زوجي واللاب توب حقي

[المفارقة]

زوجي أول ماتزوجنا ورجعنا من شهر العسل كان اللاب توب حقي عند أهلي ولما قلت إني بأجيبه كان يقول لي ماله داعي تدخلين اللاب توب بيتنا خليه في بيت أهلك لأنه بيشغلك عن شغلك أوكي؟؟

بس أنا الحين أبي آخذه معاي إذا رحت وش رايكم أقوله تراني بأجيبه معاي وإلا أجيبه وأخليه يتفاجأ فيه؟؟؟

(اللي يعرفون مشاكلي يعرفون وش كثر طفشني بأوامره وهالمرة قررت إن الأشياء اللي تخصني لحالي راح آخذ قراري من راسي ولا يهمني رأيه وعلى فكرة هو شمالي شرقي وأنا جنوبية غربية)

 

[القمر الخجول]

هههههه والله زوجك ماعنده سالفة مهو كلنا زوجات وقاعدين عالابتوباتنا وين المشكلة
لا تخليه يمشي كلامه عليكي حتى بأدق التفاصيل خديه معاكي بالحسنى

 

[المفارقة]

أدري إنه ماعنده سالفة بس أنا اللي أعطيته وجه

بس قوليلي آخذه كذا بدون ماآخذ رأيه صح؟؟

 

[فجروغروب]

هلا حبيبتي هو كلم او لمح للصلح ولا لا؟؟؟

 

[همس 99]

لا تعاندينه ماراح تجبين نتيجه
اقنعيه انا بالنسبه لي النت فادني جدا جدامن الناحية الجنسيه اذا كان هذا قصده

تقبلي مرروري

 

[ام فيصل و دانه]

اخاف يكسره انتظري وخذي موافقته افضل تجنبا للمشاكل

 

[قمة الحزن]

إذا كنتي توك متزوجه لا تاخذينه لاحقه عليه اما اذا صار لك فتره اكيييد اخذيه بدون ما تقولين له ولا تخلينه يتحكم بكل تفاصيل حياتك وخلي له حدود..كل شي من البداايه تقدرين انتي تتحكمين فيه بس هو اذا تعود على هالاسلوب معاك ..راح يدخل بكل شي بعدييين ..فأنتبهي من هالناحيه سواء كان شمالي ولا جنوبي ما يخصه بهالسوالف..ماراح تمشين كل امورك في الحياه بس من هالناحيه..شمالي على عيني وراسي بس هالامر جداً عادي ماله حق يمنعك منه ..

 

[زهور البستان]

لا تأخذيه وشوئ شوئ بالاقناع تصلين الى ماتريدين

 

[المفارقة]

فجر ياقلبي إيوه دق ليتك تشوفين موضوعيوآخر التطورات اللي كتبتها هناك بليز

أنا لي سنة ونص متزوجة وهذا الكلام كان بداية الزواج بس أنا طنشت لأني ماحبيت أتجادل معاه وأنا مو في حاجة النت بصراحة بس الحين أبي أدخل للبيت وإلا أخليه بعد الولادة ؟؟ (باقي لي شهرين إن شاءالله)

 

[دمعة الغيمه]

اخذيه من بيت اهلك وبطريقه حلوه مثلا تاخذين صوره من جوالك على اللاب توب تبعك وسوي حركات
للصور بالفوتشوب وزخرفيها مع عرض بروجكتر ناايس وقولي سويت لك مفاجأه وافتيحيها له هع
وبكذا اخذتيه لبيتك

 

[المفارقة]

أنا أخذت سي دي للأشعة حقت البيبي من المستشفى بس هو باقي ماشافه قلت بأخليه سبب عشان أفتح الموضوع معاه وبعدها ماعاد أرجعه لبيت أهلي

 

[عسل حضرمي]

أنا أخذت سي دي للأشعة حقت البيبي من المستشفى بس هو باقي ماشافه قلت بأخليه سبب عشان أفتح الموضوع معاه وبعدها ماعاد أرجعه لبيت أهلي

اييييي كويس هالكلام وبعد قوليله مارح افتحه الا لما تكون برى البيت
عشان ماانشغل عنك وقوليله قاعده اسوي بحث ومعلومات عن المواليد والرضيع
شلون الاهتمام فيه والرضاعه ومغص الاطفال في الثلاثه شهور وووو الخ

 

[ذرات حلوة]

يمكن لانكم توكم متزوجين وزوجك مايبيك تنشغلين عنه
انا زوجي عيا يشتري لي لابتوب بعدييييين عرفت السبب
وضحكت عالتفكير احس انه بيبي
قولي له انا بجيبه عشا اقضي الوقت وانت مو موجود

 

[وحشتوني]

