ارجع و اقول لج الحاله النفسيه الي انا كنت فيها هي السبب و بعدين الحمام عمومي و ما قادرة اقفله عن الناس
الخلاصة حاولي انك تتحكمي في ردود أفعالج في مايختص بهذي المشاكل لأن الدنيا سلف ودين يمكن لاقدر الله انتي تزعجي حد بريحتج وترا مب شرط تكون هذي من قلة النظافة عندج وايد أشياء
- ممكن ريحة عطرج تكون تصك الراس وتجيك وحده تجرحك وتقولك ماعندج ذوق
يمكن يحطج ربي في موقف تعرقي
بعض الأحيان اذا جاتك حمى تطلع ريحة الفم
ممكن في يوم تكوني صايمة وزميلاتك مايعرفن وتطلع ريحة فمك ويجرحونك
يمكن بنتك لاقدر الله تهمل نفسها في مرحلة من مراحل حياتها وتحصل احد يجرحها
امنى انك ماتفهمي كلامي على نحو اني مافهمتك لابالعكس فاهمه لكن اشعر انك ضخمتي الموضوع وكان ممكن تلميه بينك وبينها بأي شكل من دون لا طبيب ولا دموع ولا بنات يسمعوا في الحمام
بدون طبيب ما اعتقد لأن الحساسيه اللي صادتني و لحد الحين اتعالج عنها ما اعتقد تتعالج بروحها بدون طبيب و بالنسبه للبنات اللي يسمعوا بالحمام مثل ما قلت لج صعبه اقفل الحمام و هو عمومي و ما فيه مفتاح و بالنسبه للدموع وايد صعبه اتحكم بنفسيتي و انا قاعدة احس روحي بموت
وربي يحفظك حبيبي