حيلهم بينهم :)

[شوق الروح]

هههههههههههه عزيزتي غافلة والله عجيييييييبه القصه صدق كيد النساء عظيم..وسامحيني على كلامي قبل..صدق كفيتي ووفيتي ودمتي بود

 

[شوق الروح]

اشراقه مشكوره حبيبتي على تفاعلج الطيب..وإن شاءالله بتحصلين الحماس إلي تبغينه وأبغيه من ملكات وأميرات المنتدى.... ماأدري تبتدين بموقف من عندج ولا أبتدي أنا؟!

 

[اشراقه]

سلام يا احلى ملكات واميرات مع اني مالقيت تفاعل :crazy:لاكن لكم مني هذا الموقف:
كان زوجي احيانا يتكلم عن الزوجه الثانيه يعني من باب ينرفزني لان كل الرجال يحبون هذا الكلام :icon28:
المهم كان اذا اتكلم في هذا الموضوع اعصب طبعا ردة الفعل هذي تدل على انسانه ما عندها ثقه بنفسها هذا الي تعلمته طبعا في المنتدى لكن تدرون اشالي صار بعد ما تغيرت ووعيت صار موقف وقال زوجي (والله الواحد احسن يجيب وحده ثانيه تعرف تهتم فيه زين) وكلام طويل من هذا النوع يبغى يحسسني اني مهمله المهم رديت
وانا انظر فيه بكل ثقه وقلت والله انا بعد احس اني اتمنى انسان يهتم فيني ويدلعني زي لما كنت عند اهلي ويحس بقيمي ويعرف هو ما حذ مين :msn-wink:طبعا ردت فعله الى بهرتني انه حضني وقال اشفيك اخذت الموضوع جد والله امزح:icon30: مع اني اول لما كنت ازعل كان يزيد في كلامه ويحس بالانتصار اشرايكم ياحلوييييين
ولا انسى اقول لكم انه ما عاد يجيب سيرة هذا الموضوووووووع ابدا:bye1:

 

[~BUTTER~FLY~]

حبيبة قلبي:icon26: لا تتحبطين
مافي بنات وايد داخلة المنتدى الحين
بيردون عليج ويبيضون الويه:icon30:
انا عني قاعدة أعصر مخي عصاااار بتذكر حيلة :crazy:
اممممممم
اول ما أتذكر أوعدج راح أكتبه
مشكوووورة الغالية

 

[غافلة]

للرفع يا بنات خلونا نتحد

كخخخخخخ

 

[غربة]

الصراحة موضوعج حلوووو

وعجبتني سالفة الزوجة وحيلتها عجيييييييييبة صراحة

انا زوجي كان ايعلق على الممثلات هذي حلوة وهذي مو حلوه وشرايج في هذي ؟؟

ايحاول ايغيضني او ايثير غيرتي

قمت اقول لة اي والله حلوه يحليلها وعن الثانية اي طبعا فضيع فستانها

ةفي اوقات ثانية اقول له الله هالممثل فضيع ووسيم زين اني لحقت على الفلم ما فاتني

بدا ايحس انه عادي ما يقهرني واني صرت استسهل الكلام عن الرجال الحلوين وهو ينقهر

قترك الموضوع من اصلة صار ما يعلق الا على الشينات اللي مسوين عمليات تجميل مثلا :clap:
ايقول لي فديت الحلوه ههههههههههههههههههههههههههههههههههههههههه:msn-wink:

 

[نسيت اسمي]

أنا ماعندي الكيد اللي عند النساء ودائما اقول لزوجي انت صاحب كيد مع ان الكيد للنساء ؟ ؟؟ فما عندي قصة ولا سالفة بهذا الخصوص واتمنى انى اكون صاحبت حيلة ومكر لكن لا احسن التدبير ولا التصرف في كثير من الأمور بل مندفعة ( وحده تحكى قصة حياتها ) الله يعين

 

[شتات]

بصراحه اول ماقريت الموضوع اعجبني بس بعدين استغربت على الهجوم العنيف اللي شنيتيه عشان محد رد عليك بسرعه يااختي مو من حقك تكلمينا بهالاسلوب بعدين باي حق توجهين لنا الاتهام باننا لانشكر الله استغفر الله
وبعدين اذا تبين رايي بصراحه وبدون مجامله موقفك كان ابعد شي عن الحكمه بالعكس يمكن يكون نفع مع زوجك بس ابدا مافيه حكمه عموما ادعي الله لك بالهدايه والبعد عن التسرع بالهجوم على الناس

 

[شوق الروح]

عزيزتي شتات أنا مايبت كلام من عندي هالكلام قالته أستاذه ناعمه للجميع وبعدين ليش تاخذين الموضوع على محمل شخصي..خلي ثقتج بنفسج أعلى شوي ..صراحه أعجبت برد اختي غافلة واختي اشراقه..كانت مداخلتهم جدا إيجابيه..اختيه خل نبتعد عن السلبيه في كلامنا ولا ننقد الغير بس حبا في النقد حاولي اتشوفين الموضوع من وجهة نظر الغير كتغيير وسامحيني إذا كلامي ضايقج ترا مب قصدي ودمتي بود

 

[شوق الروح]

غربة أعجبني موقفج كثيرا..هههههههههههه..وداوها بالتي كانت هي الداء

 

[قلب وعقل]

الله الله الظاهر كل العضوات ماعندهم خناقات بنهايه سعيده:msn-wink:
الله المستعان:showoff: وهذه المره انا بقص عليكم موقف:icon26: يمكن أنعش ذاكرتكن شوي وتشاركن بمواقف:bleh:
قرأت عن تأثير اللون الوردي على تهدئة النفوس
وفي يوم من الأيام وبعد ماصار عندي طفلين حلوين صارت بيني وبين زوجي خناقه كبيره وزعلنا فتره بعدها البطل جاني وعرض علي يوديني بيت أهلي (تذكرن المبدأ اللي أمشي عليه لا لبيت الأهل بعد الزواج فكيف بعد الأطفال)
قلت :لامانع ورحت أجهز نفسي(ظاهريا)
تذكرت اللون الوردي دورت في الدولاب عنه(بلوزه طيب دخيلك إيشارب)ماوجدت إلا.................
فستان الصباحيه(فستان عرس مش أبيض)
ووووووولبسته!!!!
تخيلن شكل زوجي لما شافني وبالكاد يحاول يكتم الضحكه
وأنا أسوي نفسي مشغوله بلبس الشراب
قال: العيال ماتاخذينهم معاك(آه ياقلبي)
قلت :عادي استمتع فيهم أصلا ماعندي مكان لهم خل أمك تربيهم(يعني مبرده)
قال :في أحد يروح زعلان بفستان سهره
قلت :ومييييييييييييييين قال لك أنا زعلانه أنا فرحانه (كلش) لأني بفتك من الهم اللي أنا فيه(أصلا هو غلطان علي بسبب مايستاهل)
كل هذا وهو فاتح عيونه ومتعجب وماسك الضحكه
شوي وأحصل ذاك الحضن وووووووو......كله من الوردي

إنتهى​

 

[دانة بعين بحارة]

موضوعج فعلا راااااااااااااااااائع
أنا عن نفسي للحين ما لحقت أكيد

 

[بيالة شاي]

حلوووووووووه حركة الباروكه والدلااااغ ...صج ذكيه ...

الله يعطينا مما عطاااهم ...ولا انا بصراااااحه صريحه ودوغري وماعرف من هالكيد اللي يتكلمون عنه ...بس الحين من هالمنتدى الرااااااااااااااائع ....بديت اتعلم

مشكوره على هالموضوع الحلو

واتمنى من البناااات يبتعدون عن السلبيه والنقد ...احنا اهنيه عشااان نستفيد

 

[شوق الروح]

دانة بعين بحارة شكرا على مرورج..مافي شي طافج بعده الهوا بادي ههههههههههه..وإن شاءالله المشاركات راح اتزيد وانشوف ابداعات كيد النساء إلي يضمها المنتدى.. خلي بالك منا :msn-wink: وتابعينا :clap:


ودمتي بود

 

[شوق الروح]

بيالة شاي الله يعطيج مقومات الكيد الفطري تراه في كل أنثى..دوري زييييييين في داخلج وراح تلقينه أكييييييد إن شاء الله

 

[ೋ دلع قطــر ೋ]

شيخة المزايين..

فكرتج روووووووووعة...وان شالله الحريم يتفاعلون معاج...


لاني بنت.. وانتي تبين كيد النسا.. في الحياة الزوجية...


يعني ما اقدر افيدكم بشي... بس حبيت اسجل اعجابي بالفكرة والمضمون...لان العنوان جذبني ... ^_^

اذا تذكرت مواقف اعرفها لكيد النسا ما ببخل بها عليكم...


انتي بس هدي الامور.. والموجودات فيهم الخير والبركة...

