متزوجه ومتعرفه على زوجي؟ماذا افعل ؟

[ام الوصوف]

اخواتي الكريمات مشكلتي باختصار اليوم الصبح رحت اشغل سيارتي وسيارة زوجي الصبح قبل يطلع لانه يحبها تشتغل منة وقت عشان تحتر على قولته المهم فتحت باب سياره ودست زر التشغيل بسرعه ماعندي وقت وانا بسكر بابه تحط عيني في المخبا اللي في باب سيارته وشفت تلفون شكله غريب رغم ان زوجي ملتزم وشاب وسيم بس مايحب هالسوالف استغربت:30:وبسرعه فتحت التلفون وعلى طول ع المسجات وااااااااااااااه انصدمت التلفون كله في رقم واحد صادر ووارد ولم يردعليه بسسسسسسسسسسسسسسسس؟المهم فتحت المسجات وشفتها من وحده فتحت كم واحد بس ونزلت ع المرسل ونفس الشي اخذ وعطا بينهم وبسرعه سكرته ورجعته مكانه خلااص ماقدرت ادخل عليه البيت ركبت سيارتي وسرت دوامي والدنيا تدووووووووووووور فيني شوي ويدق علي مستغرب يقول غريبه طلعت قبلي بالعاده نطلع ويا بعض لين قرب دواماتنا نفترق :30:والله حسيت بنار تغلي فصدري ومب قاددره استوعب بس مسكت اعصابي قلت مابستعجل لين اعرف شو السالفه المهم رجعت البيت الضهر :20::20:مقهوره وانتضره ع الغدا وحمدلله انه رد يتغدا ويريح شوي في البيت خليته لين رقد وقفلت عليه باب حجرة النوم بالمفتاح وركض ع السياره :20:فتختها وشليت التلفون بفحص كل شي فيه :30:والله ماقصرت شفت مصايب مسجات منها بالهبل توهم في بداية العلاقه بس مستعجله طرشت له صورتها وتطلبه يطرش صورته بس كتب لها في المسج ان تلفونه مافيه كاميرا؟؟؟؟؟؟؟غريبه وتلفونه بكاميرا ...................................يتبع دقايق بس

 

[ام الوصوف]

المهم بعد مسجات واخذ وعطا طرشت تقول بصراحه انا كذبت عليك انا متزوجه وعندي بنت بس زوجي مايسال عني وكله مع اهله لايسفرني ولايطلعني المهم تشتكي من زوجها لاااااااااا وتقول لاتدق لين ادق عليك زوجي قاعد جنبي ؟؟؟؟؟؟؟؟؟؟وانا سهرانه بنتي ماخلتني ارقد وماااعرف شو من هالسوالف المهم كتب لها انا وايد مستانس اني تعرف على انسانه صريحه اخخخخخخخخخخخخخخخخخخخخخ قهر والله والبارحه مطرشه له مسج تقوله بقول لك شي بعد بس لاتزعل انا اصلا عندي بنتين مب بنت وانا وااااااااااااااايد ارتحت لانك احلى شاب شافته عيني ورلي ظ
طز فيه مايهمني ومن هالكلاااااااااام واااااااااااااااايد شو الحل خواتي كيف اتصرف انامب ناقصه ؟؟؟؟؟؟؟؟؟؟

 

[قلب حبيبي]

وبعدين

 

[فجروغروب]

الله يصبر قلبك ويفرج همك

 

[قلب حبيبي]

الله يعينك وينصرك

 

[حنانوو]

الله يصبر قلبك يارب حاولي تروقين وتصبرين لين تشوفين تاليتها
بس لاتخلين العجله تدهورك
الله يهديه يارب

 

[مبدعة رغم الألم]

الرجال مالهم أمان
لا تقولين ملتزم ويخاف الله ويصلي وما أدري ايش
زوجي ملتزم ويصلي, لكن للأسف لقيت معه جوال بباب سيارته مثل حالتك يعني وانصدمت صدمة عمري الي مستحيل تخليني أثق فيه بعد اليوم
وحسبنا الله ونعم الوكيل​

 

[الغلا2010]

الله يفرج لك اختى ويرده اليك ردا جميلا ومايشووف غيرك

 

[( الإمبراطوره )]

والله يأختي هذي ماتخاف الله ..

أخذي رقمها و إذا تعرفين أحد يطلع لك أسمها حلووو

اتصلي عليها و قولي لها والله لو ما تتركين زوجي أن أفضحك وهي بتخاف و بتنسحب منه ..