اختي المفارقه انتي توك متصالحه مع زوجك ليش تحبين تزعلينه مره ثانيه وانا اقول صح من حقك تاخذين الابتوب
بس مو الان لانه راح يعتبرك كسرتي كلامه فااقول اذا اجتمعتو قولي كان خاطري اجيب لابتوب علشان اوريك السي دي
حق البيبي واذا قالك ليه ماجبتيه قولي خفت تزعل واذا قال لاتجبينه حاولي بعد الولاده انك تقنيعينه وانك تحتاجين الابتوب علشان تقرين مواضيع عن الاطفال وكيف الاهتمام بهم بس الان ماانصحك تاخذين الابتوب

 

[المفارقة]

تسلمون حبيباتي
وحشتوني هذا اللي أنا مابيه إنا نزعل ونتضارب بعد

 

[&الماس&]

الحمد لله على تحسن الاوضاع بينكم الله يسخركم لبعض ويوفقكم يارب العالمين.
شوفي يااختي زوجك يبغى له سياسه وكيد عشان يمشي معك زي ماتبغين ماينفع معه العناد او التطنيش او الف والدوران , انت توك طالعه من مشكلة الملكه وشفتي كيف كبرها وزعل وتعبك معه (الله يعينك عليه) اخاف تاخذين اللاب توب وتصير مشكله ثانيه انتي بغنى عنها , شغلي كيد النساء مع زوجك واذا رجعت لبيتك قول له يالله يافلان لو تشوف سي دي الاشعه اللي عطتني الدكتوره كان تجنن على البيبي وتتلهف على جيته وسوي نفسك قمة البرائه وتكلمي عن شوقك لشوفة ابنك او بنتك , وبالاخير قولي ان شاء اذا رحت لاهلي بجيب اللاب توب والسي دي عشان تشوفه , ولما تجيبي اللاب توب شغلي الكيد مره ثانيه وتدلعي عليه انك تملين وتحبين تقضين وقت فراغك بجمع معلومات من النت عن المواليد وتجهيزهم وتجهيزات النفاس واوعديه انك ماراح تقصرين ببيتك او بخدمته.
وعودي نفسك ماتكثرين الجدال خوذي اللي تبين بالكيد والدلع وراح يمشي معك ويصير خاتم بأصبعك , انتي جربي ايش بتخسرين وصدقيني راح تدعين لي لاني اتكلم معك عن تجربه مع الشمالي الشرقي اللي اول حياتي ضيعتها بمشاكل وجدال لين جاني القولون وشيب راسي وماارتحت الى لمن تعاملت معه بمثل مانصحتك فيه وقبل هذا التجئت لربي بالدعاء بأوقات الاجابه.

 

[فجروغروب]

رجعت لك حبيبتي بعد ماحوست في المنتدى ولقيت موضوعك الثاني عجبتني التطورات مع زوجك شكله ذايب وميت حب فيك بس شخصيته القويه تمنعه من البوح لك أو التنازل معاك وأنتي تصرفاتك معاه ماشاءالله عليك تعرفين له بس سالفة اللاب ترى زوجك ذكي وايد ويفهمها وهي طايره لا تلفين ودورين معاه وأنتي قلتي له بكون معاك صريحه خلاص قولي الصج لمن كنت في بيت أهلي كنت أشغل بوقتي فيه ولقيت مواضيع كثير أتهمني وأنا من أول العرس كنت أبيه وانت مش راضي وبما أن أحنا أتفقنا على الصراحة أنا ما أشوف وجود اللاب بيشغلني عنك أو بيأثر على حياتنا . هذا رأيي حبيبتي وفي النهاية أنتي أكثر وحدة تعرفين اللي يصلح مع زوجك والله يكتب لكم كل خير يارب.

 

[مدام فلمبان]

هو اش دراه انه بيشغلك عن شغلك
اصلا المنفروض ماتاخذين رايه في شي تافه زي ذا ويخصك ولا يضره اذا جبتيه
انا اشوف انه دام قالك لا تجيبينه صعب تكسرين كلمته في ذي الحاله
بس الحل انك تعطينه خبر انك بتجيبينه وانه اذا حسيتي انه شغلك عن شغلك بترجعينه مره ثانيه
وبس

 

[المفارقة]

الماس
فجر وغروب
مدام فلمبان
حيرتوني بصراحة أنا حابة أشغل كيد النساء زي ماقالت ألماس بس في نفس الوقت مابي ألف وأدور خلاص هو صار فاهمني وعارفني ويمكن لو كنت صريحة زي ماقالت فجر ومدام فلمبان راح يقدر ذا الشئ ويتقبل الموضوع شو رأيكن؟؟

 

[.PRADA.]

اصلا ليه تشاورينه من الاساس ؟؟!!
لو انك سكتي من البدايه وجبتيه كان ماطحتي بهالورطه .

هالمرة خربت خلاص مالك الا انك تقنعينه بالهداوه وعسى يرضى .

بس الممرة الجايه اذا عندك شي تبين تسوينه لنفسك لا تاخذين رايه في كل صغيره وكبيره فس حياتك لانه اكييييييد بيقعد يتحكم فيك .

خليك غامضه واستقلي بنفسك عنه بدون ماتصرحين بهالشيء لانه على طول بيفسره انه عناد منك .