 

[شوق الروح]

والحيييييييين جاء وقت مواقفي الشخصيه..وإلي اكتشفت فيها مواهبي الخفيه في الكيد خخخخخخخخ..:msn-wink:
أولا زوجي شمالي غربي وأنا شماليه شرقيه ولله الحمد..فمثل ماانتوا عارفين الشمالي حرييييص ايحافظ على مستوى الأمان المادي عنده وأنا كذلك لحد ما لكن ماأتحداها صراحه في هالشي هو طايفني بأشواااااط ماشاء الله..:clap:....المهم طلب الفلوس في أول فتره في حياتنا الزوجيه كان مأساه وتحقيق ماله أول من آااخر من شو الأسباب الخفيه ورا الطلب المادي؟!! وشو المهم في الطلب نفسه!! واتصير قصه ولا قصص ألف ليله هههههه من التمويه والتطوييل والتسويف..المهم نجي للخطه خليكم معايه ها مو اتضيعوووون..في يوم ما وأنا في سبحانيتي أفكر في حياتي الله ألهمني أتبع طريقه عجيبه ألا وهي إني أطلب سواء محتاجه ولا مو محتاجه ضروري بس بطريقه غير مباشره "نكون جالسين جلسه عاديه انسولف وأتصنع السرحان وأتنهد بطريقه اتخلي الفضول ايجيه علشان يسألني وأسوي نفسي ودي أقول ومتردده لين مايصر هو يبغي ايعرف فأقول له موقف ايكون فعلا صاير لي صدق يعني مو كذب بس أبالغ فيه حبتين وخصوصا في مشاعري تجاه الموقف فمثلا إذا كان زواج حد من أهلي (زوجي ينحرج من أهلي فأنا ألعب على هالوتر، وكل وحده أدرى بزوجها فلو كان ايهمه راي حد من أهله استخدميه لصالحج) وأنا أبغي أشتري فستان أقول له..اتصدق إنه خواتي وهلي كلهم سألوني من وين راح آخذ الفستان؟ ومتى راح آخذه ترا مابقى شي على المناسبه..واتصدق إني انحرجت وماعرفت شو أقول!! وأتنهد تنهيده خفيفه وأظهر ابتسامه محبطه وأسكت وأخليه هو إلي ايفكر لي في حل....فيقول ليش ما قلتيلي من قبل؟! خلاص متى ودج اتروحين ومن وين تبغين تشترينه؟ فأقوله ودي من كذا وكذا بس ماأدري انت شو رايك؟!!امممممم..فينفخ صدره حبتين وايقول تم إن شاءالله بس عطيني وقت أرتب أموري.. و ثاني مره ردي لا تسكتين وقولي زوجي مو مقصر علي وإلي أبغيه ايجيبلي إياه ولا تنحرجين في شي مادي أبد:clap: ... ها بنات شو رايكم على فكره ترا هالخطه تنفع أغلب الأحيان فمو دااايم أستخدمها في الأزمااات بس (ترا كثرتها اتخليه ايحس إنك تلعبين عليه فلا تسيؤون استخدامها) والأهم حبيباتي تختارين الوقت المناسب علشان ايصدقه وايكون صاير لك جد بس مو بالهول إلي اتحسسينه إياه..وبالتوفيق..مع مواقف وخطط جديده لي عوده..ودمتم بود

 

[شوق الروح]

دلع قطر حبيبتي شكرا على كلامج وتفاعلج الحلو..بس ليش ربطتي الحيل بين الزوجين بس عادي ترا ممكن اتكون توريه بين الربع وحفظ لماء الوجه مع الغير صح ولا؟..أكيد عندج موقف حلو فكري زين وراح تذكرين إن شاءالله

 

[ೋ دلع قطــر ೋ]

حياتي انا فهمت من كلامج انج تبين حيل زوجية.. بس دام المجال مفتوح عيل خليني ادلو بدلوي... ^_^

بصراحة الرجال التعامل معاهم صعب.. لكن لما تعرفين شلون تجينهم... بتختصرين على نفسج امور كثييرة..


بكل بساطة اذا كنتي تكلمين رجل كبير ويحاول يفرض عليج رايه..

وانتي مب مقتنعة ... ولا بتقتنعين....

اسمعيه باهتمام وانتي مركزة عيونج عليه... وهزي راسج علامة الموافقة...

بعدين ابتدي كلامج ...


اي صادق انا معاك بكل كلمة قلتها بس...


وقولي انتي رايج... صدقيني لو كلامج كان متناقض مع كلامه بس قلتيه باسلوب سلس وبدون تطويل وحشو..بتلقينه يهز راسه علامة الموافقة بكل سهولة....


انا الطريقة هذي جربتها على ابوي الله يطول بعمره و قرايبي... وصدقيني اذا بتسالينهم عني بيقولون لج فاهمه و واعية...



لاني تعلمت من واقع التجربة ما اقول لا لأي رجل.. حتى في الدوام... ^_^

 

[شوق الروح]

كلامج صح 100 في 100 ..لا وأزيدج من الشعر بيت الرجال عموما ما يفهمون النغزات ولا ماوراء الكلمه فهم ياخذون الكلام على معناه القريب لأنه عقليتهم ما تستوعب مصطلحات متعدده ولا احتمال أكثر من معنى للكلمه ههههههههههه..ودمتي بود غاليتي دلع قطر