ما بين النظره والرد ؟

[هيـــــرا]

السلام عليكم ورحمه الله وبركاته ..

شخباركم يا بلقيسياتي العزيزات .؟ عساكم بخير .

حبيباتي عندي سؤال وااايد مهم وامحيرني وااايد ..

بغيت اعرف كم يوم يحتاج عشان يوصل الرد بين النظره الشرعيه والرد ؟.

صار لي كم يوم يا المعرس وشافني ..

بس بغيت اعرف كم يوم عشان يتم الرد ؟

مشكورين مقدما ُ

 

[هيـــــرا]

افاااا يا بلقيسيات معقوله 10 يشوفون الموضوع ولا وحده اترد :

I am so sad

 

[البال المرتاح]

يامرحب اختي

عاااادي يطووول لاتشغلين بالك :32:بس الاخير بيردون
حبيبتي اللة يوووفقك ويسعدك يارب العاالمين

 

[هيـــــرا]

آآآآمين بس عندي شويه قلق اني ما اعجب الولد ..

الحمد لله ثقتي فنفسي كبيره ..

وانا صليت الإستخاره والحمد لله ارتحت لهم وله ..

بس خايفه من حركاتي اللي صارت بالنظره الشرعيه يقول عني ياهل او شي من هالكلام ..

طبعاٌ الكل يعرف كيف يكون حال البنت فهالموقف ..

وانا كنت مرررررررره خايفه ومرتبكه وامنزله رااسي حيييل ..

وبعدين لما قالوا لي رفعي راسج ضحكت من الربكه ..

والله خايفه ..


طمنوني يا حلوات

 

["ام سلومي"]

الله يوفقك ويجعله من نصيبك اذا كن فيه خير لك
اللهم امييييييييين

 

[البال المرتاح]

حبيبتي هيــــرا
صدقيني لوكااان هذا نصيبك بتاخذينة وبيرتااح لحركااتك وبيعجبة اما اذاكااان مو من نصيبك لو كنتي قمة في الشوووفة ماراح تاخذينة
انتي بس لا تحطين الموافقة براااسك 100% لا قولي نفسك يمكن اخذة ويمكن لا علشاااان لو صااار شي ماتنصدمين وعليك حبيبتي بسلاح الليل (الدعـــــاء)

دعواااااااااتكم بكرى علي اختباااار :e052:

 

[نمارق99]

مع كلا مك يا لبال مرتاح .......الله يوفقك اختي

 

[B بسمهـ B]

الله يكتب لك الخير ياعسل
يمكنك اعجبتيـــه مرررره..بس في ناس تفكر تقول نثقل او شي زي كذا

ويمكن لاسمح الله ماارتاح ...والمفروض من الذوق بعد يردون ويقولون مافي نصيب!!

اذا هو لك بتاخذينه ...وحاااااسه فيك والقلق اللي تعيشينه ياعمري الله يعينك

طمنينا عليك ياقمر

 

[همسة حزينة]

الله يكتب لك الخيره ويختار الاصلح لك ولا تحملي هم لك رب كريم ما يضيع عبده

 

[هيـــــرا]

تسلمون حبيباتي ع الردود الحلوه

بس بغيت اعرف كم يوم يستغرق الرد .؟

اسبوع ولا 10 ايام او يومين ؟

 

[هيـــــرا]

تسلمون حبيباتي ع الردود الحلوه

بس بغيت اعرف كم يوم يستغرق الرد .؟

اسبوع ولا 10 ايام او يومين ؟

 

[صلاتي حياتي]

ماتخافي اختي وماتشغلي بالك ابدا كلنا سوينا نفس الحركات وخجلنا واستحينا ونزلنا راسنا عادي وكما ذكرت الاخت اذا نصيبك راح تاخذيه وانت صليتي استخارة ماتقلقي ابدا التوكل ع الله وادع يجيبلك اللي فيه الخير يارب حتى لو مر شهر ماتخافي وماتستعجلي راح يخبروك

 

[B بسمهـ B]

كل عايله تختلف

بعضهم بنفس الوقت يرد عليك


وبعضهم يومين...وبعضهم اسبوع الى اسبوعين

كم صار يوم لشوفتك؟

 

[بلقيس بلس]

اولاً:اكثري من الاستخااااااااااره أكثررررررررري ..

ثانياً :أنا شافني من هنا وهف مناااااااااك فوق الاسبوع او يزيد

ولاتسألى عن حالي بنار موهم بالزواج لا

لان عادتنا حنا نرد بنفس الشوفه هم لا طلعوا غير

وبعد اسبوع وشوي طالعوا اخوانا في الله مسافرين للبحر زمستانسين الله يهنيهم

وبكل برود الام ترانا نبي البنت ..بدري

ههههههههههههههه

يعني على حسب ياقلبي مانقدر نحدد

لكن عليك بالاستخاااااااااااااااااارة فهي أنك تسألين الله

فشأنها عظيم عظظظظظظظظظظظيم

ولو ماصار شيء زال عن أبرك منه

هههههه يوم بعد الشوفه أمي أشد مني اعصابها متفحمه كل مافتحت الموضوع

معاي قلت يمه لو ماكتب ربي شيء زال عن أبركه منه ومابعد جاء الا يستاهلني خخخ

هم يعصبون أهلي ماأبرد من خطيبك الا أنت

ههههههههههههههههه

على انها أيام صعبه وفيها شد أعصاب الا أنها راحة سواليف يعني بردي قلب ..سوري على الإطالة

 

[noha23]

هلا بج اختي
والله هذا يختلف على منطقتكم وعادات اهله الي مو شرط تكون مثل عادات اهلج
انتي استخيري ربج ولا تاملين خير ولا تتشائمين شر و مني للشهر بيتحدد كل شي ان شاء الله مااظن بتنطرين اكثر من جذي
موفقه حبيبيتي وربي يكتب لي و لك الخير ويرضينا فيه وكل من رد ورايه امين

 

[حلاة الورد]

حبيبتي حاسه فيك
أنا بالنسبه لي رد من بكرى لكن يختلفون الرجال أحد يرد بعد 4 أيآم وأحد بعد 10 وصدقيني لو نصيبك راح تتيسر أموورك ولاتضيقي صدرك إذا ماعجبتيه خير لك في الدنيا يُحسم الأمر اللحين ولا يحصل بعدين طلاق لاسمح الله والله يكتب لك اللي فيه الخير ..

 

[kyan76]

عادي حبيبتي لاتشيلين هم انا رد في نفس اليوم
لكن مو كل الناس زي بعض انتي ادعي ربك وان شاء الله يكتب لك اللي فيه الخير
بالتوفيق يارب

 

[هيـــــرا]

آآآآآآآآآآآآآآآآآآآآآآآمين يا رب العالمين ...


ادعوا لي يا بنات ان ربي ييسر اموري .. ويصير كل شي فأسرع وقت ..

من شوي امي خذت رايي الأخير ..

قالت عشان لما يتصلون الجماعه تعطيهم الراي

.. ما اخبي عليكم خفت وانا اقول لها رايي ..

قلت توكلي على الله واللي فيه الخير ربي يجيبه انا موافقه :$

فالحين ننتظر اتصالهم ..


دعواتكم يا حبيباتي

 

[الرسميه]

الله يكتب لك الخيره المباركه
على حسب الشخص إن كان عجل ولاموعاجل
فيه منهم يومين وفيه منهم أسبوع وفيه منهم مايرد خير شر
ويكون فص ملح وذاب
وكل هذه الأوقات حصلت لي

أتمنى لك الخير
دمتي بود:32:

 

[هيـــــرا]

تسملون لي حبيباتي ع الردود ..

بس باركوا لي " كل شي اتفركش "

ولله الحمد ^_^