وهو لا تتركينه بيني له صدمتك من حركته .. و عاتبيه

و صدقيني بيرجع مثل أول ..

أيه ولا تنسين تغيرين من نفسك و بيتك و روتينك اليومي ..

حاولي تجددين في حياتك والله يرده لك رداً جميلاً ..

ولا تنسين طمنينا عليك ياقمر ...

 

[%أم خالد%]

الصراحه الحلو فيج متمالكه أعاصبج عجبتيني إستمري على هالشكل الواضح ريلج يبا كلام حلو وإهتمام من نوع أخر والدليل إنه متعرف على وحده متزوجه يعني يبا يغير روتين حياته وبس وما أظن العلاقه تتطور واايد الباقي عليج كل يوم فتشي ولا تواجهينه إلا إذا تطورت السالفه لمواعيد لقاء ذيج الحين تدخلي بس حاليا لا تفارقينه بالإتصالات والمسجات ألهييه عنها بالتدريج بينساها والله يوفقج

 

[ناصرة المظلوم]

حبيبتي قلبي معك لاتفتحين معة الموضوع ولاتبينين انك عارفة بس حاولي واهو رايق تقصين لة قصتك بس كانها لوحدة تعرفينها وتقولين ان صديقتي اكتشفت ان زوجها معة جوال وهي ماتدري ويحاكي وحدة ثانية بدون علمها ومن هالحكي وقولي انهاطلبت الطلاق وشهرت به عنداهلها وقولي اللة يعينها انالوموقفها راح اسوي واسوي وقولي حرام على زوجها مايدري انه من طق باب الناس طقو بابة ومايدري ان هالحرمة ممكن تكلمة وتسكرها منة وتكلم واحدغيرة فهمتيني اختي بس خلك حكيمة ولاتوضحين انك عارفة فهمتيني ردي علي اذاعجبك ردي قلبي معك

 

[NONI..HONEY]

والله مادري كيف ماسكه اعصابك لو انا لا اخذهم اثنينهم بشنطتي اللي حاطه فيها طابوقتين وعلى اقرب مصلخ هذولا الذبح فيهم حلااااااااااااااااااااال والله وحده الهادي

 

[ايام غربه]

والله مدري الله يعينك على
ماصابك بس لو انا مكانك اوقف قدامه واقوله ايش هذا اواجهه وبعدين اكسر جواله قدامه وازعل .....الله يكتب لك الخير ويهدي زوجك لكن لاتسكتين والله يتمادى يقول تصبر وماهمها الا وقفيه عند حده لكن خذي رقمها وشرشحيها هي بعد الله ياخذهن اللي ماعندهن ضمير وشلون يخونن رجالهن ايش هالغباء والله نمر بحاجه لهم ولحنانهم ونعيش الجفاء ليه الخيانه .....الله يعين بس

 

[سلطـــانه]

الله يكوون بعونك يااارب .. ويبعد شر هالحقيره عنك وعن زوجك
تذكري كلام ناعمه ... الان تماسكي وخططي لاستعادته منها والحمدلله انك كشفتيه وهم لسه ببداية العلاقه . دايم تقول لازم تستعيدين قوة حبه قبل لا تواجهينه عشان ماتندمين .
اذا تقدرين جمعي عنها معلومات مثل اسمها واسم زوجها وبعدين ارسليلها رسايل تهديد باسم مجهول ان اذا ما وقفت راح تبلغين زوجها وتفضحينها واذا تقدرين انقلي الصوره اللي ارسلتها لزوجك لجوالك واحفظيها عندك تحتاجينها وقت التهديد . قوليلها عندي ادله وبفضحك وهاللي انتي شاده فيه الظهر اول من بيسحب عليكي لانه يحب زوجته وانتي مجرد تسليه ....بس لا تعرف انك زوجته خلي الرساله مجهولة الهويه ماتدري من مره او رجال اول ارسليلها الرساله بعدها بيوم ارسلي لها صورتها بعدين رقم جوال زوجها اذا قدرتي يعني هبلي فيها
وبنفس الوقت ما تدري من مين الرساله
وسوي نفسك ماتدرين عن شي ... هي اكيد بتقول لزوجك بس زوجك ماراح يتجرا يسالك عن شي


وان شاء الله ربي يصرفها عنه .... بهالفتره انتي فكري ايش ناقصه كلنا بشر وممكن نقصر صحيح انه مو مبررر للخيانه بس اذا فيه شي ناقص نغطيه يمكن معطيته جو دلع وسوالف ومدح و جو اغراء غيري من نفسك وخليكي غامضه بس مو فجاه عشان مايشك .

بعدها قوليله قصص كانها سوالف عن ازواج صديقاتك نفس اللي هو سواه وكيف انهم طاحو من عينك وانهم مايستحون و شلون مايخافون من الله ووووووووو ,.. يعني كرهي هالفعل بعينه
لانه الشيطان محليه

ولا تنسين الدعاء ........ ولا تخلينها تلعب براس زوجك زوجك من حقك انتي وحدك والمواجهه مو دايم تفيد برايي

 

[chorook]

الحل سهل خدي التلفون وارميه واذاسال لا حس ولا خبر لا هو يقدر يكلمها عشان مفيش رقم الرقم ضااااع وهي بالمثل كوني قوية وهو خليه يضرب راسو في الحيط

 

[*كبرتني ياهم*]

ماشاء الله عليك تقدرين تصبرين الله يصبر قلبك وينصرك عليها


حسبي الله ونعم الوكيل على كل وحده تتعرف على واحد متزوج

حسبي الله ونعم الوكيل

 

[الصاامته]

يااربي بس اكثر الموااضيع عن الخيااانه سرت اخاااف بعد زووجي يطلع خاااين >> >>ياارب ارحمني برحتك


الله يصبرك قلبووو

 

[هيووووونه]

الله يرد لك زوجك ويبعد عنه البنات الي ماتخاف الله

 

[أبكاني ذنبي1]

قلبي افتحي باب السيارة وخذي الجوال اكسريه ولما يفقده راح يعرف انك اخذتيه او يشك انك اخذتيه بخااااااف ويصحا مما هو فيه لأنك تقولي ملتزم واذا تجوأ وسألك عن الجوال او انه حق صديقة على العادة كذبتهم لصديقه ناسيه قول ماشفت شي وحتى لو شفته ماامد يدي لأني اثق فيك وانت مب حق هالسوالف وانهى الموضوع

 

[بنت بحر الشرقيه]

الله يكوون بعونك يااارب .. ويبعد شر هالحقيره عنك وعن زوجك
تذكري كلام ناعمه ... الان تماسكي وخططي لاستعادته منها والحمدلله انك كشفتيه وهم لسه ببداية العلاقه . دايم تقول لازم تستعيدين قوة حبه قبل لا تواجهينه عشان ماتندمين .
اذا تقدرين جمعي عنها معلومات مثل اسمها واسم زوجها وبعدين ارسليلها رسايل تهديد باسم مجهول ان اذا ما وقفت راح تبلغين زوجها وتفضحينها واذا تقدرين انقلي الصوره اللي ارسلتها لزوجك لجوالك واحفظيها عندك تحتاجينها وقت التهديد . قوليلها عندي ادله وبفضحك وهاللي انتي شاده فيه الظهر اول من بيسحب عليكي لانه يحب زوجته وانتي مجرد تسليه ....بس لا تعرف انك زوجته خلي الرساله مجهولة الهويه ماتدري من مره او رجال اول ارسليلها الرساله بعدها بيوم ارسلي لها صورتها بعدين رقم جوال زوجها اذا قدرتي يعني هبلي فيها
وبنفس الوقت ما تدري من مين الرساله
وسوي نفسك ماتدرين عن شي ... هي اكيد بتقول لزوجك بس زوجك ماراح يتجرا يسالك عن شي


وان شاء الله ربي يصرفها عنه .... بهالفتره انتي فكري ايش ناقصه كلنا بشر وممكن نقصر صحيح انه مو مبررر للخيانه بس اذا فيه شي ناقص نغطيه يمكن معطيته جو دلع وسوالف ومدح و جو اغراء غيري من نفسك وخليكي غامضه بس مو فجاه عشان مايشك .

بعدها قوليله قصص كانها سوالف عن ازواج صديقاتك نفس اللي هو سواه وكيف انهم طاحو من عينك وانهم مايستحون و شلون مايخافون من الله ووووووووو ,.. يعني كرهي هالفعل بعينه
لانه الشيطان محليه

ولا تنسين الدعاء ........ ولا تخلينها تلعب براس زوجك زوجك من حقك انتي وحدك والمواجهه مو دايم تفيد برايي

انا من راي الأخت بعد رغم صعوبة تنفيذة بالنسبة لي والله يعينك