سرآب العمر
New member
- إنضم
- 4 ديسمبر 2007
- المشاركات
- 24
السلام عليكم ورحمة الله وبركاته
أخواتي أنا في مشكلة وبغيت لها حل ولما تصفحت في المنتديات لقيت استشارات كثيرة للدكتورة ناعمة الهاشمي وتعبت وأنا أدور على النت عن الموقع الخاص فيها الين ربي وفقني ولقيت هذا المركز وإن شاء الله القى حل عندكم :sadwalk:
أنا كتبت بالتفصيل ع شان يكون منظاركم عادل وأعرف الغلط فيه ولا في زوج المستقبل
أنا ملكت من شهرين تقريباً في أول أسبوع من الملكة في هذي الفترة كان خطيبي بعيد عن
زملاءه وشغله لأنه في مدينه غير مدينتي كان الوضع تمام يكلمني في اليوم ساعتين
ساعتين ونص أحياناً
كان يسولف ويتغزل فيني والوضع من أحسن ما يكون ومثل ماتتمنى كل بنت ، سافر
لمدينته ارس لتله رسالة حلوه ومناسبة وتمنيت له سلامة الوصول وردعليها برسالة
حلوه وكلمني لما وصل واستمرت المكالمة ساعة وزيادة وكانت هذي نهاية المكالمات
الطويلة ، بعدها صار يجلس يوم بعدين يدق وبعدين طالت الفترة ليومين وهكذا حتى
وصلت أربعة أيام في هذي الفترة كانت مكالماته يقل وقتها يعني في الأول 30دقيقة
بعدين صارت 20 وأحيانا 17 دقيقة وصار يختمها بتصريفه لي يعني مرة
يقول زميلي يدق عليه ومرة بادخل الدوام الحين ومرة بودي أغراض لأصدقائي
وفي هذي المكالمات توقف عن السوالف وصرت أنا المتحدث الرسمي طول المكالمة
ومانتبهت لهذا الموضوع إلا بعد ثلاث مكالمات تقريباُ هذا كله كان في الأسبوع الثاني
حاولت أخليه يسولف بس مافيه فايدة يقول ماعندي شي، اقول كيف الشغل يقول تمام
ويسكت ، اقول كيف الأسبوع معك يقول دوام ونت ونوم وبس ، قلتله مره
اعتبرني مثل واحد من زملاك تسولف عليه يعني بتجلس ساكت كذا معاه قال كل
سوالفنا تعليقات وتريقه قلت عادي أعطني منها قال لا كلها كذاب
قلت عطني منه مافيه مشكلة قال تدرين ماعندي مافيه أي سوالف
الأسبوع الثالث دق ومارديت عليه بس قلت بيقول الحين هذي زعلانه
ع شان شي تافه فأرسلت رسالة ورد عليها وكلم اليوم اللي بعده كان فيه شوية
تحسن في المكالمة ومدح فيها رسايلي بس طول بعدها مادق ولما اتصل عليّ
قال أنا اتصل الحين وانا داخل للعمل فأنا أنقهرت وكانت مكالمتي معاه جافه وما طولت
10 دقايق وكمان أرسل رسالتين مارديت عليها بعدها طول مادق فأرسلت له
تهنئة بمرور شهر على الملكة ورد عليها بكل بروووود وبرضه مادق وجلست اسبوع
وزيادة لااتصل ولا أرسل حتى بعد التهنئة أكتفا بالرد عليها وبس ولما اتصل كانت
مكالمة عادية جداً مي على قد الأيام اللي جلسها واستمرت 17 دقيقة فقط ولاسوالف
ولا مشاعر عبارة عن إستفسارات عن الحال وتعلل بالدوام رغم إنه كان عنده
إجازة بس ما فكر يدق أو حتى يرسل واستمرينا كمان فترة بدون رسايل أو
مكالمات فقلت يابنت يالله سوي مبادرة وإرسلي له رغم إنه عدا له تقريباً
اسبوعين ونص ولا رسالة وحدة و أرسلت رساله تعبر عن الشوق مع أدعية حلوة
بس مارد انتظرت يوم يومين ثلاثة بس نفس الشيء مطنش فأرسلت له عتب وفعلاً
اتصل في ذاك اليوم وجلس يجيب أعذار كلها ماتعطيه العذر ويقول الإهتمام في القلب
رغم إنه في الأول ماكان كذا بس مشيتها وقلت في نفسي زين إنو اتصل يعني هامه
زعلي أرسل بعدها بيوم وكلم بس نفس الشيء المكالمة 15 دقيقة ويختمها بتصريفة
ومتحفظ جداً في المكالمة لدرجة إنه حتى النادي اللي يشجعه ماقالي عنه إلا بعد إلحاح مني
وجلسنا بعدها فترة قلت يمكن يرسل بعد العتب لكن عدا الإسبوع برسالة وحده يتيمه
ورديت عليها ..
قلت يمكن الخطا من إسلوبي لأنه مراسبوع على آخر مكالمة بينا قلت يالله بارسل رسالة
شوق وأغير طريقتي معه وكانت قوية وتوقعت يتصل بسببها خصوصاً إنها أيام إجازته
بس ما اتصل رد على الرسالة برسالة حلوة .. صراحة تحطمت ليتني ما أرسلت
أخاف إنه فهمها رمية نفس لأنه المفروض يتصل في مثل هذا اليوم بس ماتصل
أنا نهائياً مااتصل عليه ولا اعطيه ريق حلو في المكالمات يعني خلال شهرين تقريباً
كنت متحفظه يعني أجاوب على أسألته وأسأل عن أهله وشغلة واتفاعل معه
بالسوالف وأحياناً اسولف بس هو مايسولف فابطل سوالف فتطلع المكالمات
باردة (يمكن ثلاث مرات اللي اعطيته فيها ريق حلو ) وما ارسل من باب الثقل
وهو ماصاريبادر بالإرسال .. يعني بدا يرسل على استحياء بعد العتب
والله أحياناً أحسه مايبيني بس أرجع وأقول لو مايبيني ليه يدق أصلاً ..
أنا أحترت معه مادري وش أسوي له ع شان يرجع مثل أول
ملاحظات /
# هو خجول ( على حد مافهمت من كلامه عن نفسه ) وطموح واشتغل في محل بيع ملابس نسائي راقي لمدة سنة تقريباً
# مرة ذكرلي إن فيه واحد قاله إني عاقلة مرة يعني قلت أذكرها يمكن يكون لها علاقة بسكوته
# مرة ذكرلي إن فيه واحد قاله إني عاقلة مرة يعني قلت أذكرها يمكن يكون لها علاقة بسكوته
الله يخليكم ساعدوني لأني فعلاً محتارة وش الحل معاه
الله يوفقها ويجزاها الخير وينولها اللي في بالها اللي ترد عليه وبدعيلها في سجودي في جوف الليل
التعديل الأخير بواسطة المشرف: