خطيبي..يخونني,,:(

[ريماس الرياض]

كانت حياتي حلوة..
مو هذي مشكلتي..أن كل اللي سمعته قبل من أبوي وإخواني ورجال أخواتي..أنه رجال ما أحد يقدر يقول فيه شي..
وهذا اللي صدمني..لأني حاطة ببالي شخص ويطلع لي شخص مختلف تمااااااما..
​

 

[اخت اخوي]

تبين الصراحه ياريماس انتي اللي غلطانه جبتي وجع الراس لنفسك ليش
انتم لسى ماسكنتو في بيت واحد ولا عرفتي طبعه وتبغين تحاسبينه
ترا مافيه رجااال لا من رحم ربي ماله ماضي وخصوصا خرابيط النت منتديات واضافات وشغلات احنا البنات نقول عيب كيف يحطونها وهم عااااادي بس يمكن ماااوصل انه يخون او يكلم في الجوال يمكن ظلمتيه
لاتتوقعين في يوم من الايام ماراح تتطحين في لسانك وتقولين دخلت عليكفي الماسن وكلمتك مو قايللك انا اضفتك اسف بينقلب السحر على الساحر على قولتهم
وبتصير السالفه ضدك تبين نصحيتي احذفيه من عندك وادعي ربك يسخره للك لانه الان متزوج مع وقف التنفيذ
انتي اللحين اشتغلي عل نفسك اعرفي الطرق اللي تغنين الرجال وتملين عينه عن حريم العالم كلهم
وتبين نصحيتي
لاتفتشيييييييييييييييييييييييييييييييييييييييييييين ورا الرجال هذا الشي عندهم اسووووا شي تسويه المراه
والمشكله نص الحريم يصلحونه
اسفه على الاطاله بس حبيت افيدك :20::20:​

 

[ريماس الرياض]

والله أدري أنه موقفي وهذا اللي معذبني..

صعبة أجيب عنه أوراق..أقولك ما قلت لأحد إلا أنتم..
لا تقولين ما يتركون علاقاتهم..
حسيت فيه أمل..
بس اللي بين لي من محادثتي معه..أنه يندم على اللي يسويه..!!​

 

[ريماس الرياض]

الله يعطيك العافية بنت الإسلام..

مشكورة على الدعوة.​

 

[Beauty Queen]

انا عندي سؤال برى الموضوع شلون جبتي ايميل خطيبك انا كمان نفسي اسوي مثلك....

 

[ريماس الرياض]

القمر الخجول..
والله ما أدري..عقلي وقلبي ملخبطين..
اليوم يومي يوم ما أكلت زي الناس ولا حضرت لجامعتي..
وربي تندمت أني سويت اللي سويته..​

 

[ريماس الرياض]

عبرات مكتوبة..
يا قلبي خليني أشوفه بالأول بعدين أقوله نتفاهم..

مشكورة..​

 

[ريماس الرياض]

أخت أخوي..
خوفتيني.... من جد ..
يا ربي أنا كيف تهورت وسويت كذا..!!
بس تعرفين شلون الفضول أنك تعرفين الشخص اللي بتعيشين معاه هو اللي سبب لي كل الزوبعة..
​

 

[ريماس الرياض]

بيوتي كوين..
والله أخاف يصير لك مثل ما صار لي وتندمين..
وربي عمري ما عشت أزمة مثل اليوم..
​

 

[القمر الخجول]

شوفي حبيبتي سوي لك إميل ثاني وعطيه وياه وقعدي معاه ونبسطي سوالف وضحك ورومانسية في المسنجر
وسليه عن البنات إلي يكلمهم وشغليه عنهم
وبعدين غريبه إنه ماطلب يشوفك
صار لك كم متملكة

 

[ريماس الرياض]

صار لي ست شهور متملكة..
بس اساسا كثير عندنا ما يصير فيه إتصال إلا بعد الزواج..
بس صعبة أقط وجهي عنده..مو؟
​

 

[اخت اخوي]

ريماس انتي داخله قروب العرايس حق بلقيس برسللك اياه وادخلي صدقيني بتستفيدين
مثلي على فكره انا مملكه من 7 شهور ومن اهل الرياض وحااااضره افيدك باااي شي بس احسن يكون مع القروب نتشاور في الصح والغلط والمعقول واللي مو معقول
[email protected]

 

[ريماس الرياض]

أخت اخوي.
مقدرة مساعدتك..لكن مو راضي يفتح..يقول لا يعمي على الفيستا..!!
​

 

[كلي غنج~]

السلام
انصحك تحذفين اميله ولا تنبشين وراه بس سالي عنه اكثر خواته الناس اللي تقدرين تسالينهم و لا اخوك يجيب لك اخباره شو صالح زين متمسك بصلاته...ومن هالامور
ولا تقولين انك شفتي له اشياا مو زينه بالنت ترى هالاشياااا كل شباب هالايام يسوونها لا تقولين هذا غير ...الا مارحم ربي
طيب اقول لك وحده اعرفها خطيبها يدرس بره جاها خبر انه عنده صديقه مقربه واهو بره تتوقعين شنو سوت ولا شئ و اسكتت ولا علمت احد و تزوجت الحين و زوجها يحبها موت و عندها ثنين الحين الله يخليهم لها
لانها مهما سوت ماراح تقدر تمنعه
واذا تبين تحافظين عليه سكتي واهو بعد الزواج بينسي ونتي نسيه الدنياااا كلها ..:-q
بسالك شنو البروفايل وشلون اقدر ادخل عليه ؟>>اذا تقدرين ترسلين لي ع الخاص (تبي تسوي حمله تفتيش ع خطيبها هع)

 

[غموض أنثـــى]

والله انا مثلك وقريت موضوعك وجلست ابكي تذكرت اشياء دمرتني ..
آآه بس ..

الحمدلله على كل حال ..
وهذي خيره الله يالغلا مو عاجز انه يريحنا ولكن فيه حكمه بكل اللي نمر فيه بنلقى فايدتها بعدين ..

استخيري يالغلا ..

والله يوفقك ويريح بااااالك بس نصيحه لاتسوي شي انتي مو مقتنعه فيه ..
تقبلي مروري..
أختك ..
غمـــــــــــوض ..

 

[شموخ ثلاثينيه]

الله يدلك على الخير ومن رأيي تنسين هالأمر ....أنا مريت بهالشي ونسيته والحمدلله الأمور تمام ان شاء الله وهو مثل ما أحنا عارفين معذور وماله غنى عن الأنثى..........الله يتمم للجميع على خير

 

[القلب الحاني]

ياى حبيبتي الرجال قبل الزواج لهم سوابق انتي شوفيه بعد الملكه وبعدين تعرفيه بس اياك انه يعرف انك انتي اللي كنتي تكلميه

 

[ريماس الرياض]

كلي غنج..الله يريحك..
رفعتي معنوياتي..
وربي هانت مصيبتي عند سالفة البنت..

الله يكتب اللي فيه الخير..​

 

[ريماس الرياض]

غموض أنثى..ياحياتي إيش صار عليك..؟

من جد ما ودي أسوي شي أندم عليه..​

 

[ريماس الرياض]

شموخ ..وربي هونتي علي..

أحس فيه أمل..

اللهم أميييييييييييين